मंगलबार, माघ २४, २०७९

आलोपालो विवादले थलिँदै नेकपा

सरकारको नेतृत्व गर्ने आलोपालो सहमति विवादले नेकपाको एकता धर्मराउन थालेको छ।
नेपाल समय  |  काठमाडौं, आइतबार, पुष १६, २०७४

नेपाल समय

नेपाल समय

आइतबार, पुष १६, २०७४, काठमाडौं

काठमाडौं - सरकारको नेतृत्व गर्ने आलोपालो सहमति विवादले नेकपाको एकता धर्मराउन थालेको छ। पार्टीका नेताहरु आलोपालोको पक्ष र विपक्षमा विभाजित भएपछि पार्टी एकताको कामसमेत प्रभावित बन्न पुगेको छ।

प्रधानमन्त्री केपी शर्मा ओली पक्षका नेताहरु आलोपालोविरुद्ध उभिएका छन्। प्रधानमन्त्रीका निकट मानिएका उपप्रधान तथा रक्षामन्त्री ईश्वर पोखरेल त अध्यक्ष प्रचण्डविरुद्ध अघोषित युद्धमा उत्रिएका छन् । उनले यसका लागि जनताको बहुदलीय जनवादलाई समेत अस्त्रका रुपमा प्रयोग गर्न थालेको चर्चा नेकपाभित्र छ।

नेकपामा प्रधानमन्त्री ओलीपीडितहरु भने सरकारको नेतृत्व आलोपालो गर्नुपर्ने पक्षमा छन्। यस विषयमा पार्टीका वरिष्ठ नेता माधव नेपालसमेत आलोपालोको सहमति भएको स्वीकार गर्दै त्यसलाई कार्यान्वयन गर्नुपर्छ भन्ने पक्षमा छन्।

ओलीसँग झस्किएका प्रचण्ड देउवाको शरणमा

प्रधानमन्त्री केपी ओलीसँग निकै पटक झस्किएका नेकपा अध्यक्ष प्रचण्ड अचानक यो साता देउवाको शरणमा पुगेका छन्। ओलीबाट हुने सम्भावित दुर्घटनाप्रति सचेत भएर उनी यसरी देउवाको शरणमा पुगेको बताइएको छ। यसअघि पनि ओलीले आलोपालो नेतृत्वको सहमति कार्यान्वयन नगरेपछि माओवादी ओली नेतृत्वको सरकारबाट बाहिरिएर शेरबहादुर देउवासँग मिलेर सरकार बनाएका थिए। अहिले ओली निकटका नेताहरु जबजको आडमा प्रचण्डमाथि खनिएपछि प्रचण्ड अनेक विकल्पको खोजीमा लागेको बताइएको छ।

किन झस्किए प्रचण्ड ?

नयाँ संविधान जारी भएपछि तत्कालीन एमाले र माओवादी मिलेर सरकार बनाए। जसमा माओवादीसमेत ओली नेतृत्वको सरकारमा सहभागी भयो। सहमतिअनुसार त्यसबेला पनि नेतृत्व आलोपालोमा  सहमति भएको थियो। तर सो सहमति कार्यान्वयन नभएको भन्दै अध्यक्ष प्रचण्डले २०७३ वैशाख २१ गते प्रधानमन्त्री ओलीलाई भेटेर सरकारबाट बाहिरिने चेतावनी दिएका थिए।

तर वैशाख २३ गते प्रधानमन्त्री ओली अध्यक्ष प्रचण्ड, नेताहरु नारायणकाजी श्रेष्ठ, माधवकुमार नेपाल, झलनाथ खनाल, वामदेव गौतमबीच वार्ता भयो। वार्तामा नेताहरुबीच तीन बुँदे सहमति भएको थियो। सहमतिको मुख्य बुँदा थियो, एक महिनापछि ओलीले सरकारको नेतृत्व हस्तान्तरण गर्ने र प्रचण्डको नेतृत्वका अर्को सरकार बनाउने । तर ओलीले सो सहमति कार्यान्वयन नगरेपछि २०७३ असार २८ मा माओवादी सरकारबाट बाहिरियो र कांग्रेससँग मिलेर सरकार गठन गर्न पुग्यो।

गत वर्ष जेठ ३ गते दुई पार्टी एकीकरण हुनुअघि सहमतिपत्रमा हस्ताक्षर भएको थियो। हस्ताक्षरमध्ये एउट मुख्य मुद्दा थियो, सरकारको नेतृत्व आलोपालो।  प्रधानमन्त्री ओलीले सरकारको नेतृत्व गरेको यो फागुनमा एक वर्ष भइसकेको छ। सहमतिअनुसार अबको झन्डै एक वर्षमा ओलीले प्रचण्डलाई नेतृत्व हस्तान्तरण गर्नुपर्ने हुन्छ। तर प्रधानमन्त्री ओली लगायतका उनी निकट नेताहरु यो सहमति कार्यान्वयन गर्ने पक्षमा छैनन्। यसले नेकपा विभाजन सम्म हुने आशंकासमेत प्रकट हुन थालेका छन्।

आलोपालको पक्ष र विपक्षमा को–को (स्थायी समिति) 

पक्षमा 

प्रचण्ड, नारायाणकाजी श्रेष्ठ, रामबहादुर थापा बादल, अग्नि सापकोटा, गणेश शाह, गिरिराजमाणि पोखरेल, चक्रपाणी खनाल, जनार्दन शर्मा, टोपबहादुर रायमाझी, देव गुरुङ, देवेन्द्र पौडल, पम्फा भूसाल, बर्षमान पुन, मणि थापा, मात्रिका यादव, लिलामणि पोखरेल, लेखराज भट्ट, हरिबोला गजुरेल, शक्ति बस्नेत, माधव नेपाल, झलनाथ खनाल, वामदेव गौतम, अष्टलक्ष्मी शाक्य, गोकर्ण विष्ट, घनश्याम भूसाल, भीम आचार्य, भीम रावल, युवराज ज्ञवाली, योगेश भट्टराई, रघुजी पन्त, वेदुराम भुसाल, सुरेन्द्र पाण्डे। 

आलोपालोको विपक्षमा 

केपी ओली, ईश्वर पोखरेल, विष्णु पौडेल, किरण गुरुङ, छविलाल विश्वकर्मा, प्रदिप ज्ञवाली, पृथ्वी सुब्बा गुरुङ, मु्कुन्द न्यौपाने, रघुबीर महासेठ, विष्णु रिमाल, शंकर पोखरेल, सुवास नेम्बाङ, सत्या नारायाण मण्डल।

प्रकाशित: December 31, 2017 | 18:23:00 काठमाडौं, आइतबार, पुष १६, २०७४

तपाईं को प्रतिक्रिया

ट्रेंडिंग

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

आउने चुनावमा बहुमत ल्याएर प्रधानमन्त्री हुन्छु: रवि

राष्ट्रिय स्वतन्त्र पार्टीका सभापति रवि लामिछानेले आगामी चुनावमा आफ्नो पार्टीले बहुमत ल्याउने र आफू प्रधानमन्त्री हुने उद्घोष गरेका छन्

नारायणकाजीसँग मन्त्रालय साटफेरको चर्चा, मान्लान् रवि?

राष्ट्रिय स्वतन्त्र पार्टी सरकारमा रहने कि बाहिरिने चर्चा चलिरहेको समयमा सत्ता गठबन्धन दलभित्र पार्टी सभापति रवि लामिछानेलाई भौतिक पूर्वाधार मन्त्रालय दिएर मनाउने तयारी भएको बताइएको छ।

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

थप समाचार

नेपाल समय
समाज

पोखरा विमान दुर्घटनाबारे फ्लाइट डाटा र ककपिट भ्वाइस रेकर्डरमा के भेटियो?

पोखरामा दुर्घटनाग्रस्त यती एयरलाइन्सको एटीआर–७२ जहाजको डाटा रेकर्डर र ककपिट भ्वाइस रेकर्डरको विश्लेषण तथा अनुसन्धान गर्ने काम सम्पन्न भएको दुर्घटना जाँच आयोगले जनाएको छ।
नेपाल समय
समाज

बढ्यो पेट्रोल र डिजेलको मूल्य

नेपाल आयाल निगमले पेट्रोलियम पदार्थको मूल्य बढाएको छ।
नेपाल समय
समाज

माघ सकिनै लाग्दा पनि भएन हिउँदे वर्षा, कस्तो रहला आजको मौसम?

पश्चिमी वायुको सामान्य प्रभाव रहँदा आज केही प्रदेशमा हिमपातको सम्भाना रहेको छ। विभिन्न प्रदेशका उच्च पहाड र हिमाली क्षेत्रमा आज हिमपातको सम्भावना रहेको हो।
नेपाल समय
समाज

त्रिशूली किनारमा केन्द्रीय कारागार

काठमाडौंमा साँघुरो भएपछि यहाँ कारागार बनाउन लागिएको हो।
नेपाल समय
समाज

आमसञ्चार कानुनलाई छिट्टै मूर्त रुप दिइनेछ: मन्त्री शर्मा

आमसञ्चार प्रतिष्ठान, जेष्ठ पत्रकार सम्मान वृत्ति, मिडिया काउन्सिल विधेयकलगायत सञ्चारक्षेत्रको नीतिगत सुधारका लागि महासङ्घले दिएको सुझावका आधारमा निर्माण हुनुपर्नेमा उनको भनाइ थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना