शुक्रबार, मंसिर २३, २०७९

नेपाल समयलाई शुभकामना

प्रथम राष्ट्रपति डा. रामवरण यादवले नेपाल समयको उत्तरोत्तर प्रगतिको कामना गरेका छन् ।  ‘गणतन्त्र दिवसलाई आफ्नो स्थापना दिवस बनाएको नेपाल समयले गणतन्त्रको संस्थागत विकास गर्दै अनलाइन पत्रकारिताको विश्वसनीयता र गुणस्तरको विकासमा नेतृत्वदायी भूमिका खेलोस्,’ पूर्वराष्ट्रपति डा. यादवले भने,
नेपाल समय  |  काठमाडौं, आइतबार, पुष १६, २०७४

नेपाल समय

नेपाल समय

आइतबार, पुष १६, २०७४, काठमाडौं

काठमाडौं- अनलाइन पत्रकारिताको गुणस्तर तथा विश्वसनीयताको विकासमा नेपाल समयले अग्रिणी भूमिका खेल्ने विश्वास सहित राजनीतिक तथा अन्य क्षेत्रका विशिष्ट व्यक्तिहरुले शुभकामना दिएका छन् । 

प्रथम राष्ट्रपति डा. रामवरण यादवले नेपाल समयको उत्तरोत्तर प्रगतिको कामना गरेका छन् । ‘गणतन्त्र दिवसलाई आफ्नो स्थापना दिवस बनाएको नेपाल समयले गणतन्त्रको संस्थागत विकास गर्दै अनलाइन पत्रकारिताको विश्वसनीयता र गुणस्तरको विकासमा नेतृत्वदायी भूमिका खेलोस्,’ पूर्वराष्ट्रपति डा. यादवले भने, ‘पछिल्लो समय विकास भएका अनलाइनहरूको भीडमा नेपाल समय पृथक र सबैको रोजाइको बनोस् ।’ 

पूर्वप्रधानमन्त्री तथा नेपाल कम्युनिस्ट पार्टीका वरिष्ठ नेता माधवकुमार नेपालले अबको समय विकास र समृद्धिको समय रहेकाले त्यसको पृष्ठभूमिमा टेकेर नेपाल समय अगाडि बढ्नुपर्ने बताए । ‘सही समयमा हुने सही निर्णयले समृद्धि हासिल हुन्छ । नयाँ मिडियाका रूपमा आएको नेपाल समय समृद्धिको समय बनोस्,’ उनले शुभकामना व्यक्त गरे । 

पूर्वप्रधानमन्त्री तथा नयाँशक्ति पार्टी नेपालका संयोजक डा. बाबुराम भट्टराईले नेपालको अवस्थितिलाई विश्वमा चिनाउन नेपाल समय सफल हुने शुभकामना दिएका छन् । 

‘नेपालको राजनीतिक गतिविधिलाई अग्रगामी दिशामा अगाडि बढाउन नेपाल समय एउटा छलफल चौतारी बनोस्,’ डा. भट्टराईले भने, ‘नेपाल समय अन्य अनलाइन पत्रिकाभन्दा फरक र नेपालीलाई सही सूचना दिने पत्रिका बनोस् भन्ने मेरो चाहना छ ।’ 

पूर्वप्रधानन्यायाधीश सुशीला कार्कीले पत्रकार आचारसंहिताअनुसार सबैलाई समेट्न सक्ने सञ्चार माध्यम बनोस् भन्दै शुभकामना दिइन् । कार्कीले भनिन्, ‘नियम, कानुन मान्नुभयो भने समृद्धि हासिल हुन्छ । विधि विधानअनुसार चल्न सक्नुभयो भने मुलुकको उन्नति प्रगति हुन्छ । देशमा समृद्धि हासिल हुन्छ । कसैको प्रभाव र दबाबमा रहेर काम गर्ने अवस्था नआओस् ।’ 

नेपाल कम्युनिस्ट पार्टी–माओवादीका महासचिव मोहन वैद्यले नेपाल समयको नयाँ टिमलाई सफलताको शुभकामना दिँदै भने, ‘नेपालीको आन्दोलनबाट प्राप्त संघीय लोकतान्त्रिक गणतन्त्रको विकासका लागि यो अनलाइन अग्रणी बनोस् ।’ 

पूर्वउपप्रधानमन्त्री तथा संघीय समाजवादी फोरमका अध्यक्ष उपेन्द्र यादवले नेपाल समयको सफलताको कामना गरे । यादवले भने, ‘नेपालमा धेरै अनलाइन आए । सबैले अर्काको कु–प्रचार मात्र गरे । नेपाल समय त्यस्तै नबनोस् । मेरो शुभेच्छा छ, यो अनलाइन पत्रिका तराई, पहाड, हिमालमा रहेका नेपालीको आवाज बनोस् । तपाईंको अनलाइन सबैले नाम लिन मिल्ने मिडिया बनोस् । प्रगतिको शुभकामना ।’ 

पूर्वउपप्रधानमन्त्री तथा राष्ट्रिय प्रजातन्त्र पार्टीका अध्यक्ष कमल थापाले विस्तारै अनलाइनले सूचनालाई सर्वसाधारणको हातहातमा पुर्‍याउने समय आएको छ । यस्तो समयमा नेपाल समयले पृथक भएर सशक्त रुपमा काम गरोस भन्दै नयाँ टीमलाई सफलताको अथाह शुभकामना रहेको बताए । 

नेपाल कम्युनिस्ट पार्टीका महासचिव विष्णु पौडेलले नेपाली अनलाइन मिडियाको समूहमा नेपाल समय अग्रपंक्तिमा आओस भन्ने सुभेच्छा प्रकट गरेका छन् । उनले फरक पहिचान र जिम्मेवार पत्रकारिताको भूमिका निर्वाह गर्न नेपाल समय सफल रहोस् भन्दै नेपालीको समृद्धिको चाहाना पूरा गर्न सशक्त सूचनाको माध्यम बन्न सकोस भन्दै शुभकामना दिएका छन् । 

नेपाली कांग्रेसका नेता कृष्णप्रसाद सिटौलाले नेपाल समय अन्य मिडियाभन्दा फरक र औसतभन्दा माथिको मिडिया बनोस् भन्दै उत्तरोत्तर प्रगतिको कामना गरे । ‘संघीय लोकतान्त्रिक गणतन्त्रको संस्थागत विकासमा नेपाल समय अडिग भएर लागोस्,’ उनले भने, ‘आवाजविहीनहरूको आवाज बनेर नेपाल समयले दूरदराजमा रहेका नेपालीको समस्यालाई मूलधारमा ल्याउँदै समाधान गर्ने मियो बन्नेमा म आशावादी छु ।’ 

कांग्रेस नेता पूर्णबहादुर खड्काले नेपाल समय नेपालीले माया गर्ने अनलाइन पत्रिका बनोस् भन्दै शुभकामना दिए । 

नेपाल कम्युनिस्ट पार्टीका नेता तथा सांसद योगेश भट्टराईले नेपाल समय दीर्घकालीन समाचार माध्यम बनोस् भन्दै उनले नेपाली पाठकलाई निरन्तर समाचार प्रवाह गर्दै सत्य, तथ्य भएर आचारसंहितामा रही सबैको मन जित्न सफल रहोस भन्दै शुभकामना दिएका छन् । 

नेपाली कांग्रेसका नेता तथा सांसद गगन थापाले पनि नयाँ जोश जाँगरका साथ उदाएको नेपाल समयले युवा पुस्ताका मुद्दालाई विशेषस्था दिएर नेपालको राजनीतिक परिवर्तन र यसको संस्थागत विकासका लागि दृढ भएर लागोस भन्ने शुभकामना दिएका छन् ।  

संघीय मामिला तथा सामान्य प्रशासनमन्त्री लालबाबु पण्डितले नेपाल समयको उत्तरोत्तर प्रगतिको कामना गर्दै जनतालाई सही सूचना दिएर सूचित गराउने काममा दृढ भएर लागोस भन्ने सुभेच्छा प्रकट गरेका छन् । 

कृषि, भूमिव्यवस्था तथा सहकारी मन्त्री चक्रपाणी खनाल (बलदेव)ले सशक्त मिडियाको रुपमा नेपाल समय उदाओस् भन्दै सामाजिक विषयवस्तु र जनताका दैनिक जीवनसँग गाँसिएका विषयलाई प्राथमिकताकासाथ उठाउन नेपाल समय सफल होस भन्ने शुभकामना दिएका छन् । 

शिक्षा, विज्ञान तथा प्रविधि मन्त्री गिरिराजमणी पोखरेलले समाज परिवर्तनको सम्बाहकका रुपमा नेपाल समयको उदय होस भन्ने अपेक्षा गरेका छन् । उनले नेपाल समयले सँधै शिक्षा र स्वास्थ्यजस्ता आम मानिसको जीवनसँग गाँसिएको विषयलाई प्राथमिकतामा राख्न सकोस भनेर शुभकामना दिएका छन् । 

नेपाल मजदुर किसान पार्टीका अध्यक्ष नारायणमान विजुक्छेले नेपाल समय नयाँ जोशजाँगर भएका र पत्रकारितामा अनुभवी साथीहरु सहभागी भएको टोली पाएको भन्दै यसले सबै नेपालीको मनोभावनालाई बुझेर आवाजबिहीनको आवाज बनेर पछाडि परेका समूदायका लागि सूचनाको सम्बाहक बनोस् भन्ने शुभकामना दिएका छन् । 

साझा विवेकशील पार्टीका संयोजक रबिन्द्र मिश्रले अनलाइन पत्रकारिता संस्थागत विकासमा नेपाल समय अग्रणी देखियोस । पत्रकारिताका आधाभूत मूल्यमान्यतामा अडिग रहेर यो सञ्चार संस्थाले आफूलाई फरक दर्जाको देखाउन सक्षम बनोस भन्ने सुभेच्छा प्रकट गरेका छन् । 

आर्थिक मामिलाका जानकार रामेश्वर खनालले नेपाल समय अरुभन्दा फरक मिडियाको रुपमा स्थापित होस भन्ने शुभकामना दिए । उनले नेपालको आर्थिक र राजनीतिक परिवर्तन संगैँ जनताको दैनिकीसँग पनि गाँसिएका विषयलाई नेपाल समयले सशक्त रुपमा उठाउन नेपाल समय सक्षम बनोस भन्ने सुभेच्छा व्यक्त गरेका छन् । 

शताब्दी पुरुष सत्यमोहन जोशीले नेपाल समयलाई शुभकामना दिँदै अहिले अनलाइन पत्रिका खुल्ने क्रम तीब्र हुँदा विकृति पनि बढेको बताए । उनले अनलाइन पत्रकारिताका समस्यालाई बुझेर बजारमा आउन लागेको नेपाल समयले भाषाको संरक्षण गर्न, आवाजबिहीनको आवाज बनेर नेपाली कला संस्कृतिको जगेर्ना गर्न सशक्त माध्यम बनोस् भनेर शुभकामना दिए । 

हास्य कलाकार हरिवंश आचार्यले नेपालीको मनमनमा बस्न सक्ने नेपाल समय साँच्चिनै सँधै अगाडि रहोस भन्दै यो अनलाइन पत्रिकाले नेपालीलाई सूचना र मनोरञ्जन प्रदान गर्दै कसैको प्रभावमा नपरी सत्य समाचार दिन सकोस । बर्षौवर्षसम्म शुभकामना दिनपाउँ । धेरै धेरै उन्नतीको कामना । 

प्रेस काउन्सिलका कार्यवाहक अध्यक्ष किशोर श्रेष्ठले सूचना–प्रविधिको अभूतपूर्व विकाससँगै नयाँ मिडियाको रूपमा उदाएको अनलाइन पत्रकारितामा नेपाल समय आउन लागेको बताउँदै सम्पादकीय तथा व्यवस्थापकीय टिमलाई बधाई तथा शुभकामना दिए ।

प्रकाशित: December 31, 2017 | 18:23:00 काठमाडौं, आइतबार, पुष १६, २०७४

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
समाज

जडीबुटीको व्यापारबाट चलेको जीविका

कालीकोटको थिप्पु गाउँपालिका-१ घोचापावाडाका ५५ वर्षीय राजबहादुर रोकाया काँधमा जडीबुटी राखिएको झोला बोक्दै कञ्चनपुरका गाउँ सहर चहार्दै हिँड्छन्।
नेपाल समय
समाज

लखन थापा अन्तर्राष्ट्रिय फुटबल रंगशाला तीन वर्षदेखि अलपत्र

जिल्लाको इस्मा गाउँपालिका–६ अम्मरपुर बुल्मचौरमा निर्माण गर्न लागिएको रंगशालाको पहिलो चरणको काम विक्रम संवत् २०७६ चैतमा सम्पन्न भए पनि दोस्रो चरणको काम सुरू हुन सकेको छैन।
नेपाल समय
समाज

पर्साका किसानलाई गहुँ छर्न मल अभाव

किसान यतिखेर गहुँ खेती गर्नका लागि आवश्यक पर्ने उन्नत जातको बीउ, रासायनिक मलको जोहो र खेतको सरसफाइ तथा जोताइँमा लागेका छन्।
नेपाल समय
समाज

पल्पाको रामपुरमा सार्वजनिक जग्गा संरक्षण अभियान सुरु

सार्वजनिक जग्गा ओगटेर बनाइएका संरचना हटाएर जग्गा संरक्षणमा यहाँका जनप्रतिनिधि, राजनीतिक दललगायतका सरोकारवाला निकायले जोड दिएका छन्।
नेपाल समय
समाज

कालीकोटमा आयोडिनयुक्त नुन अभाव

कालीकोटमा साल्ट ट्रेनिङ कर्पोरेशनले आयोडिनयुक्त नुन बिक्री गर्दै आएकोमा ठेकेदारले नुन ढुवानी नगर्दा अभाव भएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना