शुक्रबार, भदौ ३, २०७९

व्यापारीको धान किनिदिन्छ खाद्य कम्पनी, किसान हेरेको हेर्‍यै

जयन्त ठाकुर  |  काठमाडौं, बिहीबार, माघ २०, २०७८

जयन्त ठाकुर

जयन्त ठाकुर

बिहीबार, माघ २०, २०७८, काठमाडौं

नेपाल समय

जनकपुरधाम– किसानले उत्पादन गरेको धानले बजार नपाएको, बजार पाए पनि उचित मूल्य नपाएको गुनासो आउन थालेपछि सरकारले नै किसानको धान खरिद गर्ने योजना ल्यायो। सरकारको यो योजनाबाट किसान हर्षित थिए। उनीहरुको अपेक्षा थियो– सरकारले हाम्रो धान किनिदिएर आर्थिक रुपमा केही सहयोग हुनेछ। तर किसानको त्यो सपनामाथि धान खरिद गर्ने निकाय खाद्य व्यवस्था तथा व्यापार कम्पनी जनकपुरले तुषारापात गरिदिएको छ।

कार्यालयले किसानको धान खरिद नगरेर व्यापारीहरुको धानमात्रै खरिद गरेको गुनासो किसानहरुको छ। कम्पनीको जनकपुरधामस्थित कार्यालयमा किसानको सिफारिस लिएर धान बेच्न व्यापारी आउने गरेको आरोप किसानहरुको छ। धनुषा र महोत्तरीका किसानले उत्पादन गरेको सोना मन्सुली धान गत पुस २८ गतेदेखि सो कार्यालयले खरिद गरिरहेको छ। मधेश प्रदेशको लहान र वीरगन्जमा समेत खाद्य व्यवस्था तथा व्यापार कम्पनीको कार्यालयले धान खरिद गर्दै आइरहेको छ।

कार्यालयले किसानहरुको धान खरिद गर्नका लागि वडाको सिफारिसमा मात्रै धान खरिद गर्ने व्यवस्था मिलाएको छ। यसका साथै सरकारले सोना मन्सुली धानको समर्थन मूल्य २ हजार ९ सय २ रुपैयाँ चालु आर्थिक वर्षका लागि तोकेको छ। तर वडाध्यक्ष र कम्पनीका कर्मचारीहरुको सेटिङमा व्यापारीहरुको धान मात्रै खरिद गरिएको आरोप किसानहरुको छ।  

धनुषाको जनकपुरधाम उपमहानगरपालिका वडा नं. १४ मुजेलियाका धान किसान विनोद यादवले खाद्य कम्पनीले असली किसानलाई पाखा लगाएर विचौलियामार्फत पुग्ने व्यापारीहरुको धानमात्रै किनिरहेको बताए। उनले भने, ‘किसानलाई धान बेच्न यहाँ धौधौ परिरहेको छ, हाम्रो धान किन्न कार्यालयले आनाकानी गरिरहेको छ।’

महोत्तरीको भंगहा नगरपालिका सीतापुरबाट भरोसी साहले ट्याक्टरमा धान राखेर बेच्न जनकपुरधाम आएका थिए। उनी जनकपुर आएको ४ दिन भइसकेको छ तर धान बिक्री हुने कुनै छाँटकाँट छैन।

किसानको अपेक्षा थियो– सरकारले हाम्रो धान किनिदिएर आर्थिक रुपमा केही सहयोग हुनेछ। तर किसानको त्यो सपनामाथि धान खरिद गर्ने निकाय खाद्य व्यवस्था तथा व्यापार कम्पनी जनकपुरले तुषारापात गरिदिएको छ।

भरोसी २ सय रुपैयाँमा वडाबाट सिफारिस गराएर धान बिक्री हुने, धान बेचेर राम्रो आम्दानी हुने अपेक्षाका साथ जनकपुरधाम आइपुगेका थिए। तर कार्यालयले आफूलाई टोकन नै नदिएको भरोसीले गुनासो गरे। भने, ‘पुस २७ गते नै टोकन लिन जनकपुरधाम आएको थिएँ, त्यो दिन टोकन पनि वितरण भयो तर हामीले पाएनौं। त्यसपछि हामीलाई माघ १२ गते आउन भनियो, त्यसपछि माघ १६ गते हुँदाहुँदै माघ १९ गते भइसक्यो, हामीले टोकन नै पाएका छैनौं।’

भरोसी ट्याक्टर भाडामा लिएर धान लोड गरेर कार्यालय अगाडि पुगे तर उनलाई कार्यालयभित्र छिर्न नै दिइएन। कारण थियो– भरोसीसँग टोकन थिएन। भरोसी भन्छन्, ‘२ हजार प्रतिदिनको भाडामा ट्याक्टर लिएको छु। ४ दिन भइसक्यो ट्याक्टर कार्यालय अगाडि ल्याएको तर धान नै बिक्री भइरहेको छैन। धान बिक्री भए ट्याक्टर भाडा बुझाउने सोचेको थिएँ तर अब ऋण लिएर नै  भाडा दिनुपर्ने भयो।’

धनुषा लक्ष्मीनियाँका रामछवि यादवको पीडा पनि उस्तै छ। ‘खाद्य कार्यालयले अनेक बहाना बनाएर हामीलाई रोकेको छ। हाकिम साहेबले सिफारिस छैन, धान किन्दैनौंं घर लैजाऊ भन्नुहुन्छ। कार्यालयले बिचौलियालाई मात्र टोकन दिएको छ,’ उनले भने।

किसानहरुका अनुसार दिनभरि लाइन लागे पनि कसैको धान बिक्री हुँदैन तर राति–राति ट्याक्टरको धान बिक्री भइरहेको छ। ‘केही दिन अगाडिसम्म कार्यालयको गोदाम खाली नै थियो, एकाएक कसरी गोदाम धानले भरियो?’ किसानहरुको प्रश्न छ।

कार्यालयले चालू आर्थिक वर्षमा १५ हजार क्विन्टल धान किसानबाट खरिद गर्ने लक्ष्य लिएको छ। माघ १९ गतेसम्ममा १० हजार क्विन्टल धान कार्यालयले खरिद गरिसकेको छ। तर, धान बिक्री गर्न आउने किसानको भीड भने कम भएको छैन।  

किसानहरुले विचौलियामार्फत आएका व्यापारीहरुको धान मात्रै खरिद गरेको आरोप लगाए पनि कार्यालयका निमित्त प्रमुख उपेन्द्र लिम्बू भने यो आरोप निराधार रहेको दावी गर्छन्। उनले भने, ‘को किसान को व्यापारी त्यो पहिचान हामीले कसरी गर्ने? स्थानीय तहले सिफारिस गरेका किसानहरुलाई मात्रै टोकन दिएर धान किनिरहेका छौं। यसमा शंका गर्नुपर्ने कुनै ठाउँ नै छैन।’

वडा कार्यालयबाट आफू किसान भएको सिफारिस लिएर केही व्यापारी धान बिक्री गर्न आएको भने उनले स्वीकारे। ‘धेरै किसानको धान किनिएको छ। जुन किसानको धान बिक्री भएको छैन, उनीहरुले गुनासो गरेका हुन्। पछिल्ला वर्षहरुमा एकजना किसानबाट १ सय क्विन्टल धान खरिद गर्थ्यौं। यसपालि बढीभन्दा बढी किसानलाई लाभ पुग्ने गरी प्रतिकिसान ४० क्विन्टल धानमात्रै खरिद गरिरहेका छौं,’ लिम्बूले भने।


प्रकाशित: February 3, 2022 | 06:35:44 काठमाडौं, बिहीबार, माघ २०, २०७८

तपाईं को प्रतिक्रिया

तपाईं को प्रतिक्रिया

ट्रेंडिंग

रक्षात्मक अर्थमन्त्री, 'कम्फर्टेबल' सचिव!

दोस्रो इनिङ सम्हालेयता अर्थमन्त्री जनार्दन शर्मा पहिलो कार्यकालमा जस्तो क्रान्तिकारी र उत्तेजक रूपमा प्रस्तुत भएका छैनन्। बजेट पारित भइसकेको र चुनाव सँघारमा रहेकाले महत्त्वपूर्ण निर्णय गर्नुपर्ने झमेला नहुँदा पहिलो कार्यकालमा जस्तो सक्रिय छैनन् उनी।

बञ्चरेमा फोहोर फाल्न तीन बुँदे सहमति

काठमाडौंको फोहोर बञ्चरेडाँडा ल्यान्डफिल साइटमा फाल्न तीन बुँदे सहमति भएको छ।

कांग्रेस नेता लेखकले भने - अब ५ वर्षभित्र दोधारामा सुक्खा बन्दरगाह बन्छ, तटबन्धनको काम सुरु भइसक्यो

नेता लेखकले दोधारा चाँदनी नगरपालिकामा भएको एक कार्यक्रममा नेता लेखकले भने, 'नेपाली कांग्रेसको सरकारले सुक्खा बन्दरगाह निर्माणको प्रक्रिया अगाडि बढाएकोमा ०७४ सालको निर्वाचनमा कञ्‍चनपुर -३ मा कांग्रेस पराजित भएपछि प्रक्रिया अगाडि नबढेको हुँदा आगामी निर्वाचनमा नेपाली कांग्रेसलाई विजयी गराएमा आगामी ५ वर्षभित्र सुक्खा बन्दरगाह निर्माण सम्पन्‍न हुनेछ।'

रेशम रिहाइको 'बार्गेनिङ' : आरजु जहाँ लड्छिन् त्यहीँ रञ्‍जिताको उम्मेदवारी

‘टीकापुरमा हामी ढुंगा उठाए पनि जित्छौँ। प्रधानमन्त्रीपत्‍नी आरजु लड्ने चुनाव क्षेत्र पर्खिएर बसेको छौं। आरजु जहाँबाट उठ्नुहुन्छ त्यहीँ रञ्‍जितालाई उठाउने तयारी हो, अन्यायमा पारेर निर्दोषलाई जेलमा थुन्दा पनि बेवास्ता गरेर विभेद गर्नेलाई हराउने हो।'

कांग्रेसका स्थानीय जनप्रतिनिधि भन्छन् – गठबन्धनले कतै आश, कतै निराश

कांग्रेसका मतदातालाई अहिले पनि रुख चुनाव चिह्न प्यारो छ। गठबन्धन गर्दा पनि रुख चुनाव चिह्न भयो भने अन्य पार्टीका उम्मेदवारलाई भोट हालेजस्तो अनुभूति हुँदैन। अर्को पार्टीको चुनाव चिह्नमा कसरी भोट हाल्ने भन्ने पार्टी समर्थक मतदातामा अन्योल छ।

कांग्रेसले लत्यायो आफ्नै निर्णय

केन्द्रीय समितिले गरेको निर्णय नम्बर ४ मा भनिएको छ, 'अवधि समाप्त भएर गठन हुन बाँकी रहेका र पूर्णता प्राप्त नगरेका पार्टी आवद्ध भ्रातृ संघलाई यही २०७९ श्रावण मसान्तभित्र गठन र पूर्णता दिने।'

सिन्धुलीबाट लड्दा प्रचण्डलाई कति सहज?

२०६४ सालयता भएका तीनवटा निर्वाचनमा प्रचण्डले चार क्षेत्रबाट निर्वाचन लडिसकेका छन्। ०६४ सालको पहिलो संविधानसभा निर्वाचनमा रोल्पा–२ र काठमाडौं–१० गरी दुई ठाउँबाट निर्वाचित प्रचण्डले २०७० सालको निर्वाचनमा भने काठमाडौं–१० र सिरहा–५ बाट लडेका थिए।

एकीकृत समाजवादीसँग पनि एकताको तयारी छ, नाम नेकपा रहन्छ : प्रचण्ड

पार्टी एकता पछि हुने पार्टीको नाम नेकपा हुनेमा आफूहरूबीच सहमति भइसकेको र त्यसमा समाजवादी वा यस्तै केही थपिन सक्ने उनको भनाइ छ। तर एकता भने चुनाव पछि हुने उनको भनाइ छ।

एमालेभित्र '१० भाइ'का दुःख- कसै-कसैले त टिकट पाउनै मुस्किल!

एमाले नचोइटिँदासम्म नेता माधव नेपालको पक्षमा रहेका १० भाइ पार्टी विभाजनपछि एमालेमै अडिए। १० भाइ एमालेमै बसे पनि अध्यक्ष ओली अझै दाहिना भएका छैनन्।

तेस्रो पार्टी संलग्न रहेको भन्दै भारतमाथि फिफाको प्रतिबन्ध

फिफो अल इन्डियन फुटबल फेडेरेसन(एआईएफएफ) मा तेस्रो पार्टी संलग्न रहेको भन्दै अनिश्चितकालका लागि प्रतिबन्ध लगाएको हो।

थप समाचार

नेपाल समय
प्रदेश न. २

१२ वर्षमा पनि बनेन तत्कालीन प्रधानमन्त्रीले उद्घाटन गरेको पुल

बागमती नदीमा वि.सं २०६७ साल जेठमा तत्कालीन प्रधानमन्त्री माधवकुमार नेपालले पुलको शिलान्यास गरेका थिए।
नेपाल समय
प्रदेश न. २

सप्तरीको ९ मतदानस्थल सार्ने र १८ मतदान स्थल थप्ने निर्णय

समितिका संयोजक प्रमुख जिल्ला अधिकारी जनार्दन गौतमले भौतिक पूर्वाधार, सुरक्षा संवेदनशीलता र मतदातालाई पायक पर्ने आधारमा मतदानस्थल सार्ने, टुक्र्याएर थप गर्ने, एकापसमा गाभ्ने र त्रुटियुक्त मतदानस्थलको नाम सच्याउने निर्णय भएको बताए। निर्णयबमोजिम निर्वाचन आयोगमा सिफारिस पठाएको उनले बताए।
नेपाल समय
प्रदेश न. २

प्रधानमन्त्रीको आश्वासनपछि मधेश सरकारले रोक्यो संघविरुद्धको धर्ना कार्यक्रम

'निर्वाचनपछि बन्ने सरकारले प्रहरी समायोजन गर्छ' भन्ने प्रधानमन्त्री देउवाले मौखिक आश्वासन दिएकाले आन्दोलन स्थगित गरिएको मुख्यमन्त्री लालबाबु राउतले बताए।
नेपाल समय
प्रदेश न. २

प्रधानमन्त्री देउवाले मनाएपछि मधेस प्रदेश सरकारको आन्दोलन स्थगित

आउँदो चुनावलगत्तै बन्ने संघीय सरकारले प्रदेश प्रहरी समायोजनलाई प्राथमिकता दिने प्रधानमन्त्री देउवाको आश्वासनपछि मधेस प्रदेस सरकारको आन्दोलन स्थगित
नेपाल समय
प्रदेश न. २

संघ सरकारविरुद्ध धर्ना बसे मुख्यमन्त्री, मधेश सरकार भन्छ- आन्दोलन बाध्यता हो

मधेश प्रदेशका मुख्यमन्त्रीसहित मन्त्रीहरूले संघीय सरकारविरुद्ध धर्ना सुरु गरेका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना