बिहीबार, असोज २०, २०७९

भेटेरिनरी डाक्टर भन्छन्, ‘महामारीको मुखमा छौं, हाम्रा प्रयोगशाला र जनशक्ति पनि उपयोग गरौं'

महेश्वर आचार्य  |  काठमाडौं, मंगलबार, चैत १८, २०७६

महेश्वर आचार्य

महेश्वर आचार्य

मंगलबार, चैत १८, २०७६, काठमाडौं

नेपाल समय

भारतले महाराष्ट्र र केरलमा कोरोनाविरुद्ध भेटेरिनरी डाक्टर खटाएको छ। नेपालका झन्डै १२ सय भेटेरिनरी डाक्टर सहयोगका लागि तयार छन्। तर सरकारले सहयोग लिन चासो देखाएको छैन।

काठमाडौं- पशु स्वास्थ्य क्षेत्रमा संलग्न विज्ञहरुले कोरोना परीक्षणमा ढिलाइ हुँदा महामारी फैलन सक्ने भन्दै परीक्षण कार्य द्रुत गतिमा बढाउन सरकारलाई सुझाव दिएका छन्।

उनीहरुले सरकारले प्रस्ताव गरेमा आफूहरु परीक्षणमा खटिन तयार रहेको बताएका छन्। सम्भावित महामारी रोक्न सरकारले समन्वय र सहकार्यलाई जोड दिनुपर्ने उनीहरुको भनाइ छ।

नेपाल भेटेरिनरी एसोसिएसनका अध्यक्ष डा. शीतलकाजी श्रेष्ठले संस्थामा दर्ता भएका १२ सय भेटेरिनरी डाक्टरहरु आइपरेमा ब्याकअप फोर्सका रुपमा काम गर्न तयार रहेको बताए।

श्रेष्ठका अनुसार पशु स्वास्थ्य सेवाअन्तगर्त नेपालमा बेसिक सेक्युरिटी लेभल ३ (बीएसएल) का ६ वटा प्रयोगशाला छन्। तिनलाई कोरोना परीक्षणमा उपयोग गर्न सकिन्छ।

‘काठमाडौंमा तीन र काठमाडौंबाहिर तीन गरी छ वटा प्रयोगशाला पशु स्वास्थ्य सेवामा छ। तिनलाई उपयोग गरेर परीक्षणलाई द्रुत बनाउन सकिन्छ,’ श्रेष्ठले भने, ‘हामीकहाँ हजारभन्दा कम बिरामीमा परीक्षण भएकाले रोगको यकिन अवस्था अज्ञात छ। संक्रमित बिस्तारै देखिँदै छन्। महामारी आउनुअघि नै परीक्षण व्यापक बनाउनुपर्छ ।’

उनका अनुसार ती प्रयोगशाला उपयोग गरी २४ घण्टा सेवा दिँदा दिनमा दुई हजार नमुना परीक्षण हुन सक्छ। पशु स्वास्थ्य अनुसन्धानमा संलग्न १९ जना प्राविधिक पनि सेवा दिन तायार रहेको श्रेष्ठले बताए।

‘रिएजेन्ट र केमिकल हुने हो भने परीक्षण गर्न सकिन्छ। यसो हुन सके परीक्षणको संख्या बढ्ने थियो भने नतिजा पनि चाँडै आउने थियो,’ उनले भने।

गत साता कैलाली र बाग्लुङमा कोरोना परीक्षण गर्न जाने टोलीमा पशु स्वास्थ्यमा कार्यरत प्राविधिकहरु सहभागी हुन तयार रहे पनि सरकारका तर्फबाट औपचारिक पत्र नआउँदा नगाएको उनले बताए।

कोरोना परीक्षणमा इटालीमा चिकित्साशास्त्रका अन्तिम वर्षका विद्यार्थीलाई काममा लगाइएको छ भने भारतमा पनि पशु स्वास्थ्य प्रयोगशाला उपयोग गरिएको छ ।

भारतले महाराष्ट्रमा भएको नागपुर र परबानीको पशु स्वास्थ्य अध्ययन प्रतिष्ठानलाई कोरोना परीक्षणका लागि प्रयोग गर्ने निर्णय गरिसकेको छ। यस्तै केरलमा ८ जना भेटेरिनरी डाक्टर तथा प्राविधिक कोरोना उपचारमा संलग्न छन्।

‘परीक्षणका लागि गरिने कन्ट्याक्ट ट्रेसिङ, काउन्सिलिङ, ब्याक अप फोर्सका रुपमा भेटेरिनरीको उपयोग गर्न सकिन्छ,’ श्रेष्ठ भन्छन्, ‘हामी महामारीको मुखमा छौं, जसरी हुन्छ सहकार्य गरेर अहिलेको समस्या टार्नुपरेको छ।’

सरकारले समुदायमा महामारीको अवस्था आउनुअघि नै सहकार्य गर्नुपर्ने धारणा पशु चिकित्सक तथा इपिडेमियोलोजिस्ट डा. सुरेन्द्र कार्कीको छ।

‘हालसम्म जति संक्रमण देखिए त्यसले अरु पनि संक्रमित छन् भन्ने संकेत गरेको छ,’ कार्की भन्छन्, ‘अब परीक्षणको दायरा धेरैभन्दा धेरै बढाउनुपर्छ। सम्भावित बिरामीको ट्रयाकिङमा जोडतोडका साथ लाग्नुपर्छ।’

कार्कीका अनुसार अस्पतालमा भएका प्रयोगशाला अपुग भएको अवस्था हो भने विभिन्न विश्वविद्यालयका माइक्रोबाइलोजी, बायोटेक्नोलोजीका प्रयोगशाला पनि प्रयोग गर्नुपर्छ।

‘बर्ड फ्लुलगायतको महामारीका बेला काम गरेका पशु चिकित्सक तथा पशु स्वास्थ्यकर्मीका अनुभव अहिले उपयोगी हुन्छ। त्यसतर्फ पनि सरकार लाग्नुपर्यो,’ कार्की भन्छन्, ‘महामारी आउनुअघि नै युद्धस्तरमा लागेर समस्या समाधान गर्न भिड्नुपर्यो।’

कोरोना परीक्षणमा ढिलाइ हुँदा बिरामीको ज्यान जोखिममा पर्ने गरेको छ। परीक्षणमा ढिलाइकै कारण बुटवलमा एक युवकको मृत्यु भएको थियो।


प्रकाशित: March 31, 2020 | 13:25:00 काठमाडौं, मंगलबार, चैत १८, २०७६

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

करेन्ट लागेर दाजु–भाइको मृत्यु, आमा–छोरा घाइते

करेन्ट लागेर धनुषाको जनकपुरधाममा दाजु–भाइको मृत्यु भएको छ भने आमा–छोरा घाइते भएका छन्।
नेपाल समय
समाज

भैरहवाबाट काठमाडौंका लागि उडेको बुद्ध एयर विमान जनकपुरधाममा अवतरण

खराब मौसमका कारण भैरहवाबाट काठमाडौँका लागि उडेको बुद्ध एयरको विमान जनकपुरधाममा अवतरण गरेको छ।
नेपाल समय
समाज

प्रतिकूल मौसका कारण पोखराबाट हुने उडान रद्द

लगातारको वर्षाका कारण काठमाडौंबाट पोखरामा हुने र पोखराबाट अन्य विमानस्थलमा हुने सबै उडान रद्द भएका छन्।
नेपाल समय
समाज

वर्षा जारीः पृथ्वीराजमार्ग सञ्चालनमा, ग्रामीण सडकहरु अवरुद्ध

पृथ्वीराजमार्ग अन्तर्गत धादिङका केही ठाउँमा पहिरा गएपनि अन्य ठाउँको पहिरा हटाएर राजमार्ग सञ्चालनमा आएको छ। धादिङको गजुरी गाउँपालिका–६ जरेखेतमा भने केही बेर अगाडि पहिरो खसेर राजमार्ग अवरुद्ध भएको जिल्ला प्रहरी कार्यालय धादिङका प्रहरी नायब उपरिक्षक श्यामबहादुर खत्रीले जानकारी दिए।
नेपाल समय
समाज

बारा बस दुर्घटना अपडेट : ९ जनाको सनाखत, घाइते १६ जनाको भरतपुरमा उपचार हुँदै

बाराको जितपुर सिमरा उपमहानगरपालिका–२२ अमलेखगञ्जमा बस दुर्घटनामा परी मृत्यु भएका नौजनाको सनाखत भएको छ। बस दुर्घटनामा मृत्यु हुनेको संख्या १६ पुगेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना