बिहीबार, असोज २०, २०७९

राष्ट्रियसभा निर्वाचन : मधेश प्रदेशमा एमाले–लोसपा गठबन्धन बनेपनि सत्ता गठबन्धन मजबुत स्थितिमा

जयन्त ठाकुर  |  काठमाडौं, बिहीबार, माघ ६, २०७८

जयन्त ठाकुर

जयन्त ठाकुर

बिहीबार, माघ ६, २०७८, काठमाडौं

नेपाल समय

जनकपुरधाम– मधेश प्रदेशमा राष्ट्रियसभा निर्वाचनका लागि नेकपा एमाले र लोकतान्त्रिक समाजवादी पार्टी (लोसपा)ले गठबन्धन गरेका छन्। एमाले र लोसपाले संयुक्त रुपमा बिहीबार पत्रकार सम्मेलन आयोजना गरी माघ १२ गते हुन लागेको राष्ट्रियसभा निर्वाचनका लागि गठबन्धन गरिएको जानकारी गराइएको छ।

यी दुई दलबीच महिला समूहको उम्मेदवार लोसपालाई दिने र अन्य समूहको उम्मेदवार एमालेलाई दिने सहमति भएको छ। लोसपाको तर्फबाट अन्य समूहबाट उम्मेदवारी दिन पुगेका श्यामकुमार सरदार उम्मेदवारी दिन सकेका थिएनन्। अब राष्ट्रियसभाका लागि लोसपाको तर्फबाट महिला कोटामा रुपाकुमारी यादवको उम्मेदवारी रहने जानकारी लोसपाको मधेश प्रदेशका सचेतक परमेश्वर साहले जानकारी दिए।

त्यस्तै एमालेबाट अन्य समूहका उस्मान अन्सारीको उम्मेदवारी रहने एमाले सचिव रघुवीर महासेठले बताए। यी दुई दलले राष्ट्रियसभा निर्वाचनका लागि गठबन्धन गरे पनि मधेश प्रदेशमा सत्ता गठबन्धन नै मजबुत स्थितिमा देखिएको छ। मधेश प्रदेशमा प्रदेशसभा सदस्य, स्थानीय पालिकाका जनप्रतिनिधिहरु सत्ता गठबन्धनका बढी रहेकाले सत्ता गठबन्धन एमाले र लोसपाबीचको गठबन्धनपछि पनि मजबुत स्थितिमा देखिएको हो।   

मधेश प्रदेशमा कुल ९ हजार ८ सय १६ मतभार छ। मधेश प्रदेशमा सबैभन्दा बढी जसपाको २ हजार ९ सय ८८, नेपाली कांग्रेसको २ हजार ३ सय ७०, लोसपाको १ हजार ५ सय ६०, माओवादी केन्द्रको १ हजार १ सय ९४, एमालेको ९ सय ४२ र नेकपा एकीकृत समाजवादीको ७ सय ५० मतभार रहेको छ। मधेश प्रदेशमा गठबन्धनको मतभार ७ हजार ३ सय २ रहेको छ । एमाले–लोसपाको मिलाएर कुल मतभार २ हजार ५ सय २ मात्रै रहेको छ।

मधेश प्रदेशमा कुल २ सय ६८ मतदाता रहेका छन्। जसमा सबैभन्दा बढी कांग्रेसको ७९ मतदाता रहेका छन्। जसपाको ६४, माओवादी केन्द्रको ४५, लोसपाको ४२, एमालेको २९ र नेकपा एसको ७ मतदाता रहेको छ।

अब मधेश प्रदेशमा २ सिटका लागि ४ जनाको उम्मेदवारी मात्रै रहने भएको छ। सत्ता गठबन्धनबाट अन्य समूहमा जसपाका खालिद सिद्धिकी र महिला कोटाबाट माओवादी केन्द्रकी उर्मिला अर्याल उम्मेदवार रहेका छन्। त्यस्तै एमाले–लोसपा गठबन्धबनबाट महिला कोटामा लोसपाकी रुपाकुमारी यादव र अन्य समूहबाट एमालेका उस्मान अन्सारी रहेका छन्।  

कुन उम्मेदवार कस्ता?

खालिद सिद्धिकी 

मोहम्मद खालिद सिद्धिकी जनता समाजवादी पार्टीको तर्फबाट राष्ट्रियसभा सदस्यका लागि उम्मेदवार रहेका छन्। उनी सिरहा नगरपालिका–५ रमौलका हुन्। जसपाका केन्द्रीय सदस्य रहेका सिद्धिकी मुस्लिम समुदायको हकहितका लागि काम गर्ने संस्था जमियत उलमाय नेपालका अध्यक्ष पनि हुन्। २०५९ देखि तत्कालीन मधेसी जनअधिकार फोरममा लागेका सिद्धिकीले जसपाका अध्यक्ष उपेन्द्र यादवका लागि निरन्तर काम गरिरहे। २०६४ सालमा भएको तत्कालिन फोरम नेपालको पहिलो महाधिवेशनबाट केन्द्रीय सदस्य बनेका थिए। त्यो समयदेखि अहिलेसम्म केन्द्रीय सदस्यमै छन्। हरेक चुनावमा उनलाई समानुपातिकतर्फबाट उम्मेदवार बनाउने गरिन्छ तर उनी कहिल्यै सांसद भने बन्न सकेनन्। 

सत्तारुढ गठबन्धनको मजबुत पकड रहेको अवस्थामा उनलाई यसपटक राष्ट्रियसभा सदस्यको उम्मेदवार बनाइएको छ। सिद्धिकीले नेपाली कांग्रेसबाट राजनीति शुरु गरेका थिए। कांग्रेसको केन्द्रीय अर्थ समिति सदस्य समेत भइसकेका उनी २०५९ सालमा मधेस केन्द्रित राजनीति शुरु गरेका थिए। ५२ वर्षीय सिद्धिकीले इस्लामिक ल मा स्नातकोत्तर गरेका छन्।

उर्मिला अर्याल 

सत्ता गठबन्धनको अर्का उम्मेदवार हुन् माओवादी केन्द्रकी उर्मिला अर्याल। पर्साको वीरगन्ज महानगरपालिका मसियानीकी अर्याल २०७० जेठ ४ मा एमाले छोडेर माओवादी केन्द्रमा प्रवेश गरेकी थिइन्। २०३६ सालमा ठाकुरराम बहुमुखी क्याम्पस वीरगञ्जकी स्ववियु अध्यक्षसमेत रहिसकेकी उनी २०५६ सालमा पर्सा क्षेत्र नम्बर ४ बाट चुनाव जितेकी थिइन्। त्यसअघि त्यहीबाट उनी पटकपटक चुनाव हारेकी थिइन्। हाल माओवादी केन्द्रको सदस्य रहेकी उनको राजनीतिक यात्रा नेकपा मसालबाट सुरु भएको थियो। २०७४ को प्रतिनिधिसभामा माओवादी केन्द्रको तर्फबाट चुनाव लडेकी उनी तत्कालीन राजपाका नेता लक्ष्मणलाल कर्णसँग पराजित भएकी थिइन्। २०६८ सालमा स्थानीय विकास मन्त्री भएकी उनी अन्तरिम सरकारको बेला २०६३ सालमा महिला, बालबालिका तथा समाजकल्याण राज्यमन्त्री समेत भएकी थिइन्।

रुपाकुमारी यादव 

एमाले–लोसपा गठबन्धनबाट महिला कोटाको उम्मेदवार हुन लोकतान्त्रिक समाजवादी पार्टीकी रुपाकुमारी यादव। महोत्तरीको भंगहा नगरपालिकाकी रुपाको राजनीति कांग्रेसबाट सुरु भएको थियो। अरुणकुमार यादवसँग उनको बिहे भएपछि उनी झन् राजनीतिमा सक्रिय भइन्। उनका श्रीमान् अरुणकुमार यादव कांग्रेसका नेता थिए। २०६५ सालको संविधानसभा चुनावमा कांग्रेसले रुपा यादवको नाम समानुपातिक सदस्यमा राखेको थियो। तर उनी सभासद भने बन्न पाइनन्। पहिलो संविधानसभा चुनावमै तमलोपाबाट चुनाव लड्न रुपालाई आग्रह गरिएको थियो तर उनले सक्रिय राजनीति नगर्ने भन्दै सो आग्रह अस्वीकार गरेकी थिइन्। चुनावपछि उनका श्रीमान् अरुणकुमार यादव तमलोपामा लागिसकेका थिए। तर पार्टीकै कामका लागि काठमाडौंबाट घर फर्किने बेला दुर्घटनामा परेर अरुणको निधन भएको थियो। 

पतिको निधनपछि पार्टीले रुपालाई सक्रिय बनाएको थियो। उनलाई पार्टीको केन्द्रीय सदस्य बनाएर दोस्रो संविधानसभामा महोत्तरी क्षेत्र नम्बर २ बाट चुनाव लडाएको थियो। तर उनी पराजित भइन्। उनी २०७४ को प्रतिनिधिसभा निर्वाचनमा पनि उम्मेदवार बनेकी थिइन्, तर फेरि पनि उनी पराजित नै भइन्। अहिले पार्टीले उनलाई राष्ट्रियसभा सदस्यमा उम्मेदवार बनाएको छ। रुपा लोसपाको केन्द्रिय सदस्य हुन्।

उस्मान अन्सारी 

एमाले–लोसपा गठबन्धनको अन्य समूहका उम्मेदवार हुन् एमालेका उस्मान अन्सारी। पर्सा वीरगञ्जका ६१ वर्षीय अन्सारी २०४६ सालदेखि नै एमालेमा सक्रिय छन्। अहिले उनी पार्टीको मधेश प्रदेश कमिटी सदस्य हुन्। २०४९ गाउँ इलाका कमिटी सचिव भएका उनी २०५१ मा पार्टीको जिल्ला सदस्य भएका थिए। २०५५ मा जिल्ला पार्टी कमिटी सचिवालय सदस्य हुँदै पार्टीको वीरगञ्ज महानगरपालिका अध्यक्ष भएका उस्मानले राजनीतिलाई सेवाको रुपमा लिएको बताएका छन्। उनको पेसा सिलाइकटाइ हो। उनी वीरगञ्जमा टेलर खोलेर बसेका छन्। 


प्रकाशित: January 20, 2022 | 16:37:22 काठमाडौं, बिहीबार, माघ ६, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
प्रदेश न. २

लहानको दुर्गा मन्दिरमा ७५ तोला सुनका गहना

माता दुर्गाको मूर्तिका लागि मात्र त्यत्रो परिमाणको सुनका गरगहना बनाइएको जिल्ला उद्योग वाणिज्य संघ सिराहाका अध्यक्ष विकास शारदाले बताए। माताको मूर्तिको घाँटीमा लगाइने चोकर मात्र २१६.९६ ग्राम अर्थात् १८.६० तोला सुनको छ।
नेपाल समय
प्रदेश न. २

मधेसमा मात्रै २४ हजार म्यादी प्रहरी खटाइने

आगामी ४ मंसिरमा हुने प्रतिनिधि सभा र प्रदेश सभा निर्वाचनमा मधेश प्रदेशमा करिब २४ हजार म्यादी प्रहरी खटाइने भएको छ।
नेपाल समय
प्रदेश न. २

मधेश प्रदेश : प्रदेशसभाबाट ५५ कानुन निर्माण, प्रदेशको नाम र राजधानी तोकिनु मुख्य उपलब्धि

मधेश प्रदेशको सांसदको पहिलो पाँच वर्षको कार्यकालमा प्रदेशसभाबाट ५५ कानुन निर्माण गर्नुको साथै प्रदेशसभाले नागरिकतासम्बन्धी सुझाव, लागुऔषध नियन्त्रण, बालविवाह र आर्थिकसम्बन्धी सार्वजनिक महत्वको र प्रदेश प्रहरी भर्नाका लागि सङ्कल्प प्रस्ताव प्रदेशसभाबाट पारित गरेको थियो।
नेपाल समय
प्रदेश न. २

मर्चवारबासीलाई सडकको सास्ती

गौतमबुद्ध अन्तर्राष्ट्रिय विमानस्थलले मायादेवी–७ वनगाईमा मर्चवार सडकको केही भाग अधिग्रहण गरेपछि अर्को स्थायी सडक समयमा नबनाइदिँदा र माथिल्लो तहका सरकारले निर्माण थालेको बेथरी–खैरा सडक योजना निर्माण सम्पन्न नहुँदासम्मका लागि समस्या जटिल बन्दै गएको कांग्रेस क्षेत्रीय सभापति मुकेश यादवले बताए।
नेपाल समय
प्रदेश न. २

दलहरुलाई उम्मेदवार सिफारिस गर्न सकस

अधिकांश दलमा आकाङ्क्षी बढी देखिएकाले उम्मेदवार छनोटमा दलहरूलाई सकस भएको हो। तल्लो समितिबाट आएका सम्भावित उम्मेदवारको नाममा थप छलफल गरी प्रदेश समिति र केन्द्रीय समितिमा सिफारिस गर्न जिल्लास्थित राजनीतिक दलका नेताहरु जुटेका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना