बिहीबार, असोज २०, २०७९

चिया बारीमै, दूध घरमै, शान्त श्रीअन्तु

महेश्वर आचार्य  |  काठमाडौं, आइतबार, चैत २३, २०७६

महेश्वर आचार्य

महेश्वर आचार्य

आइतबार, चैत २३, २०७६, काठमाडौं

नेपाल समय

इलामको देउमाई अर्गानिक चियाको प्रमुख उत्पादन क्षेत्र हो। यहाँ सिजनमा दैनिक सात हजार किलो चियापत्ती संकलन हुन्छ। चियाको मुख्य बजार विदेश हो।

यतिबेला चियाको मुना पलाएको छ। नटिपे सुक्छ। पछि राम्रो उत्पादन हुँदैन। कोरोना भाइरसका कारण चिया टिप्न नपाएपछि किसान चिन्तित छन्। यस्तै मूल्य नतोकिएकाले अन्योल भएको छ।

स्थानीय किसान नारद रानाले भने, ‘सुरुमा हामीलाई सामान जगेडा राख्नुपर्छ भनिएन। बन्दाबन्दी कति दिनसम्म हुने थाहा भएन।’ खेतीका लागि चाहिने सामान जोहो नगरिँदा समस्या भएको उनले बताए।

मंगलबारेका अर्का किसान मणिकुमार तामाङले चिया खेती राम्रो भए पनि समयमा टिप्न नपाउँदा सोचेजति आम्दानी हुन नसक्ने बताए।
‘चैतमा तयार हुने पहिलो फसल नटिपे उत्पादन राम्रो नहुने र टिपेको चिया उद्योगले नबुझ्ने हो कि भन्ने चिन्ता छ,’ तामाङले भने, ‘चिया सुकाउने ड्रायर भएका किसानलाई त समस्या छैन तर अरु धेरै मर्कामा छन्।’

देउमाई नगरपालिकाका प्रमुख सूर्यप्रसाद पोखरेलले भने किसानलाई ढुक्क हुन आग्रह गरेका छन्। उद्योगीसँगको सहकार्यमा चिया टिप्ने कार्य सुरु गर्ने निर्णय भएको उनले बताए।

नगरपालिकाले सरकारी मापदण्ड पालना गरेर चिया टिप्न किसानलाई निर्देशन दिएको छ। ‘चारचार लाइनमा एक जना बसेर चिया टिप्न निर्देशन दिइएको छ। भीडभाड नगर्न, नगराउन सबैलाई सचेत गराइएको छ,’ पोखरेलले नेपाल समयसँग टेलिफोनमा भने।

जनप्रतिनिधि तथा सरोकारवालाको बैठकले सरकारी मापदण्डमा आधारित रहेर चिया टिप्ने निर्णय भएको हो। उद्योगले पनि सोहीअनुसार चिया प्रोसेसिङ थाल्ने सहमति भएको छ।

कोरोना भाइरस संक्रमणका कारण विदेश निर्यात गर्ने अवस्था नरहेकाले मूल्य नतोकीकन चिया प्रोसेसिङ गर्न लागिएको नगर प्रमुख पोखरेलले बताए।

दूध किसानलाई मर्का

देउमाई नगरपालिका ३ मंगलबारेका मदन मुखियाले दूध संकलन बन्द हुँदा खेर जाने अवस्था आएको बताए। ‘दूध मात्र कारोबार गर्ने किसानलाई बन्दाबन्दीले गाह्रो पार्छ कि जस्तो देखिँदै छ,’ उनले भने।

गाउँठाउँका एकाध डेरी सञ्चालन भए पनि अधिकांश किसानको उत्पादन खपत हुने अवस्था छैन। किसान नारद राना भन्छन्, ‘अधिक उत्पादन सहरबजारमै खपत हुने हो। सहर बन्द भएपछि गाईभैंसीका दूधले बजार पाएका छैनन्’, रानाले भने, ‘गाउँका उत्पादन गाउँमै थन्किएका छन्।’

श्रीअन्तु सुनसान

पर्यटन प्रवर्धन गर्न तयार पारिएको देशभित्रका एक सय पर्यटकीय केन्द्रमा पर्छ, इलामको श्रीअन्तु।

सूर्योदय हेर्न श्रीअन्तुमा नेपाल र भारतका विभिन्न ठाउँबाट पर्यटक आउँथे। तर, अहिले श्रीअन्तुका होटेल र होमस्टे बन्द छन्। पशुपतिनगरको सीमा बन्द भएयता आउजाउ ठप्प छ।

‘बन्दाबन्दी सबैले पालना गरेका छन्,’ स्थानीय व्यवसायी खगराज घिमिरेले टेलिफोनमा भने, ‘कहीँ जानुपरे जनप्रतिनिधिलाई फोन गरेर मात्र निस्कने पटिपाटी मिलाइएको छ।’

उनका अनुसार गाउँले पनि सीमा क्षेत्रमा सतर्कतापूर्वक निगरानीमा खटिएका छन्। ‘सीमापारि आउजाउ निरुत्साहन गर्न कडा निगरानी गरिएको छ। आउजाउ पूर्णतः बन्द छ,’ उनले भने ।


प्रकाशित: April 5, 2020 | 11:32:00 काठमाडौं, आइतबार, चैत २३, २०७६

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

करेन्ट लागेर दाजु–भाइको मृत्यु, आमा–छोरा घाइते

करेन्ट लागेर धनुषाको जनकपुरधाममा दाजु–भाइको मृत्यु भएको छ भने आमा–छोरा घाइते भएका छन्।
नेपाल समय
समाज

भैरहवाबाट काठमाडौंका लागि उडेको बुद्ध एयर विमान जनकपुरधाममा अवतरण

खराब मौसमका कारण भैरहवाबाट काठमाडौँका लागि उडेको बुद्ध एयरको विमान जनकपुरधाममा अवतरण गरेको छ।
नेपाल समय
समाज

प्रतिकूल मौसका कारण पोखराबाट हुने उडान रद्द

लगातारको वर्षाका कारण काठमाडौंबाट पोखरामा हुने र पोखराबाट अन्य विमानस्थलमा हुने सबै उडान रद्द भएका छन्।
नेपाल समय
समाज

वर्षा जारीः पृथ्वीराजमार्ग सञ्चालनमा, ग्रामीण सडकहरु अवरुद्ध

पृथ्वीराजमार्ग अन्तर्गत धादिङका केही ठाउँमा पहिरा गएपनि अन्य ठाउँको पहिरा हटाएर राजमार्ग सञ्चालनमा आएको छ। धादिङको गजुरी गाउँपालिका–६ जरेखेतमा भने केही बेर अगाडि पहिरो खसेर राजमार्ग अवरुद्ध भएको जिल्ला प्रहरी कार्यालय धादिङका प्रहरी नायब उपरिक्षक श्यामबहादुर खत्रीले जानकारी दिए।
नेपाल समय
समाज

बारा बस दुर्घटना अपडेट : ९ जनाको सनाखत, घाइते १६ जनाको भरतपुरमा उपचार हुँदै

बाराको जितपुर सिमरा उपमहानगरपालिका–२२ अमलेखगञ्जमा बस दुर्घटनामा परी मृत्यु भएका नौजनाको सनाखत भएको छ। बस दुर्घटनामा मृत्यु हुनेको संख्या १६ पुगेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना