सोमबार, मंसिर १२, २०७९

बीपीसँग जेल बसेका रामनारायण मिश्रका छोरा हरिशंकर बने प्रदेश-२ प्रमुख, जो नौ कक्षामै पढ्दा जेल परेका थिए

जयन्त ठाकुर  |  काठमाडौं, मंगलबार, भदौ १, २०७८

जयन्त ठाकुर

जयन्त ठाकुर

मंगलबार, भदौ १, २०७८, काठमाडौं

नेपाल समय

जनकपुरधाम– प्रदेश नम्बर २ को प्रदेश प्रमुखमा नेपाली कांग्रेसका नेता पूर्व सांसद हरिशंकर मिश्र नियुक्त भएका छन्। शेरबहादुर देउवा नेतृत्वको सरकारले राजेश झालाई प्रदेश प्रमुखबाट हटाएर मिश्रलाई नियुक्त गरेको हो।

यसअघि केपी ओली सरकारले राजेश झालाई प्रदेश प्रमुख नियुक्त गरेको थियो। त्यसअघि नै दुईजनाले यहाँ प्रदेश प्रमुखको जिम्मेवारी सम्हालिसकेका छन्। रत्नेश्वरलाल कायस्थ र तिलक परियारपछि राजेश झा प्रदेश प्रमुख भएका थिए। अर्थात्, प्रदेश २ ले ४ वर्षमा चौथो प्रदेश प्रमुख पाएको छ। 

तत्कालिन सत्तारुढ दल नेकपाभित्र विवाद भएपछि केपी शर्मा ओली नेतृत्वको सरकारले माओवादी निकट तिलक परियारलाई प्रदेश प्रमुखबाट हटाएर राजेश झालाई गत वर्ष फागुन ९ गते नियुक्त गरेको थियो। 

नवनियुक्त प्रदेश प्रमुुख मिश्रको जन्म २००२ सालमा महोत्तरीको पिपरामा भएको थियो। ५९ वर्षदेखि राजनीतिमा सक्रिय छन् मिश्र।  उनी बीपी कोइरालाका समकक्षी कांग्रेसी नेता रामनारायण मिश्रका छोरा हुन्। बीपीले २०१६ सालमा नेतृत्व गरेको सरकारमा उद्योग मन्त्री थिए रामनारायण। राजा महेन्द्रले पञ्चायती व्यवस्था लागू गरेपछि रामनारायणलाई समेत बीपीसँगै सुन्दरीजल कारागारमा बन्दी बनाइएको थियो।

बुवा जेलमा परेपछि २०१९ सालबाट राजनीतिमा सक्रिय भएका थिए नवनियुक्त प्रदेश प्रमुख मिश्र। ‘२०१९ सालमा बुवा जेलमा परेपछि प्रजातान्त्रिक आन्दोलनको झण्डा फहराउनकै लागि मैले आन्दोलनको झण्डा बोकेको थिएँ,’ मिश्र सुनाउँछन्, ‘बुवा जेलमा परेपछि आन्दोलन शिथिल हुने र पिपरा गाउँकै नाम डुब्ने डरले बुवाको पथमा अगाडिीबढेको थिएँ।’

रामनारायण पक्राउ परेका बेला छोरा हरिशंकर मिश्रले नै त्यो वर्ष प्रजातन्त्र दिवसको अवसरमा आन्दोलनको झण्डा फहराएका थिए। त्यतिबेला उनी कक्षा ९ मा पढ्थे। प्रजातन्त्र दिवसको अवसरमा झण्डा फहराएको भन्दै मिश्रलाई समेत पक्राउ गरेर जलेश्वर कारागारमा राखिएको थियो। उनी अढाइ महिना जेलमा बसे। पछि नाबालकलाई कारावासमा राखिएको आलोचना भएपछि मात्रै उनलाई छोडिएको थियो। त्यसपछि अनवरत रुपमा उनी प्रजातान्त्रिक आन्दोलनमा सक्रिय भइरहे। 

देशमा प्रजातन्त्रको पुनर्वहाली भएपछि २०४८ सालमा महोत्तरी क्षेत्र नम्बर ३ बाट प्रतिनिधिसभामा निर्वाचन लडे उनी र विजयी पनि भए। तर त्यसपछि २ पटक नेपाली कांग्रेसले सोही क्षेत्रबाट चुनाव लड्नका लागि अवसर दिए पनि उनी असफल भए। २०५१ सालको निर्वाचनमा उनी पराजित भएका थिए। 

प्रदेश प्रमुखमा नियुक्त भएपछि ७६ वर्षिय मिश्रले पार्टी र गठबन्धनको सरकारले आफूमाथि गरेको विश्वासप्रति आभार व्यक्त गरेका छन्। उनले प्रदेश २ सरकार र प्रदेशका जनतासँग छलफल गरेर आफ्नो योजनाको विषयमा खाका तयार पार्ने जानकारी दिए।


प्रकाशित: August 17, 2021 | 12:20:21 काठमाडौं, मंगलबार, भदौ १, २०७८

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
प्रदेश न. २

मधेस प्रदेशसभामा नयाँ-पुराना अनुहारको मिश्रण

प्रदेशसभामा प्रत्यक्ष निर्वाचित ६४ जना र समानुपातिक ४३ जना गरी जम्मा एक सय सात सदस्यीय सांसद चुनिने व्यवस्था रहको छ । अघिल्लो निर्वाचनमा चुनिएका कतिपय सांसद यसपटक पनि पुनःदोहोरिएका छन् भने संसद्को पहिलो अनुभव लिन नयाँ अनुहारको समेत उल्लेख्य सङ्ख्यामा प्रदेशसभामा प्रवेश पाउने भएको छ।
नेपाल समय
प्रदेश न. २

एमालेबाट जसपा हुँदै नेसपा पुगेका रायले जोगाइदिए मधेसमा माओवादीको चुनाव चिह्न

माओवादी केन्द्रले मधेस प्रदेशका चार क्षेत्रमा उम्मेदवारी दिएकामा सबै क्षेत्रको परिणाम आउँदा उनीमात्रै निर्वाचित भएका हुन्। सर्लाही २ बाट सत्ता गठबन्धनकै सहयात्री दल लोकतान्त्रिक समाजवादीका वरिष्ठ नेता राजेन्द्र महतोलाई पराजित गर्दै राय निर्वाचित भएका हुन्।
नेपाल समय
प्रदेश न. २

पर्सा-४ 'क'मा कांग्रेसका शंकर निर्वाचित, एमालेका जयको पराजय

शंकरले १२ हजार १५४ मत ल्याउँदा जयप्रकाशले १० हजार ४ सय ३८ मत ल्याए। पराजित जय एमाले पर्साका अध्यक्ष हुन्।
नेपाल समय
प्रदेश न. २

पर्सा क्षेत्र–२ (१) बाट कांग्रेसका पटेल निर्वाचित

पटेलले १३ हजार ७८४ मत ल्याएका छन् भने जसपाका रामनरेश यादवले १२ हजार १२७ मत प्राप्त गरेका छन्।
नेपाल समय
प्रदेश न. २

मधेस प्रदेशको राजनीतिः पुराना विस्थापित, जनमतको उदय

२०६२–०६३ को परिवर्तनपछि मधेशमा उदाएका राजनीतिक शक्तिलाई पछि पार्दै तत्कालीन प्रधानमन्त्री केपी ओली नेतृत्वको सरकारसँग २०७५ फागुन २४ गते सम्झौता गरेर खुला राजनीतिमा आएका सिके राउत नेतृत्वको जनमत पार्टी अग्रमोर्चामा आउने देखिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना