सोमबार, मंसिर १२, २०७९

प्रदेश २ : कार्यक्षेत्रबाहिर गएर लाखौं खर्च, अधिकांश असार महिनामै

नेपाल समय  |  काठमाडौं, शुक्रबार, भदौ ११, २०७८

नेपाल समय

नेपाल समय

शुक्रबार, भदौ ११, २०७८, काठमाडौं

नेपाल समय

जनकपुरधाम– प्रदेश २ को आन्तरिक मामिला तथा कानुन मन्त्रालयले पछिल्ला चार आर्थिक वर्षमा कार्य क्षेत्र बाहिर गएर अनियमित रुपमा लाखौं खर्च गरेको पाइएको छ। खेलकुद सामाजिक विकास मन्त्रालय अन्तर्गत पर्ने भए पनि मन्त्रालयले गत ४ आर्थिक वर्षमा खेलको नाममा लाखौंको रकम खर्च गरेको पाइएको हो।

पूर्व आन्तरिक मामिला तथा कानुनमन्त्री ज्ञानेन्द्र यादवले खेलकुदको नाममा पछिल्लो चार आर्थिक वर्षमा ७७ लाखभन्दा बढी रकम खर्च गरेका छन्। प्रत्येक वर्ष महालेखा परीक्षकको कार्यालयले यो कार्यक्षेत्रभन्दा बाहिर गएर रकम खर्च गरिएको भन्दै यस्ता कार्य नगर्न सुझाव दिए पनि पूर्व मन्त्री यादवले त्यसलाई वेवास्ता गर्दै आफ्ना कार्यकर्ता तथा आसेपासेलाई फाइदा पुग्ने गरी खेलकुदको नाममा गत ४ आर्थिक वर्षमा ७७ लाख ५२ हजार ५ सय ९ रुपैयाँ खर्च गरेका छन्।

उनले पछिल्लो आर्थिक वर्ष २०७७–०७८ मा मन्त्रालयको कार्यक्षेत्र बाहिर गएर खेलको नाममा ४२ लाख २५ हजार ५ सय ९ रुपैयाँ खर्च गरेका छन्। शान्तिका लागि खेलकुद शिर्षकमा २९ लाख १७ हजार ९ सय ७१ रुपैयाँ खर्च गरेका छन् भने शान्तिका लागि खेलाडीको बन्द प्रशिक्षणको नाममा १३ लाख ७ हजार ५ सय ३८ रुपैयाँ खर्च भएको पाइएको छ।

कोरोना संक्रमणको त्रासका कारण नेपाल सरकारले समूहमा खेलिने खेलहरुमा रोक लगाएको थियो। असारमा समेत यस्ता खेलकुद गतिविधिमा रोक लगाइए पनि मन्त्रालयले बन्द प्रशिक्षणको नाममा असारमा मात्रै १ लाख ८७ हजार १ सय २८ रुपैयाँ खर्च गरेको आन्तरिक मामिला तथा सञ्चार मन्त्रालयले जनाएको छ।

त्यस्तै मन्त्रालयले खेलकुदको नाममा आर्थिक वर्ष २०७६–७७ मा २३ लाख ८४ हजार, आर्थिक वर्ष २०७५–०७६ मा  ६ लाख ६० हजार र आर्थिक वर्ष २०७४–०७५ मा मन्त्रालयको कार्यक्षेभन्दा बाहिर गएर ३ लाख ८३ हजार रुपैयाँ खर्च गरेको पाइएको छ।

महालेखापरीक्षकको कार्यालयले प्रदेश सरकार कार्यविभाजन नियमावली २०७४ अनुसार मन्त्रालयको मुख्य कार्य प्रदेश भित्र शान्ति सुरक्षा कायम गर्ने, नीति नियम तर्जुमा गर्ने, अन्य मन्त्रालयबाट तर्जुमा हुने ऐन कानूनको राय परामर्श दिने रहेकोमा यस विपरीत खर्च हुँदै आइरहेको र खर्च नियन्त्रण गर्न पटक पटक सुझाव दिँदै आएको थियो। यद्यपि मन्त्रालयले कार्य क्षेत्र बाहिरका योजनामा खर्च गर्न पछाडि परेन।

मन्त्रालयले आफ्नो बजेटको अधिकांश रकम असार महिनामै खर्च गरेको समेत पाइएको छ। मन्त्रालयले विद्यार्थीहरुका लागि भित्ते पत्रिका सम्बन्धी गोष्ठीमा ४७ लाख  ७८ हजार ३ सय ६१ रुपैयाँ खर्च गरेकोमा असारमा मात्रै ३८ लाख ९५ हजार ३ सय ७९ रुपैयाँ खर्च गरेको थियो। यस भित्ते पत्रिका सम्बन्धी गोष्ठीको सञ्चारकर्मी तथा पत्रकार महासंघका पदाधिकारीहरुले समेत विरोध गरेका थिए। मन्त्रालयले असारको अन्त्यमा बजेट सकाउनका लागि जसपा नजिकका युवा कार्यकर्ताहरुलाई तालिम दिएको थियो।

त्यस्तै मन्त्रालयले सवारी साधन मर्मत खर्चमा २४ लाख ९६ हजार ९ सय ९० रुपैयाँ खर्च गरेकोमा असारमा १२ लाख ३३ हजार ८९ रुपैयाँ खर्च गरेको थियो।

सेवा र परामर्शको नाउँमा मन्त्रालयले असारमा मात्र ६ लाख ३५ हजार ८ सय १४ रुपैयाँ खर्च गरेको मन्त्रालयले जनाएको छ। सेवा र परामर्शको नाउमा मन्त्रालयले गत वर्ष ७ लाख  ७९ हजार ७ सय ७४ रुपैयाँ खर्च गरेको हो। असारमा नै मन्त्रालयले वार्षिक क्यालेण्डर प्रकाशनबापत ४ लाख ९८ हजार ४ सय ६५ रुपैयाँ खर्च गरेको छ।


प्रकाशित: August 27, 2021 | 15:03:05 काठमाडौं, शुक्रबार, भदौ ११, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
प्रदेश न. २

मधेस प्रदेशसभामा नयाँ-पुराना अनुहारको मिश्रण

प्रदेशसभामा प्रत्यक्ष निर्वाचित ६४ जना र समानुपातिक ४३ जना गरी जम्मा एक सय सात सदस्यीय सांसद चुनिने व्यवस्था रहको छ । अघिल्लो निर्वाचनमा चुनिएका कतिपय सांसद यसपटक पनि पुनःदोहोरिएका छन् भने संसद्को पहिलो अनुभव लिन नयाँ अनुहारको समेत उल्लेख्य सङ्ख्यामा प्रदेशसभामा प्रवेश पाउने भएको छ।
नेपाल समय
प्रदेश न. २

एमालेबाट जसपा हुँदै नेसपा पुगेका रायले जोगाइदिए मधेसमा माओवादीको चुनाव चिह्न

माओवादी केन्द्रले मधेस प्रदेशका चार क्षेत्रमा उम्मेदवारी दिएकामा सबै क्षेत्रको परिणाम आउँदा उनीमात्रै निर्वाचित भएका हुन्। सर्लाही २ बाट सत्ता गठबन्धनकै सहयात्री दल लोकतान्त्रिक समाजवादीका वरिष्ठ नेता राजेन्द्र महतोलाई पराजित गर्दै राय निर्वाचित भएका हुन्।
नेपाल समय
प्रदेश न. २

पर्सा-४ 'क'मा कांग्रेसका शंकर निर्वाचित, एमालेका जयको पराजय

शंकरले १२ हजार १५४ मत ल्याउँदा जयप्रकाशले १० हजार ४ सय ३८ मत ल्याए। पराजित जय एमाले पर्साका अध्यक्ष हुन्।
नेपाल समय
प्रदेश न. २

पर्सा क्षेत्र–२ (१) बाट कांग्रेसका पटेल निर्वाचित

पटेलले १३ हजार ७८४ मत ल्याएका छन् भने जसपाका रामनरेश यादवले १२ हजार १२७ मत प्राप्त गरेका छन्।
नेपाल समय
प्रदेश न. २

मधेस प्रदेशको राजनीतिः पुराना विस्थापित, जनमतको उदय

२०६२–०६३ को परिवर्तनपछि मधेशमा उदाएका राजनीतिक शक्तिलाई पछि पार्दै तत्कालीन प्रधानमन्त्री केपी ओली नेतृत्वको सरकारसँग २०७५ फागुन २४ गते सम्झौता गरेर खुला राजनीतिमा आएका सिके राउत नेतृत्वको जनमत पार्टी अग्रमोर्चामा आउने देखिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना