शुक्रबार, असोज २१, २०७९

माओवादी निकट कर्मचारी संगठनले टेरेन अदालतको आदेश

निशा श्रेष्ठ  |  काठमाडौं, सोमबार, साउन १६, २०७९

निशा श्रेष्ठ

निशा श्रेष्ठ

सोमबार, साउन १६, २०७९, काठमाडौं

नेपाल समय

भरतपुर– नेकपा माओवादी केन्द्र निकट नेपाल राष्ट्रिय कर्मचारी संगठनले अदालतको आदेश अटेर गर्दै जिल्ला समन्वय चितवनको स्वामित्वमा रहेको जग्गा हड्पिएर भवन निर्माण गरिरहेको छ।

संगठनले जिसस चितवनको स्वामित्वमा रहेको जग्गामा स्वीकृतिबेगर भवन निर्माण थालेपछि गत बिहीबार जिससले जिल्ला अदालतमा मुद्दा दायर गरेको थियो।

बिहीबार नै अदालतले अन्तरिम आदेश जारी गर्दै ‘स्टे अर्डर’को निर्देशन दिएको थियो। यद्यपि अदालतले भइरहेको काम रोक्ने आदेश दिए पनि संरचना निर्माणको काम जारी रहेको जिल्ला समन्वय समिति चितवनका प्रमुख नारायणप्रसाद अधिकारी बताउँछन्।

अदालतको  स्टे अर्डरको पत्रसँगै काम रोकिदिन जिल्ला प्रशासन कार्यालय चितवन र जिल्ला प्रहरी कार्यालय चितवनमा निवेदन दिइए पनि सहयोग पाउन नसकेको अधिकारी दाबी गर्छन्।

‘अदालतको स्टे अर्डरको पत्रसहित हामीले काम रोक्न जिल्ला प्रहरी कार्यालय एवं प्रशासनमा पत्र पठाए पनि रोक्ने र संरक्षण गर्ने काममा सहयोग भएन’, उनले भने, ‘सरकारी सम्पत्ति संरक्षणमा सम्बन्धित निकाय मौन देखिन्छन्’, उनले भने। 

जिल्ला समन्वयले मर्मत–सम्भार गरी निःशुल्क भोगाधिकारका लागि  यो जग्गा २०७८ चैत ६ मा यातायात व्यवस्था कार्यालय भरतपुरलाई दिने सम्झौता गरेको थियो। त्यहाँ करिब चार कठ्ठा जग्गासहित भवन प्रयोग गर्ने गरी जिससले यातायात कार्यालयलाई दिएको हो।

जिससले यातयातलाई तीन वर्षको लागि सम्झौता गरेर उपलब्ध गराएको जग्गामा संगठनले हड्पिएर संरचना खडा गरेपछि निर्माण रोकिदिन यातायातले जिससलाई साउन ९ मा पत्र काटेको छ।

जिसस कार्यालय अगाडिको सरकारी अतिथि भवनमा यातायात कार्यालय छिट्टै सर्ने गरी रंगरोगनसहित मर्मत–सम्भारको काम अगाडि बढाइएको थियो। 

भरतपुर–१० मा भाडाको घरबाट सेवा दिँदै आएको यातायात कार्यालयलाई   पार्किङको समस्या रहँदै आएको छ। जिससले उपलब्ध गराएको जग्गामा संगठनले संरचना बनाएपछि यातायात कार्यालय सर्ने÷नसर्नेमा अन्योल देखिएको छ। 

जिल्ला प्रशासन कार्यालय चितवनका प्रमुख अस्मान तामाङ अदालतले नै रोक्ने आदेश दिएको अवस्थामा काम अगाडि बढाउन नमिल्ने बताउँछन्। ‘अदालतले नै आदेश दिएको अवस्था छ। निर्माण रोक्न प्रशासन कानुनअनुसार अगाडि बढ्छ,’ उनी भन्छन्।  

नेपाल राष्ट्रिय कर्मचारी निजामती संगठनकी चितवन  अध्यक्ष कमला न्यौपाने  जिसससँग मौखिक रूपमा सहमति गरेर ४ वर्ष अगाडिदेखि नै आफ्नो संगठनको बोर्ड राखिरहेको दाबी गर्छिन्। ‘हामीले ४÷५ वर्षदेखि नै बोर्ड राख्दै आएका थियौं। त्यो बेला किन केही बोलिएन? हामीले बोर्ड राखेअनुसार नै स–साना टहरा बनाएका हांै’, उनले भनिन्, ‘त्यहाँ अन्य निजामती संगठनका पनि भवन छन्। सोही कारण हामीले पनि खाली जग्गामा अहिलेलाई ठूलो घर होइन, टहरो मात्र बनाउन लागेका हौं।’ 

अध्यक्ष न्यौपाने जिसस स्वामित्वमा रहेको सो जग्गा भोगाधिकारका लागि आफ्नो संगठनले कुनै लिखित सम्झौता नगरेको स्वीकार्छिन्।


प्रकाशित: August 1, 2022 | 14:44:46 काठमाडौं, सोमबार, साउन १६, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
बागमती

काठमाडौं महानगरले डेढ महिनामा भत्कायो १३५ अवैध संरचना

डेढ महिनामा ५६ स्थानका १३५ संरचना भत्काइएको महानगरको जनाएको छ।
नेपाल समय
बागमती

हेटौंडामा धार्मिक विधिपूर्वक फूलपाति भित्र्याइयो

बडादसैँको उपलक्ष्यमा हेटौँडा उपमहानगरपालिका–१० राप्तितडस्थित गोरेक्षश्वर महादेव मन्दिरको परिसरबाट आज बिहान निस्किएको धार्मिक भक्तजनको शुभयात्रासहित ल्याइएको फूलपाती स्थानीय भूटनदेवी मन्दिरको जमरा घरमा धार्मिक विधिपूर्वक भित्र्याइयो ।
नेपाल समय
बागमती

ह्विलचेयरमा मेची-महाकाली यात्रामा सन्देश, अपांगता भएका व्यक्तिलाई हेर्ने दृष्टिकोण फेर्ने अभियान

मेचिदेखी महाकालीसम्मको ह्विलचेयरमा यात्रा। असोज ३ गते संविधान दिवसको अवसरमा सन्देश ह्वीलचेयरमा मेची-महाकाली यात्रामा निस्किएका छन्। पहिलो चरणमा नेपालको मेचीदेखि महाकाली सम्मको यात्रामा निस्केका उनी लगत्तै विश्व यात्रामा निस्कने बताउँछन्।
नेपाल समय
बागमती

पौडी खेल्न नारायणी पसेका किशोर बेपत्ता

जिल्ला प्रहरी कार्यालय चितवनका अनुसार मंगलबार बेपत्ता बालक दिउँसो साढे १२ बजे नदीमा पौडी खेल्न गएका थिए।
नेपाल समय
बागमती

टुकुचामाथिको अतिक्रमण हटाउने काम ठिक भएपनि प्रक्रिया गलत : पूर्वसचिव थापा

महानगरबाट नै पारित भएका नक्साअनुसार बनाइएका संरचनामा वर्षौँदेखि बसोबास गर्दै आएका नागरिकसँग छलफल र परामर्श नगरी योजनाविहीन भएर महानगरले चलाएको डोजर अभियानबारे उनले असन्तुष्टि व्यक्त गरे।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना