बिहीबार, माघ १९, २०७९

प्रदेश र प्रतिनिधिसभामा मोरङबाट १२ जनाको डेब्यु

नेत्र पी अधिकारी  |  काठमाडौं, आइतबार, मंसिर ११, २०७९

नेत्र पी अधिकारी

नेत्र पी अधिकारी

आइतबार, मंसिर ११, २०७९, काठमाडौं

नेपाल समय

विराटनगर– गत मंसिर ४ गते सम्पन्न निर्वाचनको मोरङमा प्रदेश र प्रतिनिधिसभाका १८ वटै निर्वाचन क्षेत्रको अन्तिम मतपरिणाम सार्वजनिक भएको छ। अन्तिम परिणाम अनुसार मोरङमा प्रतिनिधिसभामा २ र प्रदेशसभामा १० जना पहिलो पटक संसद प्रवेश गर्दैछन्। प्रदेशसभा पहिलो पटक प्रवेश गर्ने एक जना संविधानसभा सदस्य पनि छन्। प्रतिनिधिसभामा ४ र प्रदेशसभा २ जना यसअघि नै संसद प्रवेश गरिसकेका छन्।

को–को पुग्दैछन् पहिलो पटक प्रतिनिधिसभामा?
प्रतिनिधिसभा तर्फ ६ क्षेत्र रहेको मोरङबाट २ जना पहिलो पटक संसदमा पुग्दैछन्। क्षेत्र नं. ३ बाट निर्वाचित डा. सुनिल शर्मा पहिलो पटक संसदमा पुग्दैछन्। ०७४ को निर्वाचनमा एमालेका भानुभक्त ढकालसँग पराजित भएका कांग्रेसका शर्मा ५ वर्षपछि ढकाललाई नै पराजित गर्दै पहिलो पटक संसदको यात्रा गर्दैछन्।

क्षेत्र नंं ५ का योगेन्द्र मण्डल (जोगी) पहिलो पटक प्रतिनिधिसभा सदस्यका रुपमा संसदमा पुग्दैछन्। सामाजिक अभियान्ता मण्डल सत्ता र प्रतिपक्षी दुवै गठबन्धनका उम्मेदवारलाई पराजित गर्दै पहिलो पटक संसदमा प्रवेश गर्दैछन्। स्वतन्त्र उम्मेदवार मण्डलले निवर्तमान प्रतिनिधिसभा सदस्य तथा पूर्व मन्त्री नेकपा माओवादी केन्द्रका नेता शिवकुमार मण्डललाई पराजित गरि संसदको यात्रा तय गरेका हुन।

मोरङ १ बाट निर्वाचित नेपाली कांग्रेसका मोरङ सभापति डिगबहादुर लिम्बु, क्षेत्र नं. २ बाट निर्वाचित एमाले मोरङका अध्यक्ष ऋषिकेश पोखरेल २०७० को संविधानसभा सदस्यमा निर्वाचितहुँदै संसदमा पुगिसकेका छन्। दुवैजनाले ५ वर्ष पछि संसदको यात्रा पुनः तय गरेका हुन्। क्षेत्र नं. ४ बाट निर्वाचित अमनलाल मोदीको संसद प्रवेशमा ह्याट्रिक गरेका छन्।
०७० मा समानुपातिक सांसदका रुपमा संसदमा पुगेका मोदी २०७४ र ०७९ मा प्रत्यक्षबाट निर्वाचित सांसद हुन। उनी ०७० देखि लगातार संसदमा पुग्ने मोरङको एक मात्र सांसद भएका छन्। मोरङ ६ बाट निर्वाचित नेपाली कांग्रेसका नेता डा. शेखर कोइरालाको संसद प्रवेश यो तेश्रो हो। ०६४ को संविधानसभाको उपनिर्वाचनबाट संसदको यात्रा तय गरेका डा. कोइराला ०७० को संविधानसभा र ०७९ को प्रतिनिधिसभा सदस्य निर्वाचनमा विजयी भए। ०७४ मा एमालेका लालबाबु पण्डितले कोइरालालाई पराजित गरेका थिए। यस पटक डा. कोइरालाले उनै पण्डितलाई पराजित गरिदिए।

प्रदेशसभामा पुग्ने १० जना को को हुन्?
प्रदेशसभा तर्फ मोरङबाट १० जनाले पहिलो पटक संसद भवनमा प्रवेश गर्दैछन्। मोरङ १ (क) बाट निर्वाचित उमाकान्त गौतम पहिलो पटक प्रदेशसभाको यात्रा तय गरेका हुन्। एमाले उर्लाबारी नगर कमिटीका पूर्व अध्यक्ष गौतमले निवर्तमान प्रदेशसभा सदस्य माओवादी केन्द्रका कुशल लिम्वुलाई पराजित गरेका हुन्। १ (ख) बाट निर्वाचित खड्ग बस्नेत पनि पहिलो पटक संसदमा पुग्दैछन्।

मोरङका पूर्व जिल्ला विकास सभापति समेत रहेका एमाले उम्मेदवार वस्नेतले प्रदेशका बहालवाला सञ्चार तथा यातायात मन्त्री नेकपा एकिकृत समाजवादीका उपेन्द्रप्रसाद घिमिरेलाई पराजित गरेका हुन्। मोरङ २ (क) बाट निर्वाचित माओवादी केन्द्रका गणेश उप्रेती पनि पहिलो पटक संसद भवनमा प्रवेश गर्दैछन्। ०७४ को प्रदेशसभा निर्वाचन तथा संविधानसभा निर्वाचनमा पराजित भएका उप्रेती एमाले उम्मेदवार डिवी कार्कीलाई पराजित गर्दै संसदको यात्रा तय गरेका हुन्।

मोरङ ३ (क) बाट मानप्रसाद लिम्वु र ३ (ख) बाट निर्वाचित ज्ञानेन्द्र सुवेदी पहिलो पटक प्रदेशसभामा पुग्दैछन्। लिम्वुले कांग्रेस उम्मेदवार तथा बहालवाला वन तथा वातावरण मन्त्री शेखरचन्द्र थापाको निधनपछि टिकट पाएका थिए। उनले पथरीशनिश्चरे नगरपालिकाका निवर्तमान प्रमुख किशोर राईलाई पराजित गरेका हुन। ३ (ख) बाट एमालेका सुवेदीले एकिकृत समाजवादीका लक्ष्मी श्रेष्ठलाई पराजित गर्दै संसदको यात्रा तय गरेका हुन्। सुकुना माविका पूर्व प्रधानाध्यापक समेत रहेका श्रेष्ठलाई पराजित गर्दै बेलबारी नगरपालिकाका पूर्व प्रमुख सुवेदीले पहिलो पटक प्रदेशसभामा प्रवेश गर्दैछन्।

मोरङ ४ (क) बाट जयप्रकाश चौधरी र (ख) बाट निर्वाचित भीम पराजुली पनि पहिलो पटक प्रदेशसभाको यात्रा तय गरेका हुन्। एमालेका चौधरीले नेविसंघका पूर्व सभापति गुरुराज घिमिरेलाई पराजित गरे भने ४ (ख) का पराजुलीले प्रदेश सरकारका पूर्व मन्त्री एमालेका केन्द्रीय सदस्य जीवन घिमिरेलाई पराजित गरे। सामाजिक क्षेत्रमा लामो समय विताएका चौधरी र विराटनगर महानगरपालिकाका पूर्व प्रमुख पराजुली पहिलो पटक प्रदेशसभाको यात्रा तय गरेका हुन्।

५ (क) का गयानन्द मण्डल र ५(ख) का अमृत अर्यालको पनि प्रदेश सभाको यात्रा पहिलो हो। नेपाली कांग्रेसका मण्डल ०६४, ०७० को संविधानसभा निर्वाचिनमा पराजित भएका थिए। संविधानसभा सदस्य हुन नपाएका मण्डल पहिलो पटक प्रदेशसभामा पुग्ने भएका हुन्। ५ (ख) बाट निर्वाचित अर्यालको प्रदेशसभाको यात्रा पहिलो भएपनि प्रतिनिधिसभामा पुगिसकेका व्यक्ति हुन्।
०७० मा संविधानसभा सदस्यमा निर्वाचित अर्यालले प्रदेशका बहालवाल स्वास्थ्य मन्त्री जसपाका उम्मेदवार जयराम यादवलाई पराजित गर्दै प्रदेशसभाको यात्रा तय गरेका हुन्। मोरङका ६ (क) बाट निर्वाचित माओवादी केन्द्रका जीवन आचार्य पहिलो पटक प्रदेशसभामा पुग्दैछन्। ०७४ को प्रदेशसभा सदस्य निर्वाचनमा पराजित आचार्य यस पटक एमाले उम्मेदवार रीता न्यौपानेलाई पराजित गर्दै प्रदेशसभाको यात्रा तय गरेका हुन्।

०७४ को प्रदेशसभा सदस्यमा निर्वाचित दुई जना सांसद मात्रै मोरङबाट पुनः निर्वाचित भएका छन्। क्षेत्र नं. २(ख) बाट एमाले उम्मेदवार लीलाबल्लव अधिकारी र ६ (ख) बाट निर्वाचित केदार कार्की संसदमा पुनः दोहोरिएका हुन्। पूर्व आन्तरिक मामिला तथा कानुन राज्य मन्त्री अधिकारीले कांग्रेसका विनोद कार्की र बहालवाला आन्तरिक मामिला तथा कानुन मन्त्री कार्कीले एमालेका पर्शुराम वस्नेतलाई पराजित गर्दै पुनः प्रदेशसभाको यात्रा तय गरेका हुन्।

प्रकाशित: November 27, 2022 | 09:32:58 काठमाडौं, आइतबार, मंसिर ११, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
प्रदेश न. १

खेलकुदमा सुधार गरी उपलब्धि हासिल गर्न सकिन्छ : गोकुल बाँस्कोटा

नेपाल खेलकुद महासङ्घको दोस्रो महाधिवेशनको तयारी सम्बन्धमा आज यहाँ आयोजित पत्रकार सम्मेलनमा पूर्वमन्त्री बाँस्कोटाले मुलुकको खेलक्षेत्रको राष्ट्रिय नीतिका तयार गर्नुपर्नेमा जोड दिए।
नेपाल समय
प्रदेश न. १

गुणस्तरीय शिक्षाका लागि निजी क्षेत्रको भूमिका महत्वपूर्ण : मुख्यमन्त्री कार्की

उच्च शिक्षालय तथा माध्यमिक विद्यालय सङ्घ नेपाल मोरङ (हिसान)द्वारा आयोजित खेलकुद सप्ताह–२०७९ को समापन गर्दै उनले शिक्षा क्षेत्रमा सरकारले गर्नुपर्ने लगानी निजी क्षेत्रले विद्यालयहरू सञ्चालनका लागि गरेको उल्लेख गरे।
नेपाल समय
प्रदेश न. १

व्यावसायिक असफलतामा अप्रिय निर्णय नलिन उद्योग संगठन मोरङको अपिल

इलामका व्यवसायी प्रेमप्रसाद आचार्य र विराटनगरका व्यवसायी मोहन न्यौपानेको घटनाले सम्पूर्ण उद्योगी व्यवसायीका साथै देशलाई नै स्तब्ध पारेको उद्योग संगठन मोरङले बताएको छ।
नेपाल समय
प्रदेश न. १

ऋणको भार थेग्न नसकेर विराटनगरका व्यवसायीले आत्महत्या गरे

विराटनगरको शनी रोडमा इलेक्ट्रिक पसल सञ्चालन गर्दै आएका न्यौपानेलाई आफ्नै घरमा झुण्डिएको अवस्थामा फेला पारिएको जिल्ला प्रहरी कार्यालय मोरङले बताएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना