सोमबार, असोज १०, २०७९

ओलीको विकल्प खोज्न दौडधुपमा दाहाल, उपलब्धि शून्य ! 

तीर्थराज बस्नेत  |  काठमाडौं, मंगलबार, चैत १७, २०७७

तीर्थराज बस्नेत

तीर्थराज बस्नेत

मंगलबार, चैत १७, २०७७, काठमाडौं

नेपाल समय
prachanda

काठमाडौं– नेकपा माओवादी (केन्द्र)का अध्यक्ष पुष्पकमल दाहाल ‘प्रचण्ड’ नयाँ सत्ता समीकरण बनाउन निरन्तर दौडधुपमा छन्। गएको फागुन ११ गते सर्वोच्च अदालतले प्रतिनिधिसभा पुनर्स्थापना गरिदिएलगत्तै सुरु भएको दाहालको दौडधुप अहिलेसम्म जारी छ।  

तर, दाहालको प्रयासले हालसम्म सफलता प्राप्त गर्न सकेको छैन। फागुन १२ गते तत्कालिन नेकपाको दाहाल–नेपाल समूहका अध्यक्षद्वय दाहाल र माधवकुमार नेपालले प्रमुख प्रतिपक्षी दल नेपाली कांग्रेसका सभापति शेरबहादुर देउवालाई भेटेर सत्ता सहकार्यको प्रस्ताव राखेका थिए। त्यसयता दाहालले देउवासँग तेस्रो पटक आज (मंगलबार) भेटवार्ता गरेका छन्। 

देउवा निकट स्रोतका अनुसार आज दाहालले देउवासँग करिब आधा घण्टा एक्लै कुराकानी गरे। देउवासँग दाहालले प्रधानमन्त्री ओलीलाई हटाउन नयाँ समीकरण बनाउन प्रस्ताव राखेको बताइएको छ। तर, देउवाले दाहालको प्रस्तावमा सहमति जनाएनन्। स्रोतका अनुसार देउवाले दाहाललाई कसरी अघि बढ्ने भन्नेबारे स्पष्ट खाका लिएर आउन भनेका छन्। ‘माओवादी केन्द्र र जसपाको लाइन स्पष्ट होस्। त्यसपछि मात्रै सहकार्यको कुरा गरौं,’ देउवाको भनाइ उद्धृत गर्दै स्रोतले भन्यो।

देउवालाई भेटेलगत्तै दाहाल जसपाका नेता डा. बाबुराम भट्टराईलाई भेट्न टोखा पुगेका थिए। भट्टराईसँगको भेटमा पनि दाहालले सरकारको समर्थन फिर्ता र नयाँ सत्ता समीकरणको विषयमा छलफल गरेको भट्टराई निकट स्रोत बताउँछ। 

यसअघि पनि दाहालले प्रधानमन्त्री केपी शर्मा ओलीको विकल्प खोज्न नयाँ समीरकण बनाउन छलफल अघि बढाइरहेका थिए। उनले कांग्रेस र जसपासँग पटक–पटक छलफल गरिसकेका छन्। तर, प्रतिनिधिसभा पुनर्स्थापनाको डेढ महिना बित्न लाग्दा समेत कुनै उपलब्धि भने हात लाग्न सकेको छैन। दाहाल नेतृत्वको दल माओवादी केन्द्रले सरकारलाई दिएको समर्थन समेत फिर्ता लिन सकेको छैन। 

प्रतिनिधिसभाको बैठक भोलि (बुधबार) बस्दैछ। प्रतिनिधिसभाको बैठक बस्नुअघि दाहालले विपक्षी दलका नेताहरुसँग भेट गर्नुलाई अर्थपूर्ण रुपमा हेरिएको छ। प्रधानमन्त्री ओलीको चर्को आलोचना गर्ने दाहालमाथि सरकारलाई दिएको समर्थन फिर्ता लिन नसकेको आरोपसमेत लागिरहेको छ। उनले केही दिन अघिमात्रै सरकारलाई दिएको समर्थन फिर्ता लिने संकेत गरेका थिए। 

बृहत् नागरिक आन्दोलनले शनिबार आयोजना गरेको अन्तरक्रिया कार्यक्रममा उनले भनेका थिए, ‘हत्त न पत्त समर्थन फिर्ता नलिन ममाथि दबाब छ। कसैले नलिई है भनिरहेका छन्। समर्थन फिर्ता लिइस् भने झन् भद्रगोल हुन्छ पनि भनिरहेका छन्। अब राजनीतिक र नैतिक रूपमा अब म धेरै दिन कुर्न सक्दिनँ।’ 

सरकारलाई दिएको समर्थन फिर्ता नलिँदा आफूमाथि नैतिक र राजनीतिक संकट परेको बताउँदै आएका दाहालले सरकारलाई समर्थन फिर्ता लिने विषयमै विपक्षी दलका नेताहरुसँग छलफल गरेको स्रोतको दाबी छ। 

कांग्रेस, माओवादी र जसपाको संयुक्त सरकार बनाउने कसरतमा छन् दाहाल। तर, ओलीसँग मिल्ने कि कांग्रेस र माओवादीसँग भन्ने विवादले जसपा अनिर्णित हुँदा दाहालको कसरत सफल हुन सकेको छैन। अर्कोतर्फ कांग्रेस सभापति देउवाले समेत नयाँ सरकार गठनका लागि चासो देखाएका छैनन्। कांग्रेस नेताहरु ओलीको विकल्प खोज्न तयार रहेको बताउँछन्।

तर, जसपाको निर्णय नआई अपरिपक्व निर्णय लिन नहुनेमा कांग्रेस एकमत छ। जसका कारण दाहालले न सरकारलाई दिएको समर्थन फिर्ता लिन सकेका छन्, न त विपक्षी दलहरुको बीचमा गठबन्धन बनाउने उनको प्रयासले सफलता पाउन सकेको छ। 

विपक्षी दलहरुबीच गठबन्धन बनेपछि मात्रै समर्थन फिर्ता लिने दाहालको मनशाय छिपेको छैन। समर्थन फिर्ता लिँदा ओलीले जसपासँग समीकरण बनाएर सरकार टिकाउने सम्भावना उत्तिकै छ। फागुन २३ को सर्वोच्चको फैसलापछि जसपा सत्ता समीकरणका लागि निर्णायक बनेको छ। जसपा ओलीतर्फ लाग्दा उनको सरकार टिक्ने अवस्था छ।

कांग्रेस र माओवादीसँग मिल्दा नयाँ सरकार बन्छ। तर, निर्णायक मानिएको जसपा अनिर्णित बन्दा माओवादीले समर्थन फिर्ता लिन नसकेको माओवादी नेताहरु बताउँछन्। दाहालले बृहत् नागरिक आन्दोलनले गरेको कार्यक्रममा भनेका थिए– राजनीतिक दलहरूबीच सहमति होस् र समर्थन फिर्ता सँगसँगै होस् भन्ने मैले चाहेको छु। 

ओली हटाउन दाहालले गरेको प्रयास किन सफल हुन सकेको छैन त ? माओवादी स्थायी कमिटीका एक सदस्य भन्छन्– जसपाको अनिर्णयले।  

‘जसपाले निर्णय लिन सकेको छैन। तर, ओली हटाउने प्रयासले अब सार्थकता पाउने संकेत देखिएको छ,’ ती नेताले भने, ‘ओलीले आफ्नै नेताहरु माथि गरेको अट्याकले उनको आयु घट्ने देखिन्छ। समर्थन फिर्ता लिने र नयाँ समीकरण बनाउने विषयमै आज अध्यक्षले देउवा र भट्टराईसँग छलफल गर्नुभएको हो।’ 

आज नै माओवादी अध्यक्ष दाहालले नेकपाको वैधानिकता ऋषि कट्टेललाई दिएर एमाले र माओवादी ब्युँताउने फैसला पुनरावलोकनका लागि सर्वोच्च अदालतमा निवेदन दिएका छन्। एमाले अध्यक्ष तथा प्रधानमन्त्री केपी ओलीले हिजो सोमबार पार्टीका वरिष्ठ नेता माधव नेपाल र उपाध्यक्ष भीम रावललाई कारबाही गरेपछि दाहाल आज अदालत पुगेका छन्। ‘माधव नेपालहरुसँगकै सल्लाहबमोजिम अध्यक्ष अदालत जानुभएको हो। यसको अर्थ पनि सत्तामा ओलीको आयु छोट्टिनु नै हो,’ माओवादीका ती नेताको विश्लेषण छ।   

पुनरावलोकनको निवेदन दर्ता गरेपछि दाहालले सर्वोच्चले राजनीतिक फैसला गरेकाले सच्चिने बताएका थिए। दाहालले अब कांग्रेस, जसपा र ओलीले कारबाही गरेका नेताहरुसँगको छलफलमा ओलीको विकल्प खोज्ने प्रयास गर्ने माओवादी नेताहरु बताउँछन्। 

माओवादीका स्थायी कमिटी सदस्य देवेन्द्र पौडेल केही दिनभित्रै परिणाम देखिने दाबी गर्छन्। ‘राजनीति अहिले घुमाउरो बाटोमा हिँडिरहेको छ। हामी प्रयासरत छौं,’ उनले भने, ‘केही दिनभित्र हामी समर्थन फिर्ता लिन्छौं। त्यसपछि हाम्रो प्रयास सफल हुनेछ।’ 


प्रकाशित: March 30, 2021 | 13:14:00 काठमाडौं, मंगलबार, चैत १७, २०७७

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
समाज

पर्वतीय क्षेत्रलाई राष्ट्रिय उद्योगको मान्यता दिनुपर्छ : सभामुख सापकोटा

पर्वतीय क्षेत्रलाई राष्ट्रिय उद्योगको मान्यता दिएर पर्यटन क्षेत्रको विकासमा सरकारले ध्यान दिन जरुरी रहेको बताएका उनले स्थानीय र केन्द्र सरकारले पर्यटन विकासको लागि युवामैत्री नीति बनाउन आवश्यक रहेको उल्लेख गरे।
नेपाल समय
समाज

मनास्लुमा हिमपहिरो, मौसम खराबीले उद्धारमा कठिनाइ

मनास्लु हिमालको हिपमहिरोमा फसेकाहरूको उद्धारमा मौसम बाधक बनेको छ।
नेपाल समय
समाज

देशभरका अदालतमा सोमबारदेखि बन्दी प्रत्यक्षीकरणका रिट मात्रै सुनुवाइ हुने

घटस्थापनादेखि कोजाग्रत पूर्णिमाका दिनसम्म सर्वोच्च अदालत बन्द रहने भएकाले अन्य रिटमा सुनुवाइ नहुने अदालत प्रशासनले बताएको हो।
नेपाल समय
समाज

गोरखा दरबारको दसैघरमा बिधिपूर्वक जमरा राखियो

गोरखाको कालिका मन्दिरमा रहेको दसैं घरमा आज बिधिपूर्वक जमरा राखिएको छ। बिहान १० बजेर २३ मिनेटको शुभसाइतमा दसै घरमा जौको जमरा राखिएको गोरखा दरबार हेरचाह अड्डाका प्रमुख हरिप्रसाद भुसालले जानकारी दिए।
नेपाल समय
समाज

हनुमानढोकास्थित दसैंघरमा राखियो विधिवत जमरा

हनुमानढोकास्थित दसैंघरमा पनि विधिवत मन्त्रोच्चारणसहित घटस्थापनाको शुभ साइत १०ः२३ बजे जमरा राखिएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना