बिहीबार, मंसिर २२, २०७९

दार्चुला बाढीपहिरो : तीनको मृत्यु, दुई बेपत्ता

घाइते २ लाई हेलिकोप्टरमार्फत् धनगढी ल्याइयो
नेपाल समय  |  काठमाडौं, सोमबार, भदौ १४, २०७८

नेपाल समय

नेपाल समय

सोमबार, भदौ १४, २०७८, काठमाडौं

नेपाल समय

धनगढी- दार्चुलामा बाढीपहिरोमा परेर तीन जनाको मृत्यु भएको छ। आइतबार राति आएको बाढीपहिरोमा परेर दुई जना बेपत्ता भएका छन् भने दुई जना घाइते भएका हुन्।

बाढीपहिरोले जिल्लाको दुहँ गाउँपालिका र महाकाली नगरपालिकामा भौतिक क्षति समेत गरेको छ। पहिरोले घर पुरिँदा दुहँ गाउँपालिका–१ बासपालिकाका नरसिंह महर र उनकी श्रीमती कौशा महरको मृत्यु भएको छ।

सुतिरहेको अवस्थामा राति घरमाथिबाट खसेको पहिरामा पुरिएर उनीहरुको मृत्यु भएको जिल्ला प्रहरी कार्यालय दार्चुलाका प्रहरी नायब उपरीक्षक मनोहरप्रसाद भट्टले बताए। 

सोही गाउँपालिकाको वडा नम्बर ५ दुल्लामा बाढीले बगाउँदा मनुवा डडालको मृत्यु भएको छ। राति १० बजेतिर कालागाड खोलामा आएको बाढीले उनलाई घरैसहित बगाएको प्रहरी नायव उपरीक्षक मनोहरप्रसाद भट्टले बताए।

स्थानीय लोकेन्द्रबहादुर बमका अनुसार दुहुँ गाउँपालिका–१, पिपलचौरीमा दुई वटा घर पूर्ण रुपमा क्षति भएको छ भने २५ बढी घर पहिरोको उच्च जोखिममा छन्। वडा नम्बर २ को सिमार खोला १८ किलोवाट, वडा नम्बर ५ को कालागाड ३४ किलोवाट र कालागाड दोस्रो ४० किलोवाट जलविद्यूतमा समेत क्षति पुगेको बमले बताए। बाढीले ५ वटा झोलुङ्गे पुल र आधा दर्जन बढी पानी घट्ट समेत बगाएको उनले बताए।

सोही गाउँपालिका वडा नम्बर ३ निजाङगाडमा बाढीले बगाउँदा दुई जना बेपत्ता हुन्। निजाङगाड खोलाको बाढीले बगाउँदा शेरसिंह कार्की र हरकसिंह कार्की बेपत्ता भएको स्थानीय दिलिपसिंह कार्कीले बताए। सोही खोलाले दार्चुला–तिंकर सडक खण्ड अन्तर्गत मोटरेबल पुल, दुई वटा झोलुङ्गे पुल, आधा दर्जन घर तथा पसल समेत बगाएको दिलिपसिंह कार्कीले बताए।पुल बगेपछि दुहुँ र व्याँस गाउँपालिकाबीच सम्पर्कविच्छेद भएको उनले बताए। निजाङगाड खोलाले वडा नम्बर ३ श्रीवगडका पूर्णबहादुर बम, नरेन्द्रबहादुर बम, दिपक बम, रणबहादुर बम, धिरेन्द्र बम र शेरबहादुर बमको घर बगाएको बताइएको छ।

यस्तै, महाकाली नगरपालिका–१ श्रीबगडका देवबहादुर बम, अमरबहादुर बम, सुन्दरबहादुर बम र जीतबहादुर बमको होटल तथा पसल बगाएको छ।

निजाङगाड खोला नजिकै रहेको अपि नाम्पा संरक्षण क्षेत्र कार्यालयको रेन्जपोष्ट भवनको आधा भाग बगाएको छ। राति २ बजेबाट आएको बाढीले श्रीबगड क्षेत्रका खेतबारी समेत ठूलो नोक्सान गरेको बताइएको छ।

अपि हिमाल गाउँपालिकामा बाढिले तीन वटा पुल बगाएको छ।गएको राति अविरल वर्षाका कारण आएको बाढीले गाउँपालिकाको वडा नम्बर १ र वडा नम्बर ६ मा पुल बगाएको छ।

रिगुर खोलामा आएको बाढीले ककनाडी र चौकीबगडमा रहेको झोलुङ्गे पुल बगाएको वडा अध्यक्ष गामसिह धामीले बताए। पुल बगाएपछि आवतजावतमा समस्या भएको उनले बताए।वडा नम्बर १ मा रहेको काठे पुल समेत बाढीले बगाएको उनले बताए।

बाढीले निर्माणाधीन ४० मेगावाट क्षमताको अपि पावर कम्पनीले निर्माण गरिरहेको माथिल्लो चमेलियाको ड्याम साइडमा चमेलिया नदीले क्षति पुगाएको छ। अपि गाउँपालिकाको ओखल नजिकै निर्माण भइरहेको ड्याम क्षेत्रमा पूरै बालुवा माटो भरिएको छ भने निर्माणस्थलमा रहेका स्काभेटर, टयाक्टर, र निर्माण सामग्रीमा समेत क्षति पुगेको प्रहरी नायव उपरीक्षक भट्टले बताए।

खानेपानीको हाहाकार

निजाङगाड खोलाले खानेपानीको मुहान र पाइप बगाए पछि श्रीवगड क्षेत्रमा खानेपानीको हाहाकार भएको छ। वानाला खानेपानी योजनाबाट महाकाली नगरपालिका–१ श्रीवगड र दुहुँ गाउँपालिका–३ श्रीवगडमा खानेपानी ल्याइएको थियो।

महाकाली नगरपालिकाको श्रीवगडमा ४० परिवारको बसोबास छ भने दुहुँको श्रीवगडमा १५ परिवार बस्दै आएको स्थानीय मानबहादुर बमले बताए। मुहान र पाइपलाइन बगाएपछि गाउँमा पानीको हाहाकार भएको बमले बताए।पानी नहुँदा खाना पकाउँन समेत समस्या भएको उनले बताए। 

पहिरोमा परी घाइते भएका दुई जनालाई हेलिकोप्टरमार्फत उद्धार गरिएको छ। दुहुँ गाउँपालिका वडा नम्बर ५ का जनक पार्की र उजेली डडाललाई नेपाली सेनाको हेलिकोप्टरमार्फत उपचारका लागि हेलिकोप्टरमार्फत धनगढी ल्याइएको हो। उनीहरुको सेती प्रादेशिक अस्पतालमा उपचार भइरहको छ। 


प्रकाशित: August 30, 2021 | 21:30:01 काठमाडौं, सोमबार, भदौ १४, २०७८

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
सुदूरपश्चिम

डोटीमा बालकसहित चितुवाको आक्रमणबाट पाँच जना घाइते

मंगलबार साँझ साढे बेलुका जिल्लाको पूर्विचौकी गाउँपालिका वडा नम्बर-५ बटाला गाउँका पाँच जना चितुवाको आक्रमणबाट घाइते भएका हुन्।
नेपाल समय
सुदूरपश्चिम

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।
नेपाल समय
सुदूरपश्चिम

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।
नेपाल समय
सुदूरपश्चिम

सुदूरपश्चिम प्रदेशसभा सदस्यमा अधिकांश नयाँ अनुहार

स्वतन्त्र उम्मेदवारी दिएर प्रदेशसभा सदस्यमा निर्वाचित भएका डा तारा जोशी पनि नयाँ हुन्। प्रदेशसभामा ५३ सदस्य रहेका छन्। प्रत्यक्षतर्फको बाजुराको दुई नतिजा र समानुपातिकको २१ सदस्यको नतिजा आउन बाँकी छ।
नेपाल समय
सुदूरपश्चिम

जसले प्रचण्डकी बुहारी बिनालाई २०७४ मा जिताए, अहिले हराए

नेकपा एमाले चिरा परेसँगै माधवकुमार नेपाल नेतृत्वको नेकपा एसतिर लागेका तामाङ सुदूरपश्चिम प्रदेशको आर्थिक तथा मामिलामन्त्री भएकै बेला पदबाट गलहत्याइए। पछि पुरानो घर एमाले फर्किनासाथ चुनावमा टिकट पाएर बिना मगरलाई हराए।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना