मंगलबार, मंसिर १३, २०७९
डेटलाइन दमौली-२

हिरासतभित्र कसरी राखिएका छन् पल शाह?

अनिल यादव , निर्भीकजंग रायमाझी  |  काठमाडौं, बुधबार, फागुन १८, २०७८

नेपाल समय

अनिल यादव , निर्भीकजंग रायमाझी

काठमाडौं, बुधबार, फागुन १८, २०७८

नेपाल समय

नाबालिग किशोरीलाई करणी गरेको आरोपमा पक्राउ परेका कलाकार पल शाह अहिले दमौलीस्थित जिल्ला प्रहरी कार्यालय तनहुँको न्यायिक हिरासतमा छन्। फरार भएको चार दिनपछि आफैं प्रहरी सम्पर्कमा पुगेका शाहलाई आइतबार दिउँसो तीन बजेदेखि अदालतबाट सात दिनको म्याद थपेर हिरासतमा राखिएको छ।

हिरासतमा रहेको आज बुधबार चौथो दिन। बाहिर धेरैको अनुमान छ– स्टार कलाकारको छवि बनाइसकेका पललाई हिरासतभित्र पक्कै फरक व्यवहार गरिएको छ। धेरैलाई लागेको छ, हिरासतभित्र उनलाई अरु थुनुवाभन्दा अलग्गै राखेर अनुसन्धान गरिएको होला।

के साँच्चै तनहुँ प्रहरीले पललाई बाहिर गसिप चलेझैं फरक ‘ट्रीट’ गरिरहेको छ त?

यही जिज्ञासासहित मंगलबार साँझ हामी जिल्ला प्रहरी कार्यालय तनहुँ पुगेका थियौं। जवाफमा प्रहरी कार्यालयका प्रवक्ता डीएसपी युवराज खड्काले भने, ‘कानुनको आँखामा कोही स्टार वा सेलिब्रेटी हुँदैन। हाम्रा लागि पल अभिनेता होइनन्, अभियुक्त हुन्। त्यसैले यहाँभित्र अरु थुनुवालाई जस्तो व्यवहार हुन्छ, उनलाई पनि त्यही गरिरहेका छौं।’

डीएसपी खड्काका अनुसार पल अरु थुनुवा राखिएकै हिरासतभित्र छन्, उनलाई कुनै अलग सुविधा प्रदान गरिएको छैन।

थुनाभित्रका ‘साथी’

रिल लाइफमा त पल हातमा हत्कडी लगाएर धेरैपटक अभियुक्त बने होलान्, हिरासत पनि बसे होलान्। तर, यसपटक रियलमै उनी यो चरित्र बाँचिरहेका छन्। चार दिनयता अँध्यारो हिरासतको भुइँमा अन्य थुनुवासरह बसिरहेका छन् उनी।

उनी बसेको पुरुष थुनुवा थुनिने हिरासतमा अहिले कतिजना थुनुवा छन्? हाम्रो जिज्ञासामा डीएसपी खड्काले दिएको जानकारीअनुसार अहिले पुरुष हिरासतमा थप तीनजना थुनुवा छन्। पहिलो हुन्, कर्तव्य ज्यान मुद्दाका दुर्गाबहादुर परियार। तनहुँस्थित व्यासकै एक व्यक्तिलाई आक्रमण गरेर लुटेको अभियोगमा उनी त्यहाँ थुनिएका छन्।

दोस्रो छन्, लागु पदार्थ दुर्व्यसनको मुद्दामा अनुसन्धारत सुन्दर विक। अनि तेस्रो, सवारी ज्यान मुद्दा खेपिरहेका चालक लिला बहादुर सुनुवार। हिरासतभित्र पलसँग रहेका  साथीहरु यिनै हुन्। ‘तर, पल अरु थुनुवाहरुसँग खासै गफिएका छैनन्, जतिखेर पनि झोक्राइरहेका हुन्छन्,’ प्रहरी स्रोतले भन्यो, ‘आफूमाथि लागेको कसुरबारे पनि खासै कुरा गर्न चाहँदैनन्। अब त बाहिरबाट भेट्न आउने मान्छेसँग पनि झर्को मान्न थालेका छन्। आमा बुबाबाहेक अरुसँग भेट्दिन भन्न थालिसके।’

यतिखेर फिल्म हलहरुमा पल अभिनित फिल्म ‘म यस्तो गीत गाउँछु–२’ चलिरहेको छ। फिल्मका निर्देशक सुदर्शन थापा मंगलबार दिउँसो ‘भाइ भेट्न’ भन्दै श्रीमती सुप्रिया कटुवालसँगै उनी दमौली आइपुगेका थिए। दुवैले हिरासतभित्र रहेका पललाई भेटेपछि बाहिर मिडियासँग ‘पल कन्फिडेन्ट रहेको’ प्रतिक्रिया दिए। तर, प्रहरी स्रोत भन्छ, ‘उनी बाहिर भनिएजस्तो कन्फिडेन्ट देखिँदैनन। पूरै निराश छन्। जतिखेर पनि झोक्राइरहन्छन्।’

प्रहरीसमक्ष आत्मसर्मपण गर्नुअघि पलले एक भिडियो सार्वजनिक गर्दै प्रहरीसँग एकपटक दर्शकसँग आफ्नो फिल्म हेर्ने प्रबन्ध मिलाइदिन अनुरोध गरेका थिए। उनको आग्रह थियो– ‘नेपाली फिल्म दर्शकसँग बसेर हेर्ने तीन–चार वर्षदेखिको सपना थियो। मैले सुनेअनुसार शुक्रबार र शनिबार फिल्मले राम्रो व्यापार गरेको छ रे। त्यसमा खुसी लागेको छ। मेरो एउटा इच्छा छ। अब सम्भव हुन्छ कि हुँदैन, एकचोटि दर्शकसँग बसेर ‘म यस्तो गीत गाउँछु २’ हेर्न चाहन्छु। सम्भव भयो भने एकचोटिलाई यो मौका मिलाइदिनु होला।’

उनले भिडियोमार्फत राखेको यो आग्रह प्रहरी कार्यालय पुगेपछि पनि राखे त?

जवाफमा डीएसपी खड्काले हाँस्दै जवाफ फर्काए, ‘हामीसँग त त्यस्तो भनेका छैनन्। भने पनि त्यो सम्भव कुरा होइन।’

हिरासतमा रहेको आज बुधबार चौथो दिन। बाहिर धेरैको अनुमान छ– स्टार कलाकारको छवि बनाइसकेका पललाई हिरासतभित्र पक्कै फरक व्यवहार गरिएको छ। धेरैलाई लागेको छ, हिरासतभित्र उनलाई अरु थुनुवाभन्दा अलग्गै राखेर अनुसन्धान गरिएको होला।

जबरजस्ती करणी गम्भिर प्रकृतिको मुद्दा हो। यस्तो अभियोगमा हिरासत परेका अभियुक्तले त्यस्तो आग्रह गर्नु आफैंमा हास्यास्पद रहेको उनको आशय थियो।

धेरैलाई लागेको हुनसक्छ, ‘पल शाह त हिरो हुन्, उनलाई हिरासतभित्र पनि ‘भीआईपी खाना’ खुवाइएको होला या बाहिरबाट ल्याउने सुविधा दिइएको होला।’ तर, डीएसपी खड्काका अनुसार अरु थुनुवालाई जे खुवाइन्छ, उनलाई पनि त्यही खाना दिइन्छ। ‘कोभिडका कारण बाहिरबाट खाना ल्याउन दिएका छैनौं,’ उनले भने।

पलमाथि लागेको आरोप  

पलले नाबालिग किशोरीमाथि विभिन्न प्रलोभन देखाएर पटकपटक जबरजस्ती करणी गरेको आरोप छ। पीडित परिवारले उनीमाथि जिल्ला प्रहरी कार्यालय तनहुँ र नवलपुरको इलाका प्रहरी कार्यालय गैँडाकोटमा जाहेरी दिएको छ। दुवै स्थानमा शारीरिक शोषण भएकाले दुवैतिर जाहेरी दिइएको बुझिएको छ।

पलविरुद्ध परेको जाहेरीमा उनले विभिन्न स्थानमा गरेको यौन शोषण मितिसहित उल्लेख गरिएको छ। पीडित परिवारले गत बुधबार जिल्ला प्रहरी कार्यालय तनहुँमा दिएको जाहेरीमा विगत तीन महिनादेखि छोरीले काममा मन नलगाएर एकोहोरो बस्न थालेपछि त्यसको कारण खोतल्दै जाँदा पल शाहले देखावटी मायाप्रेमको बहाना गर्दै जबरजस्ती करणी गरेको उल्लेख छ।

पलले ती नाबालिग गायिकासँग विभिन्न गीतको सुटिङ गर्ने क्रममा पोखरा, चितवन, बागलुङ, तनहुँ समेतका स्थानमा सुटिङ सकिएपछि राति होटलमा बास बस्ने क्रममा पटकपटक जबरजस्ती करणी गर्न खोजेको आरोप पनि जाहेरीमा लगाइएको छ।

पीडितका बुबाले दिएको जाहेरीमा पलले ०७७ चैत ३१ गते बागलुङको गलकोट महोत्सव जाने–आउने क्रममा ती नाबालिगमाथि गाडीमा सँगै बसेर यात्रा गर्ने क्रममा संवेदनशील अंग चलाउने, जिस्क्याउने, समात्नेजस्ता कार्य गरेको समेत उल्लेख छ। जाहेरीमा उल्लेख भएअनुसार त्यतिबेला उक्त यात्रामा पलसँगै कलाकारहरु दुर्गेश थापा, योगेश काजी, सम्राट चौलागाई र कृष्ण जोशी पनि थिए।

त्यसपछि गत वैशाख १४ गते पोखराको एक घरमा रहेका बेला पलले मदिराको तालमा ती नाबालिग बसेको कोठामा गएर ललाईफकाई ‘बिहे गर्छु, धोका दिन्न’ भन्ने विश्वास दिलाई असहमति हुँदाहुँदै जबरजस्ती करणी गरेको आरोप पनि जाहेरीमा लगाइएको छ।

गैँडाकोट प्रहरीमा उजुरी दिनुको कारणचाहिँ गैँडाकोट रिसोर्टमा भएको घटना हो। पीडितले गैँडाकोट प्रहरीसमक्ष दिएको जाहेरीमा आफूमाथि पलले ०७७ चैत ७ गते गैँडाकोट रिसोर्टमा पटकपटक जबरजस्ती करणी गरेको आरोप छ। नेपाल समयले प्राप्त गरेको जाहेरी पत्रअनुसार त्यहाँ उनीहरु गीतको सुटिङका लागि पुगेका थिए, त्यो पनि एक दिनका लागि मात्रै।

तर, पलले सुटिङ पाँच दिनसम्म लम्ब्याई जबरजस्ती करणी गरेको आरोप पीडितले लगाएका छन्।

प्रहरीका अनुसार यो मुद्दामा पल र पीडितको बयान अनुसन्धानको प्रमुख आधार त हुन्छ नै, सँगसँगै घटना अलि पुरानो भएकाले प्रहरीले परिस्थितिजन्य प्रमाणलाई नै अनुसन्धानको मुख्य आधार बनाउनेछ। पलले नाबालिग किशोरीसँग यौनजन्य गतिविधि स्वीकार गरेको अडियोलाई पनि प्रहरीले ल्याबमा जाँच गरेर प्रमाणका रुपमा पेश गर्ने तयारी छ। त्यस्तै, अनुसन्धानका क्रममा प्रहरीले घटना भएको स्थान, त्यहाँ उपस्थित भएका मान्छेसँग पनि बयान लिइरहेको छ।

सजाय के हुन सक्छ?

मुलुकी अपराध संहिता २०७४ को दफा २१९ अनुसार १८ वर्ष नपुगेकी बालिकालाई सहमतिमा पनि यौन सम्पर्क गर्न मिल्दैन। यसरी यौन क्रियाकलाप गरेको देखिएमा जबरजस्ती करणी मानिने व्यवस्था छ। दफा २१९ (२) मा भनिएको छ, ‘कसैले कुनै महिलालाई निजको मन्जुरी नलिई करणी गरेमा वा मन्जुरी लिएर भए पनि अठार वर्षभन्दा कम उमेरको कुनै पनि बालिकालाई करणी गरेमा निजले त्यस्तो महिला वा बालिकालाई जवर्जस्ती करणी गरेको मानिन्छ।’

अधिवक्ता अरुण पौड्यालका अनुसार १६ वर्षदेखि १८ वर्ष उमेरकी बालिकासँग यौन सम्बन्ध राखेमा १० देखि १२ वर्षसम्म जेल सजाय हुन सक्ने कानुनी व्यवस्था छ। ‘त्यसैले पलले पीडित किशोरीमाथि शारीरिक सम्पर्क राखेको प्रमाणित भयो भने उनीमाथि कानुनमा व्यवस्था भएअनुसार यो सजाय हुनसक्छ,’ उनले भने।

(नेपाल समय टिम दमौलीमा छ। हामी यहाँ केके भइरहेको छ निरन्तर अपडेट गर्नेछौं। नेपाल समय हेर्दै गर्नुहोला)

डेटलाइन दमौली-१

पल शाह प्रकरणलाई यसरी गिजोल्दैछन् युट्युबर र कथित अभियन्ता






प्रकाशित: March 2, 2022 | 11:51:24 काठमाडौं, बुधबार, फागुन १८, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
समाज

दल र स्वतन्त्रले निर्वाचनमा प्रयोग गरे बालबालिका

बालबालिका र विद्यालय शान्ति क्षेत्र अवधारणाको व्यावहारिक कार्यान्वयन अझै प्रभावकारी हुन नसकेको भन्दै उनले मतदानस्थलका लागि विद्यालयको विकल्प खोज्न जरुरी रहेको धारणा राखे।
नेपाल समय
समाज

स्याउको बिरुवामै भ्रष्टाचार!

मुगुको छायानाथ रारा नगरपालिकाले आव २०७५/७६ मा सञ्चालन गरेको कार्यक्रममा बिरुवा खरिदका लागि वास्तविक लागतभन्दा बढीको नक्कली बिल बनाएर भ्रष्टाचार गरेको पाइएपछि अख्तियारद्वारा विशेष अदालतमा मुद्दा दायर।
नेपाल समय
समाज

थापाथलीको सुकुम्बासी बस्ती पस्यो महानगरको डोजर, स्थानीयले गरे ढुंगामुढा

अनधिकृत रूपमा बागमती नदी किनारमा कब्जा जमाएर बसेको समूहले वैकल्पिक व्यवस्थाबिनै हटाउन थालेको भन्दै महानगरको टोलीमाथि ढुंगामुढा गरेको हो।
नेपाल समय
समाज

छुट्टाछुट्टै सवारी दुर्घटनामा तीन जनाको मृत्यु

देशका विभिन्न स्थानमा भएका छुट्टाछुट्टै सवारी दुर्घटनामा तीन जनाको ज्यान गएको छ।
नेपाल समय
समाज

धनकुटामा ४ म्‍याग्निच्यूडको भूकम्प

धनकुटा केन्द्रविन्दू बनाएर आज भूकम्प गएको छ। सोमबार बिहान १० बजेर ४५ मिनेटमा भूकम्प गएको राष्ट्रिय भूकम्प मापन केन्द्रले जनाएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना