मंगलबार, असोज ११, २०७९

१० मिनेट घम्साघम्सीपछि कुमालले यसरी मारे आक्रमणकारी चितुवा

महेश्वर आचार्य  |  काठमाडौं, आइतबार, वैशाख २८, २०७७

महेश्वर आचार्य

महेश्वर आचार्य

आइतबार, वैशाख २८, २०७७, काठमाडौं

नेपाल समय

काठमाडौं- तनहुँको भानु नगरपालिका–४ का रामबहादुर कुमालले आक्रमणकारी चितुवालाई मारेका छन्।

चितुवासँग झन्डै दस मिनेट घम्साघम्सी परेको कुमालले बताए। ‘सेनामा हुँदा सिकेको तालिम चितुवासँग लड्न काम लाग्यो,’ सेनाका पूर्व हवल्दार कुमालले भने। स्थानीय मोती मेडिकलमा प्राथमिक उपचारपछि थप उपचारका लागि उनलाई पोखरा लगिएको थियो।

भानु नपा वडा नम्बर ४ का अध्यक्ष पूर्णबहादुर लौडारी भाटले कुमालको उपचारमा नगरपालिकाले सहयोग गर्ने बताए। ‘धेरै पछि गाउँमा चितुवा आक्रमणको घटना भयो,’ भाटले भने, ‘यो घटनाचाहिँ जंगल क्षेत्रमै मानिस जाँदा भएको देखियो।’

डिभिजन वन कार्यालय तनहुँका प्रमुख केदार बरालले गत वर्षको पुस २२ गतेपछि यो घटना भएको बताए। ‘झन्डै १५ किलो जतिको रोगी रोगी खालको भाले चितुवा रहेछ,’ बरालले भने, ‘कार्यालयले घाइतेलाई क्षतिपूर्ति उपलब्ध गराउँछ।’

उनले घाइतेलाई क्षतिपूर्ति दिइने बताए। मृत चितुवालई वन कार्यालय परिसरमा गाडिएको छ। तनहुँमा दुई वर्ष अवधिमा चितुवा आक्रमणमा परी ८ बालबालिकाको मत्यु भइसकेको छ।

चितुवा आक्रमणका ७ वटा घटना भानु नगरपालिकामै भएका छन्। कार्यालय तनहुँले झन्डै एक करोड रुपैयाँ मृतक, घाइते तथा चौपाया क्षति भएकालाई क्षतिपूर्ति दिइसकेको बरालले बताए।

उनले अधिकांश घटना साँझको समयमा भएको जानकारी दिए। ‘जनचेतनाको काम अझै प्रभावकारी हुन नसकेको देखिन्छ,’ बरालले भने, ‘समाधानका अन्य उपायसँगै सचेतना कार्यक्रम बढाउनुपर्ने देखिन्छ।’

चितुवाले वयश्क मान्छेलाई हत्तपत्ति आक्रमण गर्दैन । जसरी मानिस चितुवादेखि डराउँछ चितुवा पनि वयश्क मान्छेसँग डराउँछ।

प्राणीशास्त्री यादव घिमिरे भन्छन्, ‘चितुवाको मुख्य निशाना मान्छे होइन। उसलाई जोखिम पर्दा जाइलाग्ने हो । त्यो त चितुवा मात्रै होइन सबै प्राणीमा लागू हुन्छ।’

आठौं चितुवा खोरमा

‘चितुवा समाउन जिल्लाभरि १८ वटा खोर बनाएर वन क्षेत्रमा राखेका छौं,’ बरालले भने, ‘शुक्रबार बन्दीपुर गाउँपालिका शेराटारमा एउटा चितुवा खोरमा परेको छ। यसअघि ७ वटा चितुवालाई पक्रेर चितवन राष्ट्रिय निकुञ्जलगायतका ठाउँमा लगिसकेका छौं।’

उनका अनुसार शेराटारको खोरमा परेको चितुवा ३५ किलो जतिको आठ नौ वर्षको भाले हो। ‘सधैं खोरमा थुनेर मात्र पनि समस्या समाधान हुँदैन,’ बरालले भने, ‘जिल्लाभर चितुवाको संख्या र तिनको आहार प्रजातिबारे विस्तृत अध्ययन पनि थालेका छौं। क्यामरा ट्रयाप विधिबाट निगरानी बढाउने तयारीमा छाैं।’

घरसँगै टाँसिएको बारीमा मकैजस्ता चितुवा लुक्न सक्ने बाली नलगाउने, रातको समयमा घरबाहिर बत्ति बालेर उज्यालो बनाइराख्ने, घरबाहिर निस्कँदा एक्लै ननिस्कने, निस्कनै परे दुईजना भएर निस्कने, रातमा निस्कन पर्दा टर्चलाइट बाल्ने जस्ता उपाय अपनाउँदा जोखिम धेरै कम हुन्छ।

'यसरी मारेँ चितुवा'

चण्डी पूर्णिमाका लागि अघिल्लो दिन कुखरा किनेर ल्याएका थियौं। राति तीन बजे आसपास कुखुरा चोरी भएको सुइँको पायौं। उठेर हल्ला गर्न थालियो। सेतोसेतो लुगा लगाएको चोर चउरतिर भागेको कुरा गाउँलले गरे।

कुकुर पनि चउरतिरै भाग्न थाल्यो। कुकुरले पक्कै चोरलाई लखेट्यो होला भनेर कुकुर भागेतिर भाग्यौं। हातमा एउटा मोबाइल बोक्या थिएँ। पछिपछि १३ वर्षको छोरो पनि दौडेर आइराथ्यो।
अलि पर पुगेर कतै चोर चोर रुखमा पो चढ्यो कि भनेर यसो माथि हेरेको त चितुवा पो रहेछ। लौ बर्बाद भो ‘ल भाग भाग’ भन्दै थियौं।
ङ्वारर्र गरेर एक खेप करायो। मेरो पछिल्तिर भएको छोरोलाई चितुवाले खाला भनेर उसलाई अघि लाएर यसो अघि मात्र बढ्या थियौं अर्को खेप ङ्वारर्र गरेर आइहाल्यो। ढुंगा टिपेर हानें। लाग्यो लागेन भेउ पाइनँ ।

मैले ढुंगा हानेकै हातमा क्वाप्प पारिहाल्यो।
लडेर अर्को कान्लामा पुगिसकियो हात त छोड्दैछोेड्दैन। बाघले अगाडिको खुट्टाले आक्रमण गर्छ भन्ने तालिमका सिकेको थिएँ।
अनि मैले पनि घुँडाले घाँटीमा अँठ्याएर उसका अगाडिका दुई हातलाई लक लगाइदिएँ। ऊचाहिँ पछाडिको खुट्टाले मलाई हानिराछ।

मैले मुखै च्यातिदिन्छु भनेर मुखमा हात छिराएँ। माथ्लो च्यापुले मेरा हातलाई अँठ्याउँछ। बल्लबल्ल हात निकालेर तल्लो च्यापु च्यात्न लागेँ। एउटा दाउराको ठेडो देखें। त्यो ठेडो लिएर बल्लतल्ल बायाँ हातले त्यसैको आँखैमा कोपिदिए।

‘ढुंगाले हान्नू ढुंगाले हान्नू’ भन्दै छोरो कराउँदै थियो। एउटा सस्यानो ढुंगाले ड्याम कि ड्याम हान्न थालें। गलिसकेको थिएँ।
त्यही बेला मेरो दाइ आएर त्यसको पछाडिको खुट्टा समाइदिनुभो। अनि एक दुई खेप हानेपछि त्यो अचेत भर लड्यो।

दाहिने हातमा चोट लागेको छ। सेनाको तालिम नभएको भए पक्कै पनि लड्न सकिन्न्थ्यो। तालिम लिएको भर बाँचियो। (कुराकानीमा आधारित)


प्रकाशित: May 10, 2020 | 11:41:00 काठमाडौं, आइतबार, वैशाख २८, २०७७

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
समाज

कस्तो रहला आजको मौसम?

मंगलबार दिउँसो प्रदेश १, बागमती प्रदेश र गण्डकी प्रदेशका थोरै स्थानहरूमा र बाँकी प्रदेशहरूका एक-दुई स्थानमा चट्याङसहित हल्का देखि मध्यम वर्षाको सम्भावना रहेको महाशाखाले जनाएको छ
नेपाल समय
समाज

आज भारतीय शसस्त्र सीमा बलका प्रमुख नेपाल आउँदै

भारतीय सशस्त्र सीमा बल (एसएसबी) का प्रमुख सुजोय लाल थाओसेन मंगलबार नेपाल आउँदै छन्। गृह मन्त्रालयका अनुसार नेपालको सशस्त्र प्रहरी (एपीएफ) र एसएसबीबीच आयोजना हुन लागेको वार्षिक समन्वय बैठकमा भाग लिन थाओसेन नेपाल आउन लागेका हुन्।
नेपाल समय
समाज

आज दसैंको दोस्रो दिन, ब्रह्मचारिणी देवीको पूजा गरिँदै

बडादसैंको दोस्रो दिन आज ब्रह्मचारिणी भगवतीको पूजा हुुँदैछ। घटस्थापना गरेसँगै नवदूर्गाका ९ वटा रूपहरूको पूजा गर्ने परम्परा छ। ब्रह्मचारिणी अर्थात् तपको आचरण गर्ने यी देवीको उपासनाले मनुष्यमा तप, त्याग, वैराग्य, सदाचार, संयमको वृद्धि हुन्छ भन्ने मान्यता छ।
नेपाल समय
समाज

यस्तो पनि कार्यालय : जहाँ न शौचालय छ, न त खानेपानीको प्रबन्ध

'बाहिर खेतमा दिसा–पिसाब बस्दा स्थानीयवासीको गाली र हप्काइ खानुपर्छ', अर्का सेवाग्राही सम्मरीमाइ–६ का बिहारी चौहानले भन्नुभयो, 'प्रतीक्षालय, शौचालय र एउटा ह्याण्डपाइपको व्यवस्था नभएको यस कार्यालयमा सेवाग्राही मात्र होइन, कर्मचारीलाई पनि सास्ती छ।'
नेपाल समय
समाज

अर्धचेत मुकेश : पिरोलिँदै बित्छन् कायस्थ परिवारको दसैँ

विगत १७ वर्षमाकस्ता चाडपर्व कति बिते शय्यामा सुतिरहेका काभ्रेपलाञ्चोकको बनेपा नगरपालिका-८ का ‘ज्यूँदो शहीद’ मुकेश कायस्थलाई थाहा छैन।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना