आइतबार, साउन २९, २०७९
स्थानीय निर्वाचन

मधेश प्रदेशका महानगर र उपमहानगरमा कुन दलको कस्तो स्थिति?

जयन्त ठाकुर  |  काठमाडौं, बिहीबार, माघ २७, २०७८

जयन्त ठाकुर

जयन्त ठाकुर

बिहीबार, माघ २७, २०७८, काठमाडौं

नेपाल समय

जनकपुरधाम– सरकारले आगामी वैशाख ३० गते शुक्रबार एकै चरणमा स्थानीय निर्वाचन गर्ने घोषणा गरेपछि निर्वाचन आयोग त्यसको तयारीमा जुटिसकेको छ। दलहरु पनि आ–आफ्नो रणनीति बनाउन व्यस्त छन्।

स्थानीय तहको निर्वाचनलाई लिएर मधेश प्रदेशमा सबै दलले पछिल्लो चुनावभन्दा बढी कसरत गर्नुपर्ने देखिएको छ। पछिल्लो चुनावमा तत्कालीन संघीय समाजवादी पार्टी र तत्कालीन राष्ट्रिय जनता पार्टी तथा नेकपा एमाले र माओवादी केन्द्रले गठबन्धन बनाएर चुनावी प्रतिस्पर्धामा उत्रिएका थिए। कांग्रेस भने एक्लै चुनावी प्रतिस्पर्धामा होमिएको थियो।

मधेश प्रदेशमा रहेका १ सय ३६ पालिकामध्ये १ महानगरपालिका र ३ उपमहानगरपालिका छन्। जसमा महानगरपालिकामा तत्कालीन संघीय समाजवादी पार्टीले जित निकालेको थियो। त्यस्तै तत्कालीन राष्ट्रिय जनता पार्टी, नेपाली कांग्रेस र नेकपा एमालेले १–१ उपमहानगरमा नेतृत्व हासिल गर्न सफल भएको थियो।  

पछिल्लो १ वर्षमा राजनीतिक समीकरण मात्रै नभई राजनीतिक दलहरुको अवस्थामा समेत परिवर्तन आइसकेको छ। एमाले माओवादी मिलेर राम्रो जित निकालेपछि एकता गरेर नेकपा नामक दलको उदय भयो। तर आन्तरिक कलहका कारण नेकपा नै विलिन भयो। फलस्वरुप एमाले एक्लिएको छ भने माओवादी केन्द्र कांग्रेस नेतृत्वको सत्ता गठबन्धसँग टाँसिएको छ। त्यस्तै तत्कालीन राजपा र संघीय समाजवादी पार्टी मिलेर बनेको जनता समाजवादी पार्टीभित्रको किचलोका कारण सो पार्टीबाट अलग्गिएर महन्थ ठाकुरको नेतृत्वमा लोकतान्त्रिक समाजवादी पार्टी नामक नयाँ पार्टीको उदय भइसकेको छ।

मधेश प्रदेशको एउटा महानगरपालिका र ३ उपमहानगरपालिकामा कुन दलको स्थिति कस्तो छ? २०७४ सालको स्थानीय तहको निर्वाचनलाई फर्केर हेर्दा नयाँ दल यी पालिकाहरुमा नेतृत्व हासिल गर्नसक्ने स्थिति बनिरहेको छ।

यस हिसाबले २०७४ सालको स्थानीय तहको निर्वाचनलाई फर्केर हेर्दा त्यो परिणामबाट आउने स्थानीय तहको निर्वाचनमा कुन दलले बढीभन्दा बढी पालिकामा बाजी मार्ला यो अहिले भन्नु कठिन छ। तर दलहरुको विभाजनले गर्दा त्यसको फाइदा अन्य दलहरुलाई हुने लगभग निश्चित छ।

मधेश प्रदेशको एउटा महानगरपालिका र ३ उपमहानगरपालिकामा कुन दलको स्थिति कस्तो छ? २०७४ सालको स्थानीय तहको निर्वाचनलाई फर्केर हेर्दा नयाँ दल यी पालिकाहरुमा नेतृत्व हासिल गर्नसक्ने स्थिति बनिरहेको छ।

वीरगन्ज महानगरपालिका

वीरगन्ज महानगरपालिकाको कुल जनसंख्या २ लाख ६८ हजार २ सय ७३ छ। यस हिसाबले आउने स्थानीय निर्वाचनमा यो महानगरको नेतृत्व हासिल गर्नका लागि उम्मेदवारलाई बढी नै परिश्रम गर्नुपर्ने देखिन्छ। २०७४ सालको स्थानीय तहको निर्वाचनमा यो महानगरको प्रमुखमा तत्कालीन संघीय समाजवादी फोरमको उम्मेदवार र उपप्रमुखमा नेपाली कांग्रेसको उम्मेदवारले विजय प्राप्त गरेका थिए।

वीरगञ्ज महानगरपालिकाको नगरप्रमुखमा तत्कालीन संघीय समाजवादी फोरमका  विजयकुमार सरावगीले १९ हजार ३ सय ९३ मत ल्याएर विजयी भएका थिए उनका निकटतम प्रतिद्वन्द्वी नेपाली कांग्रेसका अजयकुमार द्विवेदीले १७ हजार १ सय ९७ र तत्कालीन राजपाका राजेशमान सिंहले १२ हजार १ सय ६५, नेपाल लोकतान्त्रिक फोरमका विमलप्रसाद श्रीवास्तवले ८ हजार ७ सय १, नेकपा एमालेका महम्मद बसरुद्दिन अन्सारीले ८ हजार ६ सय ९९ र नेकपा माओवादी केन्द्रका रहवर अन्सारीले ८ हजार ३ सय ५ मत हासिल गरेका थिए।

यस्तै, उपप्रमुखमा नेपाली कांग्रेसकी शान्ति कार्कीले १९ हजार ६ सय ७ मत ल्याएर विजयी भएकी थिइन् भने उनका निकटतम प्रतिद्वन्द्वी तत्कालीन संघीय समाजवादी फोरमकी पिंकी देवी यादवले १८ हजार ५ सय ३०, राजपा नेपालकी रम्भा मिश्रले १० हजार ६ सय ६३, नेकपा एमालेकी सोफिया आचार्यले १० हजार ३ सय ४१, नेपाल लोकतान्त्रिक फोरमकी रिंकु यादवले ७ हजार ५ सय ८६, नेकपा माओवादी केन्द्रकी दुर्गा क्षेत्रीले ५ हजार २८ मत हासिल गरेकी थिइन्।

वीरगन्ज महानगरपालिकाको प्रमुखमा सरावगी छन्, जो अहिले जनता समावादी पार्टीबाट प्रतिनिधित्व गरिरहेका छन्। जनता समाजवादी पार्टीको शक्तिमा पहिलेभन्दा केही ह्रास आएको छ। त्यसैले पनि त्यहाँ जसपाले कुनै नयाँ अनुहारको खोजीमा देखिएको छ। यद्यपि जसपाको शक्ति ह्रास भएको अवस्थामा महानगरको नेतृत्वमा कांग्रेसले बाजी मार्न सक्ने अनुमान लगाइँदै छ।  

जनकपुरधाम उपमहानगरपालिका

मधेश प्रदेशको राजधानी हो जनकपुरधाम। मधेश आन्दोलनको जगको रुपमा जनकपुरधाम उपमहानगरपालिकालाई लिइन्छ। २०७४ सालमा तेस्रो चरणको स्थानीय तहको निर्वाचन हुँदा जनकपुरधामसहित पूरै मधेश प्रदेशमा मधेश आन्दोलनको रापताप थियो। त्यसैले होला जनकपुरधाम उपमहानगरपालिकाको नेतृत्वमा तत्कालीन राजपाबाट लालकिशोर साह ठूलो मतान्तरले विजय प्राप्त गरेका थिए।

तत्कालीन राजपा नेपालबाट जनकपुरधामको नगर प्रमुखको रुपमा लालकिशोर साह निकटतम प्रतिद्वन्द्वी भन्दा दोब्बर मत ल्याएर विजयी भएका थिए। उनले २१ हजार ९ सय ३ मत ल्याएका थिए। उनका निकटतम प्रतिद्वन्द्वी नेपाली कांग्रेसका उम्मेदवार मनोज साहले ११ हजार १ सय ६४ मत मात्रै प्राप्त गरेका थिए। त्यस्तै उपप्रमुखमा समेत तत्कालीन  राजपाबाटै रीता झा विजयी भएकी थिइन्।  उनले १७ हजार १ सय ४७ मत प्राप्त गरेकी थिइन्। उनका निकटतम प्रतिद्वन्द्वी का्रग्रेसकी उम्मेदवार निलम कर्णले १० हजार ६ सय ५ मत मात्रै ल्याएकी थिइन्।

जनकपुरधाम उपमहानगरपालिकामा २०७४ सालको स्थानीय तह निर्वाचनमा जम्मा ५१ हजार ५ सय ९९ सदर मत खसेको थियो।
राजपा समूहका अधिकांश नेताहरु महन्थ ठाकुर नेतृत्वको लोकतान्त्रिक समाजवादी पार्टीमा रहेको समयमा जनकपुरधाम उपमहानगरका प्रमुख साह भने जसपामा प्रवेश गरिसकेका छन्। यस हिसाबले जनकपुरधाम उपमहागरपालिकामा २०७४ सालको स्थानीय निर्वाचन जस्तो शक्ति न जसपासँग छ, न लोसपासँगै। यी दुबै दल उम्मेदवारको खोजीमा छन्। यता नेपाली कांग्रेसबाट पुरानै उम्मेदवारलाई फेरि अवसर दिने सम्भावना प्रबल छ। मधेश केन्द्रित दुवै दलको शक्ति क्षीण भएको अवस्थामा जनकपुरधाममा कांग्रेसको शक्ति बढ्ने सम्भावना छ।

जीतपुर सिमरा उपमहानगरपालिका

बाराको जीतपुर सिमरा उपमहागरपालिकामा प्रमुख दुई दल नेपाली कांग्रेस र नेकपा एमालेबीच जुँगाको लडाइँ हुने निश्चित छ। जीतपुर सिमरा उपमहानगरपालिकाको नयाँ जनसंख्या १ लाख १९ हजार १ सय ४८ छ। जनघनत्व बढी रहेको यस पालिकामा उम्मेदवारलाई घर घर पुग्न गाह्रो हुने निश्चित छ। यद्यपि २०७४ सालको स्थानीय तहको निर्वाचनमा यस उपमहागरपालिकाको निर्वाचनमा कांग्रेस र एमालेबीच कडा टक्कर देखिएको थियो।

जीतपुर सिमरा उपमहानगरपालिकाको पछिल्लो चुनावमा एमालेका उम्मेदवार कृष्ण प्रसाद पौडेल कडा टक्करका बीच कांग्रेसका प्रतिस्पर्धीलाई पराजित गरेका थिए। उनले १४ हजार ८ सय ६५ मत ल्याएका थिए भने नेपाली कांग्रेसका कृष्णवत सिंहले १२ हजार ४३ मत ल्याएका थिए।

त्यस्तै उपप्रमुखमा एमाले उम्मेदवार सरस्वती चौधरीले १४ हजार ४ सय ५९ मत प्राप्त गरेका थिइन् भने उनकी निकटतम प्रतिद्वन्द्वी नेपाली कांग्रेसकी नारायणी रायमाझीले १२ हजार ४ सय ६५ मत प्राप्त गरेकी थिइन्।

कलैया उपमहागरपालिका

२०७४ सालको स्थानीय तहको निर्वाचन परिणाम अनुसार अब हुने निर्वाचनमा कांग्रेस वा एमालेमध्ये कुनै एक दलले पालिकाको नेतृत्व पाउन सक्ने सम्भावना छ। २०७४ साल असोज २ गते भएको स्थानीय तहको निर्वाचनबाट कलैया उपमहानगरपालिका प्रमुखमा १ सय ८७ मतको झिनो अन्तरले नेपाली कांग्रेसका उम्मेदवार राजेशप्रसाद यादव विजयी भएका थिए। यादवले १० हजार ९ सय ३ र उनका निकटतम प्रतिस्पर्धी नेकपा (एमाले)का विनोद साहले १० हजार ७ सय १६ मत प्राप्त गरेका थिए।

त्यसैगरी उपप्रमुखमा कांग्रेसकै रहिना खातुन १० हजार ५सय ३८ मत प्राप्त गरेकी थिइन् भने उनका निकटतम प्रतिद्वन्द्वी एमालेकी प्रतिमा यादवले १० हजार ३ सय ७२ मत प्राप्त गरेकी थिइन्।


प्रकाशित: February 10, 2022 | 07:14:58 काठमाडौं, बिहीबार, माघ २७, २०७८

तपाईं को प्रतिक्रिया

तपाईं को प्रतिक्रिया

ट्रेंडिंग

निर्मला प्रकरण : 'शंकास्पद दोषी' विष्टको बचाउ गर्ने परिवार नै पीडित!

निर्मला हत्या प्रकरणमा प्रहरीले विष्टलाई दोषी करार गर्न खोजेको थियो। आरोप विष्टले स्वीकार पनि गरेका थिए। तर स्थानीयले विष्टको मानसिक सन्तुलन ठीक नभएको र प्रहरीले ‘भीआईपी’ अपराधी जोगाउन ‘निर्दोष’लाई 'बलिको बोको' बनाउन खोजेको भन्दै आन्दोलन गरेका थिए। त्यो भीडमा विष्टबाट यतिबेला दुर्व्यवहार भोगेकी किशोरीको परिवार पनि सहभागी थियो।

०६४ सालमा केपी ओलीलाई हराएका लिङ्देन खोज्दैछन् अर्को 'चान्स'

२०६४ सालको चुनावमा केपी ओलीलाई झापा क्षेत्र नम्बर ५ बाट हराएर चर्चामा आएका लिङ्देन पुनः उनैसँग आउँदो मंसिरको निर्वाचनमा भिड्ने मुडमा छन्।

'सहायक श्रीमान'ले जित्यो उत्कृष्ट डकुमेन्ट्री अवार्ड

अमेरिकाको एटलान्टामा अगस्त ४ देखि ७ सम्म भएको आठौं कब इन्टरनेसनल फिल्म फेस्टिभलमा पाण्डे निर्देशित ‘को–हजबेन्ड’लाई उत्कृष्ट अन्तर्राष्ट्रिय डकुमेन्ट्री फिल्म घोषणा गरिएको हो।

पञ्चायत र प्रजातन्त्रमा चुनाव गराएका सूर्यप्रसाद श्रेष्ठ, जसले बिर्सन सक्दैनन् यस्ता घटना

२०४३ को राष्ट्रिय पञ्चायतको चुनाव र प्रजातन्त्र पुनर्स्थापछिको बहुदलीय चुनाव गराउने अवसर पाएर राजा, कांग्रेस, कम्युनिस्टको रोजाइमा परेका पूर्वनिर्वाचन आयुक्त हुन् सूर्यप्रसाद श्रेष्ठ।

धरातल बिर्सिएका हुन् त धराने मेयरले?

मेयर साम्पाङका हरेक गतिविधि अपरिपक्व लाग्ने गरेका छन्। नीति निर्माण तहमा रहेका उनी घरी रुने, घरी केटाकेटी पाराले सामाजिक सञ्जालमा प्रस्तुत हुने बानीले कार्यपालिका सदस्यहरु आफूहरुलाई लाज लाग्ने गरेको बताउँछन्।

गाउँपालिकासँगको विवादले दुई ठूला सिमेन्ट उद्योगको उत्पादन प्रभावित, गुम्दै करोडौं राजस्व

कपुरकोट गाउँपालिकाले क्लिंकर उत्पादनमा प्रयोग हुने कच्चा पदार्थ चुनढुंगा बोक्ने टिपर सञ्चालनमा अवरोध गरेपछि दुई महिनादेखि सिमेन्ट उत्पादन प्रभावित भएको हो।

त्यसैले विश्वविद्यालयजस्तो छैन त्रिवि

राजनीतिक दलहरूको संगठित दोहन र आन्दोलनका नाममा विद्यार्थी संगठनहरूको निरन्तरको बार्गेनिङले त्रिविलाई खोक्रो बनाइरहेको छ।

प्रकाशमानले भने- फर्स्ट म्यान बनेर देशको विकास गर्ने चाहना छ

नेपाली कांग्रेसका नेता प्रकाशमान सिंहले प्रधानमन्त्री बनेर नेपालको विकास गर्ने चाहना प्रकट गरेका छन्।

कथा, किंवदन्ती र रीतिरिवाजको संयोजन रातो मच्छिन्द्रनाथलाई आँखैअगाडि कोर्दा...

रातो मच्छिन्द्रनाथको रथ निर्माणलाई प्रत्यक्ष हेरेरै १९ वटा चित्र कोरेकी सुशीलाले १६ चित्र भने १६ दिन लगातार बनाएकी थिइन्। उडान सीमाभन्दा बाहिर शीर्षक दिएर उनका चित्रलाई गत १७ जुलाईबाट म्युजियम अफ नेपाली आर्टले प्रदर्शनीमा ल्याएको छ।

काठमाडौं उपत्यकामा भूकम्पको धक्का महसुस

काठमाडौं उपत्यकामा भूकम्पको धक्का महसुस भएको छ।

थप समाचार

नेपाल समय
प्रदेश न. २

नेताहरुलाई विकासप्रेमी देखिने होड, काम अधुरै रहेको पुलको दुई मन्त्रीद्वारा उद्घाटन

निर्माणाधीन पुलको एप्रोच सडक र नदीको तटबन्धनको काम नसकिँदै भौतिक पूर्वाधार तथा यातायातमन्त्री मोहम्मद इस्तियाक राई र वन तथा वातारणमन्त्री प्रदीप यादवले संयुक्त रूपमा अधुरो पुलको उद्घाटन गरेका हुन्। पूर्ण रूपमा निर्माण सम्पन्न नभएको जानकारी हुदाँहुँदै पनि उनीहरूले हतारमा पुलको उद्घाटन गरेका हुन्।
नेपाल समय
प्रदेश न. २

कांग्रेस मधेस प्रदेश बैठक : चुनावी अभियानमा लाग्न निर्देशन

नेपाली कांग्रेस मधेस प्रदेश कार्यसम्पादन समितिको बैठकले आगामी निर्वाचन केन्द्रि विभिन्न निर्णय गरेको छ।
नेपाल समय
प्रदेश न. २

प्रहरी समायोजन टुंग्याउन प्रदेश प्रमुखलाई ज्ञापनपत्र

मधेश प्रदेश सरकारले आगामी निर्र्वाचन अगावै प्रहरी समायोजन टुंग्याउन माग गर्दै प्रदेश प्रमुखलाई ज्ञापनपत्र बुझाएको छ।
नेपाल समय
प्रदेश न. २

महोत्तरीमा आगो लगाएर आमाछोरीको हत्या प्रयास

महोत्तरीको भंगहामा ज्वाइँले सासु र श्रीमतीलाई मटीतेल खन्याएर आगो लगाएका छन्। घटना भंगहा नगरपालिका–१ कञ्चजनवनमा भएको हो।
नेपाल समय
प्रदेश न. २

नेपाल-भारत सुरक्षा अधिकारीको बैठक : सिमानाकामा सुरक्षा निगरानी बढाइने

सीमानाकाबाट हुने आपराधिक गतिविधिलाई नियन्त्रण गर्न सीमाक्षेत्रमा सुरक्षा व्यवस्था कडा पार्ने दुई देशका सुरक्षा अधिकारीको संयुक्त बैठकले निर्णय गरेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना