बिहीबार, असोज २०, २०७९

पुजारी हत्याकाण्ड : प्रहरीको अनुसन्धानमै शंका

जयन्त ठाकुर  |  काठमाडौं, आइतबार, भदौ २८, २०७७

जयन्त ठाकुर

जयन्त ठाकुर

आइतबार, भदौ २८, २०७७, काठमाडौं

नेपाल समय

रौतहट (खेसरहिया)– प्रदेश २ को रौतहटमा पछिल्लो समय हत्याहिंसाको शृृंखला नै चल्यो। यसै क्रममा माधवनारायण नगरपालिका वडा नम्बर २ खेसरहियामा एक मन्दिरका पुजारीको हत्या भयो। साधुको हत्या किन भयो भन्ने प्रश्न सबैको मनमा उब्जिन थाल्यो।

हत्याको दुई सातापछि प्रहरीले खेसरहिया नजिकैको गाउँ देवाही गोनाही नगरपालिका वडा नं. १ करुनियाका ३६ वर्षीय रामनरेश पटेल र २८ वर्षीय बालकुमार पटेललाई नियन्त्रणमा लिएको छ। दुवैलाई भदौ १७ गते नियन्त्रणमा लिई १० दिनको म्याद लिएर अनुसन्धान चलिरहेको जिल्ला प्रहरी कार्यालय रौतहटले जनाएको छ।

आर्थिक लेनदेनको विवादका कारण पुजारीको हत्या भएको प्रहरीको प्रारम्भिक अनुसन्धानले देखाएको छ। तर, खेसरहिया र करुनियाका स्थानीय यो कुरा मान्न तयार छैनन्। पुजारीका भाइ तथा आरोपितका परिवारले पनि पुजारी र आफूहरुबीच आर्थिक लेनदेन नै नभएको दावी गरेका छन्।

पक्राउ परेका नरेश पटेलका काकाका छोरा सरोज पटेलले आफ्नो दाइ र पुजारीबीच कुनै किसिमको आर्थिक लेनदेन नै नभएको बताए। नरेश भैँसीको किनबेच तथा कृषिको काम गर्थे। करुनियाका स्थानीयको भनाइ मान्ने हो भने नरेश सरल स्वभावका छन्। उनलाई फसाउन खोजिएको हो।

गोली चलेको समय दाइ घरमै रहेको भाइ सरोजले दावी गरे। उनले भने, ‘पुजारीको हत्यापछि प्रहरी एक–दुई दिन हाम्रो गाउँमा पनि आयो। पछि नामै किटान गरेर दाइलाई खोज्न थाल्यो।’ नरेशका दुश्मनले पुजारी हत्याकाण्डमा फसाउन खोजेको सरोजले दावी गरे। प्रहरीले यातना दिएर दुवैलाई पुजारीको हत्या गरेको स्वीकार गर्न लगाएको आशंका स्थानीयको छ।

पक्राउ परेका अर्का आरोपी बालकुमार पटेल ट्याक्टर चलाउँथे। पटेलका हजुरबुवा दुखा भगत आफ्नो नातिलाई फसाउन खोजिएको दुखेसो गर्छन्। बालकुमारका बुवा जवाहिर पटेल नेपाल प्रहरीका पूर्व हवल्दार समेत हुन्। उनले पनि प्रहरीले दोषीलाई उन्मुक्ति दिएर निर्दोषलाई पक्राउ गरेको दावी गरे। ‘अनुसन्धानका लागि आएका प्रहरीको कुकुर जसको घरको अगाडि बस्यो, ऊसँग कुनै सोधपुछ भएन, तर मेरो छोरालाई प्रहरीले नियन्त्रण लियो,’ उनले भने।

केही स्थानीयले भने दुवै आरोपीले गाउँमा गुण्डागर्दी आएको स्वीकार गरे। सोही डरले कोही खुलेर बोल्न नचाहेको उनीहरुको भनाइ छ।

खेसरहियाका एक वृद्धले भने, ‘पुजारी आफैँ मागेर खाने गरेकोले पैसा दिने कुरै भएन, तर पक्राउ परेका दुवैजनासँग गाउँलेहरु डराउँथे।’ गाउँमा को शान्त स्वभावको र को बदमास छ सबैलाई थाहा रहेको उनले बताए।

अर्की एक स्थाीयले भनिन्, ‘हेर्नुहोला, तिनीहरु छुटेर आए भने गाउँमा कसैलाई छोडदैनन्। यहाँको ठूलै गुण्डा हो तिनीहरु।’

कवाडीको काम गर्ने श्रीराम कसरी बने पुजारी ?

श्रीराम साह आफ्नो घरका जेठो सन्तान थिए। उनका ४ भाइ र २ बहिनी छन्। भाइबहिनी सानै छँदा आमाबुवाको निधन भइसकेको थियो। उनले आफ्ना भाइबहिनीको बुवासरह पालनपोषण गरेका थिए।

विवाहपछि उनको एक छोरी भइन्, तर केही वर्षमै मृत्यु भयो। त्यसलगत्तै श्रीराम श्रीमती गाउँमै छोडेर पैसा कमाउने उद्देश्यले काठमाडौँ पसेका थिए। श्रीरामको दाम्पत्य जीवन पनि सुमधुर रहन सकेन। १० वर्ष अगाडि श्रीमतीको पनि मृत्यु भयो। त्यसपछि श्रीराम फेरि खेसरहिया फर्के।

खेसरहियामा रहेको आफ्नो जग्गा बेचेर हनुमान मन्दिर निर्माण गरे र सोही मन्दिरमा बस्न थाले।

पुजारीका कान्छा भाइ उपेन्द्र साहले दाइ एकदमै शान्त स्वभावको भएको सुनाए। ‘कसैसँग विवाद नै गर्न सक्नु हुन्नथ्यो। मन्दिर निर्माण भएपछि दाइ घर आउनु हँुदैनथ्यो। गाउँमा मागेर पुनः मन्दिरमै गएर पूजापाठ तथा खाना खाने गर्नुहुन्थ्यो। पुजारीको हत्या भयो भनेर गाउँका मान्छेहरु दौडँदै गए। हामी पनि गयौं। त्यहाँ पुग्दा गाउँका स्थानीय र प्रहरीसमेत पुगिसकेका थिए,’ भाइले भने।

परिवारलाई समेत शव नजिक जान नदिएको उपेन्द्रले बताए। प्रहरीले पुजारीको हत्याको कारण सार्वजनिक गरेको कुरा गलत रहेको उनको दावी छ। ‘जुन व्यक्ति आफैँ मागेर खान्छ, त्यो व्यक्तिसँग पैसा कहाँबाट आयो ? प्रहरीले भनेको कुरा एकदम गलत हो। प्रहरी झुटो बोलिरहेको छ,’ उनले भने।

पुजारी साह निःसन्तान रहेकाले उनको भाइका छोरा अजित साहले मुखाग्नि दिएका थिए। उनको हत्यापछि गाउँकै कैलाश साह र गोबर्धन दासले मन्दिरमा पुजा गर्दै आइरहेका छन्। पुजारीको हत्यापछि ५ दिनसम्म मन्दिरको पूजा नै बन्द भएको थियो।

मन्त्री भन्छन्– प्रहरीको अनुसन्धानमा शंका गर्ने ठाउँ छैन

प्रदेश २ का आन्तरिक मामिला तथा कानुनमन्त्री ज्ञानेन्द्र यादवले एक साधुको हत्या हुनु दुर्भाग्यपूर्ण रहेको बताउँदै यस विषयमा गम्भिरतापूर्वक अनुसन्धान भइरहेको बताए।

प्रहरीको अनुसन्धानमा शंका उब्जिरहेको छ नि भन्ने प्र्रश्नमा मन्त्री यादवले भने, ‘प्रहरीले तीन कोणबाट अनुसन्धान गरिरहेकोले अनुसन्धानमा शंका नगर्नुस्।’ कुन–कुन कोणबाट अनुसन्धान भइरहेको छ भन्ने विषयमा भने उनले केही खुलाउन सकेनन्। ‘अनुसन्धान हुँदैछ, चाँडै वास्तविकता सार्वजनिक हुनेछ,’ मन्त्री यादवले भने, ‘प्रदेशमा शान्ति सुरक्षा कायम राख्न कुनै कसर बाँकी राख्ने छैन।’

प्रदेश २ का प्रहरी प्रमुख धीरजप्रताप सिंहले पुजारी साहका भाइले दिएको उजुरीकै आधारमा अनुसन्धान भइरहेको जानकारी दिए।

भदौ ४ गते राति रौतहटको माधवनारायण नगरपालिका वडा नं. २ खेसरहियामा खाना खानका लागि बसेका ६५ वर्षीय पुजारी श्रीराम साहको अज्ञात समूहले गाली हानी हत्या गरेको थियो।


प्रकाशित: September 13, 2020 | 07:03:41 काठमाडौं, आइतबार, भदौ २८, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

इन्टरनेट जडान गर्ने क्रममा करेन्ट लागेर एक जनाको मृत्यु

करेन्ट लागेर आठराई गाउँपालिका–४ इवाका २४ वर्षीय निलम इङनामको मृत्यु भएको इलाका प्रहरी कार्यालय सङ्क्रान्तिबजारका प्रहरी निरीक्षक योगराज सुवेदीले जानकारी दिए।
नेपाल समय
समाज

राजधानीमा टीका र आशीर्वाद थाप्न हिँड्नेको चहलपहल

महाअष्टमी र महानवमीका दिन सुनसान प्राय बनेको राजधानीमा आज विजयादशमीको टीकापछि भने टीका लगाउन हिँड्नेको केही चहलपहल देखिन थालेको हो।
नेपाल समय
समाज

तीन वर्षपछि टीका लगाउन पाउँदा कैदीबन्दी खुसी

विजयादशमीको दशौँ दिन आज कारागारभित्रै आफन्तसँग टीका लगाउन पाउँदा कैदीबन्दी खुसी भएका हुन्।
नेपाल समय
समाज

नातिनीको स्याहारले बौरिए १०१ वर्षीय हजुरबुवा

तर, म्याग्दीको मालिका गाउँपालिका–२ मा पर्ने बेली गाउँका एक १०१ वर्षीय वृद्धले विदेश (इजरायल) मा बस्ने नातिनीको अनलाइन स्याहार सुसारबाट अझै बाँच्ने र परिवारको साथमै रहने वातावरण पाएका छन्। रुमको बेली गाउँका १०१ वर्षीय शिवलाल पुन थोरै भाग्यमानी व्यक्तिमा पर्छन्। उनलाई परिवारका सदस्यहरूले गरेको स्याहार सुसारदेखेर बेली गाउँ नै दङ्ग पर्ने गरेको छ।
नेपाल समय
समाज

पानी र झरीको पर्वाह नगरी ब्रह्मायणी जात्रामा दर्शानार्थीको भीड

प्रत्येक वर्ष विजयादशमीको दिन भक्तपुरको ब्रह्मायणी मन्दिरमा लाग्ने ब्रम्हायणी जात्रामा रातिदेखिनै दर्शनार्थीको भीड लागेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना