शनिबार, मंसिर १८, २०७८

गठन हुनेबित्तिकै विवादमा तानियो जनलोकपाल आयोग

जयन्त ठाकुर  |  काठमाडौं, बिहीबार, भदौ २४, २०७८

जयन्त ठाकुर

जयन्त ठाकुर

बिहीबार, भदौ २४, २०७८, काठमाडौं

नेपाल समय
जनलोकपाल आयोगका नवनियुक्त पदाधिकारीहरु। तस्बिर : नेपाल समय

जनकपुरधाम– प्रदेश २ मा गठन भएको दुई दिनमै जनलोकपाल आयोग विवादमा तानिएको छ। मुख्यमन्त्री लालबाबु राउतले आयोगमा नियुक्ति गर्दा सत्ता सहयात्री दल नेपाली कांग्रेस र माओवादी केन्द्रसँग सल्लाह नगरेपछि सत्ता गठबन्धनभित्रै विवाद उत्पन्न भएको हो। 

मुख्यमन्त्री राउतले सत्तारुढ कांग्रेस र माओवादी केन्द्रलाई वास्ता नगरे पनि नेकपा एकीकृत समाजवादीको सिफारिसमा एक जनालाई जनलोकपाल आयोगमा सदस्य बनाएका छन्। राउतले एकीकृत समाजवादीका नेता सत्रुध्न महतोसँग छलफल गरी एक जनालाई सदस्यमा नियुक्त गरेका हुन्। 

प्रदेश २ सरकारले दुई दिनअघि अख्तियार दुरुपयोग अनुसन्धान आयोगजस्तै अधिकार सम्पन्न जनलोकपाल आयोग गठन गर्दै पदाधिकारीको नियुक्ति गरेको छ। मुख्यमन्त्री राउतले आफ्नै मातहतमा रह्ने गरी आयोग गठन गरी एक अध्यक्ष र दुई सदस्य नियुक्त गरेका हुन्। आयोगको उद्देश्य प्रदेशभित्र भ्रष्टाचार नियन्त्रणका लागि काम गर्ने भन्ने छ। 

आयोग अध्यक्षमा रौतहटका कानुन व्यवसायी रामसहायप्रसाद यादव तथा सदस्यहरूमा धनुषाका जिल्ला प्राविधिक कार्यालयका डीई रहिसकेका राजकिशोर साह र महोत्तरीकी शोभा महतोलाई नियुक्त गरेका छन्।

आयोगको अध्यक्षमा नियुक्त गरिएका कानुन व्यवसायी रामसहाय प्रसाद यादव र सदस्य राजकिशोर साह जनता समाजवादी पार्टी नजिकका मानिन्छन्।
नेता महतोले जनलोकपाल आयोगमा नियूक्तिका लागि मुख्यमन्त्रीसँग छलफल भएको र सोहीअनुसार आफूले सिफारिससमेत गरेको बताए। नेकपा (एस) सँग नजिक रहेकी शोभा महतोलाई सदस्यमा नियुक्त गरिएको हो।

भौतिक पूर्वाधार विकासमन्त्री रामसरोज यादवले राजनीतिक नियुक्तिमा प्रदेश सरकारले साझेदार दलसँग परामर्श गर्नुपर्ने र सहमतिमा नियुक्ति गर्नुपर्ने बताए। आयोगका पदाधिकारीको शपथ ग्रहणका विषयमा समेत आफूलाई जानकारी नगराएको प्रति उनले असन्तुष्टि जनाए।

भ्रष्टाचार नियन्त्रण गर्ने निकायका रूपमा गठन गरिएको आयोगमै भ्रष्टाचारी छविकै व्यक्तिलाई नियुक्त गरिएको प्रति आलोचना भइरहेको छ।

आयोगको अध्यक्षमा नियुक्त गरिएका कानुन व्यवसायी रामसहाय प्रसाद यादव र सदस्य राजकिशोर साह जनता समाजवादी पार्टी नजिकका मानिन्छन्।

आयोगका सदस्य राजकिशोर साह भने भ्रष्टाचार आरोपमा पटकपटक अख्तियार दुरुपयोग अनुसन्धान आयोगमा तारेख बोकिसकेका व्यक्ति हुन्। उनी सभामुख सरोजकुमार यादवका प्राविधिक सल्लाहकारका पनि हुन्। 

प्रदेश सरकारको विभिन्न विकास निर्माण कार्य देखि मन्त्रालय तथा प्रदेशसभा सदस्यहरुको  गतिविधिसम्मको अनुगमन तथा कारवाहीका लागि मुख्यमन्त्रीलाई भ्रष्टाचारसहितको प्रतिवेदन सिफारिस गर्ने सम्मको अधिकार जनलोकपाल आयोगलाई रहनेछ।


प्रकाशित: September 9, 2021 | 14:30:58 काठमाडौं, बिहीबार, भदौ २४, २०७८
जयन्त ठाकुर

जयन्त ठाकुर

ठाकुर नेपाल समयका प्रदेश २ प्रतिनिधि हुन्।
काठमाडौं, बिहीबार, भदौ २४, २०७८

थप समाचार

सप्ताहव्यापी विवाहपञ्‍चमी महोत्सव विधिवत सुरु(फोटो फिचर)

पछिल्लो वर्ष विवाह पञ्‍चमी महोत्सवमा सुनसान देखिए पनि यस वर्ष श्रद्धालु भक्तजनहरुको जनकपुरधाम आगमनको क्रम सुरु भएको छ। यद्यपि कोरोनाको नयाँ भेरियन्ट आएसँगै अन्य वर्ष जस्तो जनकपुरधाममा श्रद्धालु भक्तजनहरुको उपस्थिति छैन।

प्रदेश २ : पौडेल पक्ष चुनावी दौडबाटै 'आउट', निधि र देउवा गुट प्रतिस्पर्धामा

देउवा गुटबाट उम्मेदवार खुलेपछि प्रदेश २ मा सभापति देउवा र उपसभापति निधिको बाटो फरक भएको थप स्पष्ट भएको छ। २ आकांक्षीले देउवा निकटका उम्मेदवारलाई समर्थन जनाएपछि उपसभापति निधिका उम्मेदवार रामसरोज एक्लिएका हुन्।

कांग्रेस अधिवेशन : प्रदेश २ मा मतदाता नामावली संकलन नहुँदा निर्वाचन तालिका प्रभावित

प्रदेश २ का आठवटै जिल्लाका मतदाता नामावली प्राप्त हुन नसकेकाले नेपाली कांग्रेस प्रदेश २ को अधिवेशन अन्तर्गत प्रतिनिधिहरुको नाम दर्ता कार्य स्थगित गरिएको छ।

कांग्रेस प्रदेश २ को उपसभापतिमा घिमिरेको उम्मेदवारी घोषणा

नेपाली कांग्रेस प्रदेश २ का उपसभापतिमा प्रफुल्ल घिमिरेले उम्मेदवारी दिने घोषणा गरेका छन्।

कांग्रेसको प्रदेश अधिवेशन : प्रदेश २ को सभापतिका चारै आकांक्षी निधि निकट

यद्यपि प्रदेश अधिवेशनका लागि जनकपुरधामस्थित तिरहुतीय गाछीमा सम्पूर्ण तयारी पूरा गरिएको छ। प्रदेश अधिवेशनको उदघाटन बिहिबार हुने भनिएपनि मंसिर १७ र १८ गते बन्दसत्र तथा निर्वाचन लगायतका कार्यक्रमहरु तय गरिएको छ।

एमालेमा प्रदेश २ को प्रतिनिधित्व : एक सचिव र २९ केन्द्रीय सदस्य, पूर्व माओवादीबाट ९ जना

प्रदेश २ बाट अध्यक्ष केपी शर्मा ओली नजिक भनिएका नेता रघुवीर महासेठ सचिवमा निर्वाचित भएका छन्। महासेठ धनुषाबाट प्रतिनिधित्व गर्छन्। यसअघि ओलीले महासेठ र उनकी पत्‍नी जुली महतोलाई पालैपालो मन्त्री बनाएका थिए।

ट्रेंडिंग

नेपाल समय
प्रदेश न. २

प्रदेश २ : पौडेल पक्ष चुनावी दौडबाटै 'आउट', निधि र देउवा गुट प्रतिस्पर्धामा

देउवा गुटबाट उम्मेदवार खुलेपछि प्रदेश २ मा सभापति देउवा र उपसभापति निधिको बाटो फरक भएको थप स्पष्ट भएको छ। २ आकांक्षीले देउवा निकटका उम्मेदवारलाई समर्थन जनाएपछि उपसभापति निधिका उम्मेदवार रामसरोज एक्लिएका हुन्।
नेपाल समय
राजनीति

देउवा-सिटौला सहकार्य महाधिवेशनमा कति सम्भव?

सिटौला पक्षीय नेता भीमसेनदास प्रधानले यसअघि दिँदै आएका अभिव्यक्ति र तल्लो तहमा बनेका समीकरण आधार हुन्। प्रधानले आगामी महाधिवेशनपछि सिटौला कांग्रेसको कार्यवाहक सभापति हुने बताउँदै आएका छन्।
नेपाल समय
स्वास्थ्य/जीवनशैली

ओमिक्रोनको जोखिम : ९ देशबाट नेपाल आउन रोक

पछिल्लो समय कोरोना भाइरसको ओमिक्रोन भेरियन्ट देखिएपछि सरकारले सजगताका लागि ती देशबाट आउने यात्रुमाथि प्रतिबन्ध लगाएको हो।
नेपाल समय
राजनीति

लिङ्देनसँग लड्न यसकारण सजिलो छैन कमल थापालाई

कठिन परिस्थितिहरुमा सतिसाल जसरी थापाको पक्षमा उभिएका यिनै लिङ्देन अहिले थापासँग लड्दैछन्।
नेपाल समय
शिक्षा

आन्तरिक प्रतिस्पर्धाबाट स्थायी गर्ने निर्णय तत्काल खारेज गर्न विद्यार्थी संगठनको माग

त्रिभुवन विश्वविद्यालयका कुलपति तथा प्रधानमन्त्रीसमेतको त्रिवि सभा बैठकले गत मंगलबार १० वर्षदेखि करारमा कार्यरत प्राध्यापकलाई आन्तरिक प्रतिस्पर्धाबाट स्थायी गर्ने निर्णय गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C