शनिबार, मंसिर १८, २०७८
  • गृहपृष्ठ
  • समाज
  • एमबीबीएस पढ्दै गरेका विद्यार्थी सेनाको मेडिकल कलेजबाट ५७ दिनदेखि बेपत्ता

नेपाल समय

एमबीबीएस पढ्दै गरेका विद्यार्थी सेनाको मेडिकल कलेजबाट ५७ दिनदेखि बेपत्ता

अनिल यादव  |  काठमाडौं, बिहीबार, कार्तिक ११, २०७८
अनिल यादव

अनिल यादव

काठमाडौं, बिहीबार, कार्तिक ११, २०७८

काठमाडौं– नेपाली सेनाको स्वास्थ्य विज्ञान प्रतिष्ठानमा अध्ययनरत एक विद्यार्थी ५७ दिनदेखि बेपत्ता रहेको पाइएको छ। भूतपूर्व सैनिक दानबहादुर शाहीका छोरा राजेश शाही मेडिकल कलेजको होस्टेलबाटै बेपत्ता भएका हुन्। अहिलेसम्म यो सूचना सेना र प्रहरीले गुपचुप नै राखेको थियो। 

दैलेखस्थित गुराँस गाउँपालिका घर भएका राजेश काठमाडौंको भण्डारखाल सानो  भर्याङमा रहेको सैनिक मेडिकल कलेजमा एमबीबीएस चौथो सेमेस्टरमा अध्ययन गरिरहेका थिए। बुबा दानबहादुरका अनुसार २५ वर्षिय राजेश भदौ १७ गतेदेखि नै होस्टेलबाट बेपत्ता भए पनि आफूलाई त्यसको पाँच दिनपछि मात्रै छोरा हराएको खबर आयो। 

बेपत्ता भएको खबर पाएयता छोरा खोजिदिन बुबा दानबहादुर प्रहरीदेखि सेनाको शरणसम्म पुगिसकेका छन्। प्रधानसेनापतिसम्मलाई उनले निवेदन दिएका छन्। तर, अहिलेसम्म कुनै ‘क्लु’ मिल्न सकेको छैन। 

होस्टेलका वार्डेनदेखि प्रशासनसम्मको लापरवाहीका कारण छोरा बेपत्ता भएको भन्दै आवश्यक छानविन र अनुसन्धान गरिदिन पीडित परिवारले प्रहरीदेखि सेनासम्म निवेदन दिएको छ। महानगरीय प्रहरी परिसर काठमाडौंका प्रमुख एसएसपी अशोक सिंहले आफूहरु राजेशको खोजीमा जुटरहे पनि कुनै संकेत भेट्न नसकेको बताए।

बेपत्ता भएको खबर पाएयता छोरा खोजिदिन बुबा दानबहादुर प्रहरीदेखि सेनाको शरणसम्म पुगिसकेका छन्। प्रधानसेनापतिसम्मलाई उनले निवेदन दिएका छन्। तर, अहिलेसम्म कुनै ‘क्लु’ मिल्न सकेको छैन। 

नेपाली सेनाका प्रवक्ता सहायक रथी सन्तोषबल्लभ पौडेलले प्रहरीसँगको समन्वयमा राजेशको खोजी भइरहेको बताए। ‘चौथो सेमेस्टरको जाँच दिएर होस्टेलबाट बाहिर निस्केका राजेश फिर्ता नआएपछि हामीले खोजखबर गरेका थियौं। केही पत्ता नलागेपछि प्रहरीलाई जानकारी गरायौं। अहिले प्रहरीले खोजबिन गरिरहेको छ। हामी पनि प्रहरी र परिवारसँगको समन्वयमै छौं,’ प्रवक्ता पौडेलले भने। 

सैनिक स्रोतका अनुसार राजेश बिहान सात बजेतिरको समयमा होस्टेलबाट बाहिर निस्किएको सिसिटिभी फुटेजमा देखिएको छ, तर फुटेजमा राजेश प्रस्ट रुपमा चिनिएका छैनन्। 

सेनाको मेडिकल कलेजबाटै विद्यार्थी बेपत्ता भएको ५७ दिन भइसक्दा पनि केही पत्ता नलाग्दा प्रहरी र सेनाको अनुसन्धानमै शंका उत्पन्न भएको छ। ‘छोराको खोजीमा गाउँबाट सहर धाएको महिनौँ भइसक्यो तर अहिलेसम्म केही अत्तोपत्तो छैन। सेना–प्रहरी सबैले खोजिरहेको भन्नुहुन्छ तर केही जानकारी आएको छैन। छोरो डाक्टर बन्छु भन्थ्यो, कहाँ गयो होला, के गर्दै होला थाहा छैन,’ बुबा दानबहादुरले भक्कानिँदै छोरा खोजिदिन सबैसँग आग्रह गरिरहेका छन्।

अनिल यादव

अनिल यादव

काठमाडौं, बिहीबार, कार्तिक ११, २०७८

थप समाचार

देशमा पश्चिमी वायुको प्रभाव, कस्तो रहला आजको मौसम?

हाल देशमा पश्चिमी वायुको सामान्य प्रभाव रहेको छ। मौसम पूर्वानुमान महाशाखाका अनुसार हाल प्रदेश १ र प्रदेश २ लगायत अन्य प्रदेशका पहाडी भूभागमा आंशिक बदली र बाँकी भूभागमा मौसम सामान्यतया सफा रहेको छ।

आगलागीबाट ७० लाख बराबरको क्षति

सुनसरीको धरान उपमहानगरपालिका-६ मा आगलागी हुँदा एक घर पूर्ण रूपमा जलेर नष्ट भएको छ।

ज्येष्ठ नागरिकमैत्री सञ्चार निर्देशिका बनाउँदै काउन्सिल

ज्येष्ठ नागरिकका सम्बन्धमा कतिपय मिडियामा अपमानजनक भाषा प्रयोग भइरहेको भन्दै काउन्सिल अध्यक्ष बालकृष्ण बस्नेतको अध्यक्षतामा बसेको पछिल्लो बोर्ड बैठकले ज्येष्ठ नागरिकमैत्री सञ्चार निर्देशिका बनाउने निर्णय गरेको काउन्सिल प्रवक्ता दीपक खनालले जानकारी दिए।

कोइलावास : 'गुलजार'देखि भग्नावशेषसम्म

नसुत्ने' शहरको रूपमा चिनिन्थ्यो। तर, अहिले मृत प्राय: छ। राप्तीको प्रमुख प्रवेशद्वार मानिने कोइलावास नाका अहिले भने चहजपहल नाका ‘मृत शहर' जस्तै बनेको छ।

स्नातकमा ग्रामीण विकास पढ्ने नायिका करिस्माको रहर

‘म अब ग्रामीण विकास लिएर पढ्ने इच्छा छ’, उनले भनिन्, ‘यही कलेज (किटनी कलेज)मा ग्रामीण विकास छ कि छैन। बुझ्नुपर्नेछ।’

२०७८ सालको अन्तर्दृष्टि पुरस्कार घोषणा

देशभरका समावेशी शिक्षा सञ्चालित विद्यालयमा कक्षा ८ देखि १० सम्म अध्ययन गर्ने विद्यार्थीहरूको सर्वेक्षणका आधारमा 'अन्तर्दृष्टि नमुना शिक्षक पुरस्कार' तथा 'अन्तर्दृष्टि हातेमालो पुरस्कार'का लागि एक शिक्षक र एक विद्यार्थी छनोट गरिएको हो।

ट्रेंडिंग

नेपाल समय
प्रदेश न. २

प्रदेश २ : पौडेल पक्ष चुनावी दौडबाटै 'आउट', निधि र देउवा गुट प्रतिस्पर्धामा

देउवा गुटबाट उम्मेदवार खुलेपछि प्रदेश २ मा सभापति देउवा र उपसभापति निधिको बाटो फरक भएको थप स्पष्ट भएको छ। २ आकांक्षीले देउवा निकटका उम्मेदवारलाई समर्थन जनाएपछि उपसभापति निधिका उम्मेदवार रामसरोज एक्लिएका हुन्।
नेपाल समय
राजनीति

देउवा-सिटौला सहकार्य महाधिवेशनमा कति सम्भव?

सिटौला पक्षीय नेता भीमसेनदास प्रधानले यसअघि दिँदै आएका अभिव्यक्ति र तल्लो तहमा बनेका समीकरण आधार हुन्। प्रधानले आगामी महाधिवेशनपछि सिटौला कांग्रेसको कार्यवाहक सभापति हुने बताउँदै आएका छन्।
नेपाल समय
स्वास्थ्य/जीवनशैली

ओमिक्रोनको जोखिम : ९ देशबाट नेपाल आउन रोक

पछिल्लो समय कोरोना भाइरसको ओमिक्रोन भेरियन्ट देखिएपछि सरकारले सजगताका लागि ती देशबाट आउने यात्रुमाथि प्रतिबन्ध लगाएको हो।
नेपाल समय
राजनीति

लिङ्देनसँग लड्न यसकारण सजिलो छैन कमल थापालाई

कठिन परिस्थितिहरुमा सतिसाल जसरी थापाको पक्षमा उभिएका यिनै लिङ्देन अहिले थापासँग लड्दैछन्।
नेपाल समय
शिक्षा

आन्तरिक प्रतिस्पर्धाबाट स्थायी गर्ने निर्णय तत्काल खारेज गर्न विद्यार्थी संगठनको माग

त्रिभुवन विश्वविद्यालयका कुलपति तथा प्रधानमन्त्रीसमेतको त्रिवि सभा बैठकले गत मंगलबार १० वर्षदेखि करारमा कार्यरत प्राध्यापकलाई आन्तरिक प्रतिस्पर्धाबाट स्थायी गर्ने निर्णय गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C