बिहीबार, माघ १९, २०७९

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

काशीराम बजगाई  |  काठमाडौं, सोमबार, मंसिर १९, २०७९

काशीराम बजगाई

काशीराम बजगाई

सोमबार, मंसिर १९, २०७९, काठमाडौं

नेपाल समय

काठमाडौं– नगर कार्यपालिकामा छलफल नै नगरी टेन्डरबिनै कैलालीको लम्कीचुहा नगरपालिकाकी मेयर सुशीला शाहीले आफ्नै शोरुमबाट सरकारी बजेटको दुरुपयोग गर्दै १० वटा भीआईपी मोटरसाइकल खरिद गरेकी छन्। मेयर शाहीले लम्कीमा रहेको जीएसएस ट्रेडर्सबाट ७ वटा एफजेड एक्स मोटरसाइकल र ३ वटा स्कुटर किनेकी हुन्। शाही उक्त कम्पनीकी सञ्चालक हुन्।

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि उनी विवादमा तानिएकी छन्। सार्वजनिक खरिद ऐन छल्न विगत ४ महिनाको अवधिमा उनले पटकपटक गरेर आफ्नो शोरुमबाट वडाअध्यक्षका लागि भनेर सवारी खरिद गरेकी हुन्।

ऐन मिचेर मोटरसाइकल किनेपछि उपमेयरसहित वडाअध्यक्ष र स्थानीयले उनको विरोध गरेका छन्। उपमेयर जुना चौधरीले मेयर शाहीको उक्त निर्णयप्रति आपत्ति जनाइन्। ‘कार्यपालिकामा सवारी खरिदका लागि टेन्डरको प्रस्ताव आएको छैन, छलफल पनि भएको छैन। स्वमर्जी आफ्नै शोरुमबाट सवारी खरिद भएको रहेछ,’ उनले भनिन्। नगरसभाले पालिकामा आवश्यक गाडी र तिनको मर्मतसम्भारका लागि २५ लाख रुपैयाँ रकम छुट्याएकोमा ऐनविपरीत मेयरले आफ्नै शोरुमबाट कसैलाई जानकारी नदिई सवारी खरिद गरेको उनले बताइन्। 

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

खरिद गरिएका मोटरसाइकल एउटाको मूल्य ४ लाख ४० हजार रुपैयाँ रहेको छ। २ वटा बाहेक सबै मोटरसाइकल र स्कुटरको भुक्तानी भइसकेको छ। 

सरकारी बजेटको दुरुपयोग गर्नेगरी मेयरले सवारीसाधन खरिद गरेको भन्दै वडा नम्बर ६ का वडाअध्यक्ष लोकेन्द्र कठायतले मोटरसाइकल लिन अस्वीकार गरेका थिए। सार्वजनिक खरिद ऐनअनुसार सार्वजनिक सूचनामार्फत कोटेशन आह्वान गर्नुपर्नेमा बोलपत्र आह्वान नगरी मेयरले सवारी खरिद गरेको आरोप उनको छ। ‘०७५ सालमा नगरपालिकाले मोटरसाइकल किनेर वडाध्यक्षलाई बाँडेको थियो। अहिले सवारी आवश्यक नै थिएन। त्यसमाथि छलफल नगरी, बोलपत्र आह्वान नगरी मेयरले आफ्नै शोरुमबाट मोटरसाइकल खरिद गर्नुभएको छ, जुन गैरकानुनी  हो,’ उनले भने। 

यसअघि लम्कीचुहा नगरपालिकाले २०७५ जेठमा १० वटै वडाका अध्यक्ष र विभागीय प्रमुखलाई १५० सीसीको १४ थान पल्सर बाइक बाँडेको थियो। 

मोटरसाइकल खरिदबारे विवाद भएपछि वडा नम्बर १ का वडाध्यक्ष नेत्र खनाल र २ का वडाध्यक्ष सन्तोषकुमार ओलीले नगरपालिकालाई नै मोटरसाइकल फिर्ता गरिदिएका छन्। उनीहरुले नगरपालिकाको जिन्सी शाखामा चाबी बुझाएका हुन्।

यस विषयमा बुझ्न मेयर शाहीलाई नेपाल समयले पटकपटक सम्पर्क गर्ने प्रयास गरेकोमा सम्पर्क हुन सकेन।


प्रकाशित: December 5, 2022 | 14:20:13 काठमाडौं, सोमबार, मंसिर १९, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
सुदूरपश्चिम

'पढाइ, कमाइ र दबाइ' अभियान सुरु गर्दै सुदूरपश्चिम सरकार

सुदूरपश्चिम प्रदेशका मुख्यमन्त्री राजेन्द्रसिंह रावलले प्रदेश सरकारले पढाइ, कमाइ र दबाइको अभियान थालिने जानकारी दिएका छन्।
नेपाल समय
सुदूरपश्चिम

सुदूरपश्चिम प्रदेशसभाको बैठक स्थगित

प्रदेशसभा सचिवालयले अर्को सूचना जारी नभएसम्मका लागि आजका लागि तय भएको बैठक स्थगित भएको प्रदेशसभाका सूचना अधिकारी युवराज जैसीले बताए।
नेपाल समय
सुदूरपश्चिम

भूकम्प अपडेट: एकजनाको मृत्यु, सात घर भत्किए

घाँस काट्ने बेला गएको भूकम्पसँगै माथिबाट खसेको ढुंगाले लागेर महिलाको मृत्यु भएको प्रहरीले जनाएको छ।
नेपाल समय
सुदूरपश्चिम

सुदूरपश्चिममा भूकम्पको धक्का, केही घर भत्किए

भूकम्पको धक्काले सुपका केही जिल्लामा क्षति पुगेको अनुमान छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना