बुधबार, असोज १९, २०७९

नवीन्द्र दाइ भन्थे– समस्या पर्दा जनतालाई साथ नदिने केको नेता !

तीर्थराज बस्नेत  |  काठमाडौं, शुक्रबार, चैत १३, २०७७

तीर्थराज बस्नेत

तीर्थराज बस्नेत

शुक्रबार, चैत १३, २०७७, काठमाडौं

नेपाल समय

काठमाडौं– गएको फागुन १३ गते अपरान्ह चार बजेतिर मोबाइलमा घण्टी बज्यो। अफिस बिदा लिएर घरै बसेको थिएँ त्यसदिन। अल्छी मान्दै फोन उठाएर हेरें– कांग्रेस नेता नवीन्द्रराज जोशीले गरेका रहेछन्।  

दाइ, जय नेपाल ! फोन उठाएर भनें। जय नेपाल तीर्थजी ! कता हराउनुभयो, के छ खबर ? उही मिजासिलो र सरल शब्दमा नवीन्द्र दाइले भने। मैले भनें– ठिकै छ दाजु। हजुरको के छ ?

उनले भने– मेरो ठिकै छ। अब मुलुकमा के हुन्छ ? के बुझ्नुभएको छ ?

नवीन्द्र दाइको स्वाभाव नै यस्तै थियो। पत्रकारहरुसँग राजनीतिक परिस्थितिका बारेमा सोधिरहने। जनताको मनोविज्ञान बुझ्न खोज्ने। अझ त्यो बेला त सर्वोच्च अदालतले फागुन ११ गते प्रतिनिधिसभा पुनर्स्थापना गरेको थियो। प्रतिनिधिसभा पुनर्स्थापना भएसँगै नयाँ सत्ता समीकरण र सम्भावित राजनीतिक परिदृश्यको बहसले राजनीति गर्माएको थियो।  

फागुन १३ गते नै कांग्रेसले पदाधिकारी बैठक डाकेको थियो। छलफलको विषय थियो– नयाँ सत्ता समीकरण। १२ गते तत्कालिन नेकपाको दाहाल–नेपाल समूहका अध्यक्षद्वय पुष्पकमल दाहाल प्रचण्ड र माधवकुमार नेपालले कांग्रेस सभापति शेरबहादुर देउवालाई भेटेर सत्ता समीकरणको प्रस्ताव राखेका थिए। त्यही विषयमा छलफल गर्न पदाधिकारी डाकिएको थियो। 

कांग्रेस केन्द्रीय सदस्य भएपछि पार्टीभित्रको बहसको मेसो नवीन्द्र दाइले थाहा नपाउने कुरै थिएन। तर पनि उनले जिज्ञासा राखे– बैठकले के गर्ला ?

मैले भनें– ठोस निर्णय त केही नआउला। तर पनि त्यो थाहा पाउन बैठक सकिनुपरो नि दाइ।  

नवीन्द्र दाइ हाँसे र भने– दाजुभाइ भेट्नुपर्यो। छलफल गर्नु छ।

मैले भनें– १–२ दिनमै भेट्नुपर्छ दाइ। म फोन गरेर भेट्न आउँछु नि ! हस तीर्थजी भनेर उनले फोन राखे। 

त्यही राति उनलाई मस्तिष्कघात भयो। १४ फागुनमा नर्भिक अस्पताल भर्ना भएका नवीन्द्र दाइको त्यसपछि बोली सुन्न पाइएन। एक महिनापछि उनी आज सधैंका लागि बिदा भएका छन्।

उनले नर्भिक अस्पतालको शैययाबाट अन्तिम स्वास फेरिसकेका छन्। शुक्रबार राति ८ः३० बजे उनको प्राण पखेरू उडिसकेको छ। 
पर–पर क्षितिजबाट नवीन्द्र दाइले हात हल्लाएर विदा मागिसकेका छन् अस्पतालको गेटमा छोराको फर्कने आशमा पर्खिरहेकी आमालाई माया मारेर। बाबा नलिई घर नफर्कने अड्डी कसेकी छोरीलाई निराश बनाएर ब्रम्हनालमा लिन भइसकेका छन् नवीन्द्र दाइ।

नवीन्द्र दाइले आफ्नो जीवनको ठूलो इच्छा पूरा गर्न पाएनन्। उनी जनताको सेवालाई धर्म ठान्थे। त्यो पनि बचनमा मात्र होइन, कर्म नै गरेर। र त भेट हुँदैपिच्छे उनी भन्थे– जनतालाई समस्या परेका बेला साथन दिने नेता के नेता ?

अब उनले जनताको सेवा गर्न पाउने छैनन्। न त समस्या परेकाहरुले नवीन्द्र दाइलाई सम्झन नै पाउनेछन्। काठमाडौं निर्वाचन क्षेत्र नम्बर–८ मा चलिरहेको उनको घरदैलो अभियानमा ब्रेक लागेको छ। अब मास्क, स्यानिटाइजर बाँड्न जनताको घरमा उनी पुग्ने भएनन्। न त स्वास्थ्य सचेतना फैलाउने पोस्टर बोकेर जनताको घरदैलोमा पुग्न पाउने भए।

कोही बिरामी भए एम्बुलेन्सको व्यवस्थाग रिदिने नवीन्द्र दाइ रहेनन्। नवीन्द्र भन्थे– लोकतन्त्रमा नागरिक कहिल्यै निरीह हुन सक्दैन। नागरिकलाई समस्या परेका बेला दल उभिनुपर्छ। राजनीति गर्नेले चुनावका बेलामात्रै होइन, जनतालाई समस्या परेका बेलामा उनीहरुको दैलोमै पुग्नुपर्छ।

उनी बोल्दैनमात्रै थिए, बोलेको पूरा पनि गर्थे। उनी कहिले घरदैलो गर्थे, जनताको समस्या बुझ्थे त कहिले चुनाव प्रचारका लागि राखिएका पोस्टर आफैँ हटाउन पुग्थे। 

उनको अर्को इच्छा थियो– कांग्रेस शक्तिशाली भएर देशको कायापलट भएको देख्ने। त्यो अभियानमा अग्रपंक्तिमा खटिने इच्छा उनको थियो। पछिल्लो समय उनले पार्टीमा युवा सहभागिता बढाउन अभियान नै चलाएका थिए।

अनौपचारिक कुराकानीक्रममा उनले आशन्न १४ औं महाधिवेशनमा महामन्त्रीमा उठ्ने इच्छा व्यक्त गरेका थिए। कमजोर बनेको पार्टी जीवनलाई पुनर्जागृत गर्ने उनको इच्छा थियो। तर, उनका यी सबै इच्छामा नियतिले पूर्णविराम लगाइदिएको छ। 

उद्योगमन्त्री हुँदा उनले गरेका कामको प्रसंशा नगर्ने सायदै कोही होलान्। अवसर पाउँदा आफूलाई प्रमाणित गर्ने इच्छाशक्ति थियो उनमा। धेरै जीर्ण उद्योगलाई जीवन दिने प्रयास उनले गरेका थिए। उनी भन्थे– मैले आफैंलाई प्रमाणित गर्न र देश विकासमा काम गर्न अझै बाँकी छ।

अन्य नेताहरुभन्दा उनी यस अर्थमा पनि फरक थिए। उनको राजनीतिक जीवनमा विवादको छायासमेत पर्न पाएन। उनमा दम्भ, घमण्ड देखिएन। स्वच्छ छवि, सादा जीवन र शालीन व्यक्तित्वको रुपमा ५७ वर्षको उमेरमा नवीन्द्र दाइले संसार छोडेका छन्। अदविदा, नवीन्द्र दाइ !


प्रकाशित: March 26, 2021 | 16:50:00 काठमाडौं, शुक्रबार, चैत १३, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

इन्टरनेट जडान गर्ने क्रममा करेन्ट लागेर एक जनाको मृत्यु

करेन्ट लागेर आठराई गाउँपालिका–४ इवाका २४ वर्षीय निलम इङनामको मृत्यु भएको इलाका प्रहरी कार्यालय सङ्क्रान्तिबजारका प्रहरी निरीक्षक योगराज सुवेदीले जानकारी दिए।
नेपाल समय
समाज

राजधानीमा टीका र आशीर्वाद थाप्न हिँड्नेको चहलपहल

महाअष्टमी र महानवमीका दिन सुनसान प्राय बनेको राजधानीमा आज विजयादशमीको टीकापछि भने टीका लगाउन हिँड्नेको केही चहलपहल देखिन थालेको हो।
नेपाल समय
समाज

तीन वर्षपछि टीका लगाउन पाउँदा कैदीबन्दी खुसी

विजयादशमीको दशौँ दिन आज कारागारभित्रै आफन्तसँग टीका लगाउन पाउँदा कैदीबन्दी खुसी भएका हुन्।
नेपाल समय
समाज

नातिनीको स्याहारले बौरिए १०१ वर्षीय हजुरबुवा

तर, म्याग्दीको मालिका गाउँपालिका–२ मा पर्ने बेली गाउँका एक १०१ वर्षीय वृद्धले विदेश (इजरायल) मा बस्ने नातिनीको अनलाइन स्याहार सुसारबाट अझै बाँच्ने र परिवारको साथमै रहने वातावरण पाएका छन्। रुमको बेली गाउँका १०१ वर्षीय शिवलाल पुन थोरै भाग्यमानी व्यक्तिमा पर्छन्। उनलाई परिवारका सदस्यहरूले गरेको स्याहार सुसारदेखेर बेली गाउँ नै दङ्ग पर्ने गरेको छ।
नेपाल समय
समाज

पानी र झरीको पर्वाह नगरी ब्रह्मायणी जात्रामा दर्शानार्थीको भीड

प्रत्येक वर्ष विजयादशमीको दिन भक्तपुरको ब्रह्मायणी मन्दिरमा लाग्ने ब्रम्हायणी जात्रामा रातिदेखिनै दर्शनार्थीको भीड लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना