बिहीबार, मंसिर २२, २०७९

प्रदेश २ मा जसपा र लोसपाबीच कार्यकर्ता तानातान

नेपाल समय  |  काठमाडौं, बिहीबार, भदौ १७, २०७८

नेपाल समय

नेपाल समय

बिहीबार, भदौ १७, २०७८, काठमाडौं

नेपाल समय

जनकपुरधाम– अहिले प्रत्येक प्रदेशमा नेकपा (एमाले)बाट अलग्गिएर बनेको नेकपा (एकीकृत समाजवादी) पार्टी र जसपाबाट अलग्गिएर बनेको लोकतान्त्रिक समाजवादी पार्टीको पक्षमा सनाखत चलिरहेको छ। 

प्रदेश २ जनता समाजवादी पार्टी र लोकतान्त्रिक समाजवादी दुवै दलका लागि महत्वपूर्ण प्रदेश हो। जसपा र लोसपाका नेताहरु अहिले नेता कार्यकर्ताहरुलाई आ–आफ्नो पक्षमा ल्याउने कसरतमा लागेका छन्। सोही क्रममा लोसपाका अध्यक्ष महन्थ ठाकुर, वरिष्ठ नेताद्वय राजेन्द्र महतो र शरदसिंह भण्डारी जनकपुरधाम आइपुगेका छन्।

जसपाभन्दा लोसपाको शक्ति प्रदेश २ मा कम रहेको समयमा कार्यकर्ताहरुमा उत्साह भर्नुका साथै आफ्नो पक्षमा बढीभन्दा बढी जनप्रतिनिधिहरुलाई सनाखत गराउने उद्देश्यले अध्यक्ष ठाकुरसँगै ती नेताहरु जनकपुर आएका हुन्। हुन त यसअघि नै जसपा अध्यक्ष उपेन्द्र यादव समेत जनकपुरधाम आएर फर्किसकेका छन्।  

तत्कालिन समाजवादी पार्टीको ३० र तत्कालिन राजपाको २५ प्रदेशसभा सदस्यहरु गरी जसपाको कुल ५५ प्रदेशसभा सदस्य छन्। तत्कालिन राजपाका ९ जना प्रदेशसभा सदस्यहरु उपेन्द्र यादवसँगै लागेपछि लोसपा कमजोर बनेको हो। जसपासँग अहिले प्रदेश २को प्रदेशसभामा सबैभन्दा बढी ३९ प्रदेशसभा सदस्य छन्।

संख्यात्मक रुपमा अहिले हामी कमजोर देखिए पनि धरातलमा जसपाभन्दा हाम्रो स्थिति मजबुत रहेको दाबी लोसपाका अध्यक्ष महन्थ ठाकुर गर्छन्। बुधबार आफ्ना कार्यकर्ताहरुलाई एक ढिक्का बनाउनका लागि जनकपुर अएका ठाकुरले भने, ‘हाम्रो बारेमा कसैले कमजोर रहेको विश्लेषण गर्दैमा हामी कमजोर हुँदैनौं, जसपा भन्दा हामी स्ट्रङ छाँै।’

तत्कालिन राजपा नेपालबाट निर्वाचित अधिकांश जनप्रतिनिधि तथा प्रदेशसभा सदस्यहरु जसपामै रहेको समयमा अध्यक्ष महन्थ ठाकुर, वरिष्ठ नेता सरतसिंह भण्डारी र राजेन्द्र महतोको आगमनलाई लोसपाको दृष्टिले अर्थपूर्ण रुपमा देखिएको छ। तत्कालिन राजपाकै प्रदेशसभा सदस्यहरु उपेन्द्रको नेतृत्वमा जसपा तर्फ लागेपछि लोसपाका नेताहरुलाई कार्यकर्ता सम्हाल्न धौ–धौ परिरहेको छ।

यता उपेन्द्र यादव नेतृत्वको जसपाका नेताहरुले समेत लोसपाका जनप्रतिनिधिहरुलाई लोसपाको पक्षमा सनाखत नगरी आफ्नै पक्षमा दबाब दिन समेत कसरत गरिरहेका छन्। त्यसैले पनि महन्थ ठाकुरको जनकपुरधाम आगमनले कार्यकर्ताहरुलाई एकजुट बनाउन सहज हुने लोसपाका नेता परमेश्वर साहले बताए।

बुधबार लोसपाको पक्षमा १० जना प्रदेशसभा सदस्यहरुले निर्वाचन आयोगको कार्यालयमा पुगेर सनाखत गराएका छन्। जितेन्द्र सोनल, उपेन्द्र महतो, अभिराम शर्मा, डिम्पल झा लगायतका नेताहरुले बिहीबार सनाखत गराउने बताइएको छ। बुधबार सनाखत गराएका नेताहरुका साथै कार्यकर्ताहरुलाई अध्यक्ष ठाकुर र वरिष्ठ नेताद्वय महतो र भण्डारीले तत्कालिन राजपाबाट निर्वाचित भएपनि जसपातर्फ लागिसकेका नेता कार्यकर्ताहरुलाई आफ्नो पक्षमा पार्नका लागि अन्तिम प्रयास गर्न निर्देशन दिएका थिए। यसका साथै उनीहरुले टोल टोलमा पगेर पार्टी निर्माणमा लाग्न निर्देशन दिएका थिए।  



प्रकाशित: September 2, 2021 | 11:00:47 काठमाडौं, बिहीबार, भदौ १७, २०७८

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
प्रदेश न. २

सप्तरीको सुरुंगा मधेशकै पहिलो बालविवाहमुक्त नगर घोषणा

सप्तरी क्षेत्र नम्बर ४ का नवनिर्वाचित प्रतिनिधिसभा सदस्य एवं पूर्वमन्त्री तेजुलाल चौधरीले आज एक समारोहबीच घोषणापत्र प्रस्तुत गर्दै सुरुङ्गा नगरपालिकालाई बालविवाहमुक्त नगर घोषणा गरे।
नेपाल समय
प्रदेश न. २

मधेस प्रदेशमा सर्लाहीका चार नयाँ र चार पुराना प्रतिनिधि

जिल्लाबाट मधेस प्रदेश सरकारमा फरक दल, समुदाय, उमेर र वर्गको प्रतिनिधित्व देखिने भएको छ।
नेपाल समय
प्रदेश न. २

मधेस प्रदेशसभामा नयाँ-पुराना अनुहारको मिश्रण

प्रदेशसभामा प्रत्यक्ष निर्वाचित ६४ जना र समानुपातिक ४३ जना गरी जम्मा एक सय सात सदस्यीय सांसद चुनिने व्यवस्था रहको छ । अघिल्लो निर्वाचनमा चुनिएका कतिपय सांसद यसपटक पनि पुनःदोहोरिएका छन् भने संसद्को पहिलो अनुभव लिन नयाँ अनुहारको समेत उल्लेख्य सङ्ख्यामा प्रदेशसभामा प्रवेश पाउने भएको छ।
नेपाल समय
प्रदेश न. २

एमालेबाट जसपा हुँदै नेसपा पुगेका रायले जोगाइदिए मधेसमा माओवादीको चुनाव चिह्न

माओवादी केन्द्रले मधेस प्रदेशका चार क्षेत्रमा उम्मेदवारी दिएकामा सबै क्षेत्रको परिणाम आउँदा उनीमात्रै निर्वाचित भएका हुन्। सर्लाही २ बाट सत्ता गठबन्धनकै सहयात्री दल लोकतान्त्रिक समाजवादीका वरिष्ठ नेता राजेन्द्र महतोलाई पराजित गर्दै राय निर्वाचित भएका हुन्।
नेपाल समय
प्रदेश न. २

पर्सा-४ 'क'मा कांग्रेसका शंकर निर्वाचित, एमालेका जयको पराजय

शंकरले १२ हजार १५४ मत ल्याउँदा जयप्रकाशले १० हजार ४ सय ३८ मत ल्याए। पराजित जय एमाले पर्साका अध्यक्ष हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना