बिहीबार, असोज २०, २०७९

महामारी बढेपछि कांग्रेस महाधिवेशन सर्ने चिन्ता

पौडेल भन्छन्- भदौमै महाधिवेशन नभए वैधानिकतामा खतरा पर्छ
तीर्थराज बस्नेत  |  काठमाडौं, शुक्रबार, वैशाख १७, २०७८

तीर्थराज बस्नेत

तीर्थराज बस्नेत

शुक्रबार, वैशाख १७, २०७८, काठमाडौं

नेपाल समय

काठमाडौं- नेपाली कांग्रेसको १४ औं महाधिवेशन भदौ ७ बाट हुने गरी तोकिइसकिएको छ। तर, कोरोना महामारीको जोखिम कम गर्न विभिन्न जिल्लामा जारी गरिएको निषेध आदेशले तोकिएको समयमै महाधिवेशन हुनेमा आशंका उत्पन्न हुन थालेका छन्।  

कोरोना भाइरसको दोस्रो लहर तीव्र रूपमा फैलिइरहेको छ। कोरोना नियन्त्रण तथा रोकथामका लागि विभिन्न जिल्लामा निषेधाज्ञा गरिएको छ। महाधिवेशनको कार्यतालिका प्रभावित हुने भएकाले भदौमा तोकिएको महाधिवशेनलाई असर गर्ने देखिएको हो। 

विधानअनुसार गत फागुन १९ सम्ममा कांग्रेस महाधिवेशन भइसक्नुपर्ने थियो। तर, गत वर्ष लामो समय कोरोना नियन्त्रणका लागि गरिएको लकडाउनका कारण आवश्यक तयारी गर्न नसकिने भन्दै संविधानको सहारा लिएर भदौमा महाधिवेशन गर्ने गरी मिति तय गरिएको छ। 

‘राजनीतिक दलको विधानमा कम्तीमा पाँच वर्षमा एक पटक सो दलका संघीय र प्रदेश तहका प्रत्येक पदाधिकारीको निर्वाचन हुने व्यवस्था हुनुपर्छ,’ संविधानको भाग २९ अन्तर्गत धारा २६९ को उपधारा ४(ख) मा भनिएको छ, ‘तर विशेष परिस्थिति उत्पन्न भई पाँच वर्षभित्रमा पदाधिकारीको निर्वाचन सम्पन्न हुन नसकेमा छ महिनाभित्र त्यस्तो निर्वाचन गर्न सकिने गरी राजनीतिक दलको विधानमा व्यवस्था गर्न बाधा पर्ने छैन।’ 

भदौभित्र महाधिवेशन नभए कांग्रेसको वैधानिकता समाप्त हुनेछ। एकतर्फ पार्टी वैधानिकताका लागि संवैधानिक बाध्यता र अर्को तर्फ महामारीका कारण कांग्रेसलाई भदौमा महाधिवशेन सक्नुपर्ने दोहोरो चुनौती छ। 

केही समय अघि प्रधानमन्त्री केपी शर्मा ओलीले बोलाएको सर्वदलीय बैठकमा उपनिर्वाचनसँग जोडेर कांग्रेस महाधिवेशनको विषय उठेपछि सभापति देउवामाथि इतर समूहले आशंका बढाएको हो। आशंकाबीचमा पनि तोकिएकै मितिमा महाधिवेशन हुनुपर्ने वरिष्ठ नेता रामचन्द्र पौडेलको भनाइ छ।  

कांग्रेसले अगामी असार ५ गते, गाउँ–नगरपालिका अधिवेशन, असार ७ गते, प्रदेशसभा क्षेत्रीय अधिवेशन साउन १ गते, प्रतिनिधिसभा क्षेत्रीय अधिवेशन, एक मात्र प्रतिनिधिसभा निर्वाचन क्षेत्र भएको जिल्ला अधिवेशन साउन ३ गते, एकभन्दा बढी प्रतिनिधिसभा निर्वाचन क्षेत्र भएको जिल्ला अधिवेशन साउन ६ गते र प्रदेश अधिवेशन साउन १० र ११ गते गर्ने गरी कार्यतालिका बनाएको छ। तर, महामारी फैलँदै गएमा कार्यतालिका अनुसार काम हुनेमा आशंका छ। 

सभापति देउवा भने तोकिएकै मितिमा महाधिवशेन हुने दाबी गर्छन्। शुक्रबार आफ्नै निवासमा आयोजना गरेको पत्रकार सम्मेलनमा महाधिवेशन धकेल्न नखोजिएको दाबी गरेका हुन्। उनले पौडेल पक्षले भनेजस्तो आफू महाधिवेशन सार्ने पक्षमा नभएको उल्लेख गरे। 

1619776556.jpg
पत्रकार सम्मेलनमा देउवा।

‘उहाँहरूले यस्ता आरोप लगाइरहनुहुन्छ। म पार्टी सभापति भएपछि यस्तै गर्दै आउनुभएको छ। जे पनि भन्नुभएको छ,’ उनले भने, ‘नेपालको संविधान अनुसार महाधिवेशन कुनै पनि हालतमा हुनैपर्छ। संविधान संशोधन गर्न दुई तिहाइ चाहिन्छ। त्यो सम्भव छैन।’ 

अढाई लाख क्रियाशीलको विवरण आउन बाँकी
महाधिवेशनको तयारीमा जुटेको कांग्रेसले अहिले क्रियाशील सदस्यताको विवरण संकलन गरिरहेको छ। १० लाख क्रियाशील सदस्यता पुर्‍याउने लक्ष्य राखेको कांग्रेसले सफ्टवेयर प्रणालीमार्फत क्रियाशील सदस्यको विवरण अद्यावधिक गरिरहेको छ। तर, हालसम्म विवरण संकलनको काम सकिएको छैन। क्रियाशील सदस्यता छानबिन समितिका सदस्य समेत रहेका केन्द्रीय सदस्य प्रदीप पौडेलका अनुसार हालसम्म ७ लाख ५० हजारको विवरण इन्ट्री गरिएको छ। अब दुई लाख ५० हजारको विवरण आउन बाँकी छ।  

सिन्धुपाल्चोक, सिरहा, सप्तरी र बाराले हालसम्म क्रियाशील विवरण भर्न थालेका छैनन्। यी चार जिल्लालाई वैशाख मसान्तसम्म विवरण इन्ट्री गर्न भनिएको छ। ‘विवरण भर्न बाँकी रहेका जिल्लालाई वैशाख मसान्तको समय दिएका छौं,’ पौडेलले भने।  

नेताहरु भन्छन्- महाधिवेशन हुनुपर्छ
कांग्रेसका नेता-कार्यकर्ता भदौ ७ मै महाधिवेशन हुनुपर्ने पक्षमा छन्। तर, कोरोना महामारीलाई कारण देखाउँदै सभापति शेरबहादुर देउवाको मनस्थिति महाधिवेशन नगर्ने भन्ने आउन पनि सक्छ। यस्तो द्विविधा कांग्रेसका कार्यकर्ताहरूलाई मात्र होइन, शीर्ष तहका नेताहरूलाई पनि छ।

केही समय अघि प्रधानमन्त्री केपी शर्मा ओलीले बोलाएको सर्वदलीय बैठकमा उपनिर्वाचनसँग जोडेर कांग्रेस महाधिवेशनको विषय उठेपछि सभापति देउवामाथि इतर समूहले आशंका बढाएको हो। आशंकाबीचमा पनि तोकिएकै मितिमा महाधिवेशन हुनुपर्ने वरिष्ठ नेता रामचन्द्र पौडेलको भनाइ छ।  

पार्टीको वैधानिकता सकिने खतरा देखिएकाले पार्टी बचाउनुपर्ने उनले बताए। ‘वैधानिकता र अवैधानिकताबारे हाम्रो पार्टीको नेतृत्वले पर्वाह गर्न नै छोड्यो। यस्ता कुरामा चिन्ता नै भइराखेको देखिन्न। हाम्रो पार्टीको कार्यकाल सकिएको त डेढ वर्ष भइसक्यो,’ पौडेलले भने, ‘अहिले पनि मानिसहरूलाई चिठ्ठी काटिँदै छ। अहिले सबै क्षेत्रमा ‘स्मुथली’ क्रियाशील सदस्यता वितरण भयो, तर जहाँ सभापति र उपसभापतिको प्रभाव छ, त्यहाँ खेल भयो। पार्टी प्रवेशको नाममा मनपरी ढंगले क्रियाशील सदस्यता बाँड्ने, कब्जा गर्ने खालको नीतिनियत लिइएको छ। त्यसैले यो पार्टी कसरी बचाउने भन्ने संकटमा हामी छौं।’ 

1601908600.jpg
रामचन्द्र पौडेल

उनले महाधिवेशन हुन नसक्ने अवस्था आए के गर्ने भन्नेबारे छलफल नभएको तर अहिले तोकिएकै मितिमा महाधिवेशन गर्नुपर्नेमा आफू अडिग रहेको बताए। ‘वैकल्पिक बाटोको विषयमा केन्द्रीय समितिमा छलफल भएको छैन। हुन त मैले आफ्ना कुरा समितिमा थोरै प्रवेश त गराएको छु,’ उनले भने, ‘अहिले विकल्पबारे छलफल गर्ने बेला भएको छैन। अहिले त यही अधिवेशनलाई नै सम्पन्न गर्नेमा हामी छौं।’

‘उहाँहरूले यस्ता आरोप लगाइरहनुहुन्छ। म पार्टी सभापति भएपछि यस्तै गर्दै आउनुभएको छ। जे पनि भन्नुभएको छ,’ देउवा भन्छन्, ‘नेपालको संविधान अनुसार महाधिवेशन कुनै पनि हालतमा हुनैपर्छ। संविधान संशोधन गर्न दुई तिहाइ चाहिन्छ। त्यो सम्भव छैन।’  

सहमहामन्त्री डा. प्रकाशशरण महत अहिले नै महाधिवेशन हुँदैन कि भनेर चिन्ता गर्नुपर्ने बेला आइनसकेको बताउँछन्। भोटिङ हुने बेलामा विषम परिस्थिति आइनपरे महाधिवेशन हुने कुरामा शंका गर्न नहुने उनको भनाइ छ। 

डा प्रकाशशरण महत। 

‘अहिलेको परिस्थितिले महाधिवेशनको कार्यतालिकालाई खास प्रभाव परेको छैन। भोटिङ हुने बेलामा विषम परिस्थिति भयो भने अर्कै कुरा हो,’ उनले भने, ‘महाधिवेशन तोकिएकै मितिमा गर्ने गरी हामी अघि बढेका छौं। र महाधिवेशन हुन्छ।’ 

नेता प्रदीप पौडेल भने क्रियाशील सदस्यताको टुंगो लागिसक्दा महाधिवेशनको ६० प्रतिशत तयारी पुरा हुने बताउँछन्। त्यसका लागि निरन्तर काम भइरहकाले महाधिवेशन तयारीमा कुनै बाधा उत्पन्न नभएको उनको भनाइ छ। ‘अहिलेको परिस्थितीले हामीलाई भदौमा महाधिवेशन गर्न समस्या पार्दैन। क्रियाशील सदस्यताको काम टुंगो लागेपछि महाधिवेशनका लागि गर्नुपर्ने ६० प्रतिशत काम सकिन्छ,’ उनी भन्छन्, ‘अब परिस्थिति जटिल बन्दै गयो, महामारीले विकराल रुप लियो भने त के गर्न सकिन्छ र? तर अहिलेकै स्थितिले भने कुनै असर गर्दैन।’ 


प्रकाशित: April 30, 2021 | 14:52:00 काठमाडौं, शुक्रबार, वैशाख १७, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

इन्टरनेट जडान गर्ने क्रममा करेन्ट लागेर एक जनाको मृत्यु

करेन्ट लागेर आठराई गाउँपालिका–४ इवाका २४ वर्षीय निलम इङनामको मृत्यु भएको इलाका प्रहरी कार्यालय सङ्क्रान्तिबजारका प्रहरी निरीक्षक योगराज सुवेदीले जानकारी दिए।
नेपाल समय
समाज

राजधानीमा टीका र आशीर्वाद थाप्न हिँड्नेको चहलपहल

महाअष्टमी र महानवमीका दिन सुनसान प्राय बनेको राजधानीमा आज विजयादशमीको टीकापछि भने टीका लगाउन हिँड्नेको केही चहलपहल देखिन थालेको हो।
नेपाल समय
समाज

तीन वर्षपछि टीका लगाउन पाउँदा कैदीबन्दी खुसी

विजयादशमीको दशौँ दिन आज कारागारभित्रै आफन्तसँग टीका लगाउन पाउँदा कैदीबन्दी खुसी भएका हुन्।
नेपाल समय
समाज

नातिनीको स्याहारले बौरिए १०१ वर्षीय हजुरबुवा

तर, म्याग्दीको मालिका गाउँपालिका–२ मा पर्ने बेली गाउँका एक १०१ वर्षीय वृद्धले विदेश (इजरायल) मा बस्ने नातिनीको अनलाइन स्याहार सुसारबाट अझै बाँच्ने र परिवारको साथमै रहने वातावरण पाएका छन्। रुमको बेली गाउँका १०१ वर्षीय शिवलाल पुन थोरै भाग्यमानी व्यक्तिमा पर्छन्। उनलाई परिवारका सदस्यहरूले गरेको स्याहार सुसारदेखेर बेली गाउँ नै दङ्ग पर्ने गरेको छ।
नेपाल समय
समाज

पानी र झरीको पर्वाह नगरी ब्रह्मायणी जात्रामा दर्शानार्थीको भीड

प्रत्येक वर्ष विजयादशमीको दिन भक्तपुरको ब्रह्मायणी मन्दिरमा लाग्ने ब्रम्हायणी जात्रामा रातिदेखिनै दर्शनार्थीको भीड लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना