बिहीबार, मंसिर २२, २०७९

प्रदेश २ मा स्थानीय जनप्रतिनिधिको सनाखत सुरु, राजपाबाट निर्वाचितमध्ये झन्डै आधा जसपामै!

जयन्त ठाकुर  |  काठमाडौं, मंगलबार, भदौ १५, २०७८

जयन्त ठाकुर

जयन्त ठाकुर

मंगलबार, भदौ १५, २०७८, काठमाडौं

नेपाल समय

जनकपुरधाम- नेकपाबाट अलग भएर दर्ता भएको नयाँ दल नेकपा एकीकृत समाजवादी र जसपाबाट अलग भएर दर्ता भएको लोकतान्त्रिक समाजवादी पार्टीका लागि प्रदेश २ मा मंगलबारदेखि सनाखत शुरु भएको छ। मंगलबार नेकपा (एमाले) र जनता समाजवादी पार्टी (जसपा) छोडेर नयाँ पार्टीमा प्रवेश गरेका स्थानीय तहका जनप्रतिनिधिहरूले जिल्ला स्थित निर्वाचन आयोगको कार्यालय पुगेर सनाखत गराएका हुन्। 

निर्वाचन आयोगले नयाँ दलमा जान चाहने जनप्रतिनिधिहरुलाई भदौ १ देखि भदौ २२ गतेसम्मको समय दिएको छ। मंगलबार पहिलो दिन लोसपामा जान चाहने प्रदेश २ मा स्थानीय तहका जनप्रतिनिधिले सनाखत गराएका हुन्। 

धनुषामा तत्कालीन राजपाबाट निर्वाचित भएका १ सय १२ जनप्रतिनिधिमध्ये ५४ जनाले लोसपाको पक्षमा सनाखत गरेका छन्। निर्वाचन आयोगले नयाँ दलमा प्रवेश गरेको जानकारी दिन आफैं निर्वाचन कार्यालय पुगेर सनाखत गर्नुपर्ने व्यवस्था अनुरुप जनप्रतिनिधि स्वयं उपस्थित भएर सनाखत गरेका हुन्। 

त्यस्तै, महोत्तरीमा तत्कालीन राजपाबाट निर्वाचित भएका २ सय १५ जनप्रतिनिधिमध्ये १ सय २ जनाले सनाखत गराएको जानकारी नेता अभिराम शर्माले जानकारी दिए। पर्सा र सर्लाही जिल्लामा भने सनाखत सुरु हुन नसकेको सम्बन्धित जिल्ला निर्वाचन आयोगका कार्यालयहरुले जनाएका छन्। 

धनुषामा १८ स्थानीय तहमध्ये नगरपालिका हुन् भने ६ गाउँपालका हुन्। १२ नगरका  नगरप्रमुख/उपप्रमुख ६ गाउँपालिकाका अध्यक्ष/उपाध्यक्ष, १ सय ६९ वडाध्यक्ष, ६ सय ४३ वडासदस्य गरी जम्मा ८४८ जना जनप्रतिनिधि छन्। यीमध्ये तात्कालीन राजपाबाट २ जना नगर प्रमुख, २ जना नगर उपप्रमुख, २१ जना वडाअध्यक्ष र ८७ जना वडासदस्य गरी १ सय १२ जना जनप्रतिनिधि निर्वाचित भएका थिए। जसमध्ये जनकपुरधाम उपमहानगरपालिकाका नगरप्रमुख लालकिशोर साह तत्कालिन राजपाबाट निर्वाचित भएपनि राजपा र समाजवादी पार्टी एकीकरण पछि बनेको जसपामा नै छन्। तत्कालीन समाजवादी पार्टीबाट निर्वाचित भएकाहरूले भने लोसपा रोजेका छैनन्।

त्यस्तै, एमाले छोडेर एकीकृत समाजवादीमा गएका प्रदेश सांसदहरुले बुधबार निर्वाचन कार्यालय पुगेर सनाखत गर्ने बताएका छन् भने लोसपाका प्रदेश सांसदहरुले बिहीवार सनाखत गर्नेछन् । 

शुक्रबारदेखि एकीकृत समाजवादी पार्टीका र लोसपाबाट छुटफुट भएका स्थानीय तहका जनप्रतिनिधिहरुले सनाखत गर्ने कार्यक्रम रहेको निर्वाचन आयोग प्रदेश २ प्रमुख पुष्पा झाले जानकारी दिइन्। 

त्यस्तै, एमाले छोडेर एकीकृत समाजवादीमा गएका जनप्रतिनिधिले बुधबार निर्वाचन कार्यालय पुगेर सनाखत गर्ने तयारी गरेका छन्। एमाले छोडेर नयाँ पार्टीमा प्रवेश गरेका प्रदेशसभा सदस्यले बुधबार सनाखत गर्ने तयारी रहेको एकीकृत समाजवादीका नेता शत्रुधन महतोले बताए। ‘भोलि निर्वाचन कार्यालय गएर सनाखत गर्छौं, पर्सि बैठक बसेर संसदीय दलको नेता चयन गर्छौं,’ महतोले भने।

लोसपातर्फ लागेका प्रदेश सांसदले भने एक–दुई दिनभित्रै सनाखत गर्ने बताएका छन्। त्यसका लागि बुधबार लोसपा अध्यक्ष महन्थ ठाकुर, वरिष्ठ नेता राजेन्द्र महतो, शरदसिंह भण्डारी जनकपुरधाम आउँदै छन्। त्यसपछि प्रदेश सांसदले नयाँ पार्टी प्रवेश गरेको निर्वाचन आयोगलाई जानकारी दिने तयारी रहेको लोसपा नेता वृषेशचन्द्र लाल बताए।


प्रकाशित: August 31, 2021 | 20:09:26 काठमाडौं, मंगलबार, भदौ १५, २०७८

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
प्रदेश न. २

सप्तरीको सुरुंगा मधेशकै पहिलो बालविवाहमुक्त नगर घोषणा

सप्तरी क्षेत्र नम्बर ४ का नवनिर्वाचित प्रतिनिधिसभा सदस्य एवं पूर्वमन्त्री तेजुलाल चौधरीले आज एक समारोहबीच घोषणापत्र प्रस्तुत गर्दै सुरुङ्गा नगरपालिकालाई बालविवाहमुक्त नगर घोषणा गरे।
नेपाल समय
प्रदेश न. २

मधेस प्रदेशमा सर्लाहीका चार नयाँ र चार पुराना प्रतिनिधि

जिल्लाबाट मधेस प्रदेश सरकारमा फरक दल, समुदाय, उमेर र वर्गको प्रतिनिधित्व देखिने भएको छ।
नेपाल समय
प्रदेश न. २

मधेस प्रदेशसभामा नयाँ-पुराना अनुहारको मिश्रण

प्रदेशसभामा प्रत्यक्ष निर्वाचित ६४ जना र समानुपातिक ४३ जना गरी जम्मा एक सय सात सदस्यीय सांसद चुनिने व्यवस्था रहको छ । अघिल्लो निर्वाचनमा चुनिएका कतिपय सांसद यसपटक पनि पुनःदोहोरिएका छन् भने संसद्को पहिलो अनुभव लिन नयाँ अनुहारको समेत उल्लेख्य सङ्ख्यामा प्रदेशसभामा प्रवेश पाउने भएको छ।
नेपाल समय
प्रदेश न. २

एमालेबाट जसपा हुँदै नेसपा पुगेका रायले जोगाइदिए मधेसमा माओवादीको चुनाव चिह्न

माओवादी केन्द्रले मधेस प्रदेशका चार क्षेत्रमा उम्मेदवारी दिएकामा सबै क्षेत्रको परिणाम आउँदा उनीमात्रै निर्वाचित भएका हुन्। सर्लाही २ बाट सत्ता गठबन्धनकै सहयात्री दल लोकतान्त्रिक समाजवादीका वरिष्ठ नेता राजेन्द्र महतोलाई पराजित गर्दै राय निर्वाचित भएका हुन्।
नेपाल समय
प्रदेश न. २

पर्सा-४ 'क'मा कांग्रेसका शंकर निर्वाचित, एमालेका जयको पराजय

शंकरले १२ हजार १५४ मत ल्याउँदा जयप्रकाशले १० हजार ४ सय ३८ मत ल्याए। पराजित जय एमाले पर्साका अध्यक्ष हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना