सोमबार, असोज १०, २०७९

कर्णालीका कार्यालय लुम्बिनीमै रहँदा सुरक्षा निकाय परिचालनमा चुनौती

नेपाल समय  |  काठमाडौं, बिहीबार, साउन १९, २०७९

नेपाल समय

नेपाल समय

बिहीबार, साउन १९, २०७९, काठमाडौं

नेपाल समय

सुर्खेत– कर्णाली प्रदेशका आन्तरिक मामिला तथा कानुनमन्त्री हिमबहादुर शाहीले संघीय सरकारको उदासीनताको कारण कर्णालीका नागरिकको सुरक्षामा चुनौती देखिएको बताएका छन्। कर्णालीमा हुनुपर्ने सुरक्षा निकायका संरचना लुम्बिनी प्रदेशमै राखिँदा सुरक्षा निकायसँगको समन्वय र परिचालनमा समस्या भएको मन्त्री शाहीको गुनासो छ।

कर्णाली प्रदेश प्रहरी कार्यालयले वीरेन्द्रनगरमा आयोजना गरेको कर्णाली प्रदेशअन्तर्गतका जिल्ला प्रहरी प्रमुख तथा अनुसन्धान अधिकृतका लागि स्तरीय अपराध अनुसन्धान समीक्षा गोष्ठीमा मन्त्री शाहीले कर्णालीका सुरक्षा निकायका संरचना लुम्बिनी प्रदेशमा रहेकाले जतिसक्दो छिटो सार्न संघीय सरकारसँग माग गरे।

‘प्रहरीलाई कुन सरकार मातहत राख्ने स्पष्ट कानुन बनाउन ढिलाइ भएको छ,’ मन्त्री शाहीले भने, ‘अर्को प्रदेशमा कार्यालय राखेर प्रदेश सरकारले कसरी कर्णालीका नागरिकको सुरक्षा गर्न सक्छ?’ 

कर्णाली भौगोलिक रूपमै विकट भएको कारण आपतकालीन उद्धारमा पनि सुरक्षा निकाय परिचालन गर्न नसकिएको उनको दाबी छ। सीमित स्रोत–साधनबीच प्रहरीले नागरिकको सुरक्षा र अपराध नियन्त्रणमा महथ्त्वपूर्ण भूमिका खेलेको भन्दै उनले सुरक्षा निकायको प्रशंसा गरे।

प्रहरीका महत्त्वपूर्ण संरचना स्थापनाका लागि प्रदेश सरकारलाई अधिकार नहुँदा नागरिकको सुरक्षामा थप चुनौती थपिएको मन्त्री शाहीको जिकिर छ। कर्णाली प्रदेश प्रहरी तालिम केन्द्र, दंगा नियन्त्रण प्रहरी गण र के नाइन (प्रहरीको कुकुर तालिम केन्द्र)लगायतका कार्यालय बाँकेमै छन्। प्रदेश प्रहरी मातहतको प्रहरी तालिम केन्द्र बाँकेको नेपालगञ्जबाट सञ्चालन हुँदा सेवाग्राहीलाई असहज हुने गरेको छ।

सुरक्षा निकायका संरचना कर्णालीमा नलगिँदा  अपराध नियन्त्रण तथा शान्ति–सुरक्षामा थप जटिलता थपिएको छ। ‘कर्णालीमा कुनै हिंसात्मक गतिविधि, आन्दोलनमा हुने अवाञ्छित क्रियाकलाप नियन्त्रण गर्न अन्य जिल्लाबाट थप प्रहरी बल ल्याउनुपर्ने बाध्यता छ’, कर्णाली प्रदेश प्रहरी कार्यालय सुर्खेतका प्रमुख प्रहरी वरिष्ठ उपरीक्षक (एसएसपी) माधवप्रसाद श्रेष्ठले भने।

कर्णालीको भुगोल सुहाउँदो सुरक्षा जनशक्ति, भौतिक संरचना, आवश्यक स्रोत–साधन अभावबीच पनि अपराध नियन्त्रण र शान्ति–सुरक्षा कायम गर्न नेपाल प्रहरीले सरकारलाई सघाउँदै आएको उनको भनाइ छ।

कर्णाली प्रदेशका १० वटै जिल्लाका प्रहरी प्रमुखको सहभागिता रहेको गोष्ठीले प्रदेश सुरक्षास्थिति, अपराध अनुसन्धानमा भएका प्रगति, अपराधका प्रकृतिको समीक्षा गर्दै आगामी सुरक्षा रणनीति बनाउनेछ।


प्रकाशित: August 4, 2022 | 12:18:05 काठमाडौं, बिहीबार, साउन १९, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
कर्णाली

अव्यवस्थित ढल र पार्किङले प्रदेश राजधानी अस्तव्यस्त

सुर्खेतको वीरेन्द्रनगर अति व्यस्त सहर बनेको छ। संघीयता कार्यान्वयनसँगै प्रदेश राजधानीको केन्द्र बनेको वीरेन्द्रनगरका सडकमा दोहोरो सवारी साधनको ताँती लाग्छ। राजधानी बनेसँगै वीरेन्द्रनगर व्यवस्थित ढल निकास, फोहोर मैला र पार्किङको व्यवस्था नहुँदा अस्तव्यस्त बनेको छ।
नेपाल समय
कर्णाली

कर्णालीमा जग्गा वर्गीकरणमा ढिलाइ

हरेक स्थानीय तहले जग्गालाई बसोबास, आवास, कृषि लगायतका १० क्षेत्रमा वर्गीकरण गर्नुपर्ने छ। तर कर्णालीका स्थानीय तहले त्यसको प्रक्रिया सुरु गर्न सकेका छैनन्।
नेपाल समय
कर्णाली

कर्णालीका ५३ प्रतिशत नागरिक परिवार नियोजनका साधनको पहुँचमा

यस वर्ष अघिल्लो आवमा झण्डै दुई लाख बजेट कम हुँदा परिवार नियोजनका आधुनिक साधनको पहुँच विस्तार र जनचेतनामूलक कार्यक्रम सञ्चालन गर्न कठिनाइ हुने बताइएको छ।
नेपाल समय
कर्णाली

हुम्लामा दैनिक विद्यार्थी बिरामी हुँदा विद्यालय बन्द

हुम्लाको सर्केगाड गाउँपालिका-१ जैरमा विद्यार्थी बिरामी हुँदा विद्यालय बन्द भएको छ। जैरको तुम्चस्थित देवल आधारभूत विद्यालयका विद्यार्थी हुँदा आइतबारसम्मका लागि विद्यालय बन्द गरिएको हो।
नेपाल समय
कर्णाली

२१ परीक्षार्थी लोकसेवा आयोगको कारबाहीमा

गत जेठ २१ गते कर्णाली प्रदेश लोकसेवा आयोगले लिएको परीक्षामा आफ्नो नाम र फोन नम्बर लेख्ने २१ जना परीक्षार्थीलाई कारबाही गरिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना