मंगलबार, कार्तिक २, २०७८

नेपाल समय

४८ सय केजीको एउटा हात्ती जो तीन वर्षदेखि उभिएको उभियै छ [भिडियोसहित]

धीरज बस्नेत  |  काठमाडौं, आइतबार, असोज १७, २०७८
धीरज बस्नेत

धीरज बस्नेत

काठमाडौं, आइतबार, असोज १७, २०७८

काठमाडौं– ललितपुरको जाउलाखेलस्थित चिडियाखानामा १ सय १३ प्रजातिका करिब एक हजार जीवजन्तु छन्। यिनै जीवजन्तुको भीडमा एउटा बूढो हात्ती पनि छ। करिब ७० वर्षे पवनकली ३७ वर्षदेखि यही चिडियाखानामा छ। चार वर्षअघिसम्म चिडियाखाना घुम्न आएकालाई पिठ्यूँमा राखेर डुलाउने पवनकली अचेल आफैं हिँड्न नसक्ने अवस्थामा छ। 

‘घुम्न त परको कुरा, तीन वर्ष भयो पवनकली बस्नसमेत सकेको छैन’, हात्ती इन्चार्ज कृष्णप्रसाद आचार्यले भने। ढल्कँदो उमेरसँगै पवनकलीलाई बाहिरफेर लाने गरिएको छैन। विगतमा भने पवनकलीलाई विभिन्न ठाउँमा घाँस संकलन गर्न लगिन्थ्यो। आचार्यका अनुसार पवनकली बाहिर ननिस्केको पाँच वर्ष बितेको छ। 

‘पहिले जसरी बाहिरतिर हिँड्न मन गर्दैन। त्यसैले चराउनसमेत चिडियाखाना बाहिर लान छाडेका छौं’, आचार्यले भने।  

आचार्यले पवनकलीको स्याहार गर्न थालेको ३१ वर्ष भयो। ‘२०४६ सालदेखि यही हात्तीको स्याहार गर्दै आएको छु। अब त रिटायर्ड हुने बेला भयो, हात्ती पनि बूढो भयो’, उनले भने। आचार्यले परिवारलाई भन्दा धेरै समय पवनकलीलाई दिँदै आएका छन्। सन्तानलाई भन्दा धेरै माया पवनकलीलाई नै गर्छन्। ‘कुरा दुई वर्षअघिको हो, छोरी बिरामी भएर मेडिसिटीमा भर्ना गरिएको थियो, यहाँ हात्ती पनि बिरामी भयो। मलाई छोरीको भन्दा धेरै चिन्ता हात्तीको लाग्यो। अस्पताल बस्नै सकिनँ, आइहालें’, उनले सुनाए।  

तीन वर्षदेखि पल्टिएर नसुतेको हात्तीलाई अडेस लाग्न चितवनबाट विशेष खमारी (हात्ती बाँध्ने खम्बा) ल्याएर गाडिएको छ। पवनकली सोही खमारीमा अडेस लागेर निदाउँछ।

पवनकलीको रेखदेखमा आचार्यसहित ३ जना कर्मचारी खटिएका छन्। ‘बूढो हुँदै गएको हात्तीलाई अझै बढी स्याहारको जरुरत छ। हामीले त्यहीअनुसार व्यवस्थापन पनि गरेका छौं’, चिडियाखानाका वन्यजन्तु इन्चार्ज गणेश कोइरालाले भने। 


 

हात्तीको अवस्था सामान्य भए पनि तीन वर्षदेखि यो उभिइरहेको विषयले भने चिडियाखाना प्रशासनलाई चिन्तित बनाएको छ। ‘हालसम्म त्यस्तो कुनै रोग वा समस्या देखापरेको त छैन। तर, लामो समयदेखि बस्न नसक्दा चिन्तित बनाएको छ’, कोइरालाले भने। तीन वर्षदेखि पल्टिएर नसुतेको हात्तीलाई अडेस लाग्न चितवनबाट विशेष खमारी (हात्ती बाँध्ने खम्बा) ल्याएर गाडिएको छ। पवनकली सोही खमारीमा अडेस लागेर निदाउँछ।

पवनकलीलाई दैनिक तीन सय किलो खाना

पवनकलीको तौल ४ हजार ८ सय किलोग्राम छ। यसलाई २०३७ सालमा कोसी टप्पु वन्यजन्तु आरक्षबाट सदर चिडियाखानामा ल्याइएको थियो। त्यति बेला यसको उमेर ३० वर्षको थियो। तन्देरी पवनकली सम्झिँदै हात्ती इन्चार्ज आचार्य भन्छन्, ‘यिनको पनि शरीर मान्छेको जस्तै त हो, जवानी हुँदा निकै जोश देखाउने बुढेकाल भएपछि हिँड्न पनि गाह्रो हुने।’ पवनकलीले जवानीमा जति जोसिलो भए पनि मान्छेलाई भने आक्रमण गरेन। माउतेलाई दुःख दिएन। 

पवनकलीको अहिलेको दैनिकी थोरै हिँड्ने, नुहाउने र चिडियाखानामा चर्नमै सीमित छ। ‘बिहान केहीबेर चिडियाखानाभित्रै चरेपछि १० बजेतिर नुहाइदिन्छौं। त्यसपछि हात्तीसारमा ल्याएर घास र पराल खुवाउँछौं। दिनभर आराम गर्छ, साँझ केहीबेर फेरि चिडियाखानाभित्रै चर्छ’, आचार्यले भने। पवनकलीले दैनिक साढे २ सयदेखि ३ सय किलो घाँसपराल खान्छ। प्रमुख आहारा डाले घाँस र कूची (पराल, भुस र मिठाई मिसाएर बनाइएको दाना) भएको आचार्यले बताए।  

धीरज बस्नेत

धीरज बस्नेत

काठमाडौं, आइतबार, असोज १७, २०७८

थप समाचार

औद्योगिक क्षेत्रको जग्गा अतिक्रमण हुन नदिन निर्देशन, जिप दुर्घटनामा आठको मृत्यु [२०७८–६–२५]

बुटवलमा निर्माणाधीन मोतीपुर औद्योगिक क्षेत्रको जग्गा अतिक्रमण गर्न नदिन सुरक्षा निकायलाई गृहमन्त्री बालकृष्ण खाँडले कडा निर्देशन दिएका छन्।

बिहानी समाचार : बुटवलमा हटेन कर्फ्यु, सुरक्षाकर्मीबाट मारिएका तीन जनाको अझै सनाखत भएन

रूपन्देही मोतीपुर क्षेत्रमा प्रहरी र सुकुम्बासीबीच झडपपछि गोली चल्दा मृत्यु भएका चार जनामध्ये एक जनाको सनाखत भएको छ।

आजका मुख्य समचार : बुटवलमा कर्फ्यु, प्रहरीद्वारा बेपत्ता पारिएकी रुबीलाई उपस्थित गराउन सर्वोच्चको आदेश (२०७८–६–२४)

सर्वोच्च अदालतले काठमाडौंको माइतीघरबाट पक्राउ परेकी नेपालगन्जकी रुबी खानलाई २४ घण्टाभित्र अदालत उपस्थित गराउन आदेश दिएको छ।

बिहानी समाचार : चर्को विवादपछि मन्त्री गजेन्द्र हमालद्वारा राजीनामा, ३ लाख बढीले छाडे काठमाडौं

प्रधानन्यायाधीश चोलेन्द्रशमशेर जबराको कोटाबाट मन्त्री बनेको भन्दै आलोचना खेप्दै आएका हमालले आइतबार प्रधानमन्त्री शेरबहादुर देउवासमक्ष राजीनामा बुझाउन लागेका हुन्।

विवादित बन्यो मन्त्रिपरिषद् विस्तार, कोभिशिल्ड आउने निश्चित [२०७८–६–२२

प्रधानमन्त्री शेरबहादुर देउवाले मन्त्रिपरिषद् विस्तार गरेका छन्। प्रधानमन्त्री बनेको ८८ दिनपछि देउवाले मन्त्रिपरिषद्लाई पूर्णता दिएका हुन्।

नेकपा (एस) र जसपाले अझै दिन सकेनन् मन्त्रीको नाम, ईपीएलको फाइनलमा चितवन र पोखरा [२०७८–६–२१]

सत्ता गठबन्धनभित्रको किचलो नमिल्दा आज बिहीबार पनि मन्त्रिपरिषद् विस्तार हुन सकेन।

ट्रेंडिंग

नेपाल समय
समाज

४४ वर्षीया महिलालाई बलात्कार गरेको आरोपमा १७ वर्षीय किशोर पक्राउ

४४ वर्षीया महिलालाई बलात्कार गरेको अभियोगमा बन्दीपुर गाउँपालिका-२ पौवा बस्‍ने १७ वर्षीय किशोर पक्राउ परेका छन्।
नेपाल समय
शिक्षा

१२ पछि के पढ्ने? यस्ता छन् विकल्प

१२ पछि के पढ्ने? विकल्प धेरै छन् भविष्य खोज्दै विद्यार्थी
नेपाल समय
फुटबल

साफ फाइनलमा नेपाल भारतसँग पराजित

साफ च्याम्पियनसिपअन्तर्गत शनिबार माल्दिभ्सको राजधानी मालेमा भएको फाइनलमा भारतले नेपाललाई ३–० गोलले पराजित गर्दै उपाधि जितेको हो।
नेपाल समय
फुटबल

साफ फाइनल : नेपालको सुरुवाती ११ सार्वजनिक

गोलरक्षकमा कप्तान किरण चेम्जोङले नै निरन्तरता पाएका छन्। डिफेन्डरतर्फ अनन्त तामाङ र दिनेश राजवंशीले सेन्टर डिफेन्स तथा विंगब्याकमा गौतम श्रेष्ठ र सुमन अर्याल खेल्नेछन्।
नेपाल समय
विदेश

दुर्गा पूजा पण्डालमा तोडफोडपछि बंगलादेशमा हिंसात्मक प्रदर्शन

बंगलादेशमा दुर्गा पूजा पण्डालमा तोडफोडपछि बंगलादेशमा हिंसात्मक प्रदर्शनहरु भएका छन्। शुक्रबार हिन्दु मन्दिर र दुर्गा पूजा पण्डालमा तोडफोड भएपछि राजधानी ढाका र नोआखालीमा प्रदर्शनहरु भएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C