बिहीबार, असोज २०, २०७९

सिरहा कारागारमा ५ सय जना कोरोना संक्रमित, न भौतिक दूरी न आइसोलेसन

जयन्त ठाकुर  |  काठमाडौं, सोमबार, असोज ५, २०७७

जयन्त ठाकुर

जयन्त ठाकुर

सोमबार, असोज ५, २०७७, काठमाडौं

नेपाल समय

जनकपुरधाम– सिरहा जिल्ला कारागारका अधिकांश कैदीबन्दी कोरोना संक्रमित भएपछि कारागार प्रशासनदेखि प्रमुख जिल्ला अधिकारीसम्मको चर्को आलोचना भइरहेकोे छ।

 संक्रमित कैदी र अन्य कैदीलाई बेग्ला बेग्लै व्यवस्था नगरिएपछि सीडीओ र जेलर थप आलोचित भएका छन्।

सिरहा कारागारमा कुल ५९९ जना कैदी छन्। तीन पटक गरिएको पीसीआर परीक्षणको आधारमा अहिलेसम्म ५०० जनामा कोरोना भाइरसको संक्रमण पुष्टि भइसकेको छ।  संक्रमण नभएका र संक्रमित कैदीहरुलाई एउटै भवनमा व्यवस्थापन गरिएपछि कारागारभित्र त्रासको माहोल छ।

आइसोलेसनको अभावका कारण कोरोना संक्रमित कैदीबन्दीलाई पनि  कारागार भित्रै व्यवस्थापन गर्नुपरेको जेलर बबिता महतो बताउँछिन्।

सिरहा कारागारको जम्मा क्षमता १५० जनाको हो । तर यही ठाउँमा ५०० जनालाई कोचिएको छ। यस्तोमा भौतिक दूरी कायम गराउन सम्भव हुने कुरै भएन। जेलर महतो भन्छिन्, ‘भौतिक दूरी कायम गराउन नसकिए पनि अलग अलग राख्ने व्यवस्था मिलाएका छौँ। दूरी कायम गराउन नसकिएका कारण कारागारभित्र त्रासको वातावरण छ। हामी व्यवस्थित गर्ने प्रयास गरिरहेका छौँ।’

जेलर महतोका अनुसार संक्रमण नरहेका कैदीबन्दीले आफ्नालागि खाना अलग्गै बनाउँछन्। कारागारभित्र साना–ठूला गरी १४ वटा कोठा छन्। संक्रमित सबै कैदीबन्दीलाई ती कोठाहरुमा व्यवस्थापन गरिएको जेलर महतोले बताइन्। कोरोना संक्रमण नभएका कैदीलाई कारागारको छतमा बनाइएको टहरामा व्यवस्थापन गरिएको छ। शौचालय पनि बेग्लाबेग्लै व्यवस्थापन गरिएको छ।

संक्रमितहरुको उपचारका लागि जिल्ला स्वास्थ्य कार्यालय र सिरहा नगरपालिकाको समन्वयमा मेडिकल टिम बनाइएको छ। मेडिकल टिममा एक जना चिकित्सक, २ जना अनमी र ४ जना अहेब छन्।

कोरोना विरुद्धको प्रतिकार्यका लागि गत आर्थिक वर्षमा प्रदेश सरकारले २० लाख रुपैयाँ दिएको थियो। औषधि, स्यानिटाइजर, पञ्जा, साबुन–पानी, पीपीई लगायतमा उक्त रकम खर्च भइसकेको र चालू आर्थिक वर्षको साउन र भदौ महिनाका लागि पनि बजेट पठाइदिने भनेर प्रदेश सरकारले आश्वासन दिएको जेलर महतोले बताइन्। यद्यपि प्रदेश सरकारले सो रकम अहिलेसम्म निकासा दिएको छैन। 

कारागारका अधिकांश कैदीबन्दीमा संक्रमण देखिएपछि सुरक्षा सतर्कता बढाइएको प्रमुख जिल्ला अधिकारी प्रदीप कंडेलले जानकारी दिए। कैदीहरु भाग्न सक्ने अवस्था रहेकोले पुरानो जिल्ला प्रशासन कार्यालयको भवनलाई कारागारकै रुपमा तयार पार्न लागिएको उनले बताए। भवनमा ग्रिल लगाउने, मर्मत सम्भार गर्ने लगायतका काम सुरु गरिएको प्रमुख जिल्ला अधिकारी कंडेलको भनाई छ।

सिरहा कारागारमा गत साउन २४ गते २० देखि ५५ वर्षसम्मका ५९ जना पुरुष कैदीको कोरोना रिपोर्ट पोजेटिभ आएको थियो।

साउन २६ गते २० देखि ६० वर्षसम्मका १८ महिला र २ वर्षीय बालक गरी १९ जनामा कोरोना संक्रमण पुष्टि भएको थियो। त्यस्तै साउन २९ गते १४ देखि ३५ वर्षसम्मका १५ जना पुरुष तथा साउन ३० गते एक वर्ष देखि ६५ वर्षसम्मका १४७ पुरुष कैदीमा कोरोना संक्रमण पुष्टि भएको थियो।

भदौ ३१ गते सिरहा कारागारमै २५९ कैदीमा कोरोना संक्रमणको पुष्टि भएको थियो।

 


प्रकाशित: September 21, 2020 | 04:01:29 काठमाडौं, सोमबार, असोज ५, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

इन्टरनेट जडान गर्ने क्रममा करेन्ट लागेर एक जनाको मृत्यु

करेन्ट लागेर आठराई गाउँपालिका–४ इवाका २४ वर्षीय निलम इङनामको मृत्यु भएको इलाका प्रहरी कार्यालय सङ्क्रान्तिबजारका प्रहरी निरीक्षक योगराज सुवेदीले जानकारी दिए।
नेपाल समय
समाज

राजधानीमा टीका र आशीर्वाद थाप्न हिँड्नेको चहलपहल

महाअष्टमी र महानवमीका दिन सुनसान प्राय बनेको राजधानीमा आज विजयादशमीको टीकापछि भने टीका लगाउन हिँड्नेको केही चहलपहल देखिन थालेको हो।
नेपाल समय
समाज

तीन वर्षपछि टीका लगाउन पाउँदा कैदीबन्दी खुसी

विजयादशमीको दशौँ दिन आज कारागारभित्रै आफन्तसँग टीका लगाउन पाउँदा कैदीबन्दी खुसी भएका हुन्।
नेपाल समय
समाज

नातिनीको स्याहारले बौरिए १०१ वर्षीय हजुरबुवा

तर, म्याग्दीको मालिका गाउँपालिका–२ मा पर्ने बेली गाउँका एक १०१ वर्षीय वृद्धले विदेश (इजरायल) मा बस्ने नातिनीको अनलाइन स्याहार सुसारबाट अझै बाँच्ने र परिवारको साथमै रहने वातावरण पाएका छन्। रुमको बेली गाउँका १०१ वर्षीय शिवलाल पुन थोरै भाग्यमानी व्यक्तिमा पर्छन्। उनलाई परिवारका सदस्यहरूले गरेको स्याहार सुसारदेखेर बेली गाउँ नै दङ्ग पर्ने गरेको छ।
नेपाल समय
समाज

पानी र झरीको पर्वाह नगरी ब्रह्मायणी जात्रामा दर्शानार्थीको भीड

प्रत्येक वर्ष विजयादशमीको दिन भक्तपुरको ब्रह्मायणी मन्दिरमा लाग्ने ब्रम्हायणी जात्रामा रातिदेखिनै दर्शनार्थीको भीड लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना