सोमबार, माघ २३, २०७९

राजनीतिक चोकमा नेता नेपाल, लड्ने कि अलग हुने?

बीपी अनमोल  |  काठमाडौं, शुक्रबार, साउन १, २०७८

बीपी अनमोल

बीपी अनमोल

शुक्रबार, साउन १, २०७८, काठमाडौं

नेपाल समय

काठमाडौं– आन्तरिक विवाद समाधानका लागि दसबुँदे सहमतिपछि उत्साहित एमाले कार्यकर्ता विकसित राजनीतिक घटनाक्रमका कारण निराश बनेका छन्।  सर्वोच्च अदालतको परमादेशबाट अध्यक्ष केपी शर्मा ओली नेतृत्वको सरकार ढल्नुअघिसम्म मिल्नमिल्न लागेको एमाले विवाद कांग्रेस सभापति शेरबहादुर देउवाको नेतृत्वमा सरकार बनेपछि झन् बढेको छ। 

विवाद बढ्दै गए पनि अध्यक्ष ओली पक्ष आफ्नै तरिकाले बैठक सञ्चालन गर्दै अघि बढेको छ भने  नेपाल पक्ष संघर्ष गरेर सँगै रहने वा अलग हुने भन्ने अन्योलमा छ। यी घटनाक्रमका कारण दसबुँदे सहमतिको मात्र होइन, सिंगो एमालेकै भविष्य अन्योलमा परेपछि कार्यकर्ता निराश बनेका हुन्।

यसबीचमा एमाले अध्यक्ष ओलीले बालकोटस्थित निवासको बार्दलीबाट वरिष्ठ नेता माधवकुमार नेपाललाई अब पार्टीमा ठाउँ नरहेको भन्दै ललकारेका छन्। यसपछि पार्टी एकतामा प्रक्रियामा बढेको अन्योल वरिष्ठ नेता नेपालले देउवा सरकारलाई विश्वासको मत दिने वचन दिएपछि झन् चुलिएको छ। अझ शुक्रबार एमाले स्थायी कमिटी बैठक नेपाल पक्षले बहिष्कार गर्नु र बैठकले कार्यदल भंग गरेपछि एकता प्रक्रिया तत्कालका लागि स्थगितजस्तै देखिएको छ। 

दसबुँदेमा असन्तुष्ट भए पनि आशावादी थिए नेपाल

असार २७ गते एमाले विवाद समाधान गर्न गठित कार्यदलले गरेको दसबुँदे सहमति रातारात गरिएको भन्दै एमाले वरिष्ठ नेता नेपालले आपत्ति जनाए। तर त्यही सहमतिकै आधारमा विवाद समाधान गर्दै अघि बढ्न सकिन्छ कि भन्ने झिनो आस उनको थियो। नेपाल निकट एक नेता भन्छन्, ‘रातारात भएको सहमतिमा विरोध हुनु स्वाभाविकै हो। तर लामो गृहकार्यपछि भएको सहमतिले मिलनबिन्दु फेला पर्ने सक्ने आस नेतृत्वमा थियो।’

भोलिपल्ट अर्थात् असार २८ गते सर्वोच्च अदालतले संसद् विघटन बदर गर्दै शेरबहादुर देउवालाई प्रधानमन्त्री नियुक्त गर्न परमादेश दिएपछि एमाले एकताका लागि जारी प्रयास प्रयास थप जटिलतातर्फ धकेलिदिएको छ। 

नेपाललाई पार्टीमा ठाउँ नभएको ओलीको बोली

पार्टीभित्रकै २३ जना सांसदहरुको हस्ताक्षरकै कारण सत्ताबाट बाहिरिनुपर्दा अध्यक्ष ओली आक्रोशमा आउनु स्वाभाविक थियो। बालुवाटारबाट बालकोट पुगेपछि उनले व्यक्त गरेको रोष अदालत र वरिष्ठ नेता नेपालप्रति नै थियो। ‘आफ्नै पार्टीको सरकार ढाल्न अगुवाइ गर्नेलाई एमालेभित्र अब कुनै स्थान छैन,’ ओलीले निवासमा भएका पार्टी कार्यकर्तालाई सम्बोधन गर्दै भनेका थिए, ‘अरु साथीहरु कमजोरी स्वीकारेर आउँछन् भने उनीहरुलाई दलभित्र स्वागत हु नसक्छ तर माधव नेपालाई यहाँ कुनै पनि स्थान छैन।’

ओलीको अभिव्यक्तिले कार्यदलमा भएको सहमति अघि बढ्ला भन्ने विश्वास घटेको कार्यदलमा नेता नेपाल पक्षबाट संयोजक रहेका एमाले उपाध्यक्ष भीम रावलको भनाइ छ।

अध्यक्ष ओलीले माधव नेपालले नै प्रतिपक्षीहरुसँग मिलेर आफ्नो सरकार ढालेको आरोप लगाए। भने, ‘माधव नेपालको गल्ती कमजोरी स्वीकार्ने ठाउँ छैन। उनले नै नै प्रतिपक्षीसँग मिलेर मेरो सरकार ढालेको हो। यस्तालाई स्वीकार्न सकिन्न।’ यसले पनि एमालेभित्रको एकता प्रक्रिया झन् बिथोल्न सघायो। 

नेपाल समूह ओलीले बालकोटमा दिएको अभिव्यक्ति एकता विरोधी भएको बताउँछन्। ओलीको अभिव्यक्तिले कार्यदलमा भएको सहमति अघि बढ्ला भन्ने विश्वास घटेको कार्यदलमा नेता नेपाल पक्षबाट संयोजक रहेका एमाले उपाध्यक्ष भीम रावलको भनाइ छ। उनी भन्छन्, ‘अध्यक्ष ओलीले बालकोटमा दिएको अभिव्यक्तिले झनै असहज बनायो।’ उनको अभिव्यक्ति र त्यसपछि एकलौटी रुपमा पार्टीका बैठक राखेको विषयले एमालेमा भएको सहमतिलाई पनि ओझेलमा पारेको छ।

नेपाल पक्षको बैठक बहिष्कार

अध्यक्ष ओलीले नेपाल पक्षलाई बैठकमा डाक्न भने छाडेका छैनन्। शुक्रबार पनि बसेको स्थायी कमिटी बैठकमा नेपाल पक्षलाई आमन्त्रण गरिए पनि कुनै नेता सहभागी भएनन्। कार्यदलमा रहेका नेताहरु बैठक रोकेर सहमतिका आधारमा अघि बढ्न भन्दै प्रस्ताव लिएर गए पनि ओलीले त्यसलाई अस्वीकार गर्दै बैठकलाई निरन्तरता दिए।

ओली पक्ष मात्रै सहभागी उक्त बैठकले कार्यदलले गरेको दसबुँदे सहमति अनुमोदन गरेको छ। माधव नेपाल पक्षको असहमतिका बीच बसेको बैठकले गरेको निर्णयले पनि एमाले विवादले नयाँ मोड लिने देखिएको छ। 

ओली पक्ष मात्रै सहभागी उक्त बैठकले कार्यदलले गरेको दसबुँदे सहमति अनुमोदन गरेको छ। माधव नेपाल पक्षको असहमतिका बीच बसेको बैठकले गरेको निर्णयले पनि एमाले विवादले नयाँ मोड लिने देखिएको छ। 

शुक्रबार बसेकाे एमाले स्थायी कमिटी बैठक।

बैठक रोक्न गरेको आग्रह ओलीले नटेरेपछि कार्यदलका सदस्यहरुले वरिष्ठ नेता नेपालसँग छलफल गरेका छन्। ‘ओली सुध्रिने कुनै लक्षण देखिएन। भएका सहमतिको मसी नसुक्दै उल्लंघन भयो,’ नेपाल निकट कार्यदलका एक सदस्य भन्छन्, ‘अब हामी गम्भीर रुपमा समीक्षा गरेर अघि बढ्छौं।’ ती नेताका अनुसार अब ओलीसँग संघर्ष गरेर भए पनि पार्टी एकता कायम राख्नुपर्ने पक्षमा छलफल अघि बढाइनेछ। 

पार्टीमा बसेर संघर्ष गर्ने वा अलग हुने दुई विकल्प

शेरबहादुर देउवालाई प्रधानमन्त्री बनाउन सर्वोच्चमा दायर रिटमा हस्ताक्षर गरेका पार्टीका सांसदकै कारण अहिलेको परिस्थिति उत्पन्न भएको ओलीको बुझाइ छ। जनादेशबाट नभई परमादेशबाट आफू सरकारबाट बाहिरिनुपरेको बताउँदै आएका ओली नेपाल पक्षले देउवालाई विश्वासको मत दिने आश्वासन दिएपछि थप सशंकित बनेका छन्। उनी निकटका नेता पनि सहमतिको औचित्य नरहेको बताउँछन्। प्रवक्ता ज्ञवालीले पटकपटक आग्रहमा स्थगित गरिँदै आएको भन्दै सधैं बैठक रोकेर बस्न नसकिने बताउँछन्। 

ओली पक्षीय नेता एवम् प्रमुख सचेतक विशाल भट्टराई असन्तुष्ट भएर पार्टीका बैठकमा सहभागी नभएका नेताहरुको हकमा अर्को बैठकमा उपस्थित हुने वातावरण पार्टीले पहल गर्ने बताउँछन्।

एमाले उपाध्यक्ष एवम् माधव नेपाल निकट नेतृ अष्टलक्ष्मी शाक्य एमाले जटिल मोडबाट अघि बढिरहेको बताउँछिन्। उनी भन्छिन्, ‘अहिले हामी निकै जटिल अवस्थाबाट गुज्रिरहेका छौं। पार्टी अध्यक्षको अभिव्यक्ति र कार्यशैलीले वातावरण बिथोलिएको छ,’ उनले भनिन्, ‘अब कसरी अघि बढ्ने भन्ने ठोस निष्कर्षमा पुगिसकेका छैनौं।’ 

उनले अहिले आफूहरुका अगाडि एमालेभित्रै रहेर संघर्ष गर्ने वा अलग हिसाबले अघि बढ्ने भन्ने दुईवटा मात्रै विकल्प रहेको बताइन्। यस यसबारे गहन छलफल हुने उनको बुझाइ छ।

ओली पक्षीय नेता एवम् प्रमुख सचेतक विशाल भट्टराई असन्तुष्ट भएर पार्टीका बैठकमा सहभागी नभएका नेताहरुको हकमा अर्को बैठकमा उपस्थित हुने वातावरण पार्टीले पहल गर्ने बताउँछन्। उनका अनुसार त्यो कसरी सम्भव हुन्छ भन्ने अझै प्रस्ट भइसकेको छैन। सर्वोच्च अदालतको फैसलालाई स्वागतयोग्य भनेको माधव नेपाल पक्ष र त्यही फैसलाको चर्को विरोध गरेर सडक प्रदर्शन गरेको ओली पक्षबीच एकता प्रक्रियाले नयाँ मोड लेला भन्ने अवस्था देखिएको छैन।  


प्रकाशित: July 16, 2021 | 16:44:00 काठमाडौं, शुक्रबार, साउन १, २०७८

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
समाज

पर्यटकलाई लोभ्याउँदै बाघको मूर्ति

रामपुर नगरपालिका–६ स्थित कालीगण्डकी नदीको किनारमा हालै निर्माण भएको बाघको मूर्ति यतिबेला पर्यटकको आकर्षणको केन्द्र बनिरहेको छ। यहाँ दैनिकजसो अवलोकन गर्न जाने, फोटो खिच्ने, टिकटक बनाउने, भिडियो खिच्नेको उत्साह छ । नदीको किनार भएकाले पनि अन्य ठाउँको तुलनामा यहाँ घुम्न जानेहरू बढ्न थालेका छन्।
नेपाल समय
समाज

रासायनिक मल उपलब्ध गराउन सरकारसँग चिया उद्योगीको माग

नेपालमा चियाको सर्वाधिक खेती र उत्पादन हुने जिल्ला हो झापा। राजमार्गबाट गुड्दा होस् या ग्रामीण क्षेत्र डुल्दा नै किन नहोस्, चियाका बुट्टा र कारखाना प्रशस्त देख्न पाइन्छ। हजारौँ मजदुर र किसान यसमा आश्रित छन्।
नेपाल समय
समाज

शान्ति मिसनबाट फिर्ता सवारी साधन दर्ता गर्न सेनाद्वारा माग

विश्व शान्ति कार्यका लागि द्वन्दग्रस्त मुलुकमा खटिने क्रममा खरिद गरी कार्यदेश पुरा भएपछि स्वदेश ल्याइएका तथा विभिन्न समयमा चीन सरकारबाट उपहार स्वरुप सहयोग प्राप्त सवारी साधन दर्तामा सहयोग पुर्‍याउन सेनाले माग गरेको हो।
नेपाल समय
समाज

एम्बुलेन्स नहुँदा बिरामीलाई अस्पताल पुर्‍याउनै समस्या

एम्बुलेन्स नपाउँदा म्याग्दीका बिरामीलाई अस्पताल पुर्‍याउन समस्या हुन थालेको छ। सदरमुकाममा रहेको बेनी अस्पतालमा भएको एम्बुलेन्स पुरानो भएर बिग्रन थालेपछि ‘रिफर’ भएका बिरामीलाई समस्या भएको हो।
नेपाल समय
समाज

'पाँच वर्ष भयो, कति सास्ती खेप्ने'

तुलसीपुर उपमहानगरपालिका वडा नं ६ मोतिपुर निवासी रिता रिजालको घर भित्रै सडकको धुलो पस्छ। धुलोले आँखा रसाउने, छाति दुख्ने समस्या हुन्छ नै। खाने कुरामा पनि धुलो पस्दा थप पीडा बनाउने गर्छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना