सोमबार, माघ ३, २०७८
  • गृहपृष्ठ
  • सुदूरपश्चिम
  • सुदूरपश्चिम : आकांक्षीको संख्या बढेपछि सर्वसम्मत बनाउन निर्वाचन कार्यतालिका हेरफेर

सुदूरपश्चिम : आकांक्षीको संख्या बढेपछि सर्वसम्मत बनाउन निर्वाचन कार्यतालिका हेरफेर

नेपाल समय  |  काठमाडौं, शुक्रबार, मंसिर १७, २०७८

नेपाल समय

नेपाल समय

शुक्रबार, मंसिर १७, २०७८, काठमाडौं

नेपाल समय

धनगढी– नेपाली कांग्रेस सुदूरपश्चिम प्रदेशको नेतृत्व चयनका लागि निर्वाचन कार्यतालिका हेरफेर गरिएको छ। निर्वाचन प्रक्रिया बिहानबाट सुरु हुने भनिए सर्वसम्त नेतृत्व चयन गर्ने भर्दै कार्य तालिका हेरफेर गरिएको हो। 

काँग्रेस सुदूरपश्चिम प्रदेशको प्रथम अधिवेशनको उद्घाटन सत्र हिजो धनगढीमा सुरु भएको थियो। सर्वसम्मत नेतृत्व चयनका लागि नेताहरुले समय माग गरेपछि बिहान ८ बजेका लागि तय भएको मनोनय दर्ता लगायतको निर्वाचन तालिका हेरफेर गरिएको प्रचारप्रसार समितिका संयोजक नृपबहादुर सुनारले बताए। 

‘आज बिहान ८ बजेदेखि मनोनयन दर्ता हुने कार्य तालिका तय भएको थियो’ प्रचारप्रसार संयोजक नृपबहादुर सुनारले भने, ‘नेताहरुले सर्व सहमतिमा नेतृत्व चयनका लागि समय माग गरेपछि कार्यतालिका हेरफेर गरीएको हो।’

सुनारले २ बजेसम्म  सहमतिको प्रयास गरिने र सहमति भए÷नभए पनि २ बजेबाट मनोनयन पत्र दर्ता प्रक्रिया सुरु हुने बताए। मनोनयन पत्र दर्ताको समय दिउँसो २ बजेदेखि ४ बजेसम्म, मनोनयन पत्रमाथि दाबी विरोध गर्ने समय साढे ४ देखि ५ बजेसम्म, उम्मेदवारको नाम प्रकाशन गर्ने समय साढे ५ बजेसम्म, उम्मेदवारी फिर्ता लिने समय साढे ५ देखि साढे ६ बजेसम्म र साढे ७ बजे अन्तिम नामावली प्रकाशनको समय तय गरिएको छ। मतदान शनिबार बिहान ८ बजेदेखि गर्ने कार्यसूची छ।

संस्थापन इतरबाट नारायण मिश्र थपिए 

नेपाली कांग्रेस सुदूरपश्चिम प्रदेशको नेतृत्वका लागि आकांक्षीको संख्या थपिँदै गएको छ। हिजोसम्म संस्थापन पक्षका नेता मात्र सभापतिको दौडमा भए पनि निर्वाचन तालिका सार्वजनिक भएसँगै संस्थापन इतरबाट पनि नेतृत्वका लागि दौड सुरु भएको छ।

संस्थापन इतर पक्षबाट कैलालीका नारायणदत्त मिश्रले सभापतिमा उम्मेदवारी दिने बताएका छन्। कांग्रेसका वरिष्ठ नेता रामचन्द्र पौडेलले नै सभापतिमा उम्मेदवारी दिन मिश्रलाई मनाएको नाम नबताउने सर्तमा नेपाली कांग्रेसका एक नेताले बताए। बिहीबारसम्म संस्थापन इतरबाट गोपाल गुरुङलाई सभापतिमा उठाउने चर्चा थियो। 

कांग्रेस नेता नारायणदत्त मिश्र

संस्थापन पक्षबाट प्रदेश सभापतिका लागि यसअघि नै कैलाली जिल्ला सभापति नरनारायण शाह ‘मनु’, पूर्वपरराष्ट्र राज्यमन्त्री अर्जुनजंगबहादुर सिंह, पूर्वसञ्चार राज्यमन्त्री गोविन्दबहादुर शाह, नेविसंघका पूर्व केन्द्रीय उपाध्यक्ष पुष्प शाही, सुदूरपश्चिम प्रदेशसभा सदस्य गोविन्दबहादुर बोहरा, कैलाली क्षेत्र नम्बर २ बाट महाधिवेशन प्रतिनिधि हिमबहादुर रावलले उम्मेदवारी दिने घोषणा गरिसकेका छन्। 

पूर्वमन्त्री बलायरलाई सभापति बनाउने दौडमा नेताहरु

सभापतिका लागि आकांक्षीहरुको संख्या थपिँदै गर्दौ पार्टी सभापति देउवा पक्षका नेताहरु भने पूर्वमन्त्री वीरबहादुर बलायरलाई सर्वसम्मत सभापति बनाउन छलफलमा सक्रिय छन्।

बलायर, कैलालीका सभापति शाह र सुदूरपश्चिम प्रदेशसभा सदस्य बोहरामध्येबाट एक जनालाई सर्वसम्मत रुपमा सभापति बनाउने छलफल चलिरहेको एक नेताले बताए।

प्रमुख दाबेदारका रुपमा देखिएका तीनै जना पार्टी सभापति शेरबहादुर देउवा निकट मानिन्छन्। आकांक्षी मध्येका देउवा पक्षकै पूर्व राज्यमन्त्रीद्वय सिंह र शाहले पनि अहिलेसम्म आफ्नो अडान फिर्ता नलिएको एक नेताले बताए।

उम्मेदवार दस्तुर तोकियो

नेपाली कांग्रेस सुदूरपश्चिम प्रदेश निर्वाचन समिति कैलालीका अनुसार सभापतिका लागि उम्मेदवारी दस्तुर पन्ध्र हजार तोकिएको छ। उप–सभापतिका, महामन्त्री र सह–महामन्त्रीका लागि एघार हजार उम्मेदवारी दस्तुर तोकिएको छ भने सदस्यका लागि पाँच हजार दस्तुर तोकिएको निर्वाचन समिति संयोजक वीरबहादुर जेठाराले बताए।



प्रकाशित: December 3, 2021 | 13:00:36 काठमाडौं, शुक्रबार, मंसिर १७, २०७८
नेपाल समय

नेपाल समय

नेपाल समय
काठमाडौं, शुक्रबार, मंसिर १७, २०७८

थप समाचार

थारु बस्तीमा माघीको रौनक

थारुहरुको महान् चाड माघीपर्वले पश्चिमी तराईका थारु बस्तीमा रौनक देखिएको छ। सुदूरपश्चिम प्रदेशमा कैलाली र कञ्चनपुरमा बसोबास रहेको थारु बस्तीमा माघीको उल्लास छाएको छ।

गौरवका आयोजना केबुलकारदेखि पर्यटन विकाससम्म

बिहीबार आयोजित पत्रकार सम्मेलनमा बुढाकोर्ध फूल चढाउने केबुलकार आयोजना, बूढीगंगा नदी नियन्त्रण तथा जीविकोपार्जन परियोजना, नगरस्तरीय खेलकुद पूर्वाधार विकास आयोजना सञ्चालन गर्ने उपप्रमुख कविता विष्टले बताए।

जिता मार्दै गाउँगाउँमा उल्लास

पश्चिम नेपालको कैलाली, कञ्चनपुर, बर्दिया, बाँके, दाङमा बसोबास गर्ने थारु समुदायले माघीलाई मौलिक संस्कृतिले भरिएको सबैभन्दा ठूलो पर्वको रूपमा लिने गर्दछन्।

बालुवाभित्र लुकाएर ओसारपसार गर्दै गरेको अवस्थामा सालको कडी बरामद

ट्याक्टरमा बालुवाभित्र लुकाइछिपाई ओसारपसार गर्दै गरेको अवस्थामा प्रहरीले सालको कडी बरामद गरेको छ।

भारतबाट फर्केका अधिकांशमा कोरोना पुष्टि

सुदूरपश्चिम प्रदेशमा भारतबाट फर्किएका अधिकांश नेपाली नागरिकमा कोरोना संक्रमण देखिन थालेको छ। सीमा नाकामा परीक्षण गर्दा भारतबाट फर्किएकामा सङ्क्रमण पुष्टि हुन थालेको हो।

सुदूरपश्‍चिममा एकैदिन ३१८ जनामा संक्रमण

गत २४ घण्टामा प्रदेशभर पीसीआर र एन्टिजेन विधिबाट दुई हजार २०५ जनाको नमूना परीक्षण गर्दा ३१८ जनामा सङ्क्रमण पुष्टि भएको स्वास्थ्य निर्देशनालयले जनाएको छ।

ट्रेंडिंग

नेपाल समय
राजनीति

गगन र विश्वप्रकाशः संघर्ष कि सहकार्य?

यसअघि प्रश्न गर्ने ठाउँमा रहेका उनीहरु अब उत्तर दिने ठाउँमा आइपुगेका छन्। त्यसकारण अबको चार वर्ष उनीहरुको अग्निपरीक्षा हुनेछ।
नेपाल समय
शिक्षा

आयोगको परीक्षामा उमेर हद हटाउन राहत शिक्षकको माग

नेपाल राहत शिक्षक केन्द्रीय कार्यसमितिले शिक्षक सेवा आयोगले खुलाएको विज्ञापनमा राहत शिक्षकका लागि उमेरहद हटाउन माग गरेका छन्।
नेपाल समय
समाज

भत्क्यो मण्डला : त्यो घर जहाँबाट दयाहाङ 'स्टार' बने

‘कला र सिर्जनामा सिंगो शक्ति खर्चिएका थियौं। कलाकारको सपनामात्रै होइन मण्डलासँग जोडिएको इतिहास पनि भत्केझैं लाग्छ।’
नेपाल समय
संवाद

एमसीसीमा परराष्ट्रलाई बाइपास गरियो, नेताहरूले नै जनतालाई भ्रमित पारे : प्रा.डा. खड्ग केसी [अन्तर्वार्ता]

एमसीसीमा परराष्ट्र मन्त्रालयलाई बाइपास गरिएको छ भनेपछि कति गैरजिम्मेवार रुपमा यसलाई अघि बढाइएको होला त? एमसीसी हस्ताक्षर हुने समयमा परराष्ट्रलाई सोध्‍नु पर्दैन? अर्थ मन्त्रालयमा मात्रै त्यो विज्ञता थियो?
नेपाल समय
श्रृंखला

पेन्सनपट्टासँगै विगत बन्यो सैनिक हिरासतमा मैले पाएको यातनाको कथा [भिडियोसहित]

नेपाल समयले उनका विषयमा ‘गनले अन्याय, गनले न्याय’ शीर्षकमा श्रृंखलाबद्ध रिपोर्टिङ गरेको थियो। लवकुमार गुरुङले जागिर छाडेपछि हाम्रा सहकर्मी अनिल यादवसँग सुनाएको आफ्नो यातनाको कथा जस्ताको तस्तैः

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2022. Design & Development by Cn’C