मंगलबार, कार्तिक ९, २०७८

प्रदेश २ : प्रदेशसभा बैठक अन्योलमा, संसदीय समितिहरु सभापतिविहीन

जयन्त ठाकुर  |  काठमाडौं, आइतबार, भदौ २७, २०७८

जयन्त ठाकुर

जयन्त ठाकुर

आइतबार, भदौ २७, २०७८, काठमाडौं

नेपाल समय

जनकपुर- दलहरुबीच देखिएको आन्तरिक विवादका कारण प्रदेश २ को प्रदेशसभाको बैठक अनिश्चित भएको छ। दल विभाजनपछि जन्मेको दुई दलसँगै सो विवाद पनि समाधान भए पनि हासम्म प्रदेशसभा बैठकको मिति तय हुन सकेको छैन।

गत असार २९ गते बसेको प्रदेशसभा बैठकपछि दुई महिनायता प्रदेश सभाको बैठक सकेको छैन। मुख्यमन्त्री लालबाबु राउतले जसपाका महन्थ ठाकुर पक्षीय मन्त्रीहरूलाई सरकारबाट हटाएपछि उत्पन्न भएको विवादले दल विभाजनसम्मको आन्तरिक कलह र एमालेभित्र ओली पक्ष र नेपाल पक्षबीचको आन्तरिक विवादले प्रदेशसभाको बैठक समेत प्रभावित भएको थियो।

नवगठित नेकपा एकीकृत समाजवादी पार्टीका प्रदेशसभा सदस्य शत्रुध्न महतोले सत्तारुढ दल र विपक्षी दलहरूमा पार्टीको आन्तरिक विवादका कारण बैठक बस्न नसकेको बताए। उनले भने, ‘प्रदेश सभाको बैठक सतारुढ दल जसपा, विपक्षी दलहरू एमाले र माओवादी केन्द्रभित्र रहेको आन्तरिक किचलोका कारण बैठक बस्न सकेन। अब चाँडै नै बैठक बस्ने भनिएको छ तर कहिले हो थाहा छैन।’

दल विभाजनपछि एक महिनाभित्र सरकारले विश्वासको मत लिने कानुनी प्रावधानका कारण सरकारले नचाहे पनि बैठक बोलाउनै पर्ने बाध्यता छ। नवगठित लोकतान्त्रिक समाजवादी पार्टीका प्रदेश सभा सदस्य परमेश्वर साहले सरकार जनताप्रति उत्तरदायी नभएकाले बैठक बसाउन नसकेको आरोप लगाए। उनले भने, ‘जनताका समस्या राख्ने ठाउँ नै प्रदेश सभा हो । यसबीच बाढी र कोरोनालगायतका जनताको धेरै समस्या भए पनि हामीले आफ्ना क्षेत्रका जनताको कुरा राख्ने ठाउँ नै बन्द भएपछि कहाँ राख्ने?’

उनले बैठक बस्न नसक्दा आफूहरू बेरोजगार नै भएको बताए। ‘राज्यको सेवा सुविधा त पाइरहेका छौं तर कामै नगरी उक्त सेवा लिनु पनि अनुचित हो,’ शाहले भने। उता सतारुढ दल नेपाली कांग्रेसका प्रमुख सचेतक उपेन्द्र कुशवाहले प्रदेश सभा बैठक लामो समयसम्म नबस्दा जिल्ला, निर्वाचन क्षेत्रको समस्याबारे सांसदले आफ्ना कुरा राख्न नपाएको बताए।

उनले सांसद र मन्त्री पार्टीकै विवाद मिलाउन काठमाडौं धाउँदा महिनौंदेखि बैठक बस्न सकेको छैन। मन्त्री र सांसदहरू पार्टीको बैठक र विवाद समाधानका लागि कहिले जिल्ला त कहिले काठमाडौं आवत–जावत गर्दै आएकाले छैठौं अधिवेशनमै पटक–पटक स्थगित हुँदै आएको बैठक अन्ततः असार २९ गते विनियोजन विधेयक पारित भएदेखि आजसम्म स्थगित नै छ।

छैठौं अधिवेशनको अन्तिम १५ औं बैठक विनियोजन विधेयक पारित भएसँगै सभामुख सरोजकुमार यादवले अर्को सूचना प्रकाशन नभएसम्मका लागि स्थगित भएको घोषणा गरेदेखि दुई महिना बित्न लाग्दा पनि बैठक बस्न सकेको छैन। बैठक कहिले बस्ने भन्नेबारे सरोकारवाला निकाय आफैं अनभिज्ञ छन्।

सरकारका प्रवक्ता एवं आन्तरिक मामिला तथा सञ्चार मन्त्री भरत साह बैठक के कति कारणले स्थगित भएको भन्ने आफूलाई थाहा नभएको बताउँछन्। उनी भन्छन्, ‘बैठक कहिले बस्छ मलाई थाहा छैन । मन्त्रिपरिषद्मा यस बारे छलफल भएको छैन।’

यता प्रदेश सभा सचिवालयका सचिव रञ्जित यादव प्रदेश सभाको बैठक बोलाउने अधिकार प्रदेश सरकारमा निहित रहेको बताउँदै भन्छन्, ‘अब सातौं अधिवेशनको समय पनि आइसकेको छ। मन्त्रिपरिषदबाट निर्णय गरी प्रदेश प्रमुखबाट नयाँ अधिवेशनको आह्वान गरेपछि बैठक बस्नेछ।’

३ विषयगत समिति सभापतिविहीन

प्रदेश २ को प्रदेशसभा बैठक पटक–पटक स्थगित हुँदा सभापति विहीन रहेको प्रदेशसभाका विषयगत समितिहरुले समेत काम गर्न सकेको छैन। प्रदेशसभाको बैठक बस्ने नबस्ने अन्यौलताका कारण विषयगत समितिका काम–कारबाही र १३ वटा विद्येयक प्रदेश सभामा अलपत्र परेको छ।

प्रदेशसभाको कार्यकाल ४ वर्ष पूरा भए पनि प्रतिपक्षी दलको कोटामा रहने सार्वजनिक लेखा समिति हालसम्म सभापतिविहीन छ। सरकारको काम कारवाहमाथि निगरानी राख्ने समिति नै सभापति विहीन हुँदा प्रदेशमा भ्रष्टाचारले प्रश्रय पाइरहेको कतिपय प्रदेशसभा सदस्यहरुको भनाइ छ।

सार्वजनिक लेखा समितिका अतिरिक्त प्रदेशसभामा प्राकृतिक स्रोत तथा वातावरण समिति र कृषि तथा भूमि व्यवस्थापन समिति पनि सभापति विहीन नै छ । माओवादी केन्द्रका प्रदेशसभा सदस्य रामचन्द्र मण्डल एमालेमा लागेपछि माओवादी केन्द्रले उनलाई कारबाही गरी निलम्बन गरिसकेको छ। मण्डल निलम्बनमा परेपछि उनले नेतृत्व गर्दै आइरहेका प्राकृतिक स्रोत तथा वातावरण समिति पनि सभापति विहीन बनेको हो।

त्यस्तै वीरेन्द्रप्रसाद सिंह महिला बालबालिका युवा तथा खेलकुद मन्त्री बनेपछि कृषि तथा भूमि व्यवस्थापन समिति समेत सभापति विहीन छ।



प्रकाशित: September 12, 2021 | 11:35:00 काठमाडौं, आइतबार, भदौ २७, २०७८
जयन्त ठाकुर

जयन्त ठाकुर

ठाकुर नेपाल समयका प्रदेश २ प्रतिनिधि हुन्।
काठमाडौं, आइतबार, भदौ २७, २०७८

थप समाचार

बालविवाहको अभियोगमा बेहुलाबेहुलीसहित चार जना पक्राउ

सुनसरीको इटहरीमा बालविवाह गरेको अभियोगमा बेहुलाबेहुलीसहित चार जनालाई प्रहरीले पक्राउ गरेको छ।

निर्वाचन भएको चार वर्षपछि भएको पुनः मतगणनामा पराजित उम्मेदवार विजयी

महोत्तरीको एक स्थानीय तहको वडामा निर्वाचन भएको चार वर्षपछि भएको पुनः मतगणनामा निकटतम प्रतिद्वन्द्वी रहँदै पराजित भएका उम्मेदवार विजयी भएका छन्।

निर्वाचन भएको चार वर्षपछि महोत्तरीको एक वडामा पुनः मतगणना हुँदै

महोत्तरीको एक स्थानीय तहको वडामा पुनः मतगणना गर्ने उच्च अदालतको आदेशलाई सर्वोच्चले सदर गरेपछि आज पुनः मतगणना हुँदैछ।

प्रदेश २ उद्योग स्थापनाका लागि उर्वरभूमि : मुख्यमन्त्री राउत

प्रदेश नम्बर २ का मुख्यमन्त्री लालबाबु राउतले प्रदेशका सबै जिल्ला उद्योग स्थापनाका लागि उर्वरभूमि भएको बताएका छन्।

जनकपुरधाममा तीन दिवसीय महिला हस्तकला प्रदर्शनीको आयोजना हुने

कोरोना संक्रमणको त्रासका कारण अन्तर्राष्ट्रिय बजारमा हस्तकला निर्यात व्यापार खस्किँदै गइरहेको समयमा देशभित्रै उत्पादित सामग्रीलाई बजार प्रदान गर्ने उद्देश्यले जनकपुरधाममा तीन दिवसीय महिला हस्तकला प्रदर्शनी हुने भएको छ।

पीडित किसानलाई प्रतिकट्ठा ४० किलो धान दिने वडाध्यक्ष साहको घोषणा

जनकपुरधामका एक जनप्रतिनिधिले बेमौसमी वर्षाका कारणले अन्‍नबालीमा क्षति भएका किसानलाई राहत दिने घोषणा गरेका छन्।

ट्रेंडिंग

नेपाल समय
समाज

प्रहरीमा अब कसैलाई पनि 'तँ' नभन्‍न गृहमन्त्रीको निर्देशन

गृहमन्त्री बालकृष्ण खाँणले तीन वटै सुरक्षा निकायका प्रमुखलाई बोलाएर कसैलाई पनि 'तँ' नभन्‍न निर्देश दिएका छन्।
नेपाल समय
प्रदेश न. २

यसरी कानुनी राज्यको उपहास गर्दैछ सीके राउतको जनमत पार्टी

‘स्वतन्त्र मधेस गठबन्धन’ नारा त्यागेर २०७५ फागुन २४ मा सरकारसँग शान्तिपूर्ण राजनीतिमा आउने सहमति गरी गठन भएको जनमत पार्टी अराजक गतिविधिमा उत्रिएको छ।
नेपाल समय
कला/साहित्य

'विभेद गर्ने काठमाडौं अब फर्कन्न'

कुनै बेला बागमती करिडोरमा माछा तार्दै गर्दा मैले कामेश्वरलाई सोधेको थिएँ, ‘के रहेछ त जिन्दगी?’
नेपाल समय
प्रदेश न. २

अराजक बन्दै सीके राउतको दल, खानेपानीका हाकिमलाई अर्धनग्न पारेर नगर घुमाइयो

अविरल वर्षाका कारण जनकपुरधाम जलमग्न भएपछि ढल निर्माणमा अनियमितता भएको भन्दै सीके राउत नेतृत्वको जनमत पार्टीका कार्यकर्ताले नेपाल खानेपानी संस्थान जनकपुरधामका निमित्त प्रमुखलाई कुटपिट गर्दै नगर घुमाएका छन्।
नेपाल समय
शिक्षा

शिक्षक महासंघले २८ कात्तिकदेखि सडक आन्दोलन गर्ने

नेपाल शिक्षक महासंघले कार्तिक २८ गतेबाट देश भरिकै शिक्षक कर्मचारीलाई काठमाडौंमा उपस्थित गराई दबाबमूलक सडक आन्दोलन गर्ने जनाएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C