शुक्रबार, असोज २१, २०७९

चीनसँगको सीमाबारे बोल्यो सरकार, संसद्‍को कार्यसूचीमा परेन एमसीसी [२०७८-१०-२५]

नेपाल समय  |  काठमाडौं, मंगलबार, माघ २५, २०७८

नेपाल समय

नेपाल समय

मंगलबार, माघ २५, २०७८, काठमाडौं

चीनसँगको सीमा विवादबारे बोल्यो सरकार

चीनसँगको सीमा विवादका विषयमा वास्तविकताका आधारमा उपयुक्त समयमा आधिकारिक घारणा बाहिर ल्याउने सरकारले जनाएको छ ।

मंगलबार मन्त्रिपरिषद्का निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता तथा संचार तथा सूचना प्रविधिमन्त्री ज्ञानेन्द्रबहादुर कार्कीले चीनसँगको सीमा विवादका विषयमा यथार्थ रिपोर्ट र वास्तविकताका आधारमा बाहिर ल्याउने बताएका हुन्। 

कुनै रिपोर्टका आधारमा नभएर वास्तविकताको आधारमा चीनसँगको सीमा विवादबारे सरकारले यथार्थ धारणा ल्याउने उनको भनाइ छ। मन्त्री कार्कीले सरकार छिमेकी देशहरुसँग सिमा समस्या आउन नदिनको लागि प्रयत्नशील रहेको पनि उल्लेख गरेका थिए। 

प्रवक्ता कार्कीले भारत र चीनसँगको सीमा समस्यालाई कूटनीतिक माध्यमबाट सरकारले समाधान गर्ने बताए। यसअघि सरकारले गठन गरेको अध्ययन समितिले चीनले पनि नेपालको क्षेत्रमा तारबार लगाएको भन्दै प्रतिवेदन बुझाएको थियो। उक्त प्रतिवेदन अझसम्म पनि सरकारले सार्वजनिक गरेको छैन। 

 कार्यसूचीमा परेन एमसीसी

लामो समयदेखि सूचना टाँस गर्दै स्थगित हुँदै आएको प्रतिनिधिसभाको बैठक भोलि बुधबार बस्ने भएको छ। दिउँसो १ बजेका लागि तय भएको बैठक बोलाइएको हो। 

यसअघि सभामुख अग्नि सापकोटाले संसद्‍मा बैठकमा पेस गर्ने कार्यसूची तय गर्नका लागि कार्यव्यवस्था परामर्श समितिको बैठक बोलाएका थिए। समितिले बुधबारको बैठकका लागि दुई कार्यसूची तय गरेको छ। प्रधानमन्त्री शेरबहादुर देउवाले थारु आयोगको तेस्रो वार्षिक प्रतिवेदन प्रस्तुत गर्ने र सभामुख अग्निप्रसाद सापकोटाले शोक प्रस्ताव प्रस्तुत गर्ने सम्भावित कार्यसूची रहेको संसद सचिवालयले जानकारी दिएको छ। 

उता सरकारले भने भोलि नै एमसीसीको सम्झौता संसदमा टेलब गर्नका लागि सभामुखलाई आग्रह गरेको थियो। तर सभामुखले उक्त विषयलाई अढाई विषयलाई रोक्दै आएका छन्।  एमालेले संसद् अवरुद्ध गर्दै आएको भन्दै सभामुख तत्काल एमसीसीलाई संसद्‍मा प्रस्ताव गर्न नहुने अडान राख्दै आएका छन्। 

सापकोटालाई सभामुख बनाएको दल नेकपा माओवादी केन्द्रका अध्यक्ष पुष्पकमल दाहाल प्रचण्डले एमसीसी पास गर्ने भन्दै अमेरिकालाई पत्र लेख्ने र यथास्थितिमा पारित गर्न नहुने अभिव्यक्ति दिएर दोहोरो चरित्र प्रस्तुत गर्दै आएका छन्। 

स्थानीय निर्वाचनको मिति तोकेपनि ऐन संशोधन गर्न माग

नेकपा(माओवादी केन्द्र)का नेता देव गुरुङले आगामी बैशाख ३० गते स्थानीय निर्वाचन गरे पनि कानुन संशोधन गर्नैपर्ने दाबी गरेका छन्।

स्थानीय तह निर्वाचन सम्बन्धी ऐनमा स्थानीय तहका जनप्रतिनिधिको कार्यकाल सकिनुभन्दा २ महिना पहिले नै निर्वाचन गर्नुपर्ने उल्लेख भएकाले उक्त व्यवस्था संशोधन नगरी चुनाव गर्न नहुने बताएका हुन्। 

राजधानीमा आयोजित एक कार्यक्रममा बैशाख ३० गते निर्वाचन गर्दापनि कानूनी जटिलता आउन सक्ने भएकाले संशोधन गर्नुको विकल्प भनएको उनको भनाइ छ। ऐन संशोधन सम्भव नभएमा संविधानको व्यवस्था अनुसार कार्यअवधि सकिएको ६ महिनाभित्र निर्वाचन गर्नुपर्ने धारणा उनले व्यक्त गरे। 

प्रधानमन्त्रीले सहमति बिना एमसीसी परियोजना अगाडि बढाए गठबन्धन स्वतः समाप्त हुनेसमेत उनको चेतावनी छ। तर गठबन्धन टुटाएर एमसीसी अघि बढाउने पक्षमा प्रधानमन्त्री नभएको उनले विश्वास व्यक्त गरे। 

उता नेपाली कांग्रेसका नेता मीन विश्वकर्माले अन्तर्राष्ट्रिय सम्बन्धलाई समेत अप्ठ्यारो पार्ने गरी एमसीसीको विषयलाई गिजोलिएको बताएका छन्। एमसीसी परियोजनासँग संलग्न राजनीतिक दलहरुले नै गलत प्रचारबाजी गरी भ्रम सिर्जना गराएको उनको आरोप छ। 

नेता विश्वकर्माले राष्ट्रिय सरोकारको विषय एमसीसी परियोजनालाई यथास्थितिमा राखेर गठबन्धन जोगाइराखेमा जनताले सत्तारुढ दलहरुलाई नपत्याउने बताए। 

कमल थापाले छोडे राप्रपा

राष्ट्रिय प्रजातन्त्र पार्टीका निवर्तमान अध्यक्ष कमल थापाले पार्टीबाट अलग भएको घोषणा गरेका छन्। थापाले मंगलबार विज्ञप्ति जारी गर्दै आफू पार्टीबाट अलग भएको घोषणा गरेका हुन्। 

अत्यन्त भारी मन तथा पीडाबोधका साथ पार्टीबाट अलग हुने निर्णय गरेको थापाको विज्ञप्तिमा उल्लेख छ। थापाले पार्टीभित्र देखापर्न थालेको सैद्धान्तिक विचलन तथा गलत प्रवृत्तिलाई सुधार गर्ने उत्कट चाहना भए पनि आफ्नो कुराको सुनुवाइ नहुने भएपछि पार्टीबाटै अलग हुनुपरेको जिकिर गरेका छन्। 

थापा गत मंसिरमा सम्पन्न पार्टी महाधिवेशनमा अध्यक्ष पदमा भएको निर्वाचनमा राजेन्द्र लिङ्देनसँग पराजित भएका थिए। अध्यक्षमा पराजित भएका थापाले पार्टी नेतृत्वलाई विभिन्न माग राख्दै आफूले नयाँ यात्राको थालनी गर्ने चेतावनी दिएका थिए। यस्तै आफू पराजित हुनुमा निर्मल निवासको हस्तक्षेप भएको उनको आरोप छ।

राप्रपामा रहँदा पार्टीका साथी, सहयोगी र शुभचिन्तकहरूबाट प्राप्त सहयोग, सद्भाव र स्नेहप्रति आफू आभारी हुने र राप्रपाका कुनै पनि नेताप्रति वैरभाव नरहेको उनको दाबी छ। 

मन्त्री उमा पनि अनुगमनमा

महिला, बालबालिका तथा ज्येष्ठ नागरिकमन्त्री उमा रेग्मीले भृकुटीमण्डप क्षेत्रको अनुगमन गरेकी छन्। 

भुकटीमण्डपभित्र रहेका व्यापारीहरुले स्टल भाडा समेत नतिरेको पाइएपछि मन्त्री रेग्मीले मंगलबार दिउँसो हङकङ बजारसहित भाडामा लिएका अन्य भवनहरुको अनुगमन गरिन । त्यसक्रममा धेरैले भाडा नतिरेको पाइएको उनले बताइन । मन्त्री रेग्मीले सञ्चारकर्मीहरुमाझ भृकुटीमण्डपभित्र भाँडा नतिर्ने र अनियमितता गर्नेमाथि तत्काल कारबाही गर्ने चेतावनी समेत दिइन् । 

मन्त्री रेग्मीले भृकुटीमण्डप क्षेत्रको भाडा लगाउने काम विचौलियाहरुले गरिरहेको उल्लेख गर्दै अव सोझैं समाज कल्याण परिषदले भाडा सम्झौंता गर्ने व्यवस्था गर्न लागिएको बताइन्। 

मन्त्री रेग्मीले भृकुटीमण्डप क्षेत्रलाई व्यवस्थित बनाउन त्यहाँका साना व्यापारीहरुलाई पनि सहयोग गर्न पटकपटक आग्रह गरिन् ।

भारतका मुख्यमन्त्रीबीच जुहारी

भारतको नयाँ दिल्ली र उत्तर प्रदेशका मुख्यमन्त्रीबीच सामाजिक सञ्जालमा जुहारी चलेको छ।

प्रधानमन्त्री नरेन्द्र मोदीले सोमबार संसद्मा दिएको अभिव्यक्तिलाई लिएर उनीहरूबीच भनाभन नै चलेको छ।

मोदीले संसद्मा सन् २०२० को मार्चमा लकडाउन घोषणा गरेपछि महाराष्ट्र र नयाँ दिल्लीका सरकारले आप्रवासी कामदारलाई घर जान दिएकाले कोरोना भाइरस धेरै फैलिएको बताएका थिए।

दिल्लीका मुख्यमन्त्री अरविन्द केजरीवालले मोदीको कुरा सरासर झुट भएको भन्दै प्रतिवाद गरेका छन्। उता आफ्नो पार्टीका प्रधानमन्त्री मोदीको कुरालाई केजरीवालले झुटो भनेपछि युपीका मुख्यमन्त्री आदित्यनाथ योगी आक्रोशित बनेका हुन्। ट्विटरमा यी दुवै प्रदेशका मुख्यमन्त्रीहरुको कटाक्ष छ । 

योगीले लकडाउनका बेला युपीका कामदारलाई केजरीवाल सरकारले दिल्ली छोड्न विवश पारेको आरोप लगाएको छ। उता केजरीवालले भने लकडाउनका बेला मानिसका शव नदीमा बगेका बेला करोडौं रुपैयाँ खर्चेर टाइम्स म्यागेजिन झुटो वाहवाहीको विज्ञापन दिएको, निर्दयी र क्रुर शासक भएको आरोप लगाएका थिए। 

चीन शीर्ष स्थानमा

बेइजिङमा सुरु भएको शीतकालीन ओलम्पिक २०२२ मा आयोजक चीन पहिलो पटक मेडल तालिकाको शीर्षस्थानमा पुगेको छ। 

तीन विधामा स्वर्णसँगै पाँच पदक जितेर चीन मेडल तालिकाको शीर्षस्थानमा पुगेको हो। चीनले महिला फ्रि स्काइकिङ बीग एयर, पुरुष एक हजार किलोमिटर स्केटिङ र छोटो दूरीको स्केटिङ टिम रिलेमा स्वर्ण जितेको हो।

यससँगै तीन स्वर्ण जितेको स्विडेन अहिले दोस्रो स्थानमा छ। उसले अल्पाइनतर्फ महिला जायन्ट स्ललोम, पुरुषतर्फको फ्रि स्टाइल स्काइकिङ मोगुल्स र पुरुषतर्फको स्पिड स्केटिङ पाँच हजार मिटरमा स्वर्ण जितेको हो।

ओलम्पिकको दोस्रो दिनका खेल सकिँदा शीर्षस्थानमा रहेको रुस भने अहिले तेस्रो स्थानमा पुगेको छ। उसले अहिलेसम्म दुई स्वर्णसहित ६ पदक जितेको छ। तर पदक संख्या रसियाको सबैभन्दा धेरै छ। रसियाको ओलम्पिक कमिटीले १५ किमी र १५ किमी रिलेमा स्वर्ण जितेको हो।


प्रकाशित: February 8, 2022 | 19:25:06 काठमाडौं, मंगलबार, माघ २५, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
भिडियो समाचार

गठबन्धनमा मिलेन भागबन्डा, सन्दीप लामिछाने कालोसूचीमा [२०७९-५-२६]

माओवादी, नेकपा एस, जसपा र कांग्रेसले आफ्नो वास्तविक शक्तिभन्दा बढी सिटमा दाबी गरेका कारण भागबन्डा मिलाउन नसकिएको राष्ट्रिय जनमोर्चाको भनाइ छ।
नेपाल समय
भिडियो समाचार

७५ जिल्ला पुग्यो डेंगु, बिटक्वाइन कारोबारविरुद्ध कडा कानुन [२०७९-५-२०]

सांसदहरूको कार्यकाल लम्ब्याउने गरी ल्याइएको विधेयकप्रति निर्वाचन आयोगको आपत्ति, प्रस्तावले गलत सन्देश प्रवाह हुने भएकाले फिर्ता लिने संकेत।
नेपाल समय
भिडियो समाचार

भदौ २७ देखि डा केसीको अनशन, मन्त्रीमाथि खनिए सिसडोलबासी [२०७९-५-१२]

विद्यालयका कर्मचारीले एक हप्ताको लागि विद्यालय बन्द गर्ने भएका छन्। एक विज्ञप्ति जारी गर्दै पियन–लेखापालले आजबाट १८ गतेसम्म विद्यालय बन्द गर्ने जनाएका छन्।
नेपाल समय
भिडियो समाचार

बालेनले लिए एक्सन, एमालेबाहेकको वाम ध्रुवीकरण; मिटरब्याजीको ससुरालीमा कपाली तमसुक [२०७९-५-६]

नेकपा माओवादी केन्द्र र नेकपा एकीकृत समाजवादी मंसिर ४ मा हुने प्रतिनिधिसभा र प्रदेशसभा चुनावमा एउटै घोषणापत्र बनाएर जान सहमत भएका छन्।
नेपाल समय
भिडियो समाचार

गठबन्धनमा सिट बाँडफाँटका ३ आधार, एमालेलाई लाग्यो चुनाव [२०७९-४-२६]

सत्ता गठबन्धनले ०७४ सालको निर्वाचनमा प्रत्यक्ष र समानुपातिकतर्फ प्राप्त मत, गत स्थानीय तह निर्वाचनमा प्राप्त मत र दलहरुको संवेदनशीलताका आधारमा सिट बाँडफाँड गर्ने भएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना