सोमबार, मंसिर १२, २०७९

प्रदेश २ मा कमजोर बनेको ठाकुर पक्ष सरकारबाट बाहिरिने तयारीमा

जयन्त ठाकुर  |  काठमाडौं, शुक्रबार, भदौ ४, २०७८

जयन्त ठाकुर

जयन्त ठाकुर

शुक्रबार, भदौ ४, २०७८, काठमाडौं

नेपाल समय

जनकपुरधाम– जनता समाजवादी पार्टी विभाजनको असर सबैभन्दा बढी प्रदेश २ मा देखिएको छ। प्रदेश सरकारको नेतृत्व जसपाले गरिरहेकाले सबैभन्दा बढी असर पर्नु स्वाभाविक हो। यद्यपि जसपाको आधिकारिकता पाएको उपेन्द्र यादव समूह प्रदेश २ मा मजबुत छ। पूर्व राजपाबाट निर्वाचित ९ जना प्रदेशसभा सदस्य उपेन्द्र पक्षमा लागेपछि महन्थ पक्ष कमजोर देखिएको हो। 

प्रदेशसभामा तत्कालीन समाजवादी पार्टीबाट ३० र तत्कालीन राजपाबाट २५ जना निर्वाचित भएका थिए। दुवै दलबीच एकता हुँदा ५५ जना प्रदेशसभा सदस्य जसपामा थिए। दल विभाजनपछि तत्कालीन समाजवादी पार्टीबाट निर्वाचित प्रदेशसभा सदस्य उपेन्द्र यादव पक्षमै लागेका छन् तत्कालीन राजपाबाट निर्वाचित २५ मध्ये ९ जना प्रदेशसभा सदस्यले महन्थको साथ छाडेका छन्।

महन्थ ठाकुर पक्षका नेता प्रदेशसभा सदस्य परमेश्वर साहले अहिले प्रदेश २ मा आफ्नो समूहको स्थिति कमजोर रहेको स्वीकार गरे। उनका अनुसार  तत्कालीन राजपाबाट निर्वाचित ९ जना प्रदेशसभा सदस्य उपेन्द्र पक्षमा लागेपछि १६ जना प्रदेशसभा सदस्य महन्थ पक्षमा छन्। पार्टी एकीकरण गर्नुपूर्व राजपा नेपालले प्रदेश २ मा जिल्ला तथा प्रदेश स्तरमा समेत अध्यक्षमण्डल गठन गरेर पार्टी सञ्चालन गर्दै आएको थियो।

उनले भने, ‘राजपा रहँदा अध्यक्षमण्डल बनाएर प्रदेश तथा जिल्ला कमिटी सञ्चालन भएको थियो। जिल्ला तथा प्रदेशस्तरीय कमिटी गठनको आन्तरिक तयारीमै रहेका बेला समाजवादी पार्टीसँग एकता भएर जसपा बन्यो। हामीसँग राजपाको जिल्ला कमिटी तथा प्रदेश कमिटी थिएन।’

तत्कालीन राजपाबाट प्रदेशसभा सदस्यमा निर्वाचित मनीष सुमन अहिले मूल पार्टीमै रहेको बताउँछन्। उनले भने, ‘मैले न कित्ताकाट गरेको छु, न त मूल पार्टी छोडेको छु, त जसपामै छु।’

महन्थ ठाकुरले केपी शर्मा ओली नेतृत्वको सरकारमा जान पार्टी विभाजन गर्न उद्यत देखिएको आरोप सुमनको छ। सुमनले प्रतिगामी ओली सरकारमा समय बिताएर पार्टीको नामसमेत बदनाम गर्न पछि नपरेकाहरुले गुट र समूहमा रमाउने प्रवृत्तिमा लागेको भन्दै महन्थको आलोचना गरे।

महन्थ पक्षका २ मन्त्री (नवलकिशोर साह, रामनरेश राय), जनकपुरधाम उपमहानगरपालिकाका नगर प्रमुख लालकिशोर साह र राजविराज नगरपालिकाका नगरप्रमुख शम्भु यादव पनि उपेन्द्र पक्षमा छन्।

सुमनलाई राजेन्द्र महतो निकट मानिन्थ्यो। उनी भन्छन्, ‘विगतमा पनि महन्थ ठाकुरजी र राजेन्द्र महतोजी पार्टी संगठन निर्माणमा ध्यान नदिई समूहमै रमाउँथे। अहिले राजनीतिबाटै तह लाग्नुपर्ने अवस्थामा पुगेका छन्।’

तत्कालीन समाजवादीबाट निर्वाचित ३० प्रदेशसभा सदस्य र पूर्व राजपाका ९ प्रदेशसभा सदस्यसँगै ३९ प्रदेशसभा सदस्य उपेन्द्र यादव पक्षसँग छ भने १६ जना महन्थ पक्षमा छन्।

महन्थ पक्षका २ मन्त्री (नवलकिशोर साह, रामनरेश राय), जनकपुरधाम उपमहानगरपालिकाका नगर प्रमुख लालकिशोर साह र राजविराज नगरपालिकाका नगरप्रमुख शम्भु यादव पनि उपेन्द्र पक्षमा छन्। तत्कालीन राजपा नेपाल निर्वाचित भएर मन्त्री बनेका नवलकिशोर साह र रामनरेश राय यादव, प्रदेशसभा सदस्यहरु मनीष सुमन, पूर्वराज्यमन्त्री सुरेशकुमार मण्डल, रानी शर्मा तिवारी, डा. रिना यादव, डा. अञ्जुकुमारी यादव, विदेश्वर यादव, नेत्रविक्रम साह उपेन्द्र यादव पक्षमा लागेका छन्।

जसपा विभाजन भएपछि महन्थ पक्षले प्रदेश २ सरकारबाट समर्थन फिर्ता लिने तयारी गरिरहेकोे छ। महन्थ पक्षका प्रदेशसभा सदस्य परमेश्वर साहले अहिले दल दर्ता प्रक्रियामा रहेको र दल दर्ताको प्रमाणपत्र पाएलगत्तै सरकारलाई समर्थन दिइहरने वा फिर्ता लिने विषयमा निर्णय लिइने जानकारी दिए। दल दर्तापछि सरकारबाट समर्थन फिर्ता लिने सम्भावना प्रबल रहेको उनको भनाइ छ। 

यता जसपा नेतृत्वको प्रदेश २ सरकारबाट महन्थ पक्षले समर्थन फर्ता लिए पनि प्रदेश सरकारमाथि खासै संकट नआउने देखिएको छ। प्रदेश सरकारमा जसपाका साथै कांग्रेस र माओवादी केन्द्रसमेत सहभागी छन्। 

महन्थ पक्षले प्रदेश सरकारबाट समर्थन फिर्ता लिए पनि प्रदेश सरकारलाई १ सय ७ सदस्यीय प्रदेशसभामा जसपाको ३९, कांग्रेसको २१ र माओेवादी केन्द्र ८ गरी कुल ६८ प्रदेशसभा सदस्यको समर्थन रहनेछ। अहिले प्रदेशसभामा १ सय ४ जना सदस्य मात्रै छन्।



प्रकाशित: August 20, 2021 | 16:50:00 काठमाडौं, शुक्रबार, भदौ ४, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
प्रदेश न. २

मधेस प्रदेशसभामा नयाँ-पुराना अनुहारको मिश्रण

प्रदेशसभामा प्रत्यक्ष निर्वाचित ६४ जना र समानुपातिक ४३ जना गरी जम्मा एक सय सात सदस्यीय सांसद चुनिने व्यवस्था रहको छ । अघिल्लो निर्वाचनमा चुनिएका कतिपय सांसद यसपटक पनि पुनःदोहोरिएका छन् भने संसद्को पहिलो अनुभव लिन नयाँ अनुहारको समेत उल्लेख्य सङ्ख्यामा प्रदेशसभामा प्रवेश पाउने भएको छ।
नेपाल समय
प्रदेश न. २

एमालेबाट जसपा हुँदै नेसपा पुगेका रायले जोगाइदिए मधेसमा माओवादीको चुनाव चिह्न

माओवादी केन्द्रले मधेस प्रदेशका चार क्षेत्रमा उम्मेदवारी दिएकामा सबै क्षेत्रको परिणाम आउँदा उनीमात्रै निर्वाचित भएका हुन्। सर्लाही २ बाट सत्ता गठबन्धनकै सहयात्री दल लोकतान्त्रिक समाजवादीका वरिष्ठ नेता राजेन्द्र महतोलाई पराजित गर्दै राय निर्वाचित भएका हुन्।
नेपाल समय
प्रदेश न. २

पर्सा-४ 'क'मा कांग्रेसका शंकर निर्वाचित, एमालेका जयको पराजय

शंकरले १२ हजार १५४ मत ल्याउँदा जयप्रकाशले १० हजार ४ सय ३८ मत ल्याए। पराजित जय एमाले पर्साका अध्यक्ष हुन्।
नेपाल समय
प्रदेश न. २

पर्सा क्षेत्र–२ (१) बाट कांग्रेसका पटेल निर्वाचित

पटेलले १३ हजार ७८४ मत ल्याएका छन् भने जसपाका रामनरेश यादवले १२ हजार १२७ मत प्राप्त गरेका छन्।
नेपाल समय
प्रदेश न. २

मधेस प्रदेशको राजनीतिः पुराना विस्थापित, जनमतको उदय

२०६२–०६३ को परिवर्तनपछि मधेशमा उदाएका राजनीतिक शक्तिलाई पछि पार्दै तत्कालीन प्रधानमन्त्री केपी ओली नेतृत्वको सरकारसँग २०७५ फागुन २४ गते सम्झौता गरेर खुला राजनीतिमा आएका सिके राउत नेतृत्वको जनमत पार्टी अग्रमोर्चामा आउने देखिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना