बुधबार, असोज १२, २०७९

सुदूरपश्‍चिमका ४ जिल्लाका १८ कैदीको कैद मिनाह

भीम चौधरी  |  काठमाडौं, आइतबार, असोज ३, २०७८

भीम चौधरी

भीम चौधरी

आइतबार, असोज ३, २०७८, काठमाडौं

नेपाल समय

धनगढी- संविधान दिवसको अवसरमा सुदूरपश्चिमका चार जिल्लाका १८ जना कैदीको कैद मिनाह भएको छ। प्रदेशको कैलाली र कञ्‍चनपुर, बझाङ र बैतडी कारागारमा रहेका १८ जना कैदीको कैद मिनाह गरीएको छ।

कञ्‍चनपुर कारागारमा रहेका ७, कैलाली कारागारमा रहेका ६, बझाङ कारागारमा रहेका ४ र बैतडी कारागारमा रहेका १ जना कैदीको कैद मिनाह गरिएको हो। 

कञ्‍चनपुर कारागारमा रहेका कर्तव्य ज्यान मुद्दाका शिवराज भट्ट र प्रेमसिंह भण्डारी, बहुविवाह मुद्दाका रोहित आउजी, करिना विश्वकर्मा, माया चन्द तथा चोरी मुद्दाका खुशीराम चौधरी रहेको कञ्‍चनपुर कारागारकी जेलर माया बस्‍नेत थापाले बताइन्। उनले कञ्‍चनपुर कारागारमा ४०७ जना कैदीबन्दी रहेको बताइन्।

कैलाली कारागारमा रहेका कर्तव्य ज्यान मुद्दाका खेमा कुमारी अर्याल (देवकोटा), रामप्रसाद राना, कृष्णकुमार चौधरी, कृष्ण शर्मा तथा सवारी ज्यान मुद्दाका चक्रबहादुर चौधरी, प्रेमसिंह साउँद रहेको कैलाली कारागारका निमित्त जेलर विरेन्द्रबहादुर बोहराले बताए। उनीहरुले ५० प्रतिशत कैद भुक्तान गरेको निमित्त जेलर बिरेन्द्रबहादुर बोहराले बताए। 

एक वर्ष कैद सजाय तोकिएकी देवकोटाले ६ महिना चार दिन, तीन वर्ष कैद सजाय तोकिएका चक्रबहादुर चौधरीले एक वर्ष ६ महिना दुई दिन, तीन वर्ष कैद सजाय तोकिएका प्रेम सिंह साउँदले एक वर्ष ६ महिना चार दिन र १२ वर्ष कैद सजाय तोकिएका राम प्रसाद रानाले ६ वर्ष एक महिना ९ दिन कैद भुक्तान गरेका छन्। 

यस्तै, २० वर्ष कैद सजाय तोकिएका कृष्ण कुमार चौधरीले ११ वर्ष ६ महिना २६ दिन र २० वर्ष कैद सजाय तोकिएका कृष्ण शर्मा तिवारीले १० वर्ष एक महिना ६ दिन कैद भुक्तान गरेको निमित्त जेलर बोहराले बताए। उनले भने, ‘दुई जना भारतीयसहित ९ जनाको कैद मिनाहका लागि नाम सिफारिस भएकोमा ६ जनाको कैद मिनाह भयो।’ 

हाल कैलाली कारागारमा ३६ महिला, तीन आश्रित बालबालिका र ४५४ जना पुरुष गरेर ४९३ रहेको उनले बताए।

यस्तै, बझाङबाट कर्तव्य ज्यान र बहुविवाह मुदाका दुई-दुई जनाको कैद मिनाह भएको छ। कर्तव्य ज्यान मुद्दाका दुर्गाथली गाउँपालिका वडा नम्बर ५ का चक्र जप्रेल, कर्तव्य ज्यान मुद्धाका मष्टा गाउँपालिका वडा नम्बर ३ का रामचन्द्र खड्का, बहुविवाह मुद्दाका केदारस्युँ गाउँपालिका वडा नम्बर १ का शिवराज भण्डारी र जयपृथ्वी नगरपालिका वडा नम्बर ३ का राजेन्द्र खड्काको कैद मिनाह भएको जिल्ला कारागार बझाङका जेलर धनबहादुर घर्तीले बताए। 

जेलर धनबहादुर घर्तीका अनुसार जप्रेल २०७० असोज २९ गतेदेखि कैद सजाय भोग्दै आएका थिए। उनलाई सर्वोच्च अदालतले १५ वर्ष कैद सजाय तोकेको थियो। उनले सात वर्ष ११ महिना तीन दिन कैद भुक्तान गरेका थिए। खड्का २०७७ साउन ४ गते देखि कैद सजाय भोग्दै आएका थिए। उनलाई जिल्ला अदालत बझाङबाट दुई वर्ष कैद सजाय तोकेकोमा एक वर्ष एक महिना १० दिन कैद सजाय भुक्तान गरेका थिए।

भण्डारी २०७७ साल कात्तिक २७ गतेदेखि कैद सजाय भोग्दै आएका थिए। जिल्ला अदालत बझाङले भण्डारीलाई एक वर्ष कैद सजाय सुनाएको थियो। उनले १० महिना पाँच दिन कैद सजाय भुक्तान गरेका थिए।

 खड्का २०७७ भदौ ९ गते देखि कैद सजाय भोग्दै आएका थिए। जिल्ला अदालत बझाङले खड्कालाई दुई वर्ष कैद सजाय सुनाएको थियो। उनले एक वर्ष २३ दिन कैद सजाय भुक्तान गरेका थिए।

यस्तै, बैतडीमा कर्तव्य ज्यान मुद्दाका एक जना कैदीको कैद मिनाह भएको छ। मेलौली नगरपालिका वडा नम्बर १ का ललित भनिने सूर्य दयालको कैद मिनाहा भएको जिल्ला कारागार बैतडीले जनाएको छ। आठ वर्ष दुई महिना कैद भुक्तान गरेका दयालको बाँकी पाँच वर्ष दुई महिना कैद मिनाहा भएको जिल्ला कारागार बैतडीका जेलर अनिल तिवारीले बताए। उनी २०७० साल श्रावण ४ गते कर्तव्य ज्यान मुद्दामा कारागार चलान भएका थिए।

राष्ट्रपति विद्यादेवी भण्डारीले संविधान दिवसको अवसरमा देशभरबाट ५३१ जनाको कैद मिनाह गरी माफी दिएकी हुन्। नेपालको संविधानको धारा २७६, फौजदारी कसुर (सजाय निर्धारण तथा कार्यान्वयन) ऐन, २०७४, ज्येष्ठ नागरिक सम्बन्धी ऐन, २०६३, सर्वोच्च अदालतले २०७७ साउन १९ गते गरेको फैसला लगायतका आधारमा मन्त्रिपरिषद्को सिफारिसमा उनीहरूको कैद मिनाहा गरी माफी दिइएको हो।


प्रकाशित: September 19, 2021 | 19:29:50 काठमाडौं, आइतबार, असोज ३, २०७८

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
सुदूरपश्चिम

सुदूरपश्‍चिममा घुम्ती टोलीमार्फत कोरोना विरुद्धको खोप लगाइँदै

कोरोना भाइरसविरुद्धको खोप लगाउन खटिएको घुम्ती टोलीका स्वास्थ्यकर्मीहरू धनगढीको हसनपुर चोकमा मंगलबार बाटोमा हिँडिरहेका यात्रुलाई खोप लगाउनमा भ्याइनभ्याइमा थियो।
नेपाल समय
सुदूरपश्चिम

एमालेमै फर्कियो नेकपा एसको अछाम जिल्ला कमिटी

जिल्ला कमिटीका पदाधिकारीसहित अन्य नेता कार्यकर्तालाई एमाले महासचिव शंकर पोखरेलले स्वागत गरेका थिए। पार्टी प्रवेश गर्नेमा एकीकृत समाजवादीका जिल्ला अध्यक्ष हिरण्य भट्टराईसहित १७५ सदस्य छन्।
नेपाल समय
सुदूरपश्चिम

कञ्‍चनपुरमा डेंगु परीक्षण गर्न किट अभाव

कञ्‍चनपुरमा डेंगुका बिरामीको परीक्षण गर्न किट अभाव हुँदा समस्या भएको छ। सरकारले डेङ्गु परीक्षण निःशुल्क गर्ने भने पनि किट अभाव हुँदा गम्भीर बिरामीको परीक्षण गर्न नसकिएको स्वास्थ्यकर्मीहरू बताउँछन्।
नेपाल समय
सुदूरपश्चिम

सुदूरपश्‍चिम प्रज्ञा प्रतिष्ठानको उपकुलपतिमा डा. टीएन जोशी नियुक्त

सुदूरपश्‍चिम प्रज्ञा प्रतिष्ठानको उपकुलपतिमा डा. टीएन जीशी नियुक्त भएका छन्। सुदूरपश्‍चिम सरकारले डा. जोशीलाई सुदूरपश्‍चिम प्रज्ञा प्रतिष्ठानको उपकुलपति नियुक्त गर्ने निर्णय गरेको हो।
नेपाल समय
सुदूरपश्चिम

कञ्‍चनपुरमा अवैध फार्मेसी बन्द गर्न नगरपालिकाको अल्टिमेटम

कञ्‍चनपुरको दोधारा चाँदनी नगरपालिकाले अवैधरूपमा सञ्चालनमा रहेका फार्मेसीलाई बन्द गर्न एक साताको अल्टिमेटम दिएको छ। नगरपालिकाले बजार अनुगमनको क्रममा अधिकांश फार्मेसी दर्ता बिना नै सञ्चालनमा रहेको पाइएपछि एक साताको समय दिएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना