शुक्रबार, मंसिर १६, २०७९
नेपाल समय
डेटलाइन दमौली-४

पलविरुद्ध प्रहरीसँग तीन बलिया प्रमाण, दुर्गेश थापाले पनि दिए सुटुक्क बयान

अनिल यादव , निर्भीकजंग रायमाझी  |  काठमाडौं, शुक्रबार, फागुन २०, २०७८
नेपाल समय

अनिल यादव , निर्भीकजंग रायमाझी

काठमाडौं, शुक्रबार, फागुन २०, २०७८

दमौली– आइतबारदेखि तनहुँ प्रहरीको हिरासतमा रहेका कलाकार पल शाहविरुद्ध प्रहरीले संकलन गरेका तीन प्रमाण पलविरुद्ध लागेको आरोप पुष्टि गर्न बलियो हुने देखिएको छ। 

जिल्ला अदालत तनहुँबाट सात दिनको म्याद लिएर अनुसन्धानमा खटिएको जिल्ला प्रहरी कार्यालय तनहुँको टोलीले पल र पीडित किशोरीबीच भएको एउटा अडियो कुराकानीलाई बलियो प्रमाणका रुपमा अदालतमा पेश गर्ने तयारी गरेको छ। 

सोसल मिडियामा अनेक अडियो छरपस्ट भएका छन् तर, प्रहरीले पलविरुद्ध लागेको नाबालिग जबरजस्ती करणीको आरोप पुष्टि गर्न सहयोग पुग्ने एउटा अडियोलाई प्रमाणका रुपमा पेश गर्ने तयारीमा छ। उक्त अडियोमा पलले पीडित किशोरीतिर संकेत गर्दै स्पष्ट भनेका छन्, ‘यदि उनी प्रेग्नेन्ट भएको भए समस्या हुन्थ्यो, बच्चा भएको भए स्वीकार्ने कि नस्वीकार्ने भन्ने कुरा आउँथ्यो। गर्लफ्रेन्ड–ब्वाइफ्रेन्डबीच अन्डरस्ट्यान्डिङमा केही भयो होला। यति सेफ हिसाबले हुँदा पनि लास्टमा बिहे नै गर्नुपर्छ भन्न मिल्दैन। हामी जिन्दगीभरि सँगै हुन्छौं। म सधैं तिमीसँग बोल्छु, रिप्लाइ गर्छु भइहाल्यो नि ।’

‘यो अडियो सुन्दा पलले किशोरीसँग शारीरिक सम्पर्क राखेको स्पष्ट पुष्टि हुन्छ। त्यसैले अदालतमा जाँदा हामीले यसलाई एउटा बलियो प्रमाण ठानेका छौं,’ तनहुँ प्रहरी स्रोतले भन्यो। 

त्यसो त जाहेरीअनुसार पीडितले जहाँजहाँ आफूमाथि जबरजस्ती करणी भएको आरोप लगाएकी छिन्, त्यहाँ घटनास्थलको मुचुल्का उठाउने, बयान लिने लगायतका काम पनि प्रहरीले गरिरहेको छ। सँगसँगै तनहुँ प्रहरीलाई पलले गरेको कसुर प्रमाणित हुने केही फेसबुक च्याटका स्क्रिनसट पनि प्राप्त भइसकेको छ, जसलाई उसले अदालतमा प्रमाणका रुपमा पेश गर्ने तयारी गरेको छ। 

नाबालिग प्रमाणित 

पलविरुद्ध उजुरी गरेकी पीडित किशोरी नाबालिग नै हुन्? अर्थात् उनको उमेर १८ वर्ष मुनि नै हो भन्नेमा पल पक्षधर एउटा समूहले सोसल मिडियामा अनेक आशंका प्रकट गरिरहेको छ। तनहुँ प्रहरीले अनुसन्धानका क्रममा पीडित किशोरीको उमेर पहिल्याउँदा उनी नाबालिग भएको प्रष्ट देखिएको छ। 

प्रहरीकहाँ आइपुगेको पीडितको जन्मदर्ता अनुसार उनको जन्म मिति २०६२ साउन ३ गते रहेको छ । यसरी हेर्दा गत ०७८ साउनमा उनको उमेर १६ वर्ष पूरा पुगेर १७ मा टेकेको देखिन्छ। 

स्टेज कार्यक्रमका लागि विदेशसमेत पुगेकी पीडित गायिकाको पासपोर्टमा समेत कतिपयले प्रश्न उठाइरहेका छन्। तर, प्रहरीले प्राप्त गरेको पासपोर्टअनुसार पनि उनको उमेर नाबालिग नै देखिएको छ अर्थात्, सन् २००५ जुलाइ १८। 

मुलुकी अपराध संहिता २०७४ को दफा २१९ अनुसार १८ वर्ष नपुगेकी बालिकालाई सहमतिमा पनि यौन सम्पर्क गर्न मिल्दैन। यसरी यौन क्रियाकलाप गरेको देखिएमा जबरजस्ती करणी मानिने व्यवस्था छ। दफा २१९ (२) मा भनिएको छ, ‘कसैले कुनै महिलालाई निजको मन्जुरी नलिई करणी गरेमा वा मन्जुरी लिएर भए पनि अठार वर्षभन्दा कम उमेरको कुनै पनि बालिकालाई करणी गरेमा निजले त्यस्तो महिला वा बालिकालाई जबरजस्ती करणी गरेको मानिन्छ।’

कानुनमा १६ वर्षदेखि १८ वर्ष उमेरकी बालिकासँग यौन सम्बन्ध राखेमा १० देखि १२ वर्षसम्म जेल सजाय हुन सक्ने पनि स्पष्ट उल्लेख छ। त्यसैले यो मुद्दा अदालतमा पुगेपछि पलले पीडित नाबालिग किशोरीसँग शारीरिक सम्पर्क राखेको हो–होइन, त्यसलाई नै हेर्ने हो।

सोसल मिडियामा अनेक अडियो छरपस्ट भएका छन् तर, प्रहरीले पलविरुद्ध लागेको नाबालिग जबरजस्ती करणीको आरोप पुष्टि गर्न सहयोग पुग्ने एउटा अडियोलाई प्रमाणका रुपमा पेश गर्ने तयारीमा छ।

तनहुँ प्रहरी स्रोतअनुसार पीडित किशोरीको मेडिकल रिपोर्ट पनि पलविरुद्ध बलियो प्रमाण हुने देखिएको छ। ‘जन्मदर्ताले पीडित किशोरी नाबालिग देखिएको छ । मेडिकल रिपोर्टले पनि यौन सम्पर्क भएको स्पष्ट देखिएको छ। अडियो कुराकानीमा पलले यौनजन्य कार्य गरेको स्पष्ट संकेत गरेको छ। त्यसैले यी तीनवटै पलविरुद्ध बलियो प्रमाण हुने देखिन्छ,’ प्रहरी स्रोतले भन्यो।

त्यसो त हिरासतमा रहेका पलसँग पनि प्रहरीले निरन्तर बयान लिइरहेको छ। तर, उनले भने आफूले पीडित किशोरीसँग शारीरिक सम्पर्क राखेको स्वीकार गरिरहेका छैनन्। म्युजिक भिडियो सुटिङ अर्थात् कामका क्रममा एउटै घर अर्थात् होटलमा बसेको स्वीकार गरे पनि शारीरिक सम्बन्ध राखेको भने उनले स्वीकार नगरेको प्रहरी स्रोतले जानकारी छ। 

दुर्गेश र सम्राटको पनि बयान 

बुधबार दिउँसो जतिबेला पललाई भेट्न अभिनेत्री पूजा शर्मा जिल्ला प्रहरी कार्यालय तनहुँ प्रवेश गरेकी थिइन्, त्यही बेला पीडितका आमाबुबा पनि त्यहीँ रहेको खबर त हामीले यसअघि नै प्रकाशित गरिसक्यौँ। त्यही समयमा काठमाडौंबाट बयानका लागि गायक दुर्गेश थापा र सम्राट चौलागाईं पनि प्रहरी कार्यालय दमौली आइपुगेका थिए।

बाहिर पल र पूजा समर्थक भीडले दुर्गेशविरुद्ध नाराबाजी गरिरहेको थियो। त्यही कारण प्रहरीले दुर्गेश र सम्राटलाई पूरै संरक्षण दिएर प्रहरी कार्यालयको पछाडिबाट कार्यालयभित्र लगेको थियो। पीडित परिवारले दिएको जाहेरीअनुसार कतिपय घटना र स्थानमा दुर्गेश र सम्राटको पनि उपस्थिति देखिएकाले प्रहरीले उनीहरुलाई बयानका लागि बोलाएको थियो। ‘दुर्गेश र सम्राटको बयान पनि पीडितकै पक्षमा छन्,’ प्रहरी स्रोतले भन्यो। 

जिल्ला प्रहरी कार्यालय तनहुँका प्रवक्ता डीएसपी युवराज खड्काले पल प्रकरण अनुसन्धानको क्रममा रहेकाले तत्काल केही भन्न नमिल्ने बताए। ‘हामीलाई कुनै भीडले प्रभाव गर्दैन, हामी निष्पक्ष अनुसन्धान गर्नेछौं। यसमा ढुक्क हुनुस्,’ उनी सबैलाई आश्वस्त हुन आग्रह गर्छन्।

डेटलाइन दमौली-३

तपाईं को प्रतिक्रिया

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
समाज

आँधीखोला बहुउद्देश्यीय जलविहार परियोजना निर्माणका लागि वालिङ नगरपालिका र निफ्राबीच सम्झौता

वालिङस्थित आँधीखोलामा बाँध बाँधेर जलाशय निर्माण गर्ने र सोही जलाशयमा जलविहार गर्ने मुख्य उद्देश्यसहित अगाडि बढाइएको आँधीखोला बहुउद्देश्यीय जलविहार परियोजना निर्माणका लागि वालिङ नगरपालिका र निफ्राबीच बुधबार काठमाडौँमा समझदारीपत्रमा हस्ताक्षर भएको हो।
नेपाल समय
समाज

कीर्तिपुरमा सात गाउँले जात्राको रौनक

परम्पराअनुसार सातगाउँका शक्तिपीठमध्ये बल्खुकी विष्णुदेवीलाई आमा र मच्छेगाउँ, बोसीगाउँ, सतुंगलका शक्तिपीठ र भैरवलाई उनका सन्तान मानिन्छ।
नेपाल समय
समाज

झोलुंगे माग्दा बित्यो १५ वर्ष

पश्चिम जाजरकोटको जुनिचाँदे गाउँपालिका–४ र ११ मा पर्ने सिउरेनी खोला आउजाउ गर्न झोलुंके पुल निर्माणका लागि स्थानीय माग गर्दै आए पनि अहिलेसम्म बनेन।
नेपाल समय
समाज

रवि लामिछानेको नागरिकता विवादबारे प्रहरीले थाल्यो अनुसन्धान

चितवन क्षेत्र नम्बर २ बाट प्रतिनिधिसभा सदस्यमा निर्वाचित राष्ट्रिय स्वतन्त्र पार्टीका अध्यक्ष रवि लामिछानेको नागरिकता विवादबारे प्रहरीले अनुसन्धान सुरु गरेको छ।
नेपाल समय
समाज

काठमाडौं महानगरको निर्णय, सार्वजनिक सम्पत्तिको हानिनोक्सानी गर्नेबाटै क्षतिपूर्ति असुलिने

महानगरभित्रका सरकारी, सार्वजनिक तथा सामुदायिक सम्पत्तिको संरक्षण गर्ने दायित्व महानगरकै भएकाले कुनै पनि संघ–संगठन, निकाय, समूह, व्यक्ति वा अन्य जोकसैलाई सरकारी सम्पत्तिको नोक्सानी गर्न निषेध।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना