सोमबार, माघ २३, २०७९

विप्लव समूहको जोड जनमत संग्रहमा, नेता बास्तोला भन्छन्– शासन प्रणाली नफेरेसम्म मुलुकले निकास पाउँदैन

बीपी अनमोल  |  काठमाडौं, बिहीबार, असार ३१, २०७८

बीपी अनमोल

बीपी अनमोल

बिहीबार, असार ३१, २०७८, काठमाडौं

नेपाल समय
dharmendra bastola

नेत्रविक्रम चन्द ‘विप्लव’ले नेतृत्व गरेको नेपाल कम्युनिष्ट पार्टी प्रतिबन्ध फुकुवापछि खुला राजनीतिमा आएको एक चार महिना बितिसकेको छ। बृहत् कम्युनिष्ट एकता र अहिलेको व्यवस्थाले मुलुकलाई निकास नदिने भन्दै यो पार्टीले आफ्नो राजनीतिक कार्यदिशा अघि सारेको छ।

पछिल्लो समय अन्य राजनीतिक दलका नेताहरूसँग संवाद पनि गरिरहेको छ। यसै विषयमा नेपाल कम्युनिष्ट पार्टीका सचिवालय सदस्य धर्मेन्द्र बास्तोलासँग हामीले संक्षिप्त कुराकानी गरेका छौं।

पछिल्लो समय राजनीतिक भेटवार्ता बाक्लिएको छ। यसलाई कसरी बुझ्ने?

हामीले सबै पार्टीहरूसँग छलफल गर्ने हो। देशको राजनीतिक समस्या समाधानका निम्ति छलफल चलाउने नै हो। त्यसैले हाम्रो भेटघाट भएको हो ।

माओवादी केन्द्रका अध्यक्ष प्रचण्डसँग भएको भेटवार्तामा माओवादी एक ठाउँमा आउन सक्ने विषयमा पनि छलफल भएको हो?

उहाँसँगको छलफल त अघिल्लो सरकारसँग भएको तीन बुँदे सहमतिका विषयमा केन्द्रित थियो। हाम्रो पार्टीको नीति भनेको बृहत् कम्युनिष्ट एकता बनाउनुपर्छ भन्ने हो। संसदीय प्रणालीभन्दा माथि उठेर मात्रै यो सम्भव छ। यसबारे नै अब हाम्रो छलफल र संवाद अघि बढ्छ।

बृहत् कम्युनिष्ट एकता सम्भव छ?

भावनाका हिसाबले हामीले जे भन्दै आएका छौं, त्यही नेताहरुले पनि बोलेको सुनिन्छ। तर, त्यसको धर्तीमा त टेक्नुपर्यो नि त। त्यसपछि कसले कति गर्छ भन्ने कुरा त छलफलका क्रममा नै प्रष्ट हुन्छ।

सरकारसँग भएका सहमति कार्यान्वयनमा त ढिलाइ भइरहेको छ नि होइन?

हो, त्यसमा केही ढिलाइ भएको छ। हामीले प्रचण्ड र माधव नेपालसँगको भेटमा त्यो कुरा गरेका छौं। सहमति यसअघिको सरकारसँग गरेका हौं। सरकारले ती सहमति एक दुई हप्तामा नै कार्यान्वयन गर्नुपर्थ्यो। केपी ओलीजीको सरकारले चाहेको भएदेखि यत्रो चार महिना लाग्नुपर्ने थिएन। पार्टीमाथिको प्रतिबन्ध खारेज गरेर ८–१० जना साथीहरुलाई सरकारले छोड्ने बाहेकका अरु सहमति कार्यान्वयन हुन सकेको छैन। सरकारले गरेको सहमतिलाई अहिलेको सरकारले कार्यान्वयन गरोस् भन्ने हाम्रो भनाइ हो।

अन्य दलहरुबीच कुरा मिले तपाईंहरु चुनावमा जानुहुन्छ?

हामीले चुनाव गराऊ भनिरहेका छौं। तर, देशलाई अस्थिरता, भ्रष्टाचार, तस्करी, पराधिनतामा राखेर यही प्रकारको राजनीतिक प्रणालीभित्र गरिने चुनावको कुनै अर्थ छैन। त्यस कारणले यसबाट बाहिर निकालेर नयाँ प्रकारको समाज निर्माण गर्न चुनावमा जाउँ भनिरहेका छौं। त्यो भनेको जनतालाई वैज्ञानिक समाजवाद रोज्ने र जनमत संग्रहमा जाउँ भन्ने हो। पहिले जनमत संग्रहमा गएर राजनीतिक प्रणाली स्पष्ट गरौं र त्यसपछि चुनावका कुराहरु होलान् भनेका छौं।

जनमत संग्रह हुने परिस्थिति निर्माण होला भन्ने लाग्छ?

अहिलको संविधान पूरै फेल भइसकेको छ। राजनीतिक प्रणाली फेल भएको छ। यसभित्र सबै संसदवादी पार्टीहरु छटपटाइरहेको स्थिति छ। उहाँहरुले कुनै प्रकारको राजनीतिक निकास दिन सक्ने स्थिति छैन। त्यसो भइसकेपछि यो प्रणालीबाट कुनै निकास निस्किँदैन। यसबाट निस्कने भनेको अहिले चलिरहेकै अस्थिरता, गरिबी, बेरोजगारी, भ्रष्टाचार लगायत नै हो। यो भन्दा अर्को त केही हुँदैन।

त्यसैले राजनीतिक प्रणाली बदलेर त्यसबाट जस्तो आउँछ, त्यसपछि अघि बढौं। किनभने समाजले एउटा नयाँ कोर्स समात्छ त्यसबाट नै निकास आउने हो। यो कुरा सम्भव छ भन्ने नै हाम्रो भनाइ हो। अहिले जे छ त्यसले शान्ति, समृद्धि र स्थिरता दिन सक्ने अवस्था नै छैन। यसमा अन्य दलहरुले सोच्नुपर्ने बेला आएको छ।

पछिल्लोपटक दुईपटक संसद विघटन हुनुको कारण यही हो त?

हो। यो जुन व्यवस्था छ नि, यसकै कमजोरीका कारण यस्तो अवस्था आएको हो। केही व्यक्तिका समस्या पनि होलान् तर, सारमा व्यवस्था नै कमजोर भएर भएको हो। यो व्यवस्थाले यही दृष्चक्रलाई निरन्तरता दिने मात्रै काम गर्ने हो। हाम्रो निष्कर्ष पनि यही हो। 


प्रकाशित: July 15, 2021 | 08:55:00 काठमाडौं, बिहीबार, असार ३१, २०७८

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
समाज

रौतहटमा मोटरसाइकल दुर्घटनामा चालकको मृत्यु

रौतहटको चन्द्रपुर नगरपालिका- ४ धन्सार पुल नजिकै हिजो साँझ मोटरसाइकल पल्टिँदा चालकको मृत्यु भएको छ।
नेपाल समय
समाज

पर्यटकलाई लोभ्याउँदै बाघको मूर्ति

रामपुर नगरपालिका–६ स्थित कालीगण्डकी नदीको किनारमा हालै निर्माण भएको बाघको मूर्ति यतिबेला पर्यटकको आकर्षणको केन्द्र बनिरहेको छ। यहाँ दैनिकजसो अवलोकन गर्न जाने, फोटो खिच्ने, टिकटक बनाउने, भिडियो खिच्नेको उत्साह छ । नदीको किनार भएकाले पनि अन्य ठाउँको तुलनामा यहाँ घुम्न जानेहरू बढ्न थालेका छन्।
नेपाल समय
समाज

रासायनिक मल उपलब्ध गराउन सरकारसँग चिया उद्योगीको माग

नेपालमा चियाको सर्वाधिक खेती र उत्पादन हुने जिल्ला हो झापा। राजमार्गबाट गुड्दा होस् या ग्रामीण क्षेत्र डुल्दा नै किन नहोस्, चियाका बुट्टा र कारखाना प्रशस्त देख्न पाइन्छ। हजारौँ मजदुर र किसान यसमा आश्रित छन्।
नेपाल समय
समाज

शान्ति मिसनबाट फिर्ता सवारी साधन दर्ता गर्न सेनाद्वारा माग

विश्व शान्ति कार्यका लागि द्वन्दग्रस्त मुलुकमा खटिने क्रममा खरिद गरी कार्यदेश पुरा भएपछि स्वदेश ल्याइएका तथा विभिन्न समयमा चीन सरकारबाट उपहार स्वरुप सहयोग प्राप्त सवारी साधन दर्तामा सहयोग पुर्‍याउन सेनाले माग गरेको हो।
नेपाल समय
समाज

एम्बुलेन्स नहुँदा बिरामीलाई अस्पताल पुर्‍याउनै समस्या

एम्बुलेन्स नपाउँदा म्याग्दीका बिरामीलाई अस्पताल पुर्‍याउन समस्या हुन थालेको छ। सदरमुकाममा रहेको बेनी अस्पतालमा भएको एम्बुलेन्स पुरानो भएर बिग्रन थालेपछि ‘रिफर’ भएका बिरामीलाई समस्या भएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना