मंगलबार, असोज ११, २०७९

हामीले देखेको सन्त गम्भीरमान

महेश्वर आचार्य  |  काठमाडौं, सोमबार, जेठ १९, २०७७

महेश्वर आचार्य

महेश्वर आचार्य

सोमबार, जेठ १९, २०७७, काठमाडौं

नेपाल समय

केही पूर्वविद्यार्थी बिहानै त्रिपुरेश्वरस्थित विश्व निकेतन माविमा भेला भए। विद्यालयको मूल गेटसँगै रहेको गम्भीरमान मास्केको सालिक सरसफाइ गरे। आफूहरुले ल्याएको रुद्राक्ष र सयपत्रीको माला सालिकमा अर्पण गरे, गुरूलाई स्मरण गरे। मौनधारण गरे र सामूहिक फोटो खिचे।

‘उहाँले आफ्ना विद्यार्थीलाई जुन गुण लगाउनु भएको छ , त्यसले नै हामीलाई उहाँप्रति नतमस्तक बनाएको छ’, विद्यालयका पूर्व विद्यार्थी राजेश प्रधानाङ्गले भने, ‘उहाँले शिक्षकका रूपमा गर्नुभएको समर्पण अतुलनीय छ। उहाँको त्यो गुनलाई जगाइराख्न पनि आज उहाँको जन्मदिनमा भेला भएका हौं।’

अवस्था सामान्य थियो भने जेठ १७ गते विश्व निकेतन माविमा उत्सवमय वातावरण हुन्थ्यो। बन्दाबन्दी र भौतिक दूरीको वातावरणले त्यसो गर्न दिएन।

औपचारिक कार्यक्रम तथा अन्य क्रियाकलाप गर्न नसकिएको बताउँदै प्रधानाङ्गले केही साथीभाइ मात्र भेला भई श्रद्धा सुमन अर्पण गरेको बताए।

‘अहिलेको जटिल परिस्थितिमा इच्छुक अन्य सबैलाई सामाजिक सञ्जालबाट जोड्यौं,’ उनले भने, ‘उहाँले हामीलाई सधैं असल हुनुपर्छ भन्ने शिक्षा दिनुभयो। नैतिकता हराउँदै गएको अहिलेको समयमा उहाँको त्यो शिक्षा बढी सान्दर्भिक छ।’

२०७५ मंसिर १६ मा ८७ वर्षको उमेरमा उनको निधन भयो। उनको निधन भएको केही समयमै उनका शिष्यको सक्रियतामा विश्व निकेतन–गम्भीरमान फाउन्डेसन नामक एक सामाजिक संस्था गठन गरियोे जसले मास्केको पहिलो वार्षिकी पारेर उनको सालिक विद्यालय परिसरमा स्थापना गर्यो।

‘गुणस्तरीय शिक्षाको लागि हातेमालो’ भन्ने नारालाई आत्मसात् गर्दै संस्थाले शैक्षिक क्रियाकलापलाई अघि बढाउने लक्ष्य लिएको छ। संस्थाले स्वर्गीय मास्केको जन्मदिन पारेर गत वर्ष उनीद्वारा लिखित ‘दिवा स्वप्नमा आउने’ पुस्तकको अंग्रेजी संस्करण ‘द लिंगरिङ इमेज अफ माइ डे ड्रिम्स’ प्रकाशित गरेको थियो।

२०१७ सालमा अंग्रेजी विषय शिक्षकका रुपमा विश्व निकेतन प्रवेश गरी २०२३ देखि २०५१ सम्म प्रधानाध्यापकको जिम्मेवारी सम्हालेका मास्के एक अनुकरणीय शिक्षासेवी थिए।

मास्केलाई धेरैजनाले धेरै दृष्टिकोणबाट सम्झने गरेका छन्। शिक्षक तप्काले उनलाई मित्रवत् र सहयोगी सम्झन्छन्।

‘गम्भीरमान सरले शिक्षक तथा विद्यार्थीलाई प्रोत्साहन गरिरहनुहुुन्थ्यो,’ लामो समय विश्व निकेतन माविमा नेपाली विषय शिक्षिका रहेकी मञ्जु अधिकारीको स्मरण छ। ‘कहिल्यै नरिसाउने, सदैव सहयोगका लागि तत्पर हुने उहाँको गुण अनुकरणीय छ। उहाँले विद्यालयलाई नै आफ्नो परिवार ठान्नुभयो। त्यो उहाँको ठूलो त्याग हो’, अधिकारीको भनाइ छ।

मास्केलाई शिक्षासेवी मात्र होइन शिक्षा योगीका रुपमा हेर्ने विद्यार्थीका पनि कमी छैन।

‘यो विद्यार्थी राम्रो छ। यसलाई पढ्न दिनुपर्छ है भनेर घरघरमा गएर अभिभावकलाई अनुरोध गर्न आउने शिक्षक कति होलान् ?’ हाल अमेरिका कर्मथलो रहेका पूर्व विद्यार्थी सुशील ताम्राकारले भने।

‘विद्यालयलाई कसरी राम्रो बनाउने भन्ने उहाँको एउटै मात्र ध्याउन्न थियो। शिक्षक र विद्यार्थी राम्रो भए स्कुल त्यसै राम्रो हुन्छ भनेर उहाँले आफ्नो जीवन नै स्कुललाई समर्पित गर्नुभयो’, ताम्राकार सम्झन्छन्। उनको भनाइमा गम्भीरमान मास्के शिक्षक नै हुन जन्मेको मान्छे हुनुहुन्थ्यो।

‘उहाँले जहिले पनि असल मान्छे हुनुपर्छ भन्ने मात्र जोड दिनुभयो,’ ताम्राकार भन्छन्, ‘उहाँ आफैं पनि एउटा असल मान्छे भएर बित्नुभयो। हामीले देखेको सन्त हुनुुहुन्थ्यो गम्भीरमान सर।’

कुनै बेला विश्व निकेतन र गम्भीरमान एक अर्काका पर्याय थिए। ‘वास्तवमा त्यो त्यसै भएकोे होइन नि। त्यसको लागि उहाँको कति योगदान रहेको छ भनेर कि त उहाँका सहकर्मीले बुझेका होलान्, कि त परिवारका सदस्यले बुझेका होलान्,’ विद्यालयमा गणित शिक्षकको रूपमा ४२ वसन्त बिताइसकेका पूर्णबहादुर अमात्य भन्छन्।

अमात्यका अनुसार मास्केले आफ्नो स्वार्थलाई नहेरी विद्यार्थी र विद्यालयको हित हेरेकाले नै उनीप्रति सबैको श्रद्धा भएको हो।
‘मास्के सधैं ‘राम्रो गरे राम्रै हुन्छ’ भन्ने उक्ति दोहोर्याइरहनुहुन्थ्यो। तर सधैँ भने जस्तो गर्नु सजिलो हुँदैन,’ पूर्व विद्यार्थी प्रदीप ढकाल भन्छन्, ‘उहाँले जे भन्नुभयो त्यही कुरा गर्नुभयो र एउटा पूर्ण सिद्धान्तनिष्ठ व्यक्तित्व रहन सफल हुनुभयो। उहाँ एउटा योगी हो, शिक्षायोगी।’
गम्भीरमान मास्के सरप्रति श्रद्धासुमन !


प्रकाशित: June 1, 2020 | 14:25:00 काठमाडौं, सोमबार, जेठ १९, २०७७

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
समाज

रैथाने धानको अनुसन्धान गरिँदै

त्रिभुवन विश्वविद्यालयको केन्द्रीय वनस्पति अनुसन्धान विभागले सुदूरपश्चिमका तीन जिल्लामा रैथाने धानमा अनुसन्धान थालेको छ।
नेपाल समय
समाज

नाका नखुल्दा तिब्बतको च्याङ्‍ग्रा भित्रिन सकेन

व्यवसायीले मुस्ताङका च्याङ्‍ग्रा बजार भित्र्याएका छन्। बागलुङ, पर्वतसहित आसपासमा सोमबार च्याङ्‍ग्रा आइपुगेका हुन्। व्यवसायीले हप्तौँ लगाएर बर्सेनि दसैंमा च्याङ्‍ग्रा भित्र्याउँछन्। दसैँमा च्याङ्‍ग्राको माग उच्च हुन्छ।
नेपाल समय
समाज

शीत भण्डार सञ्चालनमा नआउँदा किसानलाई समस्या

किसानले उब्जनी गरेको फलफूल तथा तरकारी भण्डारण गर्ने स्थान नहुँदा जिल्लाका किसान तथा व्यवसायी समस्यामा परेका हुन्।
नेपाल समय
समाज

सुर्तीजन्य पदार्थको खोलमा ९० प्रतिशत चेतनामूलक सन्देश छाप्नुपर्ने

नेपालमा सुर्तिजन्य पदार्थबाट बनेका चुरोट खैनी लगायतको बट्टा ९० प्रतिशत चेतनामूलक सन्देश र घातक रङ्गिन चित्र छाप्नुपर्ने अनिवार्य भएको छ।
नेपाल समय
समाज

सात वर्षपछि मनकामना मन्दिर परिसरको सत्तल पुनर्निर्माण गरिँदै

वि.सं. २०७२ सालमा गएको गोरखा भूकम्पले क्षति पुगेको प्रसिद्ध धार्मिकस्थल गोरखाको मनकामना मन्दिर परिसरमा रहेको सत्तल पुनःनिर्माण हुने भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना