मंगलबार, मंसिर १३, २०७९

'विषादी' र 'छौंडा'पछि बालुवाटारमा बबण्डर

विषादी प्रकरणले तनावमा रहेको बालुवाटारलाई छौंडा कान्डले झापड दिएपछि बबन्डर मच्चिएको छ। एकपछि अर्को कदममा निरन्तर पराजित र आलोचित हुन थालेपछि पछिल्लो समय बालुवाटार ..
नेपाल समय  |  काठमाडौं, आइतबार, पुष १६, २०७४

नेपाल समय

नेपाल समय

आइतबार, पुष १६, २०७४, काठमाडौं

काठमाडाैं- विषादी प्रकरणले तनावमा रहेको बालुवाटारलाई छौंडा कान्डले झापड दिएपछि बबन्डर मच्चिएको छ। 

एकपछि अर्को कदममा निरन्तर पराजित र आलोचित हुन थालेपछि पछिल्लो समय बालुवाटार ओलीको छवि सुधार्ने रणनीति तयार गर्दै  थियो । त्यसका लागि बालुवाटारको किचन क्याबिनेटमा छलफल पनि भएको थियो ।

सरकारको लोकप्रियता बढाउने  बालुवाटारको योजना विषादी र छौंडा कान्डले भताभुंग पारिदिएको छ । अब कता टाल्ने, कति टाल्ने भनेर ओलीका सल्लाहकार र सहयोगी रन्थन्एिका छन् यतिबेला ।

भारतीय दबाबमा  विषादी परीक्षण गर्ने निर्णय उल्टिएको प्रकरण बाहिरिएपछि मिडियाबाट मात्र सरकारको आलोचना भएको होइन, सरकारको छवि जनस्तरमै नांगिएको छ । भान्सामा विषादी भित्रिने भएछि चुलोचौकाबाट पनि चर्को प्रहार खेप्नुपर्यो ।

विषादीसमेत परीक्षण गर्न छुट दिएर सरकार भारतीय दबाबसमक्ष घुँडा टेकेको भन्दै जनस्तरबाट व्यापाक विरोध भइरहेको छ । सत्तारुढ दलभित्रै पनि यो प्रकरणले भुइँचालो ल्याएको छ । 

प्रचण्डको खेलले झस्कियो बालुवाटार 

विषादी परीक्षण गर्ने निर्णयमा  भारतीय पक्षको असन्तुष्टीमा पार्टीका अध्यक्ष पुष्पकमल दाहाल प्रचण्डले घुमाउरो रुपमा खेलेको आरोप ओली टिमले लगाएको छ । ओलीलाई अलोकप्रिय बनाउने प्रचण्डको डिजाइनअनुसार यो निर्णय उल्टाइएको आशंका गरिएको छ । यसका लागि प्रचण्डले बाणिज्य तथा उद्योगमन्त्री मातृका यादवलाई प्रयोग गरेका थिए । 

यो खेलबाट प्रचण्डले दोहोरो लाभ लिन खोजेको ओली टिमको बुझाइ छ । ओली नेतृत्वको सरकारलाई थप बद्नाम गराएर आफ्नो पोजिसन थप दरो बनाउने प्रचण्डको अर्को डिजाइन सफल भएको छ भने  अर्कोतिर अप्रत्यक्ष रुपमा भारतीय पक्षको स्वार्थ सम्बोधन गर्ने काममा प्रचण्डले राम्रै योगदान गरेका छन् । तर यसको बद्नामी र अपजस यतिबेला सकारको नेतृत्व गरेका ओलीले खेप्नपरेको छ।
 
भारतीय इसारामा प्रचण्डबाट भएको यही चलखेललाई इंगित गर्दै संभवतः ओलीकै सल्लाहमा विष्णु रिमालले झौंडा ट्वीट गरे । तर त्यसले फेरि बालुवाटारलाई नै ब्याक फायर गरेको छ । स्रोतका अनुसार ओलीका सल्लाहकार रिमालले जे सोचेर छौंडा ट्वीट गरेका थिए, त्यसको सांकेतिक अर्थ बुझ्ने प्रयास आम रुपमा भएन । त्यसरी बुझ्ने अवस्था पनि थिएन ।  

बरु  सरकारका सल्लाहकारले यस्तो अशोभनीय भाषा प्रयोग गरेर सरकार विरोधीहरुलाई गाली गरेको भन्दै उल्टै सबैतिरबाट सरकारकै आलोचना र विरोध भयो । विषादी प्रकरणमा मार हान्न प्रयोग गरिएको छौंडा आफैतिर ब्याक फायर हुँदा बालुवाटार यतिबेला आफै घाइते भएको छ ।यो पछिल्लो प्रकरणले प्रचण्ड र ओलीबीचको टकराव झन् जटिल बनेको छ ।

यस्तो थियो प्रधानमन्त्री ओलीका सल्लाहाकार विष्णु रिमालको ट्वीट



यसरी संभव भयो साहसिक निर्णय 

गत जेठ  १० गते भारतबाट आयतित हुने हुने फलफूल तथा तरकारीमा विषादि परीक्षण गर्ने  निर्णय मन्त्रिपरिषद्ले गरेको थियो । यो साहसिक निर्णयको सबैतिरबाट स्वागत गरिएको थियो । यो प्रस्ताव मन्त्रिपरिषद्समक्ष पुर्याउन र निर्णय गराउन  कृषि तथा सहकारीमन्त्री चक्रपाणी खनाल बलदेवले धेरै मिहिनेत गरेका थिए।
 
खनालले मन्त्रालय समालेदेखि नै सरोकारवाला विज्ञहरुसँग परामर्श गरेर यो अभियान थालेका थिए । यस्तो काममा नलाग्न उनलाई विभिन्न ठाउँमा चेतावनीयुक्त दबाब पनि आएका थिए । जनताको जीवनसँग जोडिएको यो विषयलाई जस्तोसुकै जोखिम मोलेर पनि टुंगो पुर्याउने अठोटका साथ खनाल आफ्नो मिसन लागिरहे । यसमा उनी सफल पनि भए। 

असार २ गते राजपत्रमा सूचना प्रकाशित गरेर विषादि परीक्षणको प्रक्रिया पनि थालिएको थियो । यसका लागि सबै नाका कार्यालयमा परिपत्र गरिएको थियो । यसका लागि पर्याप्त पूर्वाधार नभए पनि परीक्षणको काम थाल्नु नै महत्वपूर्ण सुरुवात थियो । नाकाहरुमा युद्धस्तरमा अन्तराष्ट्रियस्तरको प्रयोगशाला बनाउने प्रक्रिया पनि अघि बढाइएको थियो।
 
भारत र चीनसँग व्यापारिक कारोबार हुने आठ भन्सार विन्दुमा अन्तर्राष्ट्रियस्तरको प्रयोगशाला निर्माणको प्रक्रिया प्रारम्भ भइसकेको छ । कृषि तथा पशुपन्छी विकास मन्त्रालयले सरोकारवाला निकायसँग छलफल गरी भारत र चीन जोड्ने प्रमुख व्यापारिक नाकामा अन्तर्राष्ट्रियस्तरको प्रयोगशाला निर्माण गर्ने निर्णय गरेको थियो ।

भारतसहित तेस्रो मुलुकबाट आयात हुने तरकारी तथा फलफूलसहित अन्य खाद्य तथा पेयपदार्थको भन्सार विन्दुमै वैज्ञानिक परीक्षण गर्न यस्तो प्रयोगशाला निर्माण गर्न लागिएको हो । 

परीक्षण रोक्न यस्तो चलखेल 

तर जब नाकामा विषादी परीक्षण भन्दै भारतीय ट्रकहरु रोकिन थाले, त्यसलाई आवश्यकताभन्दा बढी समस्या बनाएर प्रचार गरियो । नाकामा थुप्रै ट्रकहरु रोकिएर व्यापारिक स्वार्थमा धक्का लागेपछि भारतीय पक्षले यसलाई रोक्न राजनीतिक र कुटनीतिक तहबाट लबिङ थाल्यो ।

भारतीय राजदूतावासले सरोकारवाला अधिकारी र नेताहरुलाई भेटेर निर्णय रोक्न दबाब मात्रै दिएनन्, उनले औपचारिक पत्र समेत सरकारलाई पठाए । भारतीय राजदूतले प्रचण्डसँग पनि भेटेर लामो सम्वाद गरेका थिए।
 
यो निर्णयलाई उल्ट्याउन सुरुमा प्रचण्डले कृषि तथा सहकारीमन्त्री खनाललाई नै प्रयोग गर्ने रणनीति बनाएका थिए । तर खनाल यसका लागि तयार नहुने संकेत पाएपछि उनले अर्को बाटो अपनाए । प्रचण्डकै विशेष आग्रहमा उद्योग तथा बाणिज्य मन्त्री रहेका मातृतका यादवले बिषादी परीक्षण तत्काल रोक्ने ठाडो प्रस्ताव मन्त्रिपरिषद्मा लागेका थिए । त्यो पारित भयो र तत्काल बाहिर पनि ल्याएर  प्रचार पनि गरियो ।असार १९ गते बिहीबार मन्त्रिपरिषदले विषादी परीक्षण तत्काल रोक्ने निर्णय गरेको थियो। 

मन्त्रालयले दक्षिणी छिमेकी मुलुक भारतसँग जोडिएका ६ नाका काकडभिट्टा, बिराटनगर, बीरगञ्ज, भैरहवा धनगढी र महेन्द्रनगरस्थित भन्सार विन्दु ९सकेसम्म एकीकृत भन्सार विन्दुमै रहने गरी अन्तराष्टिय प्रयोगशाला निर्माण गर्ने निर्णय गरेको छ।

यस्तै उत्तरतर्फको छिमेकी मुलुक चीनसँग जोडिएका रसुवा र तातोपानी भन्सार विन्दुमा पनि यस्तै अन्तर्रा्ष्ट्रिय प्रयोगशाला निर्माण गर्ने विषयमा निर्णय गरेको छ

भारतबाट कति आउँछ तरकारी र फलफूल

मुलुकभित्रै मागअनुसार उत्पादन नहुँदा तरकारीको ठूलो हिस्सा भारतबाटै आयात हुने गरेको छ । कालीमाटी फलफूल तथा तरकारी बजार विकास समितिको तथ्यांकअनुसार कालीमाटी बजारमा दैनिक करिब ८ सय टन तरकारी भित्रिन्छ । त्यसमध्ये करिब ४४ प्रतिशत भारतको हो ।

चालू आर्थिक वर्षको ११ महिनामा नेपालले साढे ४३ अर्बबराबरको तरकारी र फलफूल आयात गरेको छ । भन्सार विभागका अनुसार चालु आर्थिक वर्षको ११ महिनामा २६ अर्ब ४६ कोड ७५ लाख रूपैयाँ बराबरको तरकारी र १७ अर्ब ३ करोड ९६ लाखको फलफूल आयात भएको छ भने नेपालबाट यही अवधिमा १ अर्ब २२ करोड ९९ लाख बराबरको मात्र तरकारी तथा फलफूल निर्यात भएको रेकर्ड छ ।

प्रकाशित: December 31, 2017 | 18:23:00 काठमाडौं, आइतबार, पुष १६, २०७४

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
समाज

कस्तो रहला आजको मौसम?

आज देशका पहाडी भू-भागका केही स्थानहरुमा आंशिक बदली रही अन्य भू(भागमा मौसम सामान्यतया सफा रहेको मौसम पूर्वानुमान महाशाखाले जनाएको छ।
नेपाल समय
समाज

आजको राशिफल [२०७९ मंसिर १३]

आज २०७९ मंसिर १३ गते तदनुसार २९ नोभेम्बर २०२२ मंसिर शुक्ल षष्ठी पञ्चाङ्ग: ध्रुव तैतल श्रवण
नेपाल समय
समाज

बालेनविरुद्ध सुकुम्बासी आन्दोलन : हाम्रो भोट फिर्ता गर

बस्ती खाली गर्न नसकेपछि महानगरको डोजर फर्किएकोमा पुन: बस्ती खालि गर्नेगरी फर्किने तयारी महानगरले गरेको छ।
नेपाल समय
समाज

दल र स्वतन्त्रले निर्वाचनमा प्रयोग गरे बालबालिका

बालबालिका र विद्यालय शान्ति क्षेत्र अवधारणाको व्यावहारिक कार्यान्वयन अझै प्रभावकारी हुन नसकेको भन्दै उनले मतदानस्थलका लागि विद्यालयको विकल्प खोज्न जरुरी रहेको धारणा राखे।
नेपाल समय
समाज

स्याउको बिरुवामै भ्रष्टाचार!

मुगुको छायानाथ रारा नगरपालिकाले आव २०७५/७६ मा सञ्चालन गरेको कार्यक्रममा बिरुवा खरिदका लागि वास्तविक लागतभन्दा बढीको नक्कली बिल बनाएर भ्रष्टाचार गरेको पाइएपछि अख्तियारद्वारा विशेष अदालतमा मुद्दा दायर।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना