शुक्रबार, साउन २७, २०७९

मल नपाउँदा उत्पादन घट्ने चिन्ता

निशा श्रेष्ठ  |  काठमाडौं, आइतबार, असार १९, २०७९

निशा श्रेष्ठ

निशा श्रेष्ठ

आइतबार, असार १९, २०७९, काठमाडौं

नेपाल समय
farmer fertilizer

चितवन– चितवनको खैरहनी नगरपालिका–१३ वैदियाका कृषक श्याम दाहाल मल पाइने आशमा पटक–पटक घर नजिकैको साना किसान सहकारीमा धाइरहन्छन्। तर उनी प्रत्येकपल्ट रित्तो हात फर्कन विवश छन्।

साना किसान सहकारीले मल लैजानका लागि नागरिकताको फोटोकपी माग्यो। उनले बुझाए पनि। तर मल आउँदाको दिनमा भने उनी रित्तै हात फर्किनुपर्यो। ‘सहकारीमा एक दुई चोटी मात्रै मल आएको थियो। भिड थियो, भित्र जानेले पाए मैले त कत्ति पनि पाइनँ,’ उनले गुनासो गर्दै भने, ‘मल आएको छ कि भनेर बेलाबेला जान्छु खै आउने अत्तोपत्तो छैन।’ 

१० कठ्ठामा धान खेती गर्दै आएका उनले मल बिनै धान रोपाइँ सकेको बताए। किसानलाई समयमै मल दिने झुटो आश्वासन दिएर सरकार किसानप्रति जिम्मेवार नभएको उनको आरोप छ। ‘कृषिप्रधान देश भन्नुमात्रै भयो। खै हामीले मल पनि पाउँदैनौं।। आएको पनि टाठाबाठाले लगिहाल्छन्,’ उनले दुखेसो पोखे। 

खैरहनी–१३ कै मैती तामाङको पनि उस्तै गुनासो छ। १५ कठ्ठामा धान खेती गर्दै आएका उनले मलको अभावले उत्पादन घट्ने चिन्ता व्यक्त गरे। ‘अनुदानको १५ केजी मल दिएको थियो। यति मलले एकछेउ पनि हुँदैन। नहाली यत्तिकै राखेको छु,’ उनले भने।

खैरहनीकै बलबहादुर प्याकुरेललाई तत्कालै धानमा हाल्न डेढ क्विन्टल मलको आवश्यक छ। तर उनले १५ केजीमै चित्त बुझाउनुपरेको छ। २ विघामा धान रोपाइँ सकेका उनी पर्याप्त मलको व्यग्र प्रतीक्षामा छन्। ‘धान त रोपियो मेसिनबाट, अब मल नै नपाए त के राम्रो होला र?’ उनले भने।

यता भरतपुर–४ का अर्का कृषक शोभाप्रसाद आचार्यले डेढ विघामा धान खेती गर्दै आएका छन्। उनी आफैं आनन्द कृषि सहकारी संस्थाको अध्यक्ष समेत हुन्। तर खेती गर्ने बेलामा मल नआएपछि उनी दिक्क छन्। ‘मल कहिले आउँछ भन्दै किसानहरु सहकारी धाइरहनुहुन्छ। हामी पनि यहि विषयलाई लिएर महानगर डेलिगेसनका लागि पटक पटक गयौं। अस्ति बल्लबल्ल २० बोरा मल पाएर बाँड्यौं। अब युरियाको अति आवश्यक छ। सम्बन्धित निकायले ध्यान दिनुपर्यो,’ उनले भने। कृषि ज्ञान केन्द्र चितवनका अनुसार चितवनमा बर्खे धान २२ हजार हेक्टरमा लगाइने अनुमान गरिएको छ।

ज्ञान केन्द्र चितवनका प्रमुख युवराज पाण्डेका अनुसार बर्खे धानका लागि चितवनमा रासायनिक मल युरिया ३,३०० मेट्रिक टन, डिएपी २,६४० मेट्रिक टन र पोटास १,९८० मेट्रिक टन आवश्यकता रहेको छ। कुल ७,९२० मेट्रिक टन रासायनिक मलको आवश्यकता भए  पनि युरिया र डिएपी मलको अभाव भने यथावत् रहेको उनले बताए। ‘असारको पहिलो साताभित्र डिएपी मल किसानलाई ५० प्रतिशत बाँडियो तर युरिया मल भने अहिलेसम्म वितरण गरिएको छैन। कृषि सामग्री केन्द्र र साल्ट ट्रेडिङसँग बैठक गर्दा साउनको पहिलो हप्तासम्म आउने कुरा भएको छ,’ उनले भने। रासायनिक मलमा डिएपी  र पोटासको माग केही हदसम्म पूरा भए पनि युरिया मल भने किसानले पाउन सकेका छैनन्।

धान रोपेको ४५ दिनभित्र युरिया मल हाल्न नपाएमा उत्पादन घट्ने सम्भावना रहेको प्रमुख पाण्डेले बताए। ‘धान ३५–४० दिनभित्र गाँजिन थाल्छ। त्यहि बेलामा युरिया मल दिन सक्नुपर्छ। त्यस्तो भएन भने उत्पादन घट्न थाल्छ,’ उनले भने।


प्रकाशित: July 3, 2022 | 15:26:44 काठमाडौं, आइतबार, असार १९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

निर्मला प्रकरण : 'शंकास्पद दोषी' विष्टको बचाउ गर्ने परिवार नै पीडित!

निर्मला हत्या प्रकरणमा प्रहरीले विष्टलाई दोषी करार गर्न खोजेको थियो। आरोप विष्टले स्वीकार पनि गरेका थिए। तर स्थानीयले विष्टको मानसिक सन्तुलन ठीक नभएको र प्रहरीले ‘भीआईपी’ अपराधी जोगाउन ‘निर्दोष’लाई 'बलिको बोको' बनाउन खोजेको भन्दै आन्दोलन गरेका थिए। त्यो भीडमा विष्टबाट यतिबेला दुर्व्यवहार भोगेकी किशोरीको परिवार पनि सहभागी थियो।

०६४ सालमा केपी ओलीलाई हराएका लिङ्देन खोज्दैछन् अर्को 'चान्स'

२०६४ सालको चुनावमा केपी ओलीलाई झापा क्षेत्र नम्बर ५ बाट हराएर चर्चामा आएका लिङ्देन पुनः उनैसँग आउँदो मंसिरको निर्वाचनमा भिड्ने मुडमा छन्।

'सहायक श्रीमान'ले जित्यो उत्कृष्ट डकुमेन्ट्री अवार्ड

अमेरिकाको एटलान्टामा अगस्त ४ देखि ७ सम्म भएको आठौं कब इन्टरनेसनल फिल्म फेस्टिभलमा पाण्डे निर्देशित ‘को–हजबेन्ड’लाई उत्कृष्ट अन्तर्राष्ट्रिय डकुमेन्ट्री फिल्म घोषणा गरिएको हो।

पञ्चायत र प्रजातन्त्रमा चुनाव गराएका सूर्यप्रसाद श्रेष्ठ, जसले बिर्सन सक्दैनन् यस्ता घटना

२०४३ को राष्ट्रिय पञ्चायतको चुनाव र प्रजातन्त्र पुनर्स्थापछिको बहुदलीय चुनाव गराउने अवसर पाएर राजा, कांग्रेस, कम्युनिस्टको रोजाइमा परेका पूर्वनिर्वाचन आयुक्त हुन् सूर्यप्रसाद श्रेष्ठ।

धरातल बिर्सिएका हुन् त धराने मेयरले?

मेयर साम्पाङका हरेक गतिविधि अपरिपक्व लाग्ने गरेका छन्। नीति निर्माण तहमा रहेका उनी घरी रुने, घरी केटाकेटी पाराले सामाजिक सञ्जालमा प्रस्तुत हुने बानीले कार्यपालिका सदस्यहरु आफूहरुलाई लाज लाग्ने गरेको बताउँछन्।

गाउँपालिकासँगको विवादले दुई ठूला सिमेन्ट उद्योगको उत्पादन प्रभावित, गुम्दै करोडौं राजस्व

कपुरकोट गाउँपालिकाले क्लिंकर उत्पादनमा प्रयोग हुने कच्चा पदार्थ चुनढुंगा बोक्ने टिपर सञ्चालनमा अवरोध गरेपछि दुई महिनादेखि सिमेन्ट उत्पादन प्रभावित भएको हो।

त्यसैले विश्वविद्यालयजस्तो छैन त्रिवि

राजनीतिक दलहरूको संगठित दोहन र आन्दोलनका नाममा विद्यार्थी संगठनहरूको निरन्तरको बार्गेनिङले त्रिविलाई खोक्रो बनाइरहेको छ।

प्रकाशमानले भने- फर्स्ट म्यान बनेर देशको विकास गर्ने चाहना छ

नेपाली कांग्रेसका नेता प्रकाशमान सिंहले प्रधानमन्त्री बनेर नेपालको विकास गर्ने चाहना प्रकट गरेका छन्।

कथा, किंवदन्ती र रीतिरिवाजको संयोजन रातो मच्छिन्द्रनाथलाई आँखैअगाडि कोर्दा...

रातो मच्छिन्द्रनाथको रथ निर्माणलाई प्रत्यक्ष हेरेरै १९ वटा चित्र कोरेकी सुशीलाले १६ चित्र भने १६ दिन लगातार बनाएकी थिइन्। उडान सीमाभन्दा बाहिर शीर्षक दिएर उनका चित्रलाई गत १७ जुलाईबाट म्युजियम अफ नेपाली आर्टले प्रदर्शनीमा ल्याएको छ।

काठमाडौं उपत्यकामा भूकम्पको धक्का महसुस

काठमाडौं उपत्यकामा भूकम्पको धक्का महसुस भएको छ।

थप समाचार

नेपाल समय
बागमती

बागमती प्रदेश यातायात कार्यालयमा थपियो १ हजार २१५ कोटा

बागमती प्रदेशको श्रम, रोजगार तथा यातायातमन्त्री घनश्याम दाहालले सवारी चालक अनुमतिपत्रका लागि बायोमेट्रिक्सका लागि तोकिएको दिनको कोटा वृद्धि गर्दै ४:३० बजेदेखि अनलाइन फाराम भर्नेसमेतको व्यवस्था मिलाइएको बताएका छन्। उनका अनुसार मन्त्रालयले बिहीबार सूचना जारी गर्दै उक्त जानकारी गराएको हो ।
नेपाल समय
बागमती

हेटौंडाका उद्योगले चौध करोड भाडा बुझाउन बाँकी

लामो समयदेखि सहुलियत दरमा भाडा लिइरहेको हेटौंडा औद्योगिक क्षेत्र व्यवस्थापन लिमिटेडले चार वर्ष अगाडिको निर्णय कार्यान्वयन गर्दै उद्योगलाई बढेको भाडा रकमसहितको भुक्तानीका लागि बिल पठाएको हो। साउनभित्र भुक्तानी दिएमा बिलको रकममा तीन प्रतिशत छुट, असोज मसान्तसम्म बिलअनुसारको रकम र कात्तिकबाट जरिवाना हुनेसमेत जनाएको छ।
नेपाल समय
बागमती

गाईजात्रा भव्यरूपमा मनाउन नगरपालिकाको आह्वान

कोरोना संक्रमण कारण विगत दुई वर्ष औपचारिकतामा मात्रै सीमित भएको गाईजात्रा पर्व यस वर्ष भक्तपुरमा भव्यरूपमा मनाइने भएको छ।
नेपाल समय
बागमती

भरतपुरमा सडकबाट २५ मिटर खस्यो माइक्रो, १८ जना घाइते

सोमबार दिउँसो ४ बजे नारायणगढ-मुग्लिङ सडक खण्डमा धादिङतर्फ जाँदै गरेको बा ३ ख ८५८८ नम्बरको माइक्रो बस अनियन्त्रित भई सडकबाट २५ मिटर तल खस्दा चालकसहित १८ जना घाइते भएका हुन्।
नेपाल समय
बागमती

माओवादी निकट कर्मचारी संगठनले टेरेन अदालतको आदेश

संगठनले जिसस चितवनको स्वामित्वमा रहेको जग्गामा स्वीकृतिबेगर भवन निर्माण थालेपछि गत बिहीबार जिल्ला अदालतले रोक्न निर्देशन दिए पनि संरचना निर्माण जारी रहेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना