सोमबार, असोज १७, २०७९

साँफेबगरको मुहार फेर्न कस्सिएकी अधिकारकर्मी पशुपति कुँवर

राज सरगम  |  काठमाडौं, सोमबार, वैशाख २६, २०७९

राज सरगम

राज सरगम

सोमबार, वैशाख २६, २०७९, काठमाडौं

नेपाल समय

काठमाडौं– दुई दशकदेखि छाउगोठ भत्काउने अभियान चलाएकी महिला अधिकारकर्मी पशुपति कुँवरलाई साँफेमा देख्ने स्थानीयले ‘उ.. छाउपडी आई’ भन्ने गर्छन्। यो कुरा कुँवर आफैंले पनि धेरैपटक सुनेकी छन्। र पनि छाउगोठ भत्काउने अभियानमा दृढ संकल्पका साथ अझैसम्म लागिरहेकी छिन् उनी। 

उनै कुँवर यही वैशाख ३० गते हुन लागेको स्थानीय चुनावका लागि घरदैलो कार्यक्रममा खटिएकी छिन्। साँफेबगर नगरपालिकामा नेपाल कम्युनिष्ट पार्टी (एमाले)का तर्फबाट मेयर पदको उम्मेदवार हुन् उनी। यसपटकको स्थानीय तह निर्वाचनमा प्रमुख पदमा महिला प्रतिनिधित्व अपेक्षाकृत भएन। र पनि पशुपति आफूलाई ‘लक्की’ ठान्छिन्।

अछाममा कुल मतदाताको संख्या १ लाख ५६ हजार २८० छ, जसमा साँफेबगर नगरपालिकाभित्र पुरुषको भन्दा ९ सय २ ले महिला मतदाता संख्या बढी छ। कुँवरले मेयरका लागि उम्मेदवारी दिएपछि दिदीबहिनीको बलियो साथ मिलेको बताउँछिन्। महिलाले महिलाकै साथ पाउने उनको विश्वास छ। भन्छिन्, ‘जिल्ला पार्टी कार्यालय अछामले मलाई विश्वास गरेर मेयरको टिकट दियो। अब महिलाले पनि काम गर्न सक्छन् भन्ने गरी साँफेको मुहार फेर्नेछु र सबैलार्इं विश्वास दिलाउन काम गर्नेछु।’

एउटै दलबाट प्रमुख र उपप्रमुखमध्ये एक महिला हुनुपर्ने संवैधानिक व्यवस्था पनि छ। अहिले विभिन्न दलहरूबीच तालमेल भएपछि प्रमुख र उपप्रमुख दुवै पदमा पुरूष हाबी भएको चर्चा पनि चलिरहेको छ। तर, साँफेबगर नगरपालिकामा भने महिला उम्मेदवारमा पशुपति प्राथमिकतामा परिन्। कुँवरले अन्याय, असमानता र विभेदरहित नगर निर्माण र महिला तथा बालबालिकामैत्री नगर बनाउनका लागि आफूले उम्मेदवारी दिएको बताइन्। भनिन्, ‘सबैभन्दा पहिला त हिंसारहित समाज निर्माणमा लाग्नेछु। अन्याय, अत्याचार र कुप्रथाका विरुद्ध आफ्नो अभियानलाई थप सशक्त बनाएर लैजानेछु। त्यसपछि घोषणापत्रमा लेखिएका योजनालाई पूरा गर्ने प्रतिबद्धतामा लाग्नेछु।’

कुँवरले आफ्नै नेतृत्वमा घरेलु सेनिटेरी प्याड उत्पादन गर्न उद्योग स्थापना गरेकै तीन वर्षभन्दा बढी भयो। साँफेबगर एयरपोर्ट बजारका स्थानीय महिलाहरूको समूहमा अहिले पनि ‘दिदीबहिनी जैविक प्याड उद्योग’ले मासिक १४ हजार प्रतिसम्म प्याड उत्पादन गर्दै आएको छ। महिनावारी भएका महिलालाई घरेलु प्याडले सहज बनाएको उनको दावी छ। 

त्यसैगरी कुँवरले पाठेघर खस्ने समस्याबाट पीडित भएका महिलाहरूलाई काठमाडौं ल्याएर उपचारका लागि विभिन्न संघसंस्थासँग समन्वय गर्दै आएकी थिइन्। घरेलु हिंसा, बाल विवाहजस्ता समस्याबाट पीडित महिला तथा समुदायलाई जनचेतना जगाउन विगत एक दशकदेखि सक्रिय रूपमा लागेकी छिन् कुँवर।   

‘संसारका देश समृद्धि भएका बाटो मात्र खनेर होइन,’ उनी भन्छिन्, ‘अघिल्लो स्थानीय सरकारले कति छाउगोठ भत्कायो? अब छाउगोठ कति छन्? बालविवाह कति भयो? बहुविवाहबाट कति पीडित छन्? पाठेघर खस्ने महिला कति छन्? कुपोषित बालबालिका कति छन्? घरेलु हिंसाबाट पीडित कति छन्? विद्यालय छोड्ने किशोर–किशोरी कति छन् र के कारणले विद्यालय छोडिरहेका छन्? बेरोजगार युवा कति छन्? ती कहिलेसम्म पलायन हुने जस्ता समस्याको मुख्य जड खोजेर समस्या समाधान गर्ने कोसिस गर्नेछु।’

साँफेबगर नगरपालिकामा नेपाल कम्युनिष्ट पार्टी (एमाले)का तर्फबाट मेयर पदको उम्मेदवार हुन् उनी। यसपटकको स्थानीय तह निर्वाचनमा प्रमुख पदमा महिला प्रतिनिधित्व अपेक्षाकृत भएन। र पनि पशुपति आफूलाई ‘लक्की’ ठान्छिन्।

विद्यार्थी राजनीतिबाटै साँफेमा चिनिएकी थिइन् कुँवर। उनी नेकपा (एमाले) जिल्ला सदस्यमा क्रियाशील छन्। साँफेबगर नगरपालिकामा गठबन्धनमा दुई दलले उम्मेदवारी दर्ता गराएका छन्। नेकपा माओवादी र नेकपा एमालेबीच तथा कांग्रेस र नेकपा एकीकृत समाजवादीका बीच गठबन्धन भएको थियो। नेकपा एमाले र माओवादीको गठबन्धनबाट नगर प्रमुखमा साझा उम्मेदवार एमालेका तर्फबाट पशुपति कुँवर र उपप्रमुखमा माओवादीका रंग बहादुर ठकुल्लाले उम्मेदवारी दर्ता गराएका हुन्। 

त्यसैगरी नेपाली कांग्रेस र नेकपा एकीकृत समाजवादीका तर्फबाट साझा उम्मेदवार कांग्रेसका राजेन्द्र बहादुर कुँवर र समाजवादीका उपप्रमुखमा शिवबहादुर कुँवर (शिलोज)ले उम्मेदवारी दर्ता गराएका हुन्। २०७४ सालको स्थानीय चुनावमा कुल मतदाता संख्या साँफेबगर नगरपालिकामा १८ हजारभन्दा बढी मतदाता थिए भने २०७९ मा साँफेबगर नगरपालिकामा १० हजार ४६७ पुरुष र ११ हजार ३९६ महिला गरी २१ हजार ८६४ मतदाता छन्।

२०७४ को स्थानीय चुनावमा साँफेबगर नगरपालिकाको मेयरमा एमालेका कुलबहादुर कुँवर विजयी भएका थिए। कुँवरले ५ हजार ८ सय ३५ मत प्राप्त गरी विजयी भएका थिए। तर उनका प्रतिद्वन्द्वी नेपाली कांग्रेसका ध्वजबहादुर कुँवरले ५ हजार ४ सय १२ मतले पराजय व्यहोर्नुपरेको थियो। त्यस्तै उपप्रमुखमा पनि एमालेकै विमला वुडथापाले ५ हजार ९ सय ८४ मत ल्याएर विजय भएकी थिइन्। उनकी निकटतम प्रतिद्वन्द्वी नेपाली कांग्रेसका रूपा आउजीले ५ हजार २ सय ६५ मतले पराजय भएकी थिइन्। माओवादी केन्द्रका प्रमुख पदका उम्मेदवार खगेन्द्र ओडले ५ सय ६३ र उपप्रमुखमा बैजन्ती कुँवरले ५ सय ४९ मत पाएका थिए। 

अहिले एमाले विभाजित भएपछि नेकपा (एस) ले कांग्रेससँग गठबन्धन गरेको हो, जसका कारण एमालेको भोट काटिने सम्भावना देखिन्छ। तर, पशुपति कुँवर आफूले अत्यधिक मतका साथ विजय हुने दाबी गर्दै भन्छिन्, ‘एकीकृत समाजवादीले केही भोट काटे पनि एमाले बलियो छ र गठबन्धनले थप बलियो बनाएको छ। मलाई विश्वास गर्छन् नगरबासीले। उहाँहरूले साथ दिनुभयो भने ढुक्कले जित्छु।’


प्रकाशित: May 9, 2022 | 10:53:48 काठमाडौं, सोमबार, वैशाख २६, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
सुदूरपश्चिम

सुदूरपश्चिम राजधानी कपको उपाधि लुम्बिनी प्रदेशलाई

शनिबार साँझ धनगढी रङ्गशालामा भएको फाइनल खेलमा लुम्बिनी प्रदेशले कर्णाली प्रदेशलाई सडनडेथमा पराजित गर्दै उपाधि जितेको हो।
नेपाल समय
सुदूरपश्चिम

प्रतिकिलो स्याउको ढुवानी भाडा रु ४०

किसानको बारीमै पुगेर प्रतिकिलो रु ३० देखि रु ४० मा थोक मूल्यमा स्याउ खरिद गरेका उनले भने, 'सडकको सुविधा नहुँदा बजारसम्म पुर्‍याउन मुश्किल छ, बारीमा लटरम्म फलेका स्याउ बिक्री हुन नसकेर त्यसै सडेर खेर गएका मात्र नभई पशुचौपायालाई खुवाउनुपर्ने किसानको बाध्यता छ।'
नेपाल समय
सुदूरपश्चिम

सुदूरपश्‍चिममा घुम्ती टोलीमार्फत कोरोना विरुद्धको खोप लगाइँदै

कोरोना भाइरसविरुद्धको खोप लगाउन खटिएको घुम्ती टोलीका स्वास्थ्यकर्मीहरू धनगढीको हसनपुर चोकमा मंगलबार बाटोमा हिँडिरहेका यात्रुलाई खोप लगाउनमा भ्याइनभ्याइमा थियो।
नेपाल समय
सुदूरपश्चिम

एमालेमै फर्कियो नेकपा एसको अछाम जिल्ला कमिटी

जिल्ला कमिटीका पदाधिकारीसहित अन्य नेता कार्यकर्तालाई एमाले महासचिव शंकर पोखरेलले स्वागत गरेका थिए। पार्टी प्रवेश गर्नेमा एकीकृत समाजवादीका जिल्ला अध्यक्ष हिरण्य भट्टराईसहित १७५ सदस्य छन्।
नेपाल समय
सुदूरपश्चिम

कञ्‍चनपुरमा डेंगु परीक्षण गर्न किट अभाव

कञ्‍चनपुरमा डेंगुका बिरामीको परीक्षण गर्न किट अभाव हुँदा समस्या भएको छ। सरकारले डेङ्गु परीक्षण निःशुल्क गर्ने भने पनि किट अभाव हुँदा गम्भीर बिरामीको परीक्षण गर्न नसकिएको स्वास्थ्यकर्मीहरू बताउँछन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना