बिहीबार, असोज २०, २०७९

वर्ष २०७५ : कहाँ-कहाँ चुक्यो ओली सरकार ?

रेल र पानीजहाजको सपना बाँडेको सरकार आफैं हवाईजहाजमा अड्किएपछि जनताले सुशासनको अनुभूत गर्न सकेनन् वर्ष २०७५ मा। नागरिकका समस्या जस्ताका तस्तै छन्, महँगी झन् बढ्याे, भ्रष्टाचारको ग्राफ उकालो लाग्यो । बलात्कार र दण्डहीनता मौलायाे । यी सब घटना रोक्न र जनतालाई राहत दिन नसकेको नागरिकको गुनासो छ।
नेपाल समय  |  काठमाडौं, आइतबार, पुष १६, २०७४

नेपाल समय

नेपाल समय

आइतबार, पुष १६, २०७४, काठमाडौं

काठमाडाैं- अस्थिर सरकारबाट आजित नेपाली नागरिकले स्थिर सरकार पाएसँगै सुरु भएको थियो वर्ष २०७५।

निकै आशा गरिएको केपी शर्मा ओली नेतृत्वको सरकारले वर्ष २०७५ मा केही राम्रा कामको प्रयास नगरेको होइन। सामाजिक सुरक्षा योजनाअन्तर्गत पेन्सन कार्यक्रम,  प्रधानमन्त्री रोजगार कार्यक्रम, मलेसिया र जापानसँग श्रम सम्झौतालगायत सरकारले गरेका राम्रा काम हुन्। तर, जति राम्रा काम भए त्योभन्दा ज्यादा २०७५ मा ओली सरकारको आलोचना भयो। सरकार विभिन्न काण्ड र झमेलामा फस्यो।

निकै आशा गरेर उत्साहित भएका जनताले सरकारबाट खासै कुनै उपलब्धि पाएनन्। रेल र पानीजहाजको सपना बाँडेको सरकार आफैं हवाईजहाजमा अड्किएपछि जनताले सुशासनको अनुभूत गर्न सकेनन्। सरकारी कार्यालयबाट पाइने सेवासुविधा सहज हुन सकेन। अक्सर सरकारी कार्यालयमा बिना घुस काम गराउन कठिन स्थितिबाट नागरिकले मुक्ति पाएनन्। हरेक क्षेत्रमा फैलिएका माफिया कम भएनन्। माफियाकाे बिगबिगी कतिसम्म बढ्यो भने प्रधानमन्त्री र प्रधानन्यायाधीश निवासकै जग्गा बेचेर खाएकाे खुलासा भयो । 

नागरिकका समस्या जस्ताका तस्तै छन्, महँगी झन् बढ्याे, भ्रष्टाचारको ग्राफ उकालो लाग्यो । बलात्कार र दण्डहीनता मौलायाे । यी सब घटना रोक्न र जनतालाई राहत दिन नसकेको नागरिकको गुनासो छ। यो अवधिमा सरकारले आफैंले बाचा गरेका काम त गरेन नै, जनताका दैनिक समस्या र गुनासोसमेत सम्बोधन गर्न नसकेको आरोप खेप्नुपरेको छ।

कहाँ कहाँ चुक्यो सरकार ?

नम्बर १- विप्लव गतिविधिमाथि प्रतिबन्ध

संविधानमै राजनीतिक दलमाथि प्रतिबन्ध लगाउन नपाइने व्यवस्था भए पनि सरकारले त्यसविपरीत नेत्रविक्रम चन्द विप्लव नेतृत्वको गतिविधिमाथि फागुन २८ गते प्रतिबन्ध लगायो। हिंसात्मक र ध्वंसात्मक गतिविधि गरेको भन्दै सरकारले प्रतिबन्ध लगाएपछि धेरैमा मुलुक द्वन्द्वमा फस्ने हो कि भन्ने त्रास देखियो। जसका कारण सरकारको चर्को रुपमा सरकारको आलोचना भयो।

नम्बर २ - सिके राउतसँग अस्पष्ट सम्झौता

मधेसलाई स्वतन्त्र देश बनाउने अभियानमा लागेका सिके राउतसँग सरकारले फागुन २४ गते सम्झौता गर्‍यो। त्यो पनि दोहोरो अर्थ लाग्ने गरी। सम्झौतामा जनअभिमतमार्फत मूलधारको राजनीतिमा आउने भन्ने वाक्यांश प्रयोग गरिएको थियो। जसको अर्थ जनमतसंग्रह हुने दाबी सिके राउतको थियो। स्वतन्त्र मधेसको पक्षधर समूहसँग सरकार जनमत संग्रह गर्ने मुद्दामा सहमत भएको भनेर चर्को आलोचना भयो।   

नम्बर ३- निर्मला हत्या प्रकरण

यो वर्ष सबैभन्दा बढी चर्चामा रहेको निर्मला प्रकरणले सरकारलाई आलोचित मात्रै होइन बदनाम गरायो। बलात्कारपछि हत्या गरिएकी कञ्चनपुरकी १३ वर्षीया किशोरी निर्मला पन्तको अझै हत्यारा पत्ता लाग्न सकेको छैन। उनको हत्या गएको साउन १० गते भएको थियो।

नम्बर ४- वाइड बडी खरिद प्रकरण

हवाई क्षेत्रमा क्रान्ति गर्ने र नेपालका जहाज युरोपको आकाशसम्म उडाउने भन्दै सरकारले २ वटा वाइड बडी जहाज किन्यो। तर त्यसमा चार अर्ब ३५ करोड भ्रष्टाचार गरेको पोल खुलेको छ। पर्यटनमन्त्रीसमेत संलग्न भनिएको यो काण्डका कारण सरकारको चर्को आलोचना भयो।

नम्बर ५- धर्मका नामा राजनीति

सरकारले नै धर्मका नाममा राजनीति गरेको भन्दै ओली सरकारको चर्को आलोचना भएको छ। विवादित क्रिस्चियन संस्थाको आयोजनक जसरी भूमिका खेलेको भन्दै जनस्तरबाटै सरकारको चर्को विरोध भयो। यसको विषयमा सत्तारुढ नेकपा दलभित्रै ठूलो कलह मम्चियो।

नम्बर ६- करै करले जनता मारमा

केन्द्र सरकारदेखि स्थानीय सरकारसम्मले जुनसुकै वस्तु र सेवामा कर लगाएपछि सरकारको व्यपाक आलोचना भयो। कुखुरादेखि भंैसीसम्ममा कर लगाएर महँगी झन् बढाएको भन्दै नागरिक आक्रोशित बने।

नम्बर ७- डा. केसीप्रति चरम बेवास्ता

सरकार आफैंले गरेको सहमति कार्यान्वयन नगरेको भन्दै १६ औं पटक अनशन बसेका डा. गोविन्द केसीलाई सरकारले चरम बेवास्ता गर्‍यो। संसद्बाट जबरजस्ती विधेयक पारित गर्‍यो। वार्ता गर्नसमेत आवश्यक ठानेन। सत्याहाग्रीमाथि तानाशाही व्यवहार देखाएको भन्दै सरकारको आलोचना भयो।  

नम्बर ८- कर्मचारी समायोजन अस्तव्यस्त

सरकार बनेको एक वर्ष बितिसक्दा समेत स्थानीय तह र प्रदेशमा कर्मचारी खटाउन नसक्नु सरकारको अर्को कमजोरी मानिएको छ। अझै पछिल्लो पटक बनाइएको कर्मचारी समायोजन ऐनले कर्मचारीबीच नै विभेद गरेको भन्दै कर्मचारीले ओली सरकारको विरोध गरेका छन्।

नम्बर ९- यातायात सिन्डिकेट ज्यूँकात्यूँ

यातायात क्षेत्रको सिन्डिकेट तोड्ने घोषणा गरेर जनतालाई उत्साहित बनाएको सरकारले यसको कार्यान्वयन गर्न नसक्दा आलोचना खेप्नुपरेको छ। अहिले पनि मुलुकमा सिन्डिकेट यथावत् छ।

नम्बर १०- सुन तस्करी प्रकरण ओझेलमा

मुलुक सुन तस्करहरुको हब बन्दै गएको विभिन्न अध्ययन देखाए पनि सरकारले यो अवधिमा यसलाई रोक्न खासै चासो देखाएन। साढे ३३ किलो सुन काण्ड यसै डिसमिस बनाएर सुनका थुप्रै तस्करलाई जोगाउन खोज्यो। यसबारे आज पनि सरकारको आलोचना भइरहेको छ।

नम्बर ११- माइतीघर काण्ड

सरकारको आलोचनाको सुरुवात माइतीघर मण्डलालाई निषेधित क्षेत्र घोषणा गरेबाट भएको थियो। सार्वजनिक स्थलमा लाई निषधित क्षेत्र तोकिनुलाई नागरिक स्वतन्त्रता हननका रुपमा परिभाषित गर्दै आन्दोलन नै भयो।

इतिहासकै बलियो भनिएको सरकार आलोचनै आलोचनामा फस्नुलाई शुभ संकेत मान्न सकिँदैन। प्रशंसा अत्यन्त कम र आलोचना ज्यादा भएको सरकारले जनताका सामान्य आकांक्षासमेत सम्बोधन नगर्दा सरकारप्रतिको आशा धुमिल बन्दै गएको छ। वर्ष २०७५ मा देखिएका निराशा २०७६ मा आशामा बदल्न सरकार सफल होस्। हाम्रो शुभकामना !

प्रकाशित: December 31, 2017 | 18:23:00 काठमाडौं, आइतबार, पुष १६, २०७४

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
समाज

करेन्ट लागेर दाजु–भाइको मृत्यु, आमा–छोरा घाइते

करेन्ट लागेर धनुषाको जनकपुरधाममा दाजु–भाइको मृत्यु भएको छ भने आमा–छोरा घाइते भएका छन्।
नेपाल समय
समाज

भैरहवाबाट काठमाडौंका लागि उडेको बुद्ध एयर विमान जनकपुरधाममा अवतरण

खराब मौसमका कारण भैरहवाबाट काठमाडौँका लागि उडेको बुद्ध एयरको विमान जनकपुरधाममा अवतरण गरेको छ।
नेपाल समय
समाज

प्रतिकूल मौसका कारण पोखराबाट हुने उडान रद्द

लगातारको वर्षाका कारण काठमाडौंबाट पोखरामा हुने र पोखराबाट अन्य विमानस्थलमा हुने सबै उडान रद्द भएका छन्।
नेपाल समय
समाज

वर्षा जारीः पृथ्वीराजमार्ग सञ्चालनमा, ग्रामीण सडकहरु अवरुद्ध

पृथ्वीराजमार्ग अन्तर्गत धादिङका केही ठाउँमा पहिरा गएपनि अन्य ठाउँको पहिरा हटाएर राजमार्ग सञ्चालनमा आएको छ। धादिङको गजुरी गाउँपालिका–६ जरेखेतमा भने केही बेर अगाडि पहिरो खसेर राजमार्ग अवरुद्ध भएको जिल्ला प्रहरी कार्यालय धादिङका प्रहरी नायब उपरिक्षक श्यामबहादुर खत्रीले जानकारी दिए।
नेपाल समय
समाज

बारा बस दुर्घटना अपडेट : ९ जनाको सनाखत, घाइते १६ जनाको भरतपुरमा उपचार हुँदै

बाराको जितपुर सिमरा उपमहानगरपालिका–२२ अमलेखगञ्जमा बस दुर्घटनामा परी मृत्यु भएका नौजनाको सनाखत भएको छ। बस दुर्घटनामा मृत्यु हुनेको संख्या १६ पुगेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना