मंगलबार, असोज ११, २०७९

प्रदेश– २ का अर्थमन्त्री भन्छन्, ‘संविधान दिवसको विरोध गर्ने मन्त्रीले राजीनामा गरे हुन्छ’

प्रदेश- २ सरकारले संविधान दिवसलाई भव्य बनाउने निर्णय गरे पनि ३ असोज नजिकिँदै सरकारमा सहभागी राजपा र समाजवादी पार्टीबीच यसै विषयमा विवाद हुन थालेको छ। 
नेपाल समय  |  काठमाडौं, आइतबार, पुष १६, २०७४

नेपाल समय

नेपाल समय

आइतबार, पुष १६, २०७४, काठमाडौं

जनकपुरधाम- प्रदेश– २ सरकारले ३ असोजमा संविधान दिवस मनाउने निर्णय गरेको छ। 

मुख्यमन्त्री लालबाबु राउतको अध्यक्षतामा बसेको सर्वपक्षीय बैठकले संविधान दिवसलाई भव्य बनाउने निर्णय गरे पनि ३ असोज नजिकिँदै सरकारमा सहभागी दुई दल राष्ट्रिय जनता पार्टी (राजपा) र समाजवादी पार्टी नेपालबीच यसै विषयमा विवाद हुन थालेको छ। 

सरकारको नेतृत्व गरिरहेको समाजवादी पार्टी संविधान दिवस मनाउने पक्षमा उभिएको छ भने सरकारमै सहभागी अर्को दल राजपाले भने संविधान दिवसमा विरोधको कार्यक्रम गर्ने निर्णय गरेको छ।

प्रदेश सरकारको नेतृत्व गरिरहेको समाजवादी पार्टीका नेता एवं आन्तरिक मामिला तथा कानुनमन्त्री ज्ञानेन्द्रकुमार यादवले संविधान दिवस मनाउने कुरामा कसैले आपत्ति गर्न नहुने बताएका छन्।

“हामीले अहिलेको संविधानलाई आलोचनात्मक ढंगले स्वीकार गरेका हौं,” नेपाल समयसँग मन्त्री यादवले भने, “यही संविधानबाट हामीले संघीयता र गणतन्त्रजस्ता उपलब्धिसमेत प्राप्त गरेका छौं। यही संविधानलाई टेकेर हामी प्रदेश सरकारमा पुगेका हौं। त्यसैले संविधान दिवस मनाउनुपर्छ। अझ संघीयतालाई बलियो बनाउन यो दिवस मनाउनु झन् जरुरी छ।”

सरकारकै केही मन्त्रीले संविधान दिवसको विरोध गरिरहेकोबारे उनी भन्छन्, “त्यो उहाँहरूको व्यक्तिगत धारणा हुन सक्दछ। तर,  संविधान दिवस मनाउनमा मैले कुनै आपत्ति देखेको छैन।”

त्यस्तै प्रदेश– २ का आन्तरिक मामिला मन्त्री विजय यादव पनि प्रदेश मन्त्रिपरिषद्ले संविधान दिवस मनाउने निर्णय गरिसकेकाले अब यसबारे थप बहस आवश्यक नभएको बताउँछन्।

समाजवादी पार्टीका प्रदेश २ अध्यक्षसमेत रहेका मन्त्री यादवले भने, “क्याबिनेटले संविधान दिवस मनाउने निर्णय गरेको छ। कसैले यो निर्णयको विरोध गर्छ भने नैतिकताका आधारमा राजीनामा गर्नुपर्छ।”

सरकारकै मन्त्री भएर सरकारकै निर्णयको विरोध गरिरहने नपाइने उनको भनाइ छ। 

संविधानका केही धारामा असन्तुष्टि रहे पनि आफूहरु संविधानको विरोधमा नरहेको भन्दै उनले संविधान दिवस मानाउन समस्या नरहेको बताए। यद्यपि, २९ भदौमा बस्ने पार्टी बैठकले संविधान दिवस मनाउनेबारे आधिकारिक र परिपक्व निर्णय गर्ने मन्त्री यादवले जानकारी दिए।

यता प्रदेश सरकारका भौतिक पूर्वाधारमन्त्री जितेन्द्र सोनलले २०७२ सालमा जारी संविधानलाई आफूहरूले अस्वीकार गरेको र त्यसमा हालसम्म कुनै हेरफेर नभएकोले संविधान दिवस मनाउन नसकिने बताएका छन्। 

संविधानप्रतिको आफूहरुको सुरुवाती दृष्टिकोणमा कुनै परिवर्तन नभएको जानकारी दिँदै उनले भने, “‘दिवस भनेको स्मरणीय हुन्छ, हामीले संविधान घोषणा भइरहेको बेला सम्झँदा, त्यसबेला मधेसमा कर्फ्यू लागेको थियो, आन्दोलनकारीको टाउकोमा गोली प्रहार भएको थियो, सयौं मानिस हिरासतमा थिए। त्यसैले हामी असोज ३ लाई कालो दिवसका रुपमा सम्झने गरेका छौं।” 

संविधान दिवस मनाउनेबारे मुख्यमन्त्रीले निर्णय गरेको भए पनि आफूलाई आधिकारिक जानकारी नरहेको उनले दाबी गरे। 

चार वर्षअघि तत्कालीन संविधानसभा भवनबाट संविधान जारी भइरहँदा अहिलेको राजपा र समाजवादी पार्टी (तत्कालीन संघीय समाजवादी फोरम) सडक संघर्षमा थिए। 

त्यतिबेला जारी हुन लागेको संविधानले आफ्ना माग सम्बोधन नगरेको भन्दै उनीहरूले मधेशमा ‘ब्ल्याक आउट’ गरेर ३ असोजलाई ‘कालो दिवस’ भनेका थिए। त्यसपछि भने दुवै दल त्यही संविधान टेकेर सरकारमा सहभागी भइसकेका छन्। 
 

प्रकाशित: December 31, 2017 | 18:23:00 काठमाडौं, आइतबार, पुष १६, २०७४

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
समाज

नाका नखुल्दा तिब्बतको च्याङ्‍ग्रा भित्रिन सकेन

व्यवसायीले मुस्ताङका च्याङ्‍ग्रा बजार भित्र्याएका छन्। बागलुङ, पर्वतसहित आसपासमा सोमबार च्याङ्‍ग्रा आइपुगेका हुन्। व्यवसायीले हप्तौँ लगाएर बर्सेनि दसैंमा च्याङ्‍ग्रा भित्र्याउँछन्। दसैँमा च्याङ्‍ग्राको माग उच्च हुन्छ।
नेपाल समय
समाज

शीत भण्डार सञ्चालनमा नआउँदा किसानलाई समस्या

किसानले उब्जनी गरेको फलफूल तथा तरकारी भण्डारण गर्ने स्थान नहुँदा जिल्लाका किसान तथा व्यवसायी समस्यामा परेका हुन्।
नेपाल समय
समाज

सुर्तीजन्य पदार्थको खोलमा ९० प्रतिशत चेतनामूलक सन्देश छाप्नुपर्ने

नेपालमा सुर्तिजन्य पदार्थबाट बनेका चुरोट खैनी लगायतको बट्टा ९० प्रतिशत चेतनामूलक सन्देश र घातक रङ्गिन चित्र छाप्नुपर्ने अनिवार्य भएको छ।
नेपाल समय
समाज

सात वर्षपछि मनकामना मन्दिर परिसरको सत्तल पुनर्निर्माण गरिँदै

वि.सं. २०७२ सालमा गएको गोरखा भूकम्पले क्षति पुगेको प्रसिद्ध धार्मिकस्थल गोरखाको मनकामना मन्दिर परिसरमा रहेको सत्तल पुनःनिर्माण हुने भएको छ।
नेपाल समय
समाज

कस्तो रहला आजको मौसम?

मंगलबार दिउँसो प्रदेश १, बागमती प्रदेश र गण्डकी प्रदेशका थोरै स्थानहरूमा र बाँकी प्रदेशहरूका एक-दुई स्थानमा चट्याङसहित हल्का देखि मध्यम वर्षाको सम्भावना रहेको महाशाखाले जनाएको छ

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना