बिहीबार, मंसिर २२, २०७९

हुम्लामा पौडेल समूहद्वारा वडादेखि जिल्ला तहसम्म समानान्तर कमिटी घोषणा

देव राना  |  काठमाडौं, सोमबार, असोज १८, २०७८

देव राना

देव राना

सोमबार, असोज १८, २०७८, काठमाडौं

नेपाल समय
पौडेल समूहले घोषणा गरेको समानान्तर कमिटीका पदाधिकारीहरु।

सुर्खेत- हुम्लामा नेपाली कांग्रेसमा आन्तरिक विवाद चर्किएको छ। पार्टी सभापति एवम् प्रधानमन्त्री शेरबहादुर देउवा र वरिष्ठ नेता रामचन्द्र पौडेल समूहबीच विवाद् बढेको हो। देउवा समूहले वडादेखि जिल्ला कमिटीसम्म एकलौटी गरेको आरोप लगाउँदै पौडेल समूहले सोमबार समानान्तर जिल्ला कमिटी गठन गरेको छ। 

रामबहादुर भण्डारीको सभापतित्वमा समानान्तर जिल्ला कमिटी घोषणा गरेको हो। जसको उपसभापतिमा पेमा तामाङ र तिलक शाही, सचिवमा चन्दा फडेरा र लाकेन्द्र बहादुर लामा, सहसचिवमा राजप्रसाद जैसीलाई छन्। 

त्यस्तै सदस्यहरुमा खुल्लातर्फ घमण्डी मल्ल, छिरिङयाङजु लामा, धर्मदत्त फडेरा, जनक शाही, जगतबहादुर धामी, जस फडेरा, सुनिता बुढा चयन भएका छन्।  दलिततर्फको सदस्यमा लालकला बिक, जनजाति सदस्यमा पासाङ बुढाथोकी, जनक तामाङ, खसआर्य महिला सदस्यतर्फ नानिकला शाही, मायादेवि शाही र खस-आर्यतर्फ दाने फडेरा, बिक्रम बुढा र अन्यतर्फ प्रेमबहादुर बढाथोकी, दिपक बुमी, पे्रमा सुनार र गुठबहादुर सिंह चयन भएको पौडेल समूहकी नेतृ रीता शाहीले जानकारी दिइन्। हुम्लामा शनिबार मात्रै देउवा समूहले मोहनबिक्रम सिंहको नेतृत्वमा जिल्ला कमिटी गठन गरेको थियो।

हुम्लामा पौडेल समूहले प्रदेश निर्वाचन क्षेत्रमा समेत समानान्तर कमिटी गठन गरेको छ। पार्टीका वरिष्ठ नेता पौडेल पक्ष प्रदेश निर्वाचन क्षेत्र नम्बर (क) लाकेन्द्र भण्डारी र निर्वाचन क्षेत्र नम्बर (ख) मा जनक शाहीको नेतृत्वमा समानान्तर कमिटी घोषणा गरेको छ।

देउवा समूहले निर्वाचन अधिकृतलाई हातमा लिएर एकलौटी रुपमा कमिटीहरु गठन गरेपछि समानान्तर कमिटी गठन गर्नुपरेको पौडेल समूहको भनाइ छ।

‘देउवा समूहले वडाबाटै एकलौटी गर्‍यो, उजुरी दिन खोज्दा पनि निर्वाचन अधिकृत भेट्न चाहेनन्,’ नेतृ शाहीले भनिन्, ‘नेता र कार्यकर्ताहरुलाई अन्याय गरेपछि समानान्तर कमिटी गठन गर्न बाध्य भएका हौँ।’ हुम्लामा कांग्रेसले देउवा समूह निकट सुर्खेतका दुर्गाप्रसाद सापकोटा निर्वाचन अधिकृत तोकेको थियो।

जिल्लामा कांग्रेस केन्द्रीय सदस्य एवम् कर्णाली प्रदेशसभा कांग्रेस संसदीय दलका नेता जीवनबहादुर शाहीले देउवा समूह र पूर्व सांसदसमेत रहेकी नेतृ शाहीले पौडेल समूहेको नेतृत्व गर्दै आएका छिन्। तुलनात्मक रुपमा देउवा समूहको बलियो पकड छ।


प्रकाशित: October 4, 2021 | 21:29:17 काठमाडौं, सोमबार, असोज १८, २०७८

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
कर्णाली

दोस्रो कार्यकालको तयारी गर्दै कर्णाली प्रदेश

प्रदेश सभा निर्वाचनको प्रत्यक्ष र समानुपातिकतर्फको मतगणना सकिएसँगै प्रदेश सभा सचिवालयले तयारीलाई तीव्रता दिएको हो।
नेपाल समय
कर्णाली

कर्णाली प्रदेशमा प्रत्यक्षतर्फ महिला शून्य, एक मात्र दलित सदस्य निर्वाचित

मंसिर ४ गते सम्पन्न प्रतिनिधिसभा तथा प्रदेशसभा निर्वाचन अन्तर्गत हुम्ला प्रदेश (क) बाट नेकपा माओवादी केन्द्रका रनसिंह परियार निर्वाचित भएका हुन्।
नेपाल समय
कर्णाली

यस्तो छ कर्णालीको निर्वाचन नतिजा

अन्तिम नतिजाअनुसार प्रतिनिधिसभामा नेकपा (माओवादी (केन्द्र) र नेपाली कांग्रेसले समान चार–चार सिट जितेका छन् भने नेकपा (एकीकृत समाजवादी)ले तीन सिट जितेको छ। राप्रपाले एउटा सिटमा जित हात पार्दा नेकपा (एमाले) शून्यमा झरेको छ।
नेपाल समय
कर्णाली

प्रकाश ज्वाला चौथोपटक सांसद निर्वाचित

सल्यानबाट प्रतिनिधिसभा सदस्यमा नेकपा एकीकृत समाजवादीका प्रकाश ज्वाला विजयी भएका छन्।
नेपाल समय
कर्णाली

दैलेख १ मा एमालेका शर्मालाई हराउँदै नेकपा एसका थापा निर्वाचित

दैलेख निर्वाचन क्षेत्र नं १ मा सत्तारूढ गठबन्धनका अम्मरबहादुर थापा विजयी भएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना