सोमबार, असोज १०, २०७९

प्रतिनिधिसभा निर्वाचन : देउवासँग किन नाम जोड्न चाहँदैनन् कर्ण मल्ल?

भीम चौधरी  |  काठमाडौं, शुक्रबार, साउन २७, २०७९

भीम चौधरी

भीम चौधरी

शुक्रबार, साउन २७, २०७९, काठमाडौं

नेपाल समय

धनगढी- डडेलधुरा सधैं चर्चामा रहने जिल्ला हो। प्रधानमन्त्री एवं कांग्रेस सभापति शेरबहादुर देउवाको गृह जिल्ला भएकाले डडेलधुरामा हुने विभिन्न गतिविधिको चर्चा हुने नै भयो।

आगामी मंसिर ४ गते हुने प्रतिनिधिसभा सदस्य निर्वाचनलाई पनि डडेलधुरामा चासोका रुपमा हेरिएको छ। प्रधानमन्त्री देउवासँग डडेलधुरामा कुन पार्टीबाट कसले चुनाव लड्छन् भन्ने विषयले धेरैको ध्यान तानेको हो।

पार्टीभित्रै देउवाको बेला-बेला आलोचना हुने गरेकाले पनि डडेलधुराले धैरैको ध्यान तान्छ। यस पटक त झनै देउवासँग कांग्रेस बीपीका वरिष्ठ उपाध्यक्ष कर्ण मल्लले प्रतिष्पर्धा गर्ने चर्चा छ। कुनै बेला देउवाका विश्वास पात्रका रुपमा रहेका मल्ल उनीसँगै कसरी चुनावी प्रतिस्पर्धा गर्ने मुडमा पुगे भन्ने विषय थप रोचक छ।

कुनै बेला देउवाका 'किचन क्याबिनेट'मा समेत रहेका नेपाली कांग्रेस डडेल्धुराका पूर्व सभापति कर्ण मल्लबीच यतिबेला तित्तता छ। गएको स्थानीय तहको निर्वाचनमा नेकपा एमालेसँग मिलेर मल्लले नेपाली कांग्रेसका उम्मेदवारलाई पराजित गर्न भूमिका खेलेका थिए। यतिबेला उनै मल्ल संघीय निर्वाचनमा सभापति देउवासँग प्रतिष्पर्धा गर्ने सोचमा छन्।

उनी नेकपा एमालेको समर्थनमा कांग्रेस बीपीबाट उम्मेदवार बन्न सक्ने धेरैको आकलन छ। मल्लले नेपाल समयसँग कुरा गर्दै प्रदेशसभामा निर्वाचन नलड्ने बताए। यसले उनी संघीय चुनाव लड्ने पक्का भएको छ।

‘म यस पटक प्रदेशसभा सदस्यमा निर्वाचन लड्दिनँ,’ मल्लले भने, ‘संघमा म कांग्रेस बीपीको चुनाव चिन्ह करुवा लिएर चुनाव लड्ने वा नलड्ने अथवा कुन ठाउँबाट लड्ने वा नलड्ने सबैसँग सल्लाह गरेर निर्णय गर्छु।’ डडेल्धुरा विभिन्न क्षेत्रका व्यक्तिसँग परामर्श गरेर मात्रै आफू चुनाव लड्ने मल्लले बताए।

'यस विषयमा मैले देशभरका शुभचिन्तक साथीभाइसँग पनि सल्लाह गर्ने छु। पार्टीले जे निर्णय गर्छ त्यसलाई मैले आत्मसात् गर्ने सोच बनाएको छु,’ मल्लले भने।

पार्टीभित्रै देउवाको बेला-बेला आलोचना हुने गरेकाले पनि डडेलधुराले धैरैको ध्यान तान्छ। यस पटक त झनै देउवासँग कांग्रेस बीपीका वरिष्ठ उपाध्यक्ष कर्ण मल्लले प्रतिष्पर्धा गर्ने चर्चा छ।

नेपाली कांग्रेसबाट सुदूरपश्चिम प्रदेशसभाका निवर्तमान सदस्यसमेत रहेका मल्लले कांग्रेस बीपीको सदस्य भइसकेपछि पूर्ण रुपमा संघीयता खारेजीको पक्षमा रहेको बताए। ‘आज म बीपीको सदस्य भइसकेपछि पूर्ण रूपमा हामी संघीयता खारेजीको पक्षमा छौं। संघीयताले मुलुकलाई आर्थिक भार मात्रै थुपार्ने काम गरेको छ,' उनले भने। मल्लले प्रदेश सरकारको त कुनै काम नै नरहेको समेत दाबी गरे ।

उनले आफू विगतदेखि जनताको माझमा रहेको र जनभावना अनुसार नै काम गर्ने बताएका छन्। ‘हामी यस पटक सबै निर्वाचन क्षेत्रमा उम्मेदवार उठाउने आन्तरिक तयारीमा छौं,’ मल्लले भने, ‘शेरबहादुर देउवा देशको प्रधानमन्त्री हुनुहुन्छ। उहाँ पहिले निर्वाचन लड्नुहुन्छ कि हुँदैन, लडेपछि कहाँबाट निर्वाचनमा प्रतिष्पर्धा गर्नुहुन्छ भन्ने कुरा उहाँबाट औपचारिक रुपमा आएको छैन। त्यसैले उहाँसँग नाम जोडेर म कुनै कुरा गर्न चाहन्न।’

मल्लले सत्ता गठबन्धनको नाममा देउवाले पाँच दलको बलमा सत्ता कब्जा गर्न खोजेको आरोपसमेत लगाए। गठबन्धनको गठजोड गरेर जसरी पनि सत्ता कब्जा गर्ने हिसाबले देउवा निर्वाचनमा गइरहेको मल्लको आरोप छ।

‘यस्तो अवस्थामा नेकपा एमालेका अध्यक्ष केपी शर्मा ओलीसहित अन्य साना दलसँग मिलेर कांग्रेस बीपी निर्वाचनमा जान सक्ने अवस्था रहन सक्छ,’ उनले भने। नेपाली कांग्रेसले बीपीको सिद्धान्त छोडिसकेको आरोप लगाउँदै उनले कांग्रेस बीपी अब राष्ट्रिय पार्टीको रुपमा अगाडि आउने दाबी गरे।

‘कांग्रेस‍भित्र ठूलो विद्रोह हुने संकेत छ,’ उनले भने, ‘अहिले राष्ट्रियता जुन रुपले धरातलमा छ, त्यो कारणले पनि बीपीको एजेण्डा बीपीकै समकक्षी नेता देवेन्द्रमान शेरचनका छोरा सुशीलमान शेरचनले नेतृत्व गरिरहेका छन्। बीपीलाई नेपाली जनताले आशीर्वाद दिनेछन् अनि देशको राष्ट्रिय पार्टी बनाउनेछन्।’


प्रकाशित: August 12, 2022 | 06:58:31 काठमाडौं, शुक्रबार, साउन २७, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
सुदूरपश्चिम

कञ्‍चनपुरमा डेंगु परीक्षण गर्न किट अभाव

कञ्‍चनपुरमा डेंगुका बिरामीको परीक्षण गर्न किट अभाव हुँदा समस्या भएको छ। सरकारले डेङ्गु परीक्षण निःशुल्क गर्ने भने पनि किट अभाव हुँदा गम्भीर बिरामीको परीक्षण गर्न नसकिएको स्वास्थ्यकर्मीहरू बताउँछन्।
नेपाल समय
सुदूरपश्चिम

सुदूरपश्‍चिम प्रज्ञा प्रतिष्ठानको उपकुलपतिमा डा. टीएन जोशी नियुक्त

सुदूरपश्‍चिम प्रज्ञा प्रतिष्ठानको उपकुलपतिमा डा. टीएन जीशी नियुक्त भएका छन्। सुदूरपश्‍चिम सरकारले डा. जोशीलाई सुदूरपश्‍चिम प्रज्ञा प्रतिष्ठानको उपकुलपति नियुक्त गर्ने निर्णय गरेको हो।
नेपाल समय
सुदूरपश्चिम

कञ्‍चनपुरमा अवैध फार्मेसी बन्द गर्न नगरपालिकाको अल्टिमेटम

कञ्‍चनपुरको दोधारा चाँदनी नगरपालिकाले अवैधरूपमा सञ्चालनमा रहेका फार्मेसीलाई बन्द गर्न एक साताको अल्टिमेटम दिएको छ। नगरपालिकाले बजार अनुगमनको क्रममा अधिकांश फार्मेसी दर्ता बिना नै सञ्चालनमा रहेको पाइएपछि एक साताको समय दिएको हो।
नेपाल समय
सुदूरपश्चिम

धनगढी पुग्यो नवौं राष्ट्रिय खेलकुदको 'रनिङ ट्रफी'

सुदूरपश्चिम प्रदेशका मुख्यमन्त्री त्रिलोचन भट्ट, सामाजिक विकास मन्त्री गोविन्द बोहरा, सुदूरपश्चिम खेलकुद विकास परिषद्का सदस्य सचिव दीपक सिंह, सुदूरपश्चिमका ९ जिल्लाका खेलकुद विकास समितिका अध्यक्ष, खेलाडी, प्रशिक्षक, सुरक्षाकर्मी, रनिङ ट्रफी टुर कार्यदलका संयोजक ओलम्पियन दीपक विष्ट, सदस्यहरु दीपक श्रेष्ठ, मिरा राई र अरुणा शाहीलगायतको उपस्थितिमा ट्रफी प्रदर्शन गरिएको हो।
नेपाल समय
सुदूरपश्चिम

अछामका पहिरोमा १३ जनाको मृत्यु, १० बेपत्ता

अछाममा पहिरोमा परी १३ जनाको मृत्यु भएको छ। अझै १० बेपत्ता छन् भने १० जनालाई उद्धार गरिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना