जेलमुक्तिले खुसी भए पनि यातनाले झस्काउँछ सैनिक परिवारलाई [भिडियो रिपोर्ट]

काठमाडौं- सम्भवतः सैनिक जवान लवकुमार गुरुङ र सरोज तामाङको परिवारका लागि बिहीबार जीवनकै सबैभन्दा ठूलो खुसीको दिन थियो। झुटो मुद्दामा साढे २ वर्ष जेल जीवन बिताएका गुरुङ र तामाङ जेलमुक्त हुने पक्का भएको थियो। 

सैनिक विशेष अदालतले एसएमजी चोरी प्रकरणमा उनीहरुलाई निर्दोष ठहर गर्दै थुनामुक्त गर्न आदेश दिएपछि उनीहरू रिहा भएका छन्। सैनिकद्वय गुरुङ र तामाङले सफाइ पाएसँगै उनीहरुका परिवार शुक्रबार जंगी अड्डा अगाडि खुसी साटिरहेका थिए। कहिले खुसीको आँस झार्दै थिए, कहिले आफ्नो छोरा र श्रीमान्ले पाएको यातना सम्झेर भक्कानिँदै थिए। 

छोरा जेलमुक्त लागेकोमा खुसीको आँसु बगाएकी सरोज तामाङकी आमा छोराले पाएको पाएर यातना सम्झेर झनै भक्कानिइन्। 'मेरो छोरोलाई झूटो अभियोग स्वीकार्नका लागि यतिसम्मको यातना दिए कि उसले के खाइरहेको छु भन्नेसम्म थाहा पाउन छाडेको थियो। यति कुटे कि हप्तौंसम्म बेहोस बनाए,' उनले आँसु खसाल्दै छोराले पाएको यातना सुनाइन्। 

लबकुमार गुरुङकी श्रीमती प्रमिला तामाङलाई पनि खुसीको कुनै सीमा थिएन। २८ महिनापछि न्याय पाएका श्रीमानलाई भेट्न जान उनी निकै आतुर देखिन्थिन्। 

उनको मुहारमा खुसीको जुन चमक देखिन्थ्यो, विगत सम्झिँदा उति नै धेरै पीडाका धर्सा देखिन्थे। उनले भक्कानिँदै भनिन्, 'मलाई विगत नसम्झाउनुस्। म केही बोल्नै सक्दिन।' 

एसएमजी हतियार चोरी गरेको आरोपमा साढे २ वर्ष जेल सजाय भोगेका लवकुमार गुरुङ र सरोज तामाङलाई सैनिक अदालतले निर्दोष ठहर गरेसँगै उनीहरूलाई लिन दुवैको परिवार चितवन पुगेका छन्। तर, उनीहरूको एउटा गुनासो छ– न्याय त पाइयो तर पूर्ण रूपमा पाइएन्। अनाहकमा चार महिना यातना र २८ महिना जेलमा राखेर उल्टै ३ वर्ष बढुवा रोक्का गर्ने निर्णयले हामीलाई मर्माहत बनाएको छ। क्षतिपूर्ति त परको कुरा उल्टै बढुवा रोक्का गर्दा पूर्ण न्यायको अनुभव गर्न पाइएको छैन। 

भिडियोमा हेर्नुहोस्

• अदालतले भन्यो- अढाई वर्षदेखि जेलमा रहेका दुई निर्दोष सैनिकलाई तत्काल रिहा गर्नू, कारागारलाई पत्र पठाउने तयारी
• दुई वर्षदेखि जेलमा रहेका निर्दोष दुई सैनिकले पाए न्याय!
• निर्दोष सैनिकका परिवारलाई यातना दिन प्रहरी पनि दोषी, यी हुन् दुई एसपी
• दुई सैनिक फसाउने अनुसन्धानका दोषी को? सेनाभित्र क-कसलाई होला कारबाही?
• दुई निर्दोष सैनिकलाई न्यायको बाटो, फाइल झिकाउन अदालतको आदेश
• दुई निर्दोष सेनाको मुद्दालाई सैनिक विशेष अदालतको अग्राधिकार, रिहा होलान् त?
• दुई निर्दोष सैनिकका लागि न्यायको ढोका खोल्ने चाबी बन्दैछ गंगाधरको यो बयान
• जेल जीवन बिताइरहेका निर्दोष सैनिकबारे सबै बोलौं
• जेलमा रहेका 'निर्दोष' सैनिकका परिवार न्याय खोज्दै काठमाडौंमा, के भन्छ सेना?
• यस्तो छ 'एसएमजी चोर' सैनिकको बयान
• निर्दोष कैदीका परिवारलाई समेत सेनाले यसरी दियो महिनौं यातना
• एसएमजी चोरी स्वीकारेका ढकाललाई अदालतबाट सेनाले लग्यो, पीडित परिवार भन्छ- बयानमा हेराफेरी नहोस्
• उता सैनिक श्रीमानलाई यातना, यता सुत्केरी श्रीमतीलाई सास्ती
• जेलभित्र रहेका दुई सैनिक निर्दोष, हराएको हतियार अर्कैले चोरेको ‘पुष्टि’