सोमबार, असोज १७, २०७९

ओली हटाउने निर्णय गरेर सुस्ताए देउवा, नेताहरु सशंकित

तीर्थराज बस्नेत  |  काठमाडौं, मंगलबार, चैत २४, २०७७

तीर्थराज बस्नेत

तीर्थराज बस्नेत

मंगलबार, चैत २४, २०७७, काठमाडौं

नेपाल समय
deuwa

काठमाडौं– प्रधानमन्त्री केपी शर्मा ओलीको राजीनामा माग्ने र आफ्नो नेतृत्वमा सरकार गठनको अग्रसरता लिने नेपाली कांग्रेसको निर्णय अलपत्र परेको गुनासो पार्टीभित्रै बढ्न थालेको छ। 

गत शुक्रबार कांग्रेसले प्रधानमन्त्री ओलीको राजीनामा माग्दै वैकल्पिक सरकार निर्माणका लागि नेकपा माओवादी केन्द्र, जसपा र स्वतन्त्र सांसदहरुसँग गठबन्धनको प्रयास गर्ने निर्णय गरेको थियो।

तर, निर्णय कार्यान्वयनका लागि अहिलेसम्म सभापति शेरबहादुर देउवाले चासो देखाएका छैनन्। केन्द्रीय समिति बैठकमा देउवाले वरिष्ठ नेता रामचन्द्र पौडेल र नेता कृष्णप्रसाद सिटौला समूहको दबाबमा ओलीको राजीनामा माग्ने र सरकार निर्माणका लागि अग्रसरता लिने निर्णय गराएका थिए।  

केन्द्रीय समितिले निर्णय गरेको चार दिनसम्म पनि देउवाले सत्ता गठबन्धनका लागि कुनै पनि दलका नेताहरुसँग छलफल गरेका छैनन्। केन्द्रीय समिति बैठक बस्नुअघि पदाधिकारी र पूर्वपदाधिकारीहरुको छलफलमा भएको थियो। बैठकमा सभापति देउवाले सत्ता समीकरणको विषयलाई बैठकको एजेन्डा बनाउन नसकिने बताएका थिए। तर, पौडेल र सिटौला समूहको दबाबपछि सो विषयले केन्द्रीय समितिमा स्थान पाएको थियो।

‘सभापतिजी सरकारको विषयलाई केन्द्रीय समितिमा लैजान तयार हुनु हुन्नथ्यो। हाम्रो दबाबपछि बाध्य हुनुभएको हो। तर, निर्णय कार्यान्वयनमा उहाँको तदारुकता देखिएन,’ पौडेल पक्षका एक नेताले भने।  

पदाधिकारीको छलफलमा पौडेलले अविश्वासको प्रस्तावमार्फत ओलीलाई हटाउने निर्णय लिनुपर्ने अडान राखेका थिए। तर, माओवादीले अविश्वासको प्रस्ताव फिर्ता नलिएको र जसपाले समेत निर्णय नलिएको अवस्थामा अविश्वासको प्रस्ताव लाने निर्णय गर्नु कच्चा खेल हुने देउवाको भनाइ थियो। त्यसपछि दुवै पक्षबीच ओलीको राजीनामा माग्ने र आफ्नो नेतृत्वमा सरकार बनाउने पहल गर्ने सहमति बनेको थियो।  

केन्द्रीय समितिको निर्णयपछि वरिष्ठ नेता रामचन्द्र पौडेलले जसपाका अध्यक्ष महन्थ ठाकुरसँग छलफल गरेका छन्। आइतबार ठाकुर निवास पुगेर पौडेलले ओलीलाई हटाउनका लागि सभापति देउवा र माओवादी अध्यक्ष पुष्पकमल दाहाल ‘प्रचण्ड’सँग छलफल गर्न आग्रह गरेका थिए। 

गठबन्धन निर्माणका लागि पौडेलले ठाकुरसँग गरेको छलफलबाहेक कांग्रेसले अन्य कुनै प्रयत्न गरेको छैन। सभापति देउवा निष्क्रिय हुँदा केन्द्रीय समितिको निर्णय नै कार्यान्वयन नहुने खतरा बढेको एक नेता बताउँछन्। ‘पार्टीले निर्णय गरेको छ। तर, त्यो निर्णय भएपछि कुनै छलफल भएको छैन। केन्द्रीय समितिको बैठकअघिकै अवस्थामा हामी छौं,’ ती नेताले भने, ‘कांग्रेसले ओलीको विकल्प खोज्नकै लागि निर्णय गरेको हो वा देखाउनका लागि मात्रै भन्ने आशंका उब्जिएको छ।’ 

पार्टीले अग्रसरता लिने निर्णय गरेपछि सभापति देउवाले अन्य दलका नेताहरुसँग छलफल नगर्नुले पार्टीभित्र र बाहिर पनि विभिन्न आशंका उब्जिएको ती नेताको भनाइ छ। ‘अग्रसरता लिने निर्णय भएपछि त्यो निर्णय कार्यान्वयन गराउने जिम्मा सभापतिको हो।

तर, सभापतिले न अहिलेसम्म पदाधिकारी बैठक बोलाएर यसबारे परामर्श गर्नुभएको छ, न माओवादी र जसपाका नेताहरुसँग छलफल अघि बढाउनुभएको छ,’ उनले भने, ‘ओलीको विकल्प खोज्नुपर्छ भन्नेमा दुई मत रहेन। तर, त्यसका लागि गरिनुपर्ने काम अघि बढेका छैनन्।’

देउवा पक्षीय नेता मीन विश्वकर्मा भने कांग्रेसले पार्टीप्रति उब्जिएको भ्रम निवारण गर्न ओलीको राजीनामा माग्ने निर्णय गरेको बताउँछन्। ‘हामीमाथि आरोप थियो कांग्रेस कतै ओलीसँग मिलेको त छैन भन्ने। त्यो आशंका निवारण गर्न केन्द्रीय समितिले निर्णय गरेको हो,’ उनी भन्छन्, ‘तर, हाम्रो निर्णयले मात्रै नयाँ सरकार बन्ने अवस्था छैन। संख्या त्यति नै हो। माओवादी र जसपा तयार हुनुपर्छ। माओवादीकै केही मत सुरक्षित छैन र जसपा पार्टी नै सुरक्षित छैन।’ 

कांग्रेसले नयाँ सरकार निर्माणका लागि सोची, सम्झी अग्रसरता लिने उनले बताए। ‘सुविधाजनक संख्या जुट्छ–जुट्दैन, यसलाई ख्याल गरेर मेहनत र होसियारपूर्वक काम गर्नुपर्ने अवस्था छ। ओलीलाई हटाउन अविश्वासको प्रस्ताव ल्याउने हो भने त्यो पास हुने निश्चित हुनुपर्छ,’ उनी भन्छन्, ‘हामी त्यसको तयारीमा छौं। शीर्ष तहमै पनि छलफल अघि बढेको छ। हामी हतारमा कच्चा खेल खेल्ने पक्षमा छैनौं।’ 

केन्द्रीय समितिको निर्णय कार्यान्वयन गराउन सभापति देउवाले पहल थाल्नुपर्ने आवाज पार्टीभित्र उठ्न थालेको छ। कतिपय नेताहरुले कार्यान्वयन नहुने निर्णयको अर्थ नहुने भएकाले सभापतिले पहलकदमी लिनुपर्ने बताइरहेका छन्। ‘केन्द्रीय समितिले निर्णय गरिसकेपछि कार्यान्वयन हुनुपर्छ भनेर मैले केन्द्रीय समिति बैठकमै बोलेको हुँ,’ नेता गगन थापाले भने, ‘निर्णय कार्यान्वयन गराउने सन्दर्भमा मिहिन ढंगले मेहनत गर्नुपर्छ। नेतृत्व अघि बढ्नुपर्छ।’ 

गत पुस ५ गते प्रतिनिधिसभा विघटन गर्ने सिफारिस गरेदेखि नै प्रधानमन्त्री ओलीको विकल्प खोज्नुपर्ने बहस कांग्रेसमा सुरु भएको थियो। फागुन ११ गते प्रतिनिधिसभा पुनर्स्थापना गर्ने सर्वोच्च अदालतको फैसलापछि कांग्रेस र तत्कालीन नेकपाको दाहाल–नेपाल समूह र जसपाबीच सत्ता समीकरण बनाउने प्रयास भएको थियो। त्यो बेला सत्ता समीकरणमा निर्णायक कांग्रेस थियो। तर, फागुन २३ गते सर्वोच्चले नै एमाले र माओवादी केन्द्र ब्युँताइदिएपछि भने सत्ता समीकरणको निर्णायक जसपा बनेको छ। 

निर्णायक मानिएको जसपा सत्ताका विषयमा दुई विभाजित छ। महन्थ ठाकुर समूह ओलीसँग कार्यदल नै बनाएर सहकार्यका लागि छलफल गरिरहेको छ भने उपेन्द्र यादव समूह कांग्रेस र माओवादीसँग सहकार्य गर्नुपर्ने पक्षमा छ। जसपाको अनिर्णयका कारण माओवादीले ओली नेतृत्वको सरकारलाई दिएको समर्थन फिर्ता लिन सकेको छैन भने राजनीतिले नयाँ समीकरण निर्माणको बाटो समेत समात्न सकेको छैन।  


प्रकाशित: April 6, 2021 | 10:59:00 काठमाडौं, मंगलबार, चैत २४, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

दसैं-तिहारसँगै डुंगा व्यवसायी व्यस्त

आन्तरिक र बाह्य पर्यटकको आगमन बढेसँगै डुंगा चालकहरू चाडपर्वका लागि पैसा जोहो गर्ने सुरसारमा छन्।
नेपाल समय
समाज

अर्घाखाँचीमा सुत्केरीलाई निःशुल्क एम्बुलेन्स

गाउँपालिकाका सुत्केरीलाई एम्बुलेन्सको भाडा तिर्नु नपर्ने पाणिनी गाउँपालिकाका प्रमुख प्रशासकीय अधिकृत हुमलाल भुसालले जानकारी दिए।
नेपाल समय
समाज

तनहुँ प्रशासनद्वारा हातहतियार बुझाउन आग्रह

प्रशासन कार्यालयले एक सूचना जारी गरी निर्वाचनलाई स्वतन्त्र, निष्पक्ष, भयरहित र विश्वसनीय वातावरणमा सम्पन्न गराउन इजाजतप्राप्त हातहतियार बुझाउन आग्रह गरेको हो।
नेपाल समय
समाज

काभ्रेमा निर्वाचन तयारी तीव्र

सदरमुकाम धुलिखेलमा मुख्य निर्वाचन अधिकृतको कार्यालय तथा प्रतिनिधिसभा क्षेत्र नं १ अन्तर्गत पनौतीमा र प्रतिनिधिसभा क्षेत्र नं २ अन्तर्गत धुलिखेलमा निर्वाचन अधिकृतको कार्यालय स्थापना गरिएको हो।
नेपाल समय
समाज

काठमाडौं उपत्यका छाड्नेको भीड

आइतबार फुलपातिको दिन पनि दसैँ मान्न गाउँ जानेहरुको भीड लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना