बिहीबार, असोज २०, २०७९

अब के गर्ला कांग्रेस ? 

तीर्थराज बस्नेत  |  काठमाडौं, बुधबार, फागुन १२, २०७७

तीर्थराज बस्नेत

तीर्थराज बस्नेत

बुधबार, फागुन १२, २०७७, काठमाडौं

नेपाल समय

काठमाडौं– प्रतिनिधिसभा पुनर्स्थापना गर्ने सर्वोच्च अदालतको फैसलापछि राजनीतिक वृत्तमा नयाँ तरंग पैदा भएको छ। योसँगै सर्वोच्चले १३ दिनभित्र संसद् बैठक बोलाउन आदेश समेत दिएको छ।  

सत्तारुढ नेकपा दुई खेमामा बाँडिएको बेला प्रतिनिधिसभा पुनर्स्थापनापछि राजनीतिक कोर्स कसरी अघि बढ्ला र नेपाली कांग्रेसको भूमिकाका कस्तो रहला भन्नेबारे सर्वत्र चासो बढेको छ। 

यस्तो अवस्थामा कांग्रेस कसरी अघि बढ्छ त? कांग्रेस सह–महामन्त्री डा. प्रकाश शरण महत भन्छन्, ‘हामी पर्ख र हेरको अवस्थामा छौं।’ उनका अनुसार नेकपा विभाजन हुँदैन, विवाद साम्य हुन्छ। र कांग्रेसको भूमिका प्रतिपक्षी दलकै रुपमा हुनेछ। 

सर्वोच्चको फैसलासँगै प्रधानमन्त्री केपी शर्मा ओलीमाथि नैतिकताका आधारमा राजीनामा दिन चर्को दबाव परिरहेको छ। यद्यपि, ओलीका सल्लाहकारहरुका अनुसार ओली राजीनामा नदिने बरु अविश्वासको प्रस्ताव सामना गर्ने मुडमा छन्। 

ओली नेतृत्वको सरकारको बहिगर्मनको यात्रा तय गर्न र नयाँ सरकार निर्माण गर्न गणितीय हिसाबमा कांग्रेस निर्णायक देखिन्छ। तर, उसको आगामी रणनीति के हुन्छ भन्ने चाहिँ प्रष्ट भइसकेको छैन।  

फैसला लगत्तै कांग्रेस सभापति शेरबहादुर देउवा र नेकपा (दाहाल–नेपाल) समूहका अध्यक्ष पुष्पकमल दाहालबीच टेलिफोन वार्ता भएको थियो भने बुधबार दाहाल र माधवकुमार नेपालले देउवासँग भेटेरै छलफल गरेका छन्। 

भावि सरकारको नेतृत्व लिन दाहालले देउवालाई यससअघि पनि प्रस्ताव गरिसकेका छन्। तर, देउवा र कांग्रेस नेताहरु यसबारे अझै खुलिसकेका छैनन्।

सर्वोच्चको फैसलापछि प्रतिक्रिया दिँदै दाहालले अब प्रधानमन्त्री ओलीसँग एकता हुने कुनै सम्भावना नहेको र सहकार्य समेत हुन नसक्ने बताएका छन्। 

यस्तो अवस्थामा नेकपा औपचारिकरुपमै विभाजन भयो भने सरकार जोगाउन वा बनाउन कांग्रेसको समर्थन आवश्यक पर्छ। त्यो बेलामा कांग्रेसको भूमिका के हुन्छ त? सह–महामन्त्री महत भन्छन्, ‘हाम्रो प्राथमिकता सरकारमा जाने हुन हुँदैन। अब रह्यो कसलाई समर्थन गर्ने भन्ने। हिजो सबै मिलेर संविधान मिच्न लागेकै हुन्। कुन पक्षलाई समर्थन गर्ने भन्ने कुरा पार्टीले निर्णय गर्ला। तर हामी सरकारमा जान हुँदैन।’ 

दाहाल–नेपालले देउवा प्रधानमन्त्री बन्ने बताइरहँदा ओली पक्षीय नेता महेश बस्नेतले भने कांग्रेसकै सहयोगमा ओली नै प्रधानमन्त्री बन्ने बताएका छन्। त्यो सम्भावना कति छ त? महत भन्छन्, ‘हाम्रै नेतृत्वमा सरकार बन्ने अवस्था आयो भने त्यही बेलामा निर्णय हुनेछ। अन्यथा हाम्रो जोड सरकारमा जाने होइन।’

महत मात्रै होइन नेता मिनेन्द्र रिजाल पनि अबको राजनीतिक कोर्स नेकपा विवाद कसरी अघि बढ्छ, त्यसमै भर पर्ने बताउँछन्। खासगरी दाहाल–नेपालको भूमिकाले धेरै अर्थ राख्ने रिजालको भनाइ छ। 

नेकपा दुई खेमामा बाँडिए पनि आधिकारिकरुपमा दुई पार्टी बनिसकेको छैन। सोही कारण कांग्रेसले नेकपाको विवाद नयाँ परिस्थितिमा कसरी अगाडि बढ्छ, चासोका साथ हेरिरहेको छ। 

‘अब नेकपाको विवाद कसरी अघि बढ्छ, त्यो हेर्नुपर्छ। संसदीय दलमा नेता छान्ने कुरा होला। दाहाल–नेपाल कसरी अघि बढ्छन्, त्यो हेर्नुपर्छ,’ रिजाल भन्छन्, ‘नेकपा दुईवटा भयो भने मात्र नयाँ सरकारको कुरा आउला। एकै रह्यो भने नेकपाकै सरकार बन्ला।’ 

उनले कांग्रेसको भूमिका यिनै विषयसँग जोडिने बताए। ‘नेकपा विवाद कसरी अघि बढ्छ। त्यही अनुसार हामी सरकारमा जाने, नजाने वा सरकार बनाउने बारेमा सोचौंला,’ उनले भने, ‘होइन भने अहिले हामी प्रतिपक्षी दल हौं।’ 

कांग्रेसले सर्वोच्चको फैसलापछि औचपारिकरुपमा छलफल गरिसकेको छैन। केन्द्रीय समिति बैठक बोलाएर आगामी रणनीतिका बारेमा छलफल हुने बुझिएको छ। 
 


प्रकाशित: February 24, 2021 | 08:29:00 काठमाडौं, बुधबार, फागुन १२, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

इन्टरनेट जडान गर्ने क्रममा करेन्ट लागेर एक जनाको मृत्यु

करेन्ट लागेर आठराई गाउँपालिका–४ इवाका २४ वर्षीय निलम इङनामको मृत्यु भएको इलाका प्रहरी कार्यालय सङ्क्रान्तिबजारका प्रहरी निरीक्षक योगराज सुवेदीले जानकारी दिए।
नेपाल समय
समाज

राजधानीमा टीका र आशीर्वाद थाप्न हिँड्नेको चहलपहल

महाअष्टमी र महानवमीका दिन सुनसान प्राय बनेको राजधानीमा आज विजयादशमीको टीकापछि भने टीका लगाउन हिँड्नेको केही चहलपहल देखिन थालेको हो।
नेपाल समय
समाज

तीन वर्षपछि टीका लगाउन पाउँदा कैदीबन्दी खुसी

विजयादशमीको दशौँ दिन आज कारागारभित्रै आफन्तसँग टीका लगाउन पाउँदा कैदीबन्दी खुसी भएका हुन्।
नेपाल समय
समाज

नातिनीको स्याहारले बौरिए १०१ वर्षीय हजुरबुवा

तर, म्याग्दीको मालिका गाउँपालिका–२ मा पर्ने बेली गाउँका एक १०१ वर्षीय वृद्धले विदेश (इजरायल) मा बस्ने नातिनीको अनलाइन स्याहार सुसारबाट अझै बाँच्ने र परिवारको साथमै रहने वातावरण पाएका छन्। रुमको बेली गाउँका १०१ वर्षीय शिवलाल पुन थोरै भाग्यमानी व्यक्तिमा पर्छन्। उनलाई परिवारका सदस्यहरूले गरेको स्याहार सुसारदेखेर बेली गाउँ नै दङ्ग पर्ने गरेको छ।
नेपाल समय
समाज

पानी र झरीको पर्वाह नगरी ब्रह्मायणी जात्रामा दर्शानार्थीको भीड

प्रत्येक वर्ष विजयादशमीको दिन भक्तपुरको ब्रह्मायणी मन्दिरमा लाग्ने ब्रम्हायणी जात्रामा रातिदेखिनै दर्शनार्थीको भीड लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना