सोमबार, असोज १७, २०७९

एमालेमा प्रदेश २ को प्रतिनिधित्व : एक सचिव र २९ केन्द्रीय सदस्य, पूर्व माओवादीबाट ९ जना

जयन्त ठाकुर  |  काठमाडौं, बुधबार, मंसिर १५, २०७८

जयन्त ठाकुर

जयन्त ठाकुर

बुधबार, मंसिर १५, २०७८, काठमाडौं

नेपाल समय

जनकपुरधाम- नेकपा एमालेको जनाधार कमजोर भएको भनिएको प्रदेश २ बाट १० औं महाधिवेशले एक पदाधिकारीसहित ३० जनालाई केन्द्रीय कमिटीमा चयन गरेको छ। प्रदेश २ बाट एमालेको नवनिर्वाचित केन्द्रीय कमिटीमा एक पदाधिकारी र २९ जना केन्द्रीय सदस्यहरु चयन भएका हुन्। 

प्रदेश २ बाट अध्यक्ष केपी शर्मा ओली नजिक भनिएका नेता रघुवीर महासेठ सचिवमा निर्वाचित भएका छन्। महासेठ धनुषाबाट प्रतिनिधित्व गर्छन्। यसअघि ओलीले महासेठ र उनकी पत्‍नी जुली महतोलाई पालैपालो मन्त्री बनाएका थिए।

त्यसैगरी महाधिवेशनअघि प्रचण्डको साथ छोडेर एमालेमा ओलीको समूहमा रहेका रौतहटबाट प्रतिनिधित्व गर्ने प्रभु साह पनि सचिव पदकै अकांक्षी थिए। यद्यपि स्थायी कमिटीमा राख्‍ने आश्वासन पाएपछि उनले केन्द्रीय सदस्य पदमै चित्त बुझाएका हुन्।

एमालेको १० औं महाधिवेशनमा प्रदेश २ बाट पूर्व माओवादी आएका नौ जनालाई ओलीले केन्द्रीय कमिटीमा ल्याएका छन्। पूर्व माओवादीबाट प्रभु साहसहित ज्वाला कुमारी साह, रामचन्द्र मण्डल, उपेन्द्र साह, कुन्दन प्रसाद कुश्वाहा, टेकबहादुर बलमपाकी, मोहम्मद समिर, रामपृत राम र प्रतिक्षा तिवारी केन्द्रीय सदस्य बनेका हुन्। 

प्रदेश २बाट एमालेको केन्द्रिय कमिटीमा सबैभन्दा बढी धनुषाबाट ७ परेका छन्। धनुषाबाट जुली कुमारी महतो, रामचन्द्र मण्डल, हरिनारायण महतो, शिला यादव, संजिव झा र प्रतिक्षा तिवारी रहेका छन्। रामचन्द्र मण्डललाई एमालेमै लागेका कारण माओवादी केन्द्रले कारबाही गरेर प्रदेश २को प्रदेशसभा सदस्य पदबाट हटाएको थियो। पर्साबाट ५ जना केन्द्रीय सदस्य पदमा निर्वाचित भएका हुन्। पर्साबाट प्रभु हजरा, कल्पना कटुवाल, मोतीलाल दुगड, राजकुमार प्रसाद गुप्ता र अरविन्द कुमार सिंह केन्द्रीय सदस्य पदमा निर्वाचित भएका हुन्।

सप्तरीबाट सुमन प्याकुरेल, सरिता कुमारी गिरी, राजकुमार लेखी र जगदीश प्रसाद कुशियैत केन्द्रीय सदस्य पदमा निर्वाचित भएका हुन्। सिरहा, सर्लाही, महोत्तरी र रौतहटबाट ३-३ जना केन्द्रीय सदस्य पदमा निर्वाचित भएका हुन्। सिरहाबाट लिलानाथ श्रेष्ठ, गंगाप्रसाद यादव र रामपृत राम रहेका छन्। 

सर्लाहीबाट रञ्‍जना सरकार, कमलादेवी महतो र रितादेवी साह रहेकी छन्। त्यस्तै महोत्तरीबाट टेकबहादुर बलमपाकी, सरोजकुमार यादव र रेखा कुमारी झा रहेका छन् । रौतहटबाट प्रभु साह, उपेन्द्र साह र कुन्दन प्रसाद कुश्वाहा रहेका छन्।

प्रदेश २ को बारा‍बाट सबैभन्दा कम सदस्यले केन्द्र‍ीय कमिटीमा स्थान पाएका छन्। बाराबाट ज्वाला कुमारी साह र मोहम्मद समिर रहेका छन्। दुबै जना पूर्व माओवादी पृष्ठभूमिका नेता हुन्। माओवादी छोडेर एमालेमा लागेपछि यी दुबैजनालाई प्रदेश २ को प्रदेशसभा सदस्यबाट माओवादी केन्द्रले कारबाही गरेर हटाएको थियो।     


प्रकाशित: December 1, 2021 | 19:39:48 काठमाडौं, बुधबार, मंसिर १५, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
प्रदेश न. २

मधेसमा मात्रै २४ हजार म्यादी प्रहरी खटाइने

आगामी ४ मंसिरमा हुने प्रतिनिधि सभा र प्रदेश सभा निर्वाचनमा मधेश प्रदेशमा करिब २४ हजार म्यादी प्रहरी खटाइने भएको छ।
नेपाल समय
प्रदेश न. २

मधेश प्रदेश : प्रदेशसभाबाट ५५ कानुन निर्माण, प्रदेशको नाम र राजधानी तोकिनु मुख्य उपलब्धि

मधेश प्रदेशको सांसदको पहिलो पाँच वर्षको कार्यकालमा प्रदेशसभाबाट ५५ कानुन निर्माण गर्नुको साथै प्रदेशसभाले नागरिकतासम्बन्धी सुझाव, लागुऔषध नियन्त्रण, बालविवाह र आर्थिकसम्बन्धी सार्वजनिक महत्वको र प्रदेश प्रहरी भर्नाका लागि सङ्कल्प प्रस्ताव प्रदेशसभाबाट पारित गरेको थियो।
नेपाल समय
प्रदेश न. २

मर्चवारबासीलाई सडकको सास्ती

गौतमबुद्ध अन्तर्राष्ट्रिय विमानस्थलले मायादेवी–७ वनगाईमा मर्चवार सडकको केही भाग अधिग्रहण गरेपछि अर्को स्थायी सडक समयमा नबनाइदिँदा र माथिल्लो तहका सरकारले निर्माण थालेको बेथरी–खैरा सडक योजना निर्माण सम्पन्न नहुँदासम्मका लागि समस्या जटिल बन्दै गएको कांग्रेस क्षेत्रीय सभापति मुकेश यादवले बताए।
नेपाल समय
प्रदेश न. २

दलहरुलाई उम्मेदवार सिफारिस गर्न सकस

अधिकांश दलमा आकाङ्क्षी बढी देखिएकाले उम्मेदवार छनोटमा दलहरूलाई सकस भएको हो। तल्लो समितिबाट आएका सम्भावित उम्मेदवारको नाममा थप छलफल गरी प्रदेश समिति र केन्द्रीय समितिमा सिफारिस गर्न जिल्लास्थित राजनीतिक दलका नेताहरु जुटेका हुन्।
नेपाल समय
प्रदेश न. २

लोसपाबाट धनुषा-३ मा राजेन्द्र महतो एकल सिफारिस, एमालेबाट जुलीकुमारी

लोकतान्त्रिक समाजवादी पार्टी (लोसपा) ले धनुषा क्षेत्र नम्बर ३ बाट प्रतिनिधिसभाका लागि पार्टीका वरिष्ठ नेता राजेन्द्र महतोको नाम सिफारिस गरेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना