मंगलबार, कार्तिक ९, २०७८

किसानका नाममा आएका ट्याक्टर जसपाका नेता-कार्यकर्ताले पाए

जयन्त ठाकुर  |  काठमाडौं, बुधबार, भदौ ३०, २०७८

जयन्त ठाकुर

जयन्त ठाकुर

बुधबार, भदौ ३०, २०७८, काठमाडौं

नेपाल समय

जनकपुरधाम- पछिल्लो समय प्रदेश २ सरकार भ्रष्टाचारमा लिप्त रहेको र कार्यकर्ता पोस्‍नकै लागि विभिन्‍न योजनाहरु सञ्‍चालनमा ल्याएको आरोप पटक-पटक लाग्दै आइरहेको छ। सोही क्रममा प्रदेश २ को कृषि भूमि व्यवस्था तथा सहकारी मन्त्रालयले किसानहरुको उत्थानको नाममा कार्यकर्ता पोस्दै आएको खुलेको हो।

कृषि, भूमी व्यवस्था तथा सहकारी मन्त्रालयले किसानहरुको उत्थानका लागि गरेको ट्याक्टर वितरणको लाभ वास्तविक किसानहरु नभइ जसपाका नेता तथा कार्यकर्ताहरुले उठाएको पाइएको छ।

प्रदेश २ मा रहेका कुल जनसंख्याको ६९ प्रतिशत कृषिमा निर्भर छ। प्रदेश २ कृषिको लागि एकदमै उपयुक्त भए पनि कृषि मन्त्रालयले किसानहरुको उत्थानका लागि बाँडेको अधिकांश ट्याक्टर सत्तारुढ दल जसपाका नेता तथा कार्यकर्ताहरुले पाएको एक आरटीआई सूचनाको आधारमा खुल्न आएको छ।   

मन्त्रालयले ५० प्रतिशत अनुदानमा किसानहरुलाई आर्थिक वर्ष २०७५-०७६ मा ५० प्रतिशत अनुदानमा ट्याक्टर वितरण गरेको थियो।  सो आर्थिक वर्षमा मन्त्री शैलेन्द्र प्रसाद साहले आफनो जिल्ला सप्तरीमा २० वटा ट्याक्टर आफ्नो आसेपासेलाई वितरण गरेका थिए भने राज्यमन्त्री यागेन्द्र राय यादवले आफनो जिल्ला रौतहटमा १८ वटा र प्रदेशको अन्य जिल्लामा १० वटाको दरले ट्याक्टर वितरण गरेको पाइएको छ।

सो आर्थिक वर्षमा धनुषामा ट्याक्टर पाउनेहरुमा सुजना देवि कोइरी, रामचन्द्र यादव, राम प्रकाश यादव, राधेश्याम गोइत, महेन्द्र चौधरी, ज्ञानकुमार यादव, भोगेन्द्रप्रसाद यादव, राजकुमारी देवि, किसान बहुउदेश्य कृषक समुह, मिथिला कृषि पशुपालन तथा डेरी उद्योग र दिनेश यादव रहेका छन्।

ट्याक्टर पाउने राम प्रकाश यादव जसपा नेपाल कमला नगरपालिका १ का वडा अध्यक्ष राजकुमार यादवका बुबा हुन्। उनी जसपाका जिल्ला अध्यक्ष पशुपति यादवका नातेदार समेत हुन्। ज्ञानुकुमार यादव हाल जसपा र तत्कालीन समाजवादी पार्टीबाट धनुषाधाम नगरपालिकाको नगर प्रमुखका प्रत्यासी  थिए।

त्यस्तै रामचन्द्र यादवको सिफारिस तत्कालीन आन्तरिक मामिला मन्त्री ज्ञानेन्द्रकुमार यादवले गरेका थिए। किसान बहुउद्देश्यी कृषक समूह वैद्यनाथ रायको रहेको छ, उनी  जसपाको सबैला नगर अध्यक्ष हुन्।

मन्त्रालयका कर्मचारीहरुका अनुसार अधिकांश योजनाहरुमा पार्टीको कार्यकर्ताहरुको बोलबाला रहँदै आएको छ। नेताकै नातेदारहरुले योजना पाउने गरेका छन् भने अनुदानको सामानहरु लिएर बिक्री गर्ने गरेको पाइएको छ।

अनुदान प्राप्त गर्ने अधिकांश व्यक्ति तत्कालिन समाजवादी पार्टी हालका जसपाका कार्यकर्ताहरु छन्। प्रत्येक वर्ष यस्तो अनुदानहरुको दुरुपयोग हुँदै आएको छ।

सूचना अभियन्ता सरोजकुमार मिश्रले सरकारले दिने गरेको अनुदानमा कुनै पनि किसान लाभान्वित भएको अवस्था नरहेको आरोप लगाए। उनीहरु पार्टी कार्यकर्ता र नातागोतालाई लाभ दिने खालको योजना ल्याउने र वितरण गर्ने गरेका मिश्रको भनाइ छ।

सोलार पम्प पनि कार्यकर्ताले नै पाए

तरकारी खेती गर्ने किसानलाई प्राथमिकतामा राख्दै मन्त्रालयले आर्थिक वर्ष २०७५-०७६ मा प्रदेशका ८ वटै जिल्लामा रहेका किसानलाई २ सय ३२ वटा सोलार पम्प वितरण गरेको थियो। तर मन्त्रालयले सोलार पम्प वितरण गरे पनि त्यसमा सोलार पम्प पाउने अधिकांश व्यक्ति जनता समाजवादी पार्टीका कार्यकर्ता रहेका थिए।

मन्त्रालयले बाँडेको सोलार पम्प कृषि, भूमी व्यवस्था तथा सहकारी मन्त्रीकै गृहजिल्ला सप्तरीमा वितरण गरिएको थियो। सप्तरीमा सबैभन्दा बढी ४८ वटा पम्प वितरण गरिएको थियो भने महोत्तरीमा सबैभन्दा कम ११ वटा मात्र वितरण गरिएको मन्त्रालयले जनाएको छ।

त्यस्तै धनुषा ४५, सर्लाही ४४, सिरहामा २६, बारा २३, पर्सा २१ र रौतहट १४ वटा पम्प वितरण गरिएको थियो। १ लाख १ हजार रुपैयाँ पर्ने एउटा सोलार पम्पमा ८५ प्रतिशत रकम सरकारले अनुदान सहयोग र १५ प्रतिशत किसानले स्वयं तिरेका थिए। 

ट्याक्टर लिनेहरुको सूची:






प्रकाशित: September 15, 2021 | 18:48:15 काठमाडौं, बुधबार, भदौ ३०, २०७८
जयन्त ठाकुर

जयन्त ठाकुर

ठाकुर नेपाल समयका प्रदेश २ प्रतिनिधि हुन्।
काठमाडौं, बुधबार, भदौ ३०, २०७८

थप समाचार

बालविवाहको अभियोगमा बेहुलाबेहुलीसहित चार जना पक्राउ

सुनसरीको इटहरीमा बालविवाह गरेको अभियोगमा बेहुलाबेहुलीसहित चार जनालाई प्रहरीले पक्राउ गरेको छ।

निर्वाचन भएको चार वर्षपछि भएको पुनः मतगणनामा पराजित उम्मेदवार विजयी

महोत्तरीको एक स्थानीय तहको वडामा निर्वाचन भएको चार वर्षपछि भएको पुनः मतगणनामा निकटतम प्रतिद्वन्द्वी रहँदै पराजित भएका उम्मेदवार विजयी भएका छन्।

निर्वाचन भएको चार वर्षपछि महोत्तरीको एक वडामा पुनः मतगणना हुँदै

महोत्तरीको एक स्थानीय तहको वडामा पुनः मतगणना गर्ने उच्च अदालतको आदेशलाई सर्वोच्चले सदर गरेपछि आज पुनः मतगणना हुँदैछ।

प्रदेश २ उद्योग स्थापनाका लागि उर्वरभूमि : मुख्यमन्त्री राउत

प्रदेश नम्बर २ का मुख्यमन्त्री लालबाबु राउतले प्रदेशका सबै जिल्ला उद्योग स्थापनाका लागि उर्वरभूमि भएको बताएका छन्।

जनकपुरधाममा तीन दिवसीय महिला हस्तकला प्रदर्शनीको आयोजना हुने

कोरोना संक्रमणको त्रासका कारण अन्तर्राष्ट्रिय बजारमा हस्तकला निर्यात व्यापार खस्किँदै गइरहेको समयमा देशभित्रै उत्पादित सामग्रीलाई बजार प्रदान गर्ने उद्देश्यले जनकपुरधाममा तीन दिवसीय महिला हस्तकला प्रदर्शनी हुने भएको छ।

पीडित किसानलाई प्रतिकट्ठा ४० किलो धान दिने वडाध्यक्ष साहको घोषणा

जनकपुरधामका एक जनप्रतिनिधिले बेमौसमी वर्षाका कारणले अन्‍नबालीमा क्षति भएका किसानलाई राहत दिने घोषणा गरेका छन्।

ट्रेंडिंग

नेपाल समय
विचार

न्यायालयको यो संकटमा जिम्मेवार को?

असार-साउनमा प्रतिनिधिसभा पुनःस्थापना र प्रधानमन्त्रीको नियुक्ति गराउन सर्वोच्च अदालतको संवैधानिक इजलास पूरै समर्पित रह्यो। अगाडि परेका निवेदनको सुनवाइ नगरी पछि परेका निवेदनलाई प्राथमिकता राखी निर्णय दिने तरिका न्यायिक गुणवत्ता होइन त्यो राजनीति हो ।
नेपाल समय
शिक्षा

विद्यालय र बालविकास केन्द्रको संख्या नपठाए अनुदान रोक्का

शिक्षा तथा मानव स्रोत विकास केन्द्रले विद्यालय र बालविकास केन्द्रको संख्या सुनिश्चित गरेर पठाउन स्थानीय तहलाई आग्रह गरेको छ।