सोमबार, असोज १०, २०७९

सप्तरीको ९ मतदानस्थल सार्ने र १८ मतदान स्थल थप्ने निर्णय

नेपाल समय  |  काठमाडौं, बुधबार, भदौ १, २०७९

नेपाल समय

नेपाल समय

बुधबार, भदौ १, २०७९, काठमाडौं

नेपाल समय
फाइल तस्बिर।

सप्तरी- जिल्ला निर्वाचन कार्यालय सप्तरीले निर्वाचनका लागि नौ मतदानस्थल सार्ने र १८ मतदानस्थल थप गर्ने निर्णय गरेको छ।

जिल्ला मतदानस्थल तथा मतदान केन्द्र सिफारिस समितिले जिल्लामा रहेका मतदानस्थलमा नौवटा सार्ने, १८ वटा थप गर्ने, दुईवटा गाभ्ने र ३३ वटाको नाम सच्याउने निर्णय गर्दै निर्वाचन आयोगमा सिफारिस गरेको छ। 

गत स्थानीय तह निर्वाचनमा नौ नगरपालिका र नौ गाउँपालिका तथा एक सय ६४ वडा रहेको सप्तरीमा दुई सय ९७ मतदानस्थलमा पाँच सय ३६ मतदान केन्द्र रहेको थियो।

समितिका संयोजक प्रमुख जिल्ला अधिकारी जनार्दन गौतमले भौतिक पूर्वाधार, सुरक्षा संवेदनशीलता र मतदातालाई पायक पर्ने आधारमा मतदानस्थल सार्ने, टुक्र्याएर थप गर्ने, एकापसमा गाभ्ने र त्रुटियुक्त मतदानस्थलको नाम सच्याउने निर्णय भएको बताए। निर्णयबमोजिम निर्वाचन आयोगमा सिफारिस पठाएको उनले बताए।

राजविराजमा साउन ६ गते र साउन १३ गते बसेको सर्वदलीय बैठकको निर्णयानुसार स्थलगत अवलोकन निरीक्षण गरेर समितिमा प्रस्तुत प्रतिवेदनका आधारमा मतदानस्थल सार्ने, टुक्र्याउने, गाभ्ने निर्णय गरी सिफारिस पठाइएको समितिका सदस्यसचिव जिल्ला निर्वाचन अधिकारी रमेशकुमार जोशीले बताए।

भौतिक पूर्वाधार, सुरक्षा संवेदनशीलता र पायकका आधारमा डाक्नेश्वरी नगरपालिका–८ स्थित कोसी पम्प केनाल विषहरियाबाट सहरी स्वास्थ्य केन्द्र विषहरियामा, बोदे बर्साइन नगरपालिका–९ स्थित जनस्वास्थ्य चौकी देउरी स्वर्णपट्टिबाट महान् सहिद जन राष्ट्रिय प्राथमिक विद्यालय स्वर्णपट्टिमा, हनुमाननगर कंकालिनी नगरपालिका–३ स्थित गाविस भवन पोर्ताहाबाट कंकालिनी माध्यमिक विद्यालयमा, वडा नं ११ स्थित मस्जिद फूलबारी सखुवाटोल नजिकको चउरबाट सीताराम आधारभूत विद्यालयमा मतदानस्थल सार्ने सिफारिस भएको छ।

यसैगरी कञ्चनरूप नगरपालिका–३ पोखरी छेउको चौर गोरपारबाट राष्ट्रिय मावि वनरैतामा, छिन्नमस्ता गाउँपलिका–७ स्थित राष्ट्रिय प्रावि हाटीबाट वडा कार्यालय हाटीमा, तिलाठी कोइलाडी गाउँपालिका–६ स्थित डिहवारस्थान चउर मधेपुराबाट राष्ट्रिय प्रावि मधेपुरामा मतदान स्थल सार्ने सिफारिस गरिएको छ। 

विष्णुपुर गाउँपालिका–१ स्थित आधारभूत विद्यालय परसाही स्वास्थ्य चौकीमा साविक मतदानस्थल कायम रहने गरी गाविस भवन जमुनी मधेपुराको मतदानस्थल सार्ने सिफारिससमेत भएको छ।

मतदाता सङ्ख्या बढी भएको र ठाउँ सानो भएको १८ मतदानस्थललाई टुक्र्याएर मतदातालाई पायक पर्ने अर्को मतदानस्थल थप गर्ने सिफारिस भएको निर्वाचन अधिकारी जोशीले बताए। राजविराज नगरपालिका–६ बहिरा बालक स्कुललाई टुक्र्याएर खानेपानी संस्था खैरसाल, वडा नं १० स्थित राष्ट्रिय प्रावि दिघवालाई टुक्र्याएर नेपाल रेडक्रस प्रावि कमलपुर, वडा नं १२ स्थित गाविस भवन विषहरियालाई टुक्र्याएर राष्ट्रिय प्रावि दमावती थप गर्ने सिफारिस भएको छ। 

कञ्चनरूप नगरपालिका–३ स्थित राष्ट्रिय मावि वनरैत टोलको मतदानस्थललाई टुक्र्याएर शङ्कर मावि सुब्बाटोल, वडा नं ९ स्थित इलाका वन कार्यालय काष्ठमहललाई टुक्र्याएर राष्ट्रिय प्रावि रघुनाथपुर, वडा नं १० जनता आधारभूत विद्यालय बदगामालाई टुक्र्याएर राष्ट्रिय प्रावि डेढाहा थप गर्ने सिफारिस गरिएको छ।

यस्तै हनुमाननगर कंकालिनी नगरपालिका–१ स्थित गाविस भवन भारदहलाई टुक्र्याएर कोसी ब्यारेजमा मतदान केन्द्र टुक्रा पारी विपी स्मारक माविमा थप्ने, वडा नं ८ स्थित जोगनी राष्ट्रिय प्रावि जोगिनिया टुक्र्याएर राष्ट्रिय प्रावि बेल्हा थप गर्ने सिफारिस भएको छ।

छिन्नमस्ता गाउँपलिका–६ स्थित ब्रह्मस्थान चउर लालपट्टि खुदीबखारीलाई टुक्र्याएर कुपही मावि, तिरहुत गाउँपालिका–१ स्थित जनता राष्ट्रिय प्रावि धनपुरीलाई टुक्र्याएर राष्ट्रिय प्रावि धनपुरी त्रिकोल, वडा नं ४ स्थित मावि डिमनलाई टुक्र्याएर बिर्ता टोल हनुमान मन्दिर थप गर्ने सिफारिस भएको छ।

तिलाठी कोइलाडी गाउँपालिका–४ स्थित राष्ट्रिय देवकी आधारभूत विद्यालयलाई टुक्र्याएर सामुदायिक भवन रामजानकी मन्दिर मुखिया टोल, राजगढ गाउँपालिका–६ स्थित राष्ट्रिय प्रावि फकिरालाई टुक्र्याएर आधारभूत विद्यालय बरदाही, महादेवा गाउँपालिका–१ स्थित नरबहादुर थापा मावि पकरीलाई टुक्र्याएर राष्ट्रिय प्रावि बल्थी, वडा नं ६ स्थित गाविस भवन ढिकलीलाई टुक्र्याएर सामुदायिक भवन ढिकली थप गर्ने सिफारिस भएको छ।

रूपनी गाउँपालिका–२ स्थित राजाजी स्थान पिप्राही चौरलाई टुक्र्याएर जेसिज आधारभूत विद्यालय पौवा, बलान बिहुल गाउँपालिका–२ स्थित राष्ट्रिय प्रावि पथराहालाई टुक्र्याएर राप्रावि दिघिया, वडा नं ३ स्थित प्ररासु पशुपति विद्यालय टिकुलियालाई टुक्र्याएर पञ्चायत रजत जयन्ती राप्रावि दुधैला मतदानस्थल थप गर्ने सिफारिस भएको छ। अग्नीसाइर कृष्णसवरण गाउँपालिका–३ स्थित वडा कार्यालय भवन हरिहरपुरलाई आधारभूत विद्यालय मटिगढीमा र कञ्चनरूप नगरपालिका–३ स्थित पोखरी छेउको चौर गोरपारलाई राष्ट्रिय मावि वनरैत टोलमा गाभ्ने निर्णय भएको छ। 

यसैगरी संघीय संरचनाअघिका पुराना नाम र त्रुटिपूर्ण ३३ वटा नाम सच्याउने निर्णय भएको छ। कञ्चनरूप नगरपालिका–८ स्थित गाविस भवन कञ्चनरूप, वडा नं १२ स्थित गाविस भवन रूपनगर, डाक्नेश्वरी नगरपालिका–७ स्थित गाविस भवन ब्रह्मपुर, वडा नं ८ स्थित गाविस भवन गम्हरिया प्रवाहाको नाम वडा कार्यालय भवन भनेर सच्याइएको छ। 

तिरहुत गाउँपालिका–२ स्थित गाविस भवन मैनाकडेरी, वडा नं ५ स्थित गाविस भवन लोहजरा, तिलाठी कोइलाडी गाउँपालिका–७ स्थित गाविस भवन मन्सापुर, बोदे बर्साइन नगरपालिका–१ स्थित गाविस भवन धनगढी, वडा नं ८ स्थित गाविस भवन काचन, वडा नं ९ स्थित गाविस भवन देउरी स्वर्णपट्टिको नाम वडा कार्यालय भवन भनेर सच्याइएको छ। 

वडा कार्यालय भवन भनेर सच्याइएको नाममा महादेवा गाउँपालिका–२ स्थित गाविस भवन चकला, वडा नं ४ स्थित गाविस भवन डाढा, वडा नं ६ स्थित गाविस भवन ढिकली, राजविराज नगरपालिका–१६ स्थित गाविस भवन बोरिया, बलान बिहुल गाउँपालिका–४ स्थित गाविस भवन बेल्हीसमेत रहेको छ। 

यस्तै शम्भुनाथ नगरपालिका–१ स्थित गाविस भवन खोक्सर, वडा नं ६ स्थित गाविस भवन मोहनपुर, वडा नं १० स्थित गाविस भवन रामपुर जमुवा, सुरुङ्गा नगरपालिका–१ स्थित गाविस भवन पिप्रा पश्चिम, वडा नं ३ स्थित गाविस भवन लक्ष्मीपुर, वडा नं ४ स्थित गाविस भवन मधुपट्टि, वडा नं ५ स्थित गाविस भवन कुशहा, वडा नं ७ स्थित गाविस भवन हरिपुर, वडा नं ८ स्थित गाविस भवन मल्हन्माको नाम पनि वडा कार्यालय भवन भनेर सच्याइएको छ।

हनुमाननगर कंकालिनी नगरपालिका–१ स्थित गाविस भवन भारदह, वडा नं ३ स्थित गाविस भवन पोर्ताहा, वडा नं ४ स्थित गाविस भवन मधवापुरको नाम वडा कार्यालय भवन भनेर सच्याइएको छ। यस्तै डाक्नेश्वरी नगरपालिका–२ स्थित जनता मावि हरिहराको नाम हरिराहा, वडा नं ५ स्थित कच उच्च मावि पातोको नामा कच मावि पातो, डाक्नेश्वरी नगरपालिका–१० स्थित फेकनी मावि बनौलाको नाम हिरा फेकनी मावि बनौला, महादेवा गाउँपालिका–४ स्थित उपस्वास्थ्य चौकी बलिया डाढा साविक गाविस भवनको नाम उपस्वास्थ्य चौकी बलिया डाढा, बोदे बर्साइन नगरपालिका–२ स्थित राष्ट्रिय प्राथमिक विद्यालय गौराहाको नामा राष्ट्रिय प्राथमिक विद्यालय गौरा हुनुपर्ने गरी सच्याइएको छ।

समितिका संयोजक प्रमुख जिल्ला अधिकारी गौतमको अध्यक्षतामा बसेको बैठकले विभिन्न राजनीतिक दल, स्थलगत अवलोकन, निरीक्षण तथा स्थानीयवासीको सुझावका आधारमा मतदानस्थल थप्ने, सार्ने, गाभ्ने, सच्याउने गरी निर्वाचन आयोगलाई सिफारिस पठाइएको निर्वाचन अधिकारी जोशीले बताए। 


प्रकाशित: August 17, 2022 | 05:40:00 काठमाडौं, बुधबार, भदौ १, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
प्रदेश न. २

मधेसमा मात्रै २४ हजार म्यादी प्रहरी खटाइने

आगामी ४ मंसिरमा हुने प्रतिनिधि सभा र प्रदेश सभा निर्वाचनमा मधेश प्रदेशमा करिब २४ हजार म्यादी प्रहरी खटाइने भएको छ।
नेपाल समय
प्रदेश न. २

मधेश प्रदेश : प्रदेशसभाबाट ५५ कानुन निर्माण, प्रदेशको नाम र राजधानी तोकिनु मुख्य उपलब्धि

मधेश प्रदेशको सांसदको पहिलो पाँच वर्षको कार्यकालमा प्रदेशसभाबाट ५५ कानुन निर्माण गर्नुको साथै प्रदेशसभाले नागरिकतासम्बन्धी सुझाव, लागुऔषध नियन्त्रण, बालविवाह र आर्थिकसम्बन्धी सार्वजनिक महत्वको र प्रदेश प्रहरी भर्नाका लागि सङ्कल्प प्रस्ताव प्रदेशसभाबाट पारित गरेको थियो।
नेपाल समय
प्रदेश न. २

मर्चवारबासीलाई सडकको सास्ती

गौतमबुद्ध अन्तर्राष्ट्रिय विमानस्थलले मायादेवी–७ वनगाईमा मर्चवार सडकको केही भाग अधिग्रहण गरेपछि अर्को स्थायी सडक समयमा नबनाइदिँदा र माथिल्लो तहका सरकारले निर्माण थालेको बेथरी–खैरा सडक योजना निर्माण सम्पन्न नहुँदासम्मका लागि समस्या जटिल बन्दै गएको कांग्रेस क्षेत्रीय सभापति मुकेश यादवले बताए।
नेपाल समय
प्रदेश न. २

दलहरुलाई उम्मेदवार सिफारिस गर्न सकस

अधिकांश दलमा आकाङ्क्षी बढी देखिएकाले उम्मेदवार छनोटमा दलहरूलाई सकस भएको हो। तल्लो समितिबाट आएका सम्भावित उम्मेदवारको नाममा थप छलफल गरी प्रदेश समिति र केन्द्रीय समितिमा सिफारिस गर्न जिल्लास्थित राजनीतिक दलका नेताहरु जुटेका हुन्।
नेपाल समय
प्रदेश न. २

लोसपाबाट धनुषा-३ मा राजेन्द्र महतो एकल सिफारिस, एमालेबाट जुलीकुमारी

लोकतान्त्रिक समाजवादी पार्टी (लोसपा) ले धनुषा क्षेत्र नम्बर ३ बाट प्रतिनिधिसभाका लागि पार्टीका वरिष्ठ नेता राजेन्द्र महतोको नाम सिफारिस गरेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना