बुधबार, माघ २५, २०७९
कर्णालीका स्थानीय तह

भाडामै सकियो करोडौं, भवन बनाउने सुरसार छैन

देव राना  |  काठमाडौं, शनिबार, भदौ १२, २०७८

देव राना

देव राना

शनिबार, भदौ १२, २०७८, काठमाडौं

नेपाल समय

सुर्खेत- डोल्पाको ठूली भेरी नगरपालिकाको घरभाडामा वार्षिक झण्डै चार लाख छ। जनप्रतिनिधि आएको चार वर्ष वितिसक्दा पनि नगरपालिकाले आफ्नो भवन बनाउने सुरसार गरेको छैन।

बजेट अभावका कारण भवन निर्माणको काम अघि बढ्न नसकेको नगरप्रमुख गणेशबहादुर शाही बताउँछन्।

‘बल्लतल्ल भवनका लागि जग्गा व्यवस्थापन भएको छ,’ नगरप्रमुख शाही भन्छन्, ‘नगरपालिकाको आफ्नो स्रोत छैन। संघ र प्रदेशले भवन बनाउन बजेट दिँदैनन्। अनि कसरी बन्छ भवन ?’

भवन निर्माणका लागि संघ र प्रदेशमा तीन–चार पटक रकम माग गर्दा पनि बजेट पाउन नसकेको उनले बताए।

‘अलि अलि राजश्व संकलन गरेर वडाका भवन बनायौं,’ उनले भने, ‘भवन बनाउन कम्तिमा पाँच करोड लाग्छ। पालिकाको भवन हो कटेरो हाल्ने कुरा भएन।’

हुम्ला ६ स्थानीय तह पनि भाडाकै घरमा छन्। घरभाडामा वार्षिक लाखौं रकम खर्च हुने भए पनि आफ्नै भवन निर्माणको काम भने अघि बढेको छैन। कहिँ भवनको लागि जग्गा छैन भने कहिँ भवन बनाउन बजेट छैन।
आन्तिरिक स्रोतबाट ११ वटै वडाको भवन निर्माण गरिसकिएको उनले बताए। ‘वडाको भवन बनाउन त एक–डेढ करोड भए पुग्छ,’ उनले थपे।

ठूलीभेरी नगरपालिका मात्रै होइन। डोल्पाको डोल्पाबुद्ध, काइके, छार्काताङ्सोङ र मुड्केचुला गाउँपालिकाको आफ्नो भवन छैन। उनीहरुले पनि बजेट अभावका कारण भवन निर्माण गर्न नसकेको बताउँछन्। तर घर भाडामा वार्षिक लाखौं रकम खर्च हुँदै आएको छ।

हुम्ला ६ स्थानीय तह पनि भाडाकै घरमा छन्। घरभाडामा वार्षिक लाखौं रकम खर्च हुने भए पनि आफ्नै भवन निर्माणको काम भने अघि बढेको छैन। कहिँ भवनको लागि जग्गा छैन भने कहिँ भवन बनाउन बजेट छैन।

जग्गा अभावकै कारण नाम्खाको गाउँपालिकामा भवन निर्माणका लागि आएको ७१ लाख बजेट फ्रिज भएको छ। आर्थिक वर्ष ०७६/०७७ मा ३१ लाख र ०७७/०७८ मा ४० लाख बजेट फ्रिज गएको गाउँपालिकाले जनाएको छ।

जग्गा अभावका कारण भवन निर्माण हुन नसकेपछि एक स्थानीयले दाताले ८० वर्गमिटर जग्गा गाउँपालिकालाई उपलब्ध गराएका छन्। उक्त जग्गा गाउँपालिकाको नाममा आइसकेको भने छैन।

हुम्लाका सिमकोट, अदानचुली, ताँजाकोट, चंखेली, सर्केगाड र नाम्खा गाउँपालिकको आफ्नो भवन छैन। हुम्लामा खार्पुनाथ गाउँपालिकाबाहेक अन्य स्थानीय तहको आफ्नो भवन छैन।

जाजरकोटका चेडागाड नगरपालिका, जुनिचाँदे गाउँपालिका, नलगाड र भेरी नगरपालिकाको पनि भाडाको भवनबाट सञ्चालन हुँदै आएको छन्।

यो वर्ष मात्रै छेडागाड र जुनिचाँदेले भवन निर्माणका लागि बजेट छुट्याएका छन्। भेरी र नलगाडका भवन निर्माणाधीन छन्।

केन्द्र र प्रदेश सरकारले भवन निर्माणका लागि बजेट नदिनु, पालिकाको आन्तिरिक स्रोत नहुनु र भवन बनाउन चाहे पनि स्थानीय सरकारको नाममा जग्गा नहुँदा अधिकांश स्थानीय तहले भवन भवन निर्माण गर्न नसकेका हुन्।

भेरीले एक करोड २५ लाखमा लिफ्टसहित भवन फिनिसिङ्को काम भइरहेको जनाएको छ। कर्णाली प्रदेशका अधिकांश पालिकाका आफ्ना भवन छैनन्।

केन्द्र र प्रदेश सरकारले भवन निर्माणका लागि बजेट नदिनु, पालिकाको आन्तिरिक स्रोत नहुनु र भवन बनाउन चाहे पनि स्थानीय सरकारको नाममा जग्गा नहुँदा अधिकांश स्थानीय तहले भवन भवन निर्माण गर्न नसकेका हुन्।

‘भवन बनाउने बजेट स्थानीय तहमा छैन,’ गाउँपालिका महासंघ कर्णाली प्रदेशका संस्थापक अध्यक्ष कविन्द्रकुमार केसी भन्छन्, ‘बजेट तथा जग्गा अभावमा भवन निर्माणमा समस्या परेको हो।’

बन्यो सिम्ताको भवन

सुर्खेतको सिम्ता गाउँपालिकाले भने तीन करोडमा पालिका भवन निर्माण गरेको छ। गाउँपालिकाको चामुने बजार नजिकैको फाँटमा भवन निर्माण गरेको हो। यद्यपी विद्युत् वाइरिङलगायतका काम बाँकी छन्। विद्युत वाइरिङको काम सम्पन्न भएसँगै कार्यालय बजारबाट सारिनेछ। 

गाउँपालिकाको आफ्नो भवन नहुँदा सेवा प्रवाहमा समस्या भोग्दै आएको थियो। हाल गाउँपालिकाले तत्कालीन स्वास्थ्य चौकी भवन रहेको सेवा प्रवाह गर्दै आएको छ।

चौकुने र पञ्चपुरले भवन बनाउँदै

सुर्खेतको चौकुने गाउँपालिका र पञ्चपुरी नगरपालिकाले भवन निर्माण थालेको छन्। चौकुनेले करिव तीन करोडको लागतमा भवन निर्माण थालेको अध्यक्ष धिरबहादुर शाहीले बताए। ‘तीन तलाको योजना हो, दुई तला बनिसक्यो’ अध्यक्ष शाहीले भने, ‘चालू आर्थिक वर्षमा पुरै भवन निर्माण हुन्छ।’ झण्डै एक हजार नागरिक अटाउनसक्ने हलबाट सबै सेवाहरु प्रवाह हुँदै आएको छ। 

पञ्चपुरी नगरपालिकाले लिफ्ट सुविधासहितको भवन निर्माण थालेको छ। दीर्घकालीन आवश्यकतालाई मध्यनजर गर्दै सुविधा सम्पन्न भवन निर्माण थालेको नगरप्रमुख उपेन्द्रबहादुर थापाले जनाए। करिव ६ करोडको लागतमा भवन निर्माण सुरु भएको हो। भवन निर्माण भएपछि सबै सेवाहरु एकै ठाउँमा प्रवाह गरिने छ। भवनमा हलसहित ४४ वटा कार्य कोठाहरु हुनेछन्। अपाङ, जेष्ठ नागरिकलाई समेत सेवा लिन सहज होस् भन्ने उद्देश्यले लिफ्ट सुविधा सहितको भवन निर्माण थालिएको हो।

भवन निर्माणका लागि नगरपालिकालाई भने आर्थिक व्यवस्थापनमा चुनौती थपिएको छ। ६ करोडमा निर्माण भइरहेको भवनका लागि नगरपालिकाले तीन करोड बजेट मात्रै छुट्याएको छ। बाँकी तीन करोड रुपैयाँ व्यवस्थापन गर्न समस्या भएको नगरप्रमुख थापाले बताए। ‘भवन बनाउन संघ र प्रदेशले बजेट दिएन, नगरपालिकाले तीन करोड मात्रै छुट्याउन सक्यो’ उनले भने, ‘कार्यकाल सकिन थालिसक्यो अव, ऋण गरेर भए पनि भवन बनाउनु छ।’


प्रकाशित: August 28, 2021 | 06:31:40 काठमाडौं, शनिबार, भदौ १२, २०७८

तपाईं को प्रतिक्रिया

ट्रेंडिंग

अनाथालय प्रमुख नै बलात्कारी !

बालिका बलात्कारको आरोपमा चन्द गत माघ १७ गते अनाथालयबाटै पक्राउ परेका हुन्।

सरकारबाट बाहिरिएका रास्वपाका मन्त्रीले किन गरेनन् पत्रकार सम्मेलन?

राष्ट्रिय स्वतन्त्र पार्टी (रास्वपा) आइतबार नै सरकारबाट बाहिरिसकेको छ।

संसद् भवन अगाडि भिख माग्दै बालिका

अकासेपुलमा भिख माग्नका लागि राखिएकी एक अबोध बालिका

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

आउने चुनावमा बहुमत ल्याएर प्रधानमन्त्री हुन्छु: रवि

राष्ट्रिय स्वतन्त्र पार्टीका सभापति रवि लामिछानेले आगामी चुनावमा आफ्नो पार्टीले बहुमत ल्याउने र आफू प्रधानमन्त्री हुने उद्घोष गरेका छन्

नारायणकाजीसँग मन्त्रालय साटफेरको चर्चा, मान्लान् रवि?

राष्ट्रिय स्वतन्त्र पार्टी सरकारमा रहने कि बाहिरिने चर्चा चलिरहेको समयमा सत्ता गठबन्धन दलभित्र पार्टी सभापति रवि लामिछानेलाई भौतिक पूर्वाधार मन्त्रालय दिएर मनाउने तयारी भएको बताइएको छ।

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

थप समाचार

नेपाल समय
कर्णाली

ठेक्का लागेको सात वर्षमा पनि बनेन भेरीमा पुल

पछिल्लो पटक थपिएको म्याद २०७७ पुस ३० गतेभित्र निर्माण हुनुपर्ने भए पनि हालसम्म सकिएको छैन।
नेपाल समय
कर्णाली

कर्णालीका मुख्यमन्त्रीले कर्मचारीलाई दिए ६१ बुँदे निर्देशन [पूर्णपाठ]

कर्णाली प्रदेशका मुख्यमन्त्री राजकुमार शर्माले प्रदेश सरकारका प्रमुख सचिव र सचिवसहितका कर्मचारीलाई ६१ बुँदे निर्देशन दिएका छन्। माघ १७ गते शर्माले निर्देशनको खाका तयार गरेर सार्वजनिक गरेका छन्।
नेपाल समय
कर्णाली

फुटबल खेलाउँदै आमा

२०७८ वैशाख २९ गते मल्लको निधन भएको थियो।
नेपाल समय
कर्णाली

मेलामा हात्तीको मूर्ति

दर्शकलाई आकर्षण गर्न राखिएको हात्तीको मूर्ति ।
नेपाल समय
कर्णाली

वीरेन्द्रनगर हेर्दै प्याराग्लाइडिङ

वीरेन्द्रनगरको अवलोकन गर्नेगरी व्यावसायिक प्याराग्लाइडिङ सुरु गरिएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना