आइतबार, असोज १६, २०७९

कर्णालीमा आफ्नैले साथ छोड्दा माधव नेपाल कमजोर

देव राना  |  काठमाडौं, शुक्रबार, भदौ ४, २०७८

देव राना

देव राना

शुक्रबार, भदौ ४, २०७८, काठमाडौं

नेपाल समय

सुर्खेत- नेकपा एमालेका युवा नेता विष्णु रिजाल कुनै समय माधवकुमार नेपालका विश्वास पात्र थिए। पछिल्लो पटक २०६६ सालमा प्रधानमन्त्री हुँदा रिजालले नेपालको किचेन क्याविनेटमा रहेर प्रेस संयोजकको भूमिका निभाएका थिए। दैलेख स्थायी घर भएका रिजाल र नेपालको सम्बन्ध लामो समय टिक्यो। 

नेपाल समूहमा हुँदा रिजाल एमाले अध्यक्ष केपी शर्मा ओलीको कट्टर विरोध थिए। २०७७ फागुन २३ गतेसम्म नेपाल समूहमै रहेका रिजालले एकाएक साथ छोडे। २३ फागुनमा सर्वोच्च अदालतले एमाले र माओवादी केन्द्रलाई पूर्ववत् अवस्थामा फर्काइदिएपछि नेपाल अप्ठेरोमा थिए। विवाद उत्कर्षमा पुग्दै थियो। नेपाल पार्टी भित्रै संकटपूर्ण अवस्थामा थिए। संकटकै घडीमा रिजालले नेपालको साथ छोडिदिए।

एमाले सुर्खेतका अध्यक्ष एवम् प्रतिनिधिसभा सदस्य ध्रुवकुमार शाही केही समय अघिसम्म माधव नेपाल समूहका भरोसायोग्य नेता थिए। नेपाल समूहबाटै नऔं महाधिवेशनबाट सुर्खेत अध्यक्षमा निर्वाचित भए। २०७४ सालको निर्वाचनमा नेपाल समूहको भागबाटै चुनाव लडे। २०७८ बैशाख २७ गतेसम्म नेपाल समूहमै रहेका उनले त्यसयता उनको समूह छोडिसकेका छन्। संसदमा ओलीले विश्वासको मत दिने बेला शाहीले नेपालको साथ छोडेका हुन्। उनले कित्ता परिवर्तन गरेसँगै सुर्खेतमा नेपाल पक्ष कमजोर बनेको छ।

विश्वास पात्रहरूले साथ छोड्नु र लामो समयदेखि एउटै मोर्चामा रहेका नेताहरू नयाँ पार्टीमा नखुलेपछि कर्णालीमा माधव नेपालको पार्टी कमजोर बन्ने संकेत देखिएको छ। 

दैलेखका प्रतिनिधिसभा सदस्य राजबहादुर बुढा पनि लामो समयदेखि नेपाल समूहमा थिए। गएको बैशाख २७ गतेदेखि बुढा पनि नेपालको मुद्दामा अडिक रहन सकेनन्। नेपाल समूहले ओलीलाई विश्वासको मत नदिने अडानमा रहेकै बेला उनले विश्वासको मत दिए। त्यसपछि पनि नेपाल समूहमै फर्किए। तर, लामो समय अटाउन सकेनन्। बुधबार माधवकुमार नेपालले आफ्नो नेतृत्वमा नेकपा (समाजवादी) पार्टी गठन गरे। नेपालको नयाँ पार्टीमा बुढा अटाउन सकेनन्।

कर्णाली प्रदेशसभा सदस्य करविर शाही लामो समयदेखि माधव नेपाल समूहमा लागे। नऔं महाधिवेशनमा नेपाल समूहबाट चुनाव लडेर एमाले जाजरकोटको जिल्ला अध्यक्षमा निर्वाचित भए। २०७४ सालको निर्वाचनमा नेपाल समूहबाट टिकट पाए। सांसद भएपछि पनि नेपाल समूहमै रहे। तर, बुधबार नेपालले गठन गरेको नयाँ पार्टीलाई साथ दिन सकेनन्।

रिजाल, शाहीद्वय र बुढामात्रै होइन। माधवकुमार नेपाललाई लामो समयदेखि साथ दिँदै आएका कर्णालीका नेताहरूले पछिल्लो समय उनको साथ छोडेका छन्। ४ महिना अघिसम्म कर्णाली प्रदेशमा नेपाल समूह बलियो थियो। सल्यानका प्रकाश ज्वाला, दैलेखका राजबहादुर बुढा, विष्णु रिजाल, अम्मरबहादुर थापा,  सुर्खेतका ध्रुवकुमार शाही, मुगुका चन्द्रबहादुर शाही, कालीकोटका कुर्मराज शाही, जाजरकोटका करविर शाही र निरज आचार्य लगायतका प्रभावशाली नेता नेपाल समूहमा थिए। तर, अहिले ज्वाला, थापा, कुर्मरामात्रै खुलेका छन्। 

तत्कालीन नेकपाको केन्द्रीय सदस्य बनिसकेका निरज आचार्य माधव नेपालको नयाँ पार्टीको केन्द्रीय सदस्यमा अटाएका छैनन्। केन्द्रीय सदस्य बनेका चन्द्रबहादुर शाही पनि अहिले आफू एमालेमै रहेको बताउँछन्।

अहिले एमालेमा सुर्खेतका यामलाल कँडेल, सुर्खेतका ध्रुवकुमार शाही, पूर्व स्वास्थ्य राज्यमन्त्री नवराज रावत, दैलेखका विष्णु रिजाल, सल्यानका गुलावजंग शाह, जाजरकोटका करविर शाही, हुम्लाका गोरख बोगटी, पूर्व सामाजिक विकास मन्त्री दल रावल लगायत नेताहरू छन्।

एमालमा अन्तरसंघर्ष उत्कर्षमा पुगेकै बेला केही नेताले नेपालको साथ छोडे। बाँकी रहेका नेताहरूले पनि बुधबारदेखि नयाँ पार्टी गठन गरेदेखि साथ छोडि दिएका छन्। कर्णालीमा विश्वास पात्र भनिकै व्यक्तिहरूले संकटमा नेपाललाई साथ दिएका छैनन्। बुधबारसम्म नेपाल समूहमै रहेका प्रतिनिधि तथा प्रदेशसभा र स्थानीय तहका नेताहरू नयाँ पार्टीमा खुलेका छैनन्। 

विश्वास पात्रहरूले साथ छोड्नु र लामो समयदेखि एउटै मोर्चामा रहेका नेताहरू नयाँ पार्टीमा नखुलेपछि कर्णालीमा माधव नेपालको पार्टी कमजोर बन्ने संकेत देखिएको छ। यद्यपी नेपालको एमाले समाजवादीका नेताहरूले भने पहिलेको सम्पूर्ण शक्ति आफूसँगै रहेको दाबी गर्दै आएको छ। ‘पार्टीले औपचारिक मान्यता पाउन बाँकी रहेका कारण सबै कमरेडहरू खुल्लु भएको छैन,’ कर्णाली प्रदेश सरकारका भौतिक पूर्वाधार तथा शहरी विकास मन्त्रीसमेत रहेका अम्मरबहादुर थापाले भने, ‘तीन हप्ता मात्रै कुरौं, हाम्रो शक्ति स्पष्ट देखिनेछ।’ औपचारिक रूपमै पार्टी फुटिसकेको भन्दै उनले ओलीको तानाशाही प्रवृतिले कर्णालीका धेरै नेता नयाँ पार्टीमा सहभागी हुने दाबी गरे। 

एमाले प्रदेश कमिटीले भने एमालेको फुटले कर्णालीमा कुनै असर नगर्ने दाबी गरेको छ। ‘चित्त नबुझेका केही साथीहरू फाखा लाग्नु भएको छ, त्यसले पार्टीलाई खासै फरक पर्दैन,’ एमाले प्रदेश कमिटी अध्यक्ष गोरख बोगटीले भने, ‘थोरै असर त पर्ने भयो तर त्यति ठूलो अर्थ राख्दैन।’ प्रदेशका प्रभावशाली नेताहरू मूल पार्टीमै रहेको बताउँदै उनले दुई चार जना व्यक्तिको पछि जनताको भरोसा नहुने तर्क गरे। 

अहिले एमालेमा सुर्खेतका यामलाल कँडेल, सुर्खेतका ध्रुवकुमार शाही, पूर्व स्वास्थ्य राज्यमन्त्री नवराज रावत, दैलेखका विष्णु रिजाल, सल्यानका गुलावजंग शाह, जाजरकोटका करविर शाही, हुम्लाका गोरख बोगटी, पूर्व सामाजिक विकास मन्त्री दल रावल लगायत नेताहरू छन्।


प्रकाशित: August 20, 2021 | 08:52:02 काठमाडौं, शुक्रबार, भदौ ४, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
कर्णाली

सुर्खेतबाट तीन हजार ९०० खसी काठमाडौं पठाइयो

बडादसैँका लागि सुर्खेतबाट तीन हजार नौ सय खसीबोका राजधानी पठाइएको छ। सुर्खेतको बराह ताल गाउँपालिका, भेरीगङ्गा नगरपालिका र वीरेन्द्रनगर नगरपालिकामा रहेका विभिन्न सामाजिक उद्यमी महिला सहकारीमा आवद्ध महिला सदस्यले पालेका तीनहजार ९५८ वटा खसी काठमाडौँ पठाइएको हो।
नेपाल समय
कर्णाली

फेरिए चन्दननाथका लिङ्‍गा

जुम्लावासीले चन्दननाथ र बटुक भैरवनाथको मन्दिरमा ५२ हातको लिङ्‍गो, ५२ हातको ध्वजा र नेजा लगाएर घटास्थापना सुरु गर्छन्। घटस्थापनाकै दिन बटुक भैरवनाथ मन्दिरमा भने ४८ हातको लिङ्‍गो र ४८ हातकै ध्वजा र नेजा सहितको लिङ्‍गा फेरिन्छ।
नेपाल समय
कर्णाली

अव्यवस्थित ढल र पार्किङले प्रदेश राजधानी अस्तव्यस्त

सुर्खेतको वीरेन्द्रनगर अति व्यस्त सहर बनेको छ। संघीयता कार्यान्वयनसँगै प्रदेश राजधानीको केन्द्र बनेको वीरेन्द्रनगरका सडकमा दोहोरो सवारी साधनको ताँती लाग्छ। राजधानी बनेसँगै वीरेन्द्रनगर व्यवस्थित ढल निकास, फोहोर मैला र पार्किङको व्यवस्था नहुँदा अस्तव्यस्त बनेको छ।
नेपाल समय
कर्णाली

कर्णालीमा जग्गा वर्गीकरणमा ढिलाइ

हरेक स्थानीय तहले जग्गालाई बसोबास, आवास, कृषि लगायतका १० क्षेत्रमा वर्गीकरण गर्नुपर्ने छ। तर कर्णालीका स्थानीय तहले त्यसको प्रक्रिया सुरु गर्न सकेका छैनन्।
नेपाल समय
कर्णाली

कर्णालीका ५३ प्रतिशत नागरिक परिवार नियोजनका साधनको पहुँचमा

यस वर्ष अघिल्लो आवमा झण्डै दुई लाख बजेट कम हुँदा परिवार नियोजनका आधुनिक साधनको पहुँच विस्तार र जनचेतनामूलक कार्यक्रम सञ्चालन गर्न कठिनाइ हुने बताइएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना